Administraziun communala Gemeindeverwaltung Publicaziuns ufficialas dils 15-08-2014 Damonda da baghegiar Nr. 62/2014 Datum da publicaziun: Patrun: Object: 15-8-2014 Ritter Ingrid, 7176 Cumpadials Montascha d’ina tabla da reclama agl ur dalla parcella nr. 3086 a Cumpadials-Cantun. Ils profils ein tschentai ed ils plans da construcziun ein deponi tier la canzlia communala. L’investa publica cuoza 20 dis dapi il datum da publicaziun. Eventualas protestas encunter sura damondas da baghegiar ein d’inoltrar alla cumissiun da baghegiar Sumvitg enteifer 20 dis dapi il datum da publicaziun. Sumvitg, 15-08-2014 Cumissiun da baghegiar Annunzias da baghegiar All’instanza da baghegiar ei sin fundament digl art. 40 dall’ordinaziun davart la planisaziun dil territori dil cantun Grischun (OPTGR) vegniu annunziau suandontsprojects: Nr. 29/2014 Daniel Stadler, 8200 Schaffhausen; sanaziun dil tetg dalla tegia da mises nr. d’assec. 615C sin parcella nr. 4211 a Sumvitg-Murtés. Nr. 55/2014 Palmiro Cajacob, 7175 Sumvitg; montascha d’in indrez solar vid la fatschada dalla tegia da mises nr. d’assec. 661 sin parcella nr. 4224 a Sumvitg-Plaun dils mirs. Nr. 59/2014 Placi Degonda, 7175 Sumvitg; remplazzar il tabliau dallas portas garaschas dalla garascha nr. d’assec. 97A sin parcella nr. 1670 a Sumvitg. Sumvitg, 15-08-2014 Cumissiun da baghegiar Affittaziun tegia da mises Clavadials Conform agl art. 29 alinea 4 dalla lescha davart beins e dretgs immobiliars, lai la vischnaunca da Sumvitg vi la tegia el mises Clavadials per ina nova perioda da diesch onns ch‘entscheiva cugl 1. da schaner 2015 e che cuoza entochen ils 31-12-2024. Interessents veglien inoltrar lur annunzia cul formular ufficial en scret entochen sil pli tard ils 12-9-2014 cun posta A (bul postal) ni dar giu direct sin canzlia communala. Il fegl d’informaziun cun tuttas indicaziuns pertuccont la procedura e las cundiziuns d’affittaziun sco era il formular d’annunzia ufficial san vegnir retratgas sin canzlia communala ni cargadas giu digl internet sut www.sumvitg.ch. Sumvitg, 15-08-2014 Suprastonza communala Sumvitg -2Viseta ella casa Federala a Berna Nies cusseglier naziunal Martin Candinas porscha per convischinas e convischins interessai da nossa vischnaunca ina viseta cun guida ella casa Federala a Berna. La viseta ha liug mesjamna, ils 24-9-2014. Il diember da visitaders ei limitaus sin 50 persunas. L’administraziun communala coordinescha las annunzias. Bugen spitgein Voss’annunzia entochen igl 1. da settember 2014 seigi quei per telefon (081 920 25 00) ni per mail ([email protected]). Il viadi da Sumvitg a Berna fagein cul tren. La partenza da Sumvitg ei entuorn las 8.00. Tenor program returnein entuorn las 22.00 puspei a Sumvitg. Cuosts da viadi ei caussa da mintgin (p.ex. cartas dil di da vischnauncas). Tuts visitaders basegnan ina carta d’identitad valeivla. Ulteriuras informaziuns tarmettein tier directamein allas persunas ch’ein s’annunziadas. Per damondas pertuccont la viseta ni il viadi stat l’administraziun communala bugen a Vossa disposiziun. Per la coordinaziun Administraziun communala Uffeci civil Cadi Mortori Schmid-Wenzin Justina Maria, naschida ils 13-10-1943, morta ils 9-8-2014, stada sesenta a Surrein, Plazzas 357A. Uniun da dunnas Sumvitg/Cumpadials Viadi da senior(a)s 60+ Nies viadi meina nus uonn en Val S. Pieder nua che nus mirein il mund dall’aua da Val (www.vals.ch). Suenter in bien gentar haveis la pusseivladad da spassegiar in tec atras il vitg da Val. Datum: 19.9.2014 Partenza: Cumpadials, 8.50 Sumvitg, 9.00 Retuorn: ca. 17.00 Vossas annunzias prendein bugen encunter entochen gliendisdis, ils 18 d’uost 2014. Nus selegrein da passentar in bi di ensemen cun Vus. Yvonne Monn, 081 943 15 09 Adelina Cajacob, 081 943 18 45 Tibadas 2014 a Surrein Las Tibadas, che vegnan mintg’onn organisadas da Nossadunna d’uost ein uonn a Surrein, in liug cun gronda tradiziun el sunar e construir tibas. Tibas e tibas d’alp resunan venderdis, ils 15 d’uost a Surrein. 19.20: Beinvegni d’Armin Candinas, president communal Sumvitg, avon la baselgia a Surrein. 19.30–20.00: Tuns e melodias da tibas resunan giu dils cuolms e crests vischinonts viers il vitg da Surrein. 20.00–20.15: Tuchiez dils zenns baselgia. Naven dallas 20.15: Concert el liber dallas gruppas da sunatibas d’alp; dils Sunatibas Muntanialas (Ilanz–Glion), dils Sunatibas Postabiala (Sumvitg) sco era dils Sunatibas Sedrun. «Ave Maria dil signun» da Pauli Bass, Sumvitg-Clavadi. Silsuenter ustria. Cordialmein envidan e selegran Museum Regiunal Surselva e las gruppas da sunatibas d’alp -3Preavis Lotto a Sumvitg Sonda, ils 15 da november 2014 organisein nus in Lotto a Sumvitg. Nus supplichein autras uniuns da prender risguard sin quei datum. Cordial engraziament Societad da tir Vial Sumvitg Primavera sil taglier Sur 12 300.– francs ein vegni rimnai alla occurrenza da benefeci ils 24 da matg 2014 a Surrein. Quels daners vegnan duvrai ella canorta d’affons e scola Urpi Wasi a Cusco, Peru, per ils gentars dils 350 affons. In gentar per affon cuosta 40 raps. La summa tonscha pia per nutrir ils buobs e las buobas varga quater meins. Barbara Casanova cun l’entira famiglia digl Urpi Wasi ed Amanda Deplazes engrazian a tut ils gidonters e donaturs da cor per quei grond success! Uniun samaritana Sumvitg–Trun Igl exercezi culs pumpiers ha liug mardis, ils 19 d’uost 2014 allas 19.30 el local da pumpiers ad Igniu (da maneivel dil plaz da ballapei da Surrein). Fagei aschi bien e targei en resti e calzers adattai all’aura. Chor d’affons vischnaunca Sumvitg Noss’emprema emprova da cant ha liug venderdis, ils 29-8-2014 allas 17.15–19.00 en l’aula dalla casa da scola a Sumvitg. Quell’emprova ei lu gest in fuffergnadi per in e scadin affon naven dalla 3. primara che ha interess da vegnir a cantar tier nus. Ei fagess plascher da saver beneventar novas fatschas en nies chor. Tier damondas stat nossa dirigenta Flavia Walder 079 797 11 24 ni il president Patrick Schaniel 076 595 54 59 bugen a disposiziun. Cordial beinvegni, nus selegrein sin Tei Chor d’affons vischnaunca Sumvitg
© Copyright 2024 ExpyDoc
