-1- Administraziun communala Gemeindeverwaltung Publicaziuns ufficialas dils 04-07-2014 Damonda da baghegiar Nr. 50/2014 Datum da publicaziun: Patrun: Object: 04-07-2014 Maissen Reto, 7302 Landquart Sanaziun dalla bargia e dil tetg dalla tegia, construcziun d'in suttetg per la terrassa sin parcella nr. 4201 a Barcuns Dado Ils profils ein tschentai ed ils plans da construcziun ein deponi tier la canzlia commu-nala. L’investa publica cuozza 20 dis dapi il datum da publicaziun. Eventualas protestas encunter sura damondas da baghegiar ein d’inoltrar alla cumissiun da baghegiar Sumvitg enteifer 20 dis dapi il datum da publicaziun. Ils profils ein tschentai ed ils plans da construcziun ein deponi tier la canzlia communala. L’investa publica cuozza 20 dis dapi il datum da publicaziun. Eventualas protestas encunter sura damondas da baghegiar ein d’inoltrar alla cumissiun da baghegiar Sumvitg enteifer 20 dis dapi il datum da publicaziun. Sumvitg, 04-07-2014 Cumissiun da baghegiar Annunzias da baghegiar All'instanza da baghegiar ei sin fundament digl art. 40 dall'ordinaziun davart la planisaziun dil territori dil cantun Grischun (OPTGR) vegniu annunziau suandonts projects: Nr. 49/2014 Ulrica Niederberger, 7172 Rabius; remplazzar las aissas dalla porta garascha sin pacella nr. 83 a Sumvitg-Via Principala. Nr. 53/2014 Fidel Tgetgel, 7173 Surrein; sanaziun dils mirs e dil tetg dalla tegia da mises sin pacella nr. 4289 ad Aclas-Val Sumvitg. Sumvitg, 04-07-2014 Cumissiun da baghegiar Inauguraziun "Via dil Crucifix" Ils onns 2011 tochen 2014 ei la via historica denter Surrein e Sumvitg vegnida restaurada. 374 m² mirs schetgs ein reconstrui e la sulada veglia scuvretga e reparada. La suprastonza communala envida cordialmein all'inauguraziun che ha liug sonda, ils 12 da fenadur 2014 a Sumvitg. Program 16.30 uras 17.00 uras 17.30 uras benedicziun entras pader Clau Lombriser OP sper il crucifix, cuorts plaids da representants da vischnaunca e donaturs, silsuenter aperitiv, ustria cun gril silla via da meglieraziun a Fontauna Sut. L’occurrenza ha liug da tutt'aura. Sumvitg, 04-07-2014 Suprastonza communala Curdem da gronda dimensiun La vischnaunca organisescha ina rimnada da rufid bloccont sco suonda: Venderdis, ils 25 da fenadur 2014 dallas 08.00 - 18.00 uras Ei vegn rimnau il rufid per l'entira vischnaunca sin la plazza Igniu (sper baghetg economic) La rimnada ha liug mintgamai mo 1 di, persuenter 3 ga per onn! Aschia sto il rufid buca vegnir tenius si aschi ditg a casa. Ils curdems ein da deponer els containers ni navettas tschentai sil plaz. Per tener-casa vegn priu encunter max. 2 m³ rumians. Quantitads pli grondas, per ex. ord rumidas da casas e clavaus ein da transportar directamein e sin cuost dil caschunader ella deponia regiunala a Rueun. Ei vegn acceptau  maschinas pintgas e mopeds mo cun tratg giu ieli e benzin,  ferramenta, ferradira da tutas sorts (meisas da fier, uaffens da fier, velos, bogneras da fier, crutschs da neiv e.a.v.),  tut las maschinas electronicas (computers, frestgeras, maschinas da furar, pegnas d'electrisch cun e senza ieli e.a.v.),  mobiliar movibel (letg, scaffa, suppia, madrazza, teppi denton buca culau giu, e.a.v.),  requisits per il temps liber e sport (skis, indrez da trenament, velos e.a.v.) ch’ein pli gronds che 100 cm liung / 60 cm lad / 60 cm ault ni pli grevs che 30 kg,  per pneus senza gavegl vegn incassau ina taxa da frs. 5.--, cun gavegl frs. 10.--,  calzers da skis san vegnir dai giu en favur dalla ARGO Tavau per frs. 5.--. Buca acceptau vegnan  tuttas maschinas agricolas,  lenna da brisch, lenna veglia, lenna da baghetg (tabliaus, plantschius, lattas, quaders, panos, e.a.v.),  sacs da pupi e da plastic,  materials da pachetar (palets, styropor, plastic, e.a.v.),  requisits per il temps liber e sport ch’ein pli pigns che 100 cm liung / 60 cm lad / 60 cm ault e pli levs che 30 kg (bob, scarsola, calzers da rodas, aissa-rulletta e.a.v.),  blachas da ballas da silo (verdas ed alvas),  curdems da baghetg (linoleums, isolaziuns, plastics, folias da tetg e da preits, e.a.v.) e curdems da fatschentas,  curdem verd da curtin e caglias, tals curdems san vegnir transportai sin la deponia verda ad Igniu,  cartun e pupi duei vegnir surdau alla rimnada entras la scolas resp. las uniuns. Ils suandonts rumians vegnan rimnai cun ils rumians jamnils e basegnan las marcas sco suonda:  sacs tochen 50 kg; 1 marca da frs. 2.50,  rumians pigns tochen 100 cm liung / 60 cm lad / 60 cm ault e pli levs che 12 kg; 2 marcas da frs. 2.50,  rumians pigns tochen 100 cm liung / 60 cm lad / 60 cm ault entochen ina peisa da 30 kg; 3 marcas da frs. 2.50. Nus appelein alla responsabladad da vischinas e vischins e supplichein da setener vid quellas directivas en favur digl ambient. Medemamein fagein nus attents da buca deponer rumians sin deponias illegalas (selvadias). Talas deponias cunterfan alla legislaziun per la dismessa da rumians e vegnan annunziadas als organs responsabels e puni. Sumvitg, 04-07-2014 Departament d'ambient Preavis Uniun da dunnas dalla vischnaunca da Sumvitg Spassegiada culinarica «senda Lumneziana» Lumbrein–Cumbel, 13 km, venderdis, ils 5-92014. Reservei il datum en voss’agenda (detagls suondan pli tard!) Nus giavischein ina biala stad e selegrein sin ina gronda participaziun. Annamaria, Giuanna ed Alice Uniun da catschadurs Greina, Sumvitg Program annual 2014/15 11-7-2014: 1. Tir d’exercezi, 19.00–20.30 17-7-2014: 2. Tir d’exercezi, 19.00–20.30 23-7-2014: 3. Tir d’exercezi, 19.00–20.30 28-7-2014: 4. Tir d’exercezi, 19.00–20.30 05-8-2014: 5. Tir d’exercezi, 19.00–20.30 09-8-2014: Tir intern, entschatta allas 13.00–18.00 Tscheina comunabla e rangaziun 12-8-2014: 6. Tir d’exercezi, 19.00–20.30 22-8-2014: 7. Tir d’exercezi, 19.00–20.30 e suenter radunonza avon catscha 27-8-2014: 8. Tir d’exercezi, 19.00–20.30. Davosa pusseivladad da sittar en la buis avon catscha 25-10-2014: Tgira d’atun 23- 01-2015: Radunonza generala A caschun d’ina ni l’autra occurrenza suonda aunc ina invitaziun e program da lavur! Vies president