Administraziun communala Gemeindeverwaltung Publicaziuns ufficialas dils 23-10-2015 REFERENDUM FACULTATIV La radunonza communala dils 7 d’october 2015 ha priu ils suandonts conclus: Tractaziun ed approbaziun dil project da refar ils donns vid las lavineras a Puzzastg e concessiun d’in credit brut da 420‘000 francs Tractaziun ed approbaziun dil project da dumbraders d’aua e concessiun d’in credit brut da 350‘000 francs Sura conclus ein suttaposts al referendum facultativ tenor art. 30 al. 2 dalla constituziun communala. Il termin da tschaffar il referendum terminescha cun datum dils 12 da november 2015. Il referendum sa buca vegnir retratgs. Sumvitg, 23-10-2015 Suprastonza communala Sumvitg Affittaziun tegias d’alp Conform agl art. 29 alinea 4 dalla lescha davart beins e dretgs immobiliars, lai la vischnaunca da Sumvitg vi las suandontas tegias per ina nova perioda da diesch onns ch‘entscheiva culs 01-012016 e cuoza entochen ils 31-12-2025: - Tegia Alp Glivers dado-su Tegia Con Alp Laus Tegia Runé Tegia Stavel Crap Interessents veglien inoltrar lur annunzia cul formular ufficial a scret entochen sil pli tard ils 06-112015 cun posta A (bul postal) ni dar giu sin canzlia communala. La gliesta dallas tegias cun las indicaziuns dils tscheins da locaziun, il fegl d’informaziun cun tuttas indicaziuns pertuccont la procedura e las cundiziuns d’affittaziun sco era il formular d’annunzia ufficial san vegnir retratgs sin canzlia communala ni cargadas giu digl internet sut www.sumvitg.ch. Sumvitg, 23-10-2015 Suprastonza communala Sanaziun dalla casa da cadavers a Trun La casa da cadavers a Trun resta serrada naven dad immediat entochen il davos da november 2015 muort lavurs da sanaziun. Ei stat a disposiziun containers sil plaz avon la casa da cadavers. Sumvitg, 23-10-2015 Suprastonza communala Sumvitg Uffeci civil Cadi Naschientscha Giorgio Nicola, naschius ils 13-10-2015 a Glion, affon da Vito e Lisa Giorgio, sesents a Rabius, Chistrisch 479. Sumvitg, 23-10-2015 Controlla da habitonts -2Serrada via Laus Muort las lavurs da construcziun ei la via da Laus serrada sin differents tschancuns e quei naven dils 29-06-2015. La via ei serrada duront l’jamna mintgamai naven da gliendisdis allas 07.30 uras entochen venderdis allas 17.00 uras per tut il traffic. Naven da venderdis sera allas 17.00 uras entochen gliendisdis endamaun allas 07.30 uras ei la via aviarta senza restricziuns. Ina deviaziun ei pusseivla sur la via Val Sumvitg - Puzzastg. Duront la deviaziun ei lubiu da carrar sin quella via senza ina carta da legitimaziun. Naven dils 7-9-2015 vegnan las lavurs da catram sil tschancun Baselgia-Caplazi exequidas. Sin quei tschancun ei da quintar duront ils temps da baghegiar cun temps da spetga da tochen 20 minutas. Ils ulteriurs loghens exacts dalla serrada (p.ex. Laus-Carisch) vegnan publicai sin nossa pagina d’internet www.sumvitg.ch e cun in placat sper via a Plaun Petschen. Nus engraziein per Vossa capientscha. Ulteriuras informaziuns survegnis Vus directamein dil biro Deplazes a Surrein (tel. 081 943 25 60). Sumvitg, 23-10-2015 Departament traffic Rumida da neiv 2015/16 La vischnaunca exequescha era uonn puspei sin incarica la rumida da neiv per privats. L‘indemnisaziun per quella lavur corrispunda allas cundiziuns che l’industria privata pretenda. Plinavon sto quella dismessa da neiv star anavos en prioritad alla rumida dils implonts publics d’avertura. Sche pusseivel duei l’incarica vegnir surdada alla vischnaunca mo leu nua che quella procura era la dismessa dallas vias cunfinontas. Vischinas e vischins che vulan schar exequir la vischnaunca la rumida da neiv da lur vias e parcadis privats duront gl’unviern proxim ein supplichai d’annunziar quei a scret ni per telefon entochen ils 31 d’october 2015 al cau dil menaschi stradal (tel. 079 638 18 19). Sumvitg, 23-10-2015 Departament traffic Preparaziun sin temps d’unviern Tenor art. 69 dalla lescha da baghegiar ei la vischnaunca autorisada da schar dismetter la neiv dils implonts publics d’avertura sil schischom privat cunfinont cun prender il duiu risguard sin baghetgs, implonts e cultiras. Per liung dallas vias publicas e privatas ein seivs demontablas ni implonts da tal gener d’allontanar. Ultra da quei ston caglias e roma vegnir tagliadas anavos aschia che la rumida da neiv vegn buca impedida. Quellas