Fegl parochial november-december 2014

Fegl
parochial
Breil
Dardin
Danis/Tavanasa
november-december 2014
INFORMAZIUNS ADMINISTRATIVAS
Sanaziun Casa pervenda Breil
Las lavurs da sanaziun van encunter la fin e cun
l’entschatta november vegnan las localitads da
biro retratgas. Era las duas habitaziun stattan
cuort avon la realisaziun. Per dar investa allas
duas habitaziuns e localitads da biro envida la
cummisiun da baghegiar vischinas e vischins
tier in di dallas portas aviartas.
Il di dallas portas aviartas
en Casa Pervenda ha liug, sonda ils 15 da
november 2014 naven dallas 09.00 tochen las
11.30 uras. En quei connex vegn Sur Marcus
Flury, ca allas 11.00 uras, a benedir la casa per
la nova funcziun sco casa d’abitar per nies
plevon, per in ulteriur affitader e per localitads
da biro per l’administraziun da nossas treis
pleivs.
Habitaziun Casa pervenda Breil
La nova habitaziun el plaun terren da 3 1/2 stanza ei libra per l’affitaziun. La
habitaziun ha ina surfatscha da 100m2, ina cuschina cun modern indrez, in grond
balcun, maschina da lavar e schigentar resti, in tschaler, garascha e direct access
tiel curtgin che sa era vegnir utilisaus sco jert.
Clutger baselgia Breil
El decuors dil davos onns han differents disturbis vid il system da pilotadi dil tuchiez
procurau per adina dapli reparaturas e caschunau cuost. Il system existent datescha
digl onn 1964. Per prevegnir vinavon a reparaturas e cuosts sefa in remplazament
digl entir indrez da pilotadi da basegns. El medem mumment vegnan era las
schalusias dil clutger sin l’azada dil tuchiez remplazadas. La construcziun existenta
en lenn ei per part marscha ed il schurmetg encunter plievgia e neiv ei
nunsufizients. La consequenza ei che la construcziun dalla sutga dils zenns pitescha
donn entras aua e l‘aura. Aschi lunsch ch’il temps lubescha, vegnan quellas lavurs
exequidas el decuors da quest atun.
Mutaziun persunalas en diversas incaricas
-
-
Sur Marcus Flury stat vinavon a disposiziun sco plevon administratur duront
la fasa transitorica entochen ch’il niev plevon Sur Marcel Köhle surpren nossas
treis pleivs. La nominaziun da Sur Marcus Flury sco plevon administratur ei
decretada entras igl ordinariat episcopal pil temps naven digl 1. d’october
2014 entochen ils 31 da fenadur 2015.
Per la rumida da neiv pigl access tier la baselgia parochiala a Breil ei da niev
sgr. Arthur Risch responsabels.
Il pensum d‘archivar per tuttas treis pleivs vegn exequius entras scolast
Michael Friberg.
Adressas
Plevon administratur: sur Marcus Flury, Glion
en cass urgents
081 544 58 24
079 703 54 82
Uffeci parochial:
Claudia Bundi e Flurina Cavegn
Cadruvi 33, 7165 Breil
081 941 17 18
www.pleivs-breil.ch
[email protected]
ORAZIUN
Dieus regali a mi la pazienzia,
dad acceptar quei che selai buca midar.
Dieus regali a mi la curascha,
da midar quei ch’jeu sai midar.
Dieus regali a mi la sabientscha,
da distinguer igl in digl auter.
CALENDER LITURGIC
NOVEMBER 2014
Numnasontga
so, 01-11-2014
09.30 messa a Danis
sur Marcus
10.45 messa a Breil cun viseta dil santeri
Di dallas olmas
viseta dil santeri
du, 02-11-2014
09.15 messa a Dardin
10.45 messa a Danis
sur Marcus
Dumengia dils pievels, dumengia da suppa a Danis
du, 09-11-2014
09.30 messa a Dardin
sur Alexi Manetsch
10.45 messa a Breil
11.00 s.d. dil Plaid a Danis e silsuenter gentar da suppa
33. dumengia ordinaria, sonda/dumengia da suppa a Dardin e Breil
so, 15-11-2014
du, 16-11-2014
18.00 s.d. Plaid a Dardin e silsuenter tscheina da suppa
10.00 messa a Danis
sur Marcus
11.00 s.d. dil Plaid a Breil e silsuenter gentar da suppa
Dumengia da Cristus Retg
du, 23-11-2014
09.30 messa a Dardin
10.45 messa a Breil
sur Giusep
09.30 messa a Danis
10.45 messa a Dardin
sur Marcus
1. Advent
du, 30-11-2014
DECEMBER 2014
2. Advent
so, 06-12-2014
du, 07-12-2014
17.00
18.00
09.30
10.45
devoziun a Dardin cun viseta dil Sontgaclau
devoziun a Danis cun viseta dil Sontgaclau
messa a Danis
sur Alexi Manetsch
messa a Breil
3. Advent
du, 14-12-2014
09.30 messa a Dardin
10.45 messa a Breil
sur Giusep
Rorate
me, 17-12-2014
06.30 s.d. da rorate en tuttas treis pleivs, silsuenter solver
4. Advent
du, 21-12-2014
09.30 messa a Danis
10.45 messa a Dardin
sur Marcus
20.30 messa a Danis
22.00 messa a Breil
sur Tarcisi
sur Giusep
09.30 messa a Breil
11.00 messa a Dardin
sur Alexi Manetsch
10.45 messa a Danis
sur Marcus
Nadal-Notg
me, 24-12-2014
Fiasta da Nadal
gi,
25-12-2014
Sogn Stiafen
du, 26-12-2014
Dumengia dalla sontga Famiglia
du, 28-12-2014
09.30 messa a Dardin
10.30 s.d. da famiglia a Breil
sur Marcus
gidontra pastorala
Sogn Silvester
me, 31-12-2014
17.00 devoziun d’engraziament per la fin digl onn
Daniev
gi, 01-01-2015
09.30 messa a Danis
10.45 messa a Dardin
Communiun a casa
Ina ga al meins viseta la gidontra pastorala Claudia Bundi ils
malsauns ed attempai che san buca prender part al
survetsch divin en baselgia. Nus supplichein confamigliars ni
vischins da contactar igl Uffeci parochial, sche quei
survetsch ei giavischaus.
