Havein nus svegliau tiu interess da far part activamein alla Musica giuvenila Aspermont Sagogn? Per informaziuns supplementaras contactei nies dirigent ni auters commembers dalla MGAS. Dirigent: Michael Cadruvi, [email protected]/076 323 10 85 usica iuvenila spermont agogn La Dapi igl onn 2009 stat la Musica giuvenila Aspermont Sagogn sut la bitgetta da Michael Cadruvi. Ils musicants giuvens treneschan buc mo per concerts e diversas representaziuns en ed ordeifer il vitg, mobein han era program sper la rama musicala. La suprastonza organisescha divers camps cun sport e giugs, grilladas, seras hillaricas e viadis pli liungs. La collaboraziun cull’Uniun da musica Sagogn ei fetg stretga, aschia che biars musicants pli vegls dalla musica giuvenila sunan en omisduas musicas. Ins sa dir cun bien sentiment: La Musica giuvenila Aspermont Sagogn ha en ses 20 onns d‘existenza buca mo preparau e scolau novs musicants e novas musicantas per l’Uniun da Musica Sagogn. Ella ha surtut dau a biaras giuvnas ed a biars giuvens in‘occupaziun duront il temps liber. Culla fundaziun ha la MGAS formulau sias pli impurtontas finamiras: La Musica giuvenila Aspermont Sagogn encuera novas musicantas e novs musicants! Lessas ti emprender da sunar cornet, tgiern en es, bariton, eufoni, posauna, bass ni percussiun passentar ina part da tiu temps liber cun in’activitad musicala e cun glieud cul medem interess buc mo sunar, mobein era prender part ad activitads sper la musica Finamiras 1. La MGAS sto dar la pusseivladad da sescolar musicalmein a nos musicants. Buca mo il sunar, era il plascher da sunar e da far enzatgei da cuminonza vegn aspiraus oravontut. 2. En ina musica giuvenila emprendan il scolars e las scolaras gia baul da sunar ensemen e da cooperar en ina structura socioculturala. 3. Els retscheivan aschia era ina buna basa sociala per lur futur. Igl intent ed il senn d’ina tala musica giuvenila ein da francar vinavon la cultura da musica instrumentala da nies vitg. Plinavon duei cheutras era il temps liber da nossa giuventetgna vegnir promovius! La MGAS stat en stretga collaboraziun culla scola da musica Surselva. Ils entscheviders frequentan in cuors da treis onns nua ch’els vegnan introduci ella basa ed ellas tecnicas elementaras dalla musica da brass. Naven dil tierz onn da quella scolaziun astgan ils scolars far part alla MGAS. Suenter haver sunau in mument culla MGAS vegnan ils musicants giuvens era recepi ell’Uniun da musica Sagogn. Naturalmein ein era affons e giuvenils che han gia empriu da sunar in instrument da brass ni percussiun cordialmein beinvegni. Instruments san per gronda part vegnir affitai directamein dalla MGAS.
© Copyright 2024 ExpyDoc