lavurs da preparaziun sil temps d’unviern ston vegnir exequidas entochen alla fin d’october 2015. En cass d’omissiun refusescha la vischnaunca suenter la sesiun d’unviern scadins donns occuri ord la rumida da neiv. Sumvitg, 23-10-2015 Departament traffic Curdem da gronda dimensiun La vischnaunca organisescha ina rimnada da rufid bloccont sco suonda: Venderdis, ils 23 d'october 2015 dallas 08.00 - 18.00 uras Ei vegn rimnau il rufid per l'entira vischnaunca sin la plazza Igniu (sper baghetg economic) La rimnada ha liug mintgamai mo 1 di, persuenter 3 ga per onn! Aschia sto il rufid buca vegnir tenius si aschi ditg a casa. -3Ils curdems ein da deponer els containers ni navettas tschentai sil plaz. Per tenercasa vegn priu encunter max. 1 m³ rumians. Per rumians che survargan quei quantum vegn incassau frs. 20.- per mintga 1 m³. Quantitads pli grondas, per ex. ord rumidas da casas e clavaus ein da transportar directamein e sin cuost dil caschunader ella deponia regiunala a Rueun. Ei vegn acceptau maschinas pintgas e mopeds mo cun tratg giu ieli e benzin ferramenta electronica e maschinas da lavar mobilias ed indrez da casa ulteriurs curdems che vegnan buca rimnai cun ils transports jamnils per sac da pupi (sacs da futter) vegn incassau ina taxa da frs. 5.- per pneus senza gavegl vegn incassau ina taxa da frs. 5.--, cun gavegl frs. 10.- per pneus da maschinas agricolas grondas senza gavegl vegn incassau ina taxa da frs. 20.--, cun gavegl frs. 30.- calzers da skis san vegnir dai giu per frs. 5.-- en favur dalla Argo Tavau Buca acceptau vegnan maschinas agricolas lenna da brisch curdems da baghetg (Bauschutt) e curdems da fatschentas, quels ein da transportar directamein a Rueun curdem verd da curtin e caglias, tals curdems san vegnir deponi sil plaz da rimnada ad Igniu cartun e pupi duei vegnir surdau alla rimnada entras la scolas resp. las uniuns blachas da ballas da silo (verdas ed alvas) Singuls ruminas vegnan pri encunter cun incassar ina taxa minimala da frs. 5.--. Nus appelein alla responsabladad da vischinas e vischins e supplichein da setener vid quellas ordinaziuns en favur digl ambient. Medemamein fagein nus attents da buca deponer rumians sin deponias illegalas (selvadias). Talas deponias cunterfan alla legislaziun per la dismessa da rumians e vegnan annunziadas als organs responsabels. Per ulteriuras informaziuns stat il gerau responsabel bugen a Vossa disposiziun. Sumvitg, 23-10-2015 Departament d'ambient Donaziun fundaziun Greina Sefundond sin art. 5 dil reglament pertuccont diever dalla donaziun fundaziun svizra per la tgira dalla cuntrada ston damondas per ina contribuziun vid in project vegnir inoltradas alla cumissiun Greina entochen ils 30 da november 2015 digl onn precedent cul formular corrispundent tier l'administraziun communala. Nus supplichein per notizia da quest avis. Sumvitg, 23-10-2015 Cumissiun Greina Uniun da dunnas dalla vischnaunca da Sumvitg Nies proxim cuors «far likörs» ha liug gliendisdis, ils 2 da november allas 19.30 en casa da scola a Surrein. Nossa convischina Roswita Deplazes muossa a nus co ins sa far ord semplas caussas in prima likör. Vegni e mirei.Il cuors vegn menaus cun ina participaziun minimala da 10 persunas. Annunzias pren Giuanna Albin encunter entochen gliendisdis, ils 26 d’october sut tel. 078 664 78 57. -4Lotto a Sumvitg Sonda, ils 14 da november 2015 organisein nus puspei nies Lotto a Sumvitg. Nus havessan plascher da Vossa viseta, reservei quei datum. Cordial engraziament Societad da tir Vial Sumvitg Mira inserat! Acziun da spender saung Gliendisdis, ils 26 d’october 2015 allas 18.30–20.30. en sala da cultura a Trun. Cordialmein envida Vus/Tei l’Uniun Samaritana Sumvitg-Trun Uniun Samaritana Sumvitg–Trun Nus purschein in cuors d’emprem agid a Trun Il cuors ha liug venderdis, ils 6 da november (19.30–21.30), gievgia, ils 12 da november (19.30–21.30), sonda, ils 14 da november (8.00–12.00) e gliendisdis, ils 16 da november (19.30–21.30) el local samaritan a Trun. Per damondas ed annunzias stat Ines Decurtins, 078 770 29 96, bugen a disposiziun. Fin d’annunzia ei mardis, ils 3 da november 2015 allas 18.00. Schubergiar e rugalar igl apparat d’udida Gliendisdis, ils 26 d’october 2015 saveis Vus schar schubergiar e rugalar Vies apparat d’udida: 9.15–10.15 en Casa sogn Martin a Trun 10.45–11.30 en Casa sