Publicaziuns ufficialas dils 28-02-2014

-1-
Administraziun communala
Gemeindeverwaltung
Publicaziuns ufficialas dils 28-02-2014
Damonda da baghegiar
Nr. 11/2014
Datum da publicaziun:
Patrun:
Representant:
Object:
Nr. 13/2014
Datum da publicaziun:
Patrun:
Object:
Nr. 14/2014
Datum da publicaziun:
Patrun:
Object:
28-02-2014
Schmed-Camathias Valentin ed Andrea, 7031 Laax
Camathias Simona, Via Grava 4, 7031 Laax
Sanaziun dalla casa nr. 141 e construcziun d’in baghetg annex
niev sin parcella nr. 741 a Surrein, Caglieci.
28-02-2014
Decurtins Ines, 7175 Sumvitg
diversas lavurs (nova suoschna pigl auto vid la fassada encunter
sera, niev access sper casa tier la 2. Habitaziun, midada d’intent
da tschaler en localitads da terapia, novs parcadis, sanaziun dil
tetg) vid ed entuorn la casa nr. 49A sin parcella nr. 1594 a
Sumvitg-Cavischlè.
28-02-2014
Bearth Aluis, 7152 Sagogn
Midada d’intent da nuegl en local da deposit da material el clavau
nr. 57 sin parcella nr. 1603 a Sumvitg-Cabotsch.
Ils profils ein tschentai ed ils plans da construcziun ein deponi tier la canzlia commu-nala.
L’investa publica cuozza 20 dis dapi il datum da publicaziun.
Eventualas protestas encunter sura damonda da baghegiar ein d’inoltrar alla cumissiun da
baghegiar Sumvitg enteifer 20 dis dapi il datum da publicaziun.
Sumvitg, 28-02-2014
Cumissiun da baghegiar
Meglieraziun generala Sumvitg
La cumissiun da meglieraziun informescha cheutras sur dallas lavurs previdas uonn.
- Lavurs da baghegiar
La Confederaziun ed il Cantun han concediu il necessari credit per ereger las vias nr. 3,
Tresch-Runcaglia, nr. 20, Sontget-Plattatscha e nr. 21, Cantun-En davos. L'entschatta
dallas lavurs vegn a succeder enteifer il meins d'avrel. Plinavon vegnan las lavurs vid la via
nr. 34, Acla pintga-Aclas su, terminadas. Tier tala via eis ei aunc da baghegiar en ils vials
da betun.
- Lavurs da planisaziun
Sil sectur dalla planisaziun ein neginas lavurs previdas igl onn current.
Sumvitg, 28-02-2014
Cumissiun da meglieraziun Sumvitg
Preavis / Radunonza communala
La proxima radunonza communala ha liug mardis, ils 25 da mars 2014 allas 20.00 uras a
Rabius. La gliesta da tractandas vegn publicada a dretg temps.
Sumvitg, 28-02-2014
Suprastonza communala
Uffeci civil Cadi
Naschientscha
Cathomas Alessia, naschida ils 19-02-2014 a Glion, affon da Flurin e Simona CathomasGienal, sesents a Sumvitg, Cavischlè 49A.
Sumvitg, 28-02-2014
Controlla da habitonts Sumvitg
Carta dil di per viagiar culs mieds publics en Svizra
La vischnaunca da Sumvitg porscha naven digl 1. da schaner 2009 als habitonts sco era a
persunas d’ordeifer duas cartas dil di per il traffic public. Cun talas cartas saveis Vus viagiar
cun quasi tut ils mieds da traffic publics en Svizra (tren, auto da posta, tram, bastiment, etc.). Il
prezi munta frs. 40.– per carta. Empustaziuns e reservaziuns vegnan pridas encunter per
internet (www.sumvitg.ch), per telefon (081 920 25 00) ni era al spurtegl dall’administraziun
communala. Las empu - staziuns dallas cartas ein definitivas! Cartas dil di empustadas san
buca vegnir returnadas e ston vegnir pagadas. Per tarmetter las cartas cun posta vegn
quintau spesas. Per damondas ed ulteriuras informaziuns stein nus bugen a Vossa
disposiziun.
Sumvitg, 28-02-2014
Administraziun communala Sumvitg
Serrada via Val Sumvitg
Ord motivs da segirtad resta la via Val Sumvitg serrada naven d’immediat sil tschancun da Val
anen per tut traffic.
Sumvitg, 28-02-2014
Departament stradal
Gloria e tschugalata
In’affonza a Lumbrein / Eine Kindheit in Lumbrein da Ludivina Candinas-Colllenberg
Illustraziuns da Jacinta Candinas
Versiun tudestga da Peter Egloff
Vernissascha: Venderdis, ils 7 da mars allas 20.00
Ustria dalla Staziun, Sumvitg
Introducziun: Iso Camartin
Prelecziun cun l’autura ed il translatur
Silsuenter apéro
Sumvitg, 28-02-2014
Cordialmein envida
Cumissiun da cultura Sumvitg
Far caltschiel
Nus s’entupein venderdis, ils 28 da fevrer naven dallas 13.30 ell’ustria «Greina» a Surrein
per far caltschiel. Sin in bi suentermiezdi da cuminonza uniuns da dunnas vischnaunca
Sumvitg
Uniuns da dunnas dalla vischnaunca da Sumvitg
Cuors: cuser tastgas tenor atgna creativitad
Has ti plascher da cuser ina tastga tenor tiu giavisch? Grondezia, fuorma, colur e dessegn
tenor tia fantasia! (p. expl. «Freitag»)
Nus selegrein sin Tia annunzia!
Cu:
sonda, ils 26 d’avrel 2014
Uras: 9.00–15.00
Liug: casa da scola Sumvitg
Menadra: Iris Nwachukwu-Casanova, Rabius
Alice Cajacob, tel. 081 936 32 19 [email protected] , dat bugen dapli informaziuns e
pren bugen encunter Tia annunzia entochen ils 5 da mars 2014. Nus selegrein sin stedia
participaziun las treis suprastonzas
Uniuns da dunnas dalla vischnaunca da Sumvitg
Spassegiada cun gianellas da glina pleina – per l’entira familia
Nus viandein naven da Siltginas tochen sin l’alp da Glivers. Leu stein nus da cumpignia e
gudin in fondue.
Cu:
Sonda, ils 15 da mars 2014
Sentupada:
17.30 si Siltginas
Temps da viandar: ca. 2.5 uras
Nus selegrein sin Vossa annunzia. Anna Maria Fry, tel. 081 943 22 57,
[email protected], dat bugen dapli informaziuns e pren bugen encunter Vossa
annunzia entochen ils 9 da mars 2014. Nus selegrein sin stedia participaziun. las treis
suprastonzas
Uniun samaritana Sumvitg-Trun
Igl exercezi meinsil dil mars ha liug gliendisdis, ils 3 da mars 2014, el local samaritan
Rabius.
Chor d’affons vischnaunca Sumvitg
Noss’emprema emprova da cant ha liug venderdis, ils 7-3-2014 allas 17.15–19.00 en l’aula
dalla casa da scola a Sumvitg. Quell’emprova ei lu gest in fuffergnadi per in e scadin affon
naven dalla 3. primara che ha interess da vegnir e cantar tier nus. Ei fagess plascher da saver
beneventar novas fatschas en nies chor. Tier damondas stat nossa dirigenta Flavia Walder,
079 797 11 24 ni il president Patrick Schaniel 076 595 54 59 bugen a disposiziun. Cordial
beinvegni, nus selegrein sin Tei Chor d’affons vischnaunca Sumvitg

Download Report