Administraziun communala Gemeindeverwaltung Publicaziuns ufficialas dils 29-08-2014 Damonda da baghegiar Nr. 64/2014 Datum da publicaziun: Patrun: Object: Nr. 66/2014 Datum da publicaziun: Patrun: Object: 29-08-2014 Anton Mathiuet, 7173 Surrein Construir nova remisa sco suttetg per maschinas, niev silo en plat ed engrondaziun dall'annexa tier la stala nr. d'assec. 330-A sin parcellas nr. 1316 e 4169 a Surrein-Giachentrina. 29-08-2014 Damiano Giocondo, 7172 Rabius Engrondir il balcun dalla casa E nr. d'assec. 691B sin parcella nr. 265 a Rabius-Il Fraissen. Ils profils ein tschentai ed ils plans da construcziun ein deponi tier la canzlia commu-nala. L’investa publica cuozza 20 dis dapi il datum da publicaziun. Eventualas protestas encunter sura damondas da baghegiar ein d’inoltrar alla cumissiun da baghegiar Sumvitg enteifer 20 dis dapi il datum da publicaziun. Sumvitg, 29-08-2014 Cumissiun da baghegiar Scamond d’encurrir bulius Sebasond sils art. 11 e 12 dalla lescha davart la protecziun da plontas e bulius ha la Regenza dil cantun Grischun decretau restricziuns. Ei setracta en special dil suandont: - Egl interval dils 1 entochen e cun il 10avel di da mintga meins eis ei scumandau d’encurir bulius da tuttas specias. - Il quantum maximal ch’astga vegnir rimnaus per persuna e per di munta a maximal 2 kg da tuttas specias. - Igl ei scumandau da rimnar bulius en gruppas da pli che treis persunas. - Il diever d’utensils per rimnar bulius ei scumandau. Surpassaments da quellas prescripziuns vegnan puni a norma d’art. 16 dalla lescha cantunala davart la protecziun da plontas e bulius. Nus supplichein da respectar quellas disposiziuns ed engraziein per tutta capientscha. Sumvitg, 29-08-2014 Suprastonza communala Sumvitg -2- Affittaziun tegia da mises Clavadials Conform agl art. 29 alinea 4 dalla lescha davart beins e dretgs immobiliars, lai la vischnaunca da Sumvitg vi la tegia el mises Clavadials per ina nova perioda da diesch onns ch‘entscheiva culs 01-01-2015 e che cuoza entochen ils 31-12-2024. Interessents veglien inoltrar lur annunzia cul formular ufficial en scret entochen sil pli tard ils 12-09-2014 cun posta A (bul postal) ni dar giu direct sin canzlia communala. Il fegl d’informaziun cun tuttas indicaziuns pertuccont la procedura e las cundiziuns d’affittaziun sco era il formular d’annunzia ufficial san vegnir retratgas sin canzlia communala ni cargadas giu digl internet sut www.sumvitg.ch. Sumvitg, 29-08-2014 Suprastonza communala Sumvitg Viseta ella casa Federala a Berna Nies cusseglier naziunal Martin Candinas porscha per convischinas e convischins interessai da nossa vischnaunca ina viseta cun guida ella casa Federala a Berna. La viseta ha liug mesjamna, ils 24-9-2014. Il diember da visitaders ei limitaus sin 50 persunas. L’administraziun communala coordinescha las annunzias. Bugen spitgein Voss’annunzia entochen igl 1. da settember 2014 seigi quei per telefon (081 920 25 00) ni per mail ([email protected]). Il viadi da Sumvitg a Berna fagein cul tren. La partenza da Sumvitg ei entuorn las 8.00. Tenor program returnein entuorn las 22.00 puspei a Sumvitg. Cuosts da viadi ei caussa da mintgin (p.ex. cartas dil di da vischnauncas). Tuts visitaders basegnan ina carta d’identitad valeivla. Ulteriuras informaziuns tarmettein tier directamein allas persunas ch’ein s’annunziadas. Per damondas pertuccont la viseta ni il viadi stat l’administraziun communala bugen a Vossa disposiziun. Per la coordinaziun Administraziun communala Tagl da lenna Val Petschna (Corporaziun Nadéls) Serrada dalla senda da viagiar "Punt Runplaun-Runé-Crestliandras-Alp Nadéls" Enteifer igl atun 2014 e duront igl onn 2015 vegn pinau e transportau lenna cun suga ord ils uauls dalla Corporaziun da Nadéls. Il trassé da suga traversescha pliras gadas la senda da viagiar. Ina untgida dalla senda ei muort la topografia pil mument buca pusseivla. Ord motivs da segirtad sto la senda numnada vegnir serrada duront pinar lenna el contuorn e duront ils transports cun suga. Nus supplichein per enconuschientscha. Uffeci forestal Trun Societad da tir Vial Sumvitg –Tir obligatoric 2014 La societad da tir Vial Sumvitg envida al tir obligatoric il suandonts termins: Sonda, ils 30 d’uost 2014, allas 15.00–17.30 Adatg! Tiradurs obligai ston presentar il camond da tir sco era il cudisch da sittar, resp. il carnet da prestaziun. Quei tir sa suletamein vegnir sittaus mo quels dus dis. A tuts in bien siet gia ordavon e sin seveser a Plaun Petschen. Societad da tir Vial Sumvitg -3Uniun da dunnas Sumvitg/Cumpadials Preavis Mintga dus onns organisein nus in viadi per nossas commembras. Uonn eisi puspei aschi lunsch. Datum: Mesjamna, ils 3 da december 2014. (Nossadunnaun cun viseta en claustra e fiera d’Advent) Reservai il datum en Voss’agenda per che Vus munchenties buc il viadi (detagls suondan pli tard) Cordialmein salida la suprastonza Uniuns da dunnas dalla vischnaunca da Sumvitg Spassegiada culinarica «Senda Lumneziana» (Prespisa a Lumbrein, gentar a Vella, dessert a Cumbel) Nus havein plascher da puspei far ina spassegiada communabla cun las dunnas da nossa vischnaunca: Viadi: Lumbrein–Clis–Pastg–Rumassal–Crusch–Vella –Cuschnaus– Cumbel (ca. 13 km) Cuoz: ca. 4 uras viagiar; total ca. 7 uras Datum: venderdis, ils 5 da settember 2014 Anna Maria Fry, tel. 081 943 22 57, [email protected], pren bugen encunter tia annunzia entochen ils 31 d’uost 2014. Nus havein plascher da bia annunzias. Cordial invit fan las treis suprastonzas Fiasta dil vitg a Cumpadials Sonda, ils 6-9-2014 18.00 Avertura dalla fiasta dil vitg tier l’anteriura casa da scola. Ina sera da cumpignia cun gril e bar. Dumengiail, ils 7-9-2014 10.30 Survetsch divin cun avat Vigeli Monn. Suenter il survetsch divin offerescha l’uniun in apero. Ei spetga Vus in emperneivel di da cuminonza cun gril, pulenta, ustria e giugs da divertiment. Sin Vossa viseta selegra l’Uniun da cultura e sport Cumpadials Chor d’affons vischnaunca Sumvitg Noss’emprema emprova da cant ha liug venderdis, ils 29-8-2014 allas 17.15–19.00 en l’aula dalla casa da scola a Sumvitg. Quell’emprova ei lu gest in fuffergnadi per in e scadin affon naven dalla 3. primara che ha interess da vegnir a cantar tier nus. Ei fagess plascher da saver beneventar novas fatschas en nies chor. Tier damondas stat nossa dirigenta Flavia Walder 079 797 11 24 ni il president Patrick Schaniel 076 595 54 59 bugen a disposiziun. Cordial beinvegni, nus selegrein sin Tei. Chor d’affons vischnaunca Sumvitg
© Copyright 2024 ExpyDoc