sur Marcus
Pelegrinadi dallas pleivs da Breil / Dardin e Danis-Tavanasa
alla Cartusia Ittingen, ils 19 d’october 2014
Igl ei stau dumengia endamaun a bun’ura. Il sulegl matutin dorava gia il pez Tumpiv cun
ses radis atunils. Sin mintga fermada d’igl auto da posta han pelegrinas e pelegrins da
nossas pleivs ascendiu quel per semetter sin viadi viers nies liug da destinaziun Ittingen.
Nies autist Armin Bundi ha beneventau nus ed engraziau d’astgar far viadi cun nos
parochians.
Medemamein han nossas preziadas organisaturas Flurina ed Annadora demussau grond
plascher ch’in bi diember parochianas e parochians han dau suatientscha agl invit dil post
pastoral e dalla cuminonza da pleiv. Deplorablamein han nos plevons igl administratur Sur
Marcus ed il plevon gidonter Sur Giusep seschau perstgisar. Omisdus ein stai engaschai en
autras pleivs.
Cun in laud a Diu ed in salit a nossa cara mumma Maria vein nus tschentau il pelegrinadi
sut lur protecziun. Per che nus hagien in maletg dalla Cartusia ha Flurina dau ina detagliada
survesta da quella claustra.
Ittingen damaneivel da Warth el cantun Turgovia ei stau l’anteriura claustra dils cartuisans.
Oz ei Ittingen in center da seminaris cun museum,hotel, bein puril ed ina stizunetta. La
cartusia Ittingen ei pli che 850 onns veglia. Igl anteriur casti ei vegnius midaus igl onn 1150
en ina claustra. L’entschatta han paders Augustins viviu leu. La claustra era ida pulit en
decadenza ed ils commembers d’igl uorden cartuisan han lu surpriu ella igl onn 1461. Igl
uorden cartuisan pretenda igl eremitadi. Aschia han els construiu 14 casettas che survevan
sco cellas. Cheu vivevan cussadents senza contact cul pievel en silenci , isolaziun ed
oraziun. Lur claustra-mumma sesanflava a La Chartreuse en la vischinonza da Grenoble.
Lur fundatur ei stau sogn Bruno. La devisa dils paders ei d’anflar Diu entras silenzi e
retratgadad. Lur casettas consistevan ord quater spazis: All’intrada dalla cella ei il pierti che
colligia la casetta cul zuler dalla crusch che senumna “Ave Maria”. Il spazi principal consista
ord ina meisa da lavur, dasperas ina stanza cun ina meisa da magliar, in pign oratorium,
ina scaffetta ed in letg da strom ed aunc ina pegnetta. Per scaldar quella stueva il
cussadent sez procurar per lenna. Per salavar vevan els mo aua freida. Dalla stanza san ils
paders ira on curtgin ch’ei denton tschinclaus en per mintga singul pader. Igl urari
quotidian ei pulpius: Allas 23.30 entscheiva l’oraziun dil brevier cun tut ils paders en
baselgia. Quella cuozza denter duas e treis uras. Lu van els a durmir ed allas 6.30 uran els
uffeci e fan meditaziun. Allas 7.00 serimnan tuts conventuals per l’adoraziun eucaristica e
silsuenter alla s. messa conventuala. Mintga pader celebrescha suenter lu aunc ina messa
tgeua en pintgas capluttas. Ensolver dat ei mai, allas 11.00 survegnan ils paders surviu il
gentar atras ina cuchera mintgin en sia cella. Scadin di serimnan ils paders otg gadas per
far oraziun. Denteren lavura scadin manual tenor siu mistregn en sia cella ni ch’el fa studi
da teologia ni en autras direcziuns monasticas. Allas 19.30 entscheiva lu il ruaus da notg.
