SURSELVA MESEMNA, ILS 8 D’OCTOBER 2014 5 ■ TRUN Ils veterans dallas musicas dil Grischun s’entaupan Carina e Valentina Caluori da Panaduz numnan il tir lur pissiun. Omisduas ein candidatas pil cader dalla Svizra orientala. FOTO G. VENZIN La Quotidiana 8-10-2014, p. 5 L’Uniun cantunala da veterans da musica ei vegnida fundada 1976. Ils veterans dallas musicas s’entaupan mintgamai l’emprema ni la secunda dumengia d’october a lur usitada dieta. Las fatschentas da quell’uniun serestrenschan sin quella sentupada che serva principalmein alla tgira dall’amicezia e la cameradaria. Ils 12 d’october 2014 ha quella dieta liug a Trun. La Societad da musica Trun festivescha ils 10 ed ils 11 d’october il giubileum da 150 onns. Quei ei stau il motiv principal per candidar e menar atras la dieta da quest onn. Alla sentupada digl onn vargau a Müstair haveva la radunonza da veterans giu surdau unanimamein alla Societad da musica Trun l’incarica d’organisar la dieta 2014. Uonn ein 400 veterans s’annunziai per la dieta da veterans. Ensemen cun ils hosps d’honur ed ils delegai dallas uniuns affiliadas astgan 450 anteriuras musicantas ed anteriurs musicants ni era veterans ch’ein aunc oz activs guder la hospitalitad dils da Trun. Nus gratulein alla Societad da musica da Trun per siu giubileum e selegrein da saver guder cun tut la populaziun indigena in di nunenblideivel. Suprastonza dall’Uniun cantunala da veterans UCMG Tge succeda ussa cun las cabinas da telefon? ■ (anr) Las cabinas da telefon èn passé en consequenza dal success fenomenal dals smartphons (sco quai ch’il magazin american «Forbes» ha communitgà ha per exempel Apple entschavì ils 19 da settember cun la vendita dad iPhone 6 ed iPhone 6 plus e gia èn pli che 20 milliuns exemplars davent). E tge duai succeder en Svizra cun las cabinas da telefonar sch’ellas na vegnan betg pli duvradas? A Londra vegnan quellas per sumeglia applitgadas sco staziuns da chargiar ils handys. Er en Svizra vegnan las 4850 cabinas da telefon, numnadas publifons, duvradas adina damain. Pli che 1000 cabinas da telefon na vegnan dis ora betg nizzegiadas. Da 2004–2013 èn ils telefonats en quellas cabinas sa reducids per 60%. Ma la Swisscom vegn er a laschar ils proxims onns quels publifons siond ch’els s’audian tar il provediment da basa. Da l’autra vart vul la Swisscom adattar ils publifons a las circumstanzas sa midadas tar la clientella. Ella tschertga perquai schliaziuns ensemen cun las vischnancas. Là nua ch’il basegn n’è betg dà duaian quellas cabinas vegnir serradas, dentant be sche las vischnancas èn d’accord. I n’haja zunt nagin senn da mantegnair infrastructuras na duvradas. I dat er exempels per in niz creativ da las cabinas da telefon. A Neggio (TI) vegn ina cabina da telefon, messa ord servetsch, duvrada sco minibiblioteca publica. o Che S Hyp ü r U B 4 55 6 f in 88 Term J et z t : 0800 baren hypotheken in e r e / v bs.com w w w.u Là nua ch’il basegn n’è betg dà duaian las cabinas da telefon vegnir serradas, dentant be sche las vischnancas èn d’accord. FOTO M. HARTMANN ck
© Copyright 2024 ExpyDoc