Sulet la dumengia han ils paders in gentar communabel sco era ina spassegiada ensemen.
Lur habit ha colur naturala ed ei han adina curclau il tgau cun ina capuza.
Dagl onn 1145 dat ei era muniessas cartuisanas. Ellas vivan en stanzas singulas, maglian
denton ensemen e han mintgadi lur recreaziun e spassegiada. Oz dat ei aunc tschun
convents da cartuisanas. Las soras surcusan peramenta e fan lavurs manilas. L’oraziun e
meditaziun ha denton prioritad.
Igl onn 1848 ei la claustra dils Cartuisans ad Ittingen vegnida sligiada si. Ina famiglia Fehr
ha lu cumprau gl’entir complex claustral igl onn 1867, menau ina gronda pureria e schau ils
stabiliments claustrals nunmidai. Igl onn 1977 suenter onns da quitaus sur digl avegnir
dils stabiliments ha ina fundaziun privata surpriu la cartusia. Bia ei vegniu renovau,
engrondiu e surdau ad auters intents.
Oz han quellas claustras mo paucas commembras e paucs commembers pli.
Ina guida indigena ha menau nus atras ils stabiliments claustrals. La baselgia datescha dil
temps gotic. Il plantschiu su ei ornaus cun bellezia maletgs, il maletg d’igl altar representa
sogn Bruno che venerescha Maria. Las preits da mintga vart en baselgia ein ord lenn
nugher ed entagliadas cun grondas figuras ord il temps biblic. Il motto dils cartusians
secloma: La Crusch stat duront ch’il mund gira. Lu ha ella aunc mussau a nus il
teschamber, leu vein nus viu paramenta veglia ed in crucifix da fetg gronda valeta.
Dasperas sesanfla ina stanza che serva sco stanza da conferenza.
Nossa proxima staziun vein nus fatg en ina pintga stanza per far ina cuorta meditaziun.
Ensemen cun nossa catecheta Andrea vein fatg entgins patratgs sur dil labirint. Nossa veta
san ins cumparegliar cun in labirint. Ella ei in passar sin vias e prender bein enqual storta.
Arrivar ed adina puspei semetter sin via - anflar il miez - puspei bandunar quel - semanar
– midar direcziun – tuttina vegnir vinavon. Il labirint ei ina via – ella dat a nus la
pusseivladad da far in paus – ir igl agen tempo – far ils agens
patratgs. Duront la
meditaziun vein adina puspei cantau la canzun: Nus meina el lontan la via, la via meina agl
etern. E va la via tras la notg, jeu sai che ti carezas mei, Ed el lontan la glisch fa clar,
annunzia uss il tiu amar. Jeu vi passar en tes fastitgs e clomel si tier tei: “Alleluja”
Suenter quei cuort mument da reflecziun essan serendi el curtgin dil labirint. Leu essan
passai atras in ver labirint e tuttina anflau la dretga via per turnar anavos .
Saziai da tgierp ed olma essan semess sin via encunter casa. In grond engraziament a tuts
che han contribuiu pil beinreussir dil pelegrinadi e nus serecumandein per in’autra gada.
Annamaria Albrecht
Liturgia cun tempra speciala
Dumengia da suppa / s. Elisabet
Danis:
Dardin:
Breil:
Dumengia, ils 9 da november, 11.00
Sonda, ils 15 da november, 18.00
Dumengia, ils 16 da november, 11.00
Quei survetsch divin vegn preparaus dalla cuminonza da mummas
e dunnas. Silsuenter envida il cussegl pastoral all’usitada
tscheina/agl usitau gentar da suppa. Il recav va en favur dall’ovra
sontga Elisabet resp. a Breil era all’organisaziun Bujumbura.
Sontgaclau, sonda ils 06 da december 2014
Avon che semetter sin via en las casas viseta il Sontgaclau era uonn puspei ina devoziun en
baselgia:
Dardin: allas 17.00
Danis: allas 18.00
Devoziun da penetienzia
Il temps d’advent vulein nus nezzegiar per sepreparar sin la
vegnida dil Salvader. Quella preparaziun duei oravontut
succeder internamein. La devoziun da penetienzia ei ina
buna ed impurtonta pusseivladad persuenter.
13-12-2014, allas 19.00 a Danis
20-12-2014, allas 19.00 a Breil
Rorate – glisch da Betlehem, mesjamna ils 17-12-2014
Pign e grond ein envidai al survetsch divin da rorate, nua che la
glisch da Betlehem vegn beneventada. El ha liug en tuttas treis
pleivs allas 6.30 e finescha cun in solver. Dapli informaziuns
suondan.
Era uonn saveis vus puspei cumprar las candeilas specialas
dalla glisch da Betlehem. Ellas ein d’anflar en tuttas treis
baselgias.
Nadal culs affons – survetsch divin da famiglia
La dumengia dalla sontga famiglia, ils 28 da december 2014, ha liug in survetsch divin
da famiglia, nua che nus vulein aunc dar inaga in accent alla festivitad da Nadal.

Download Report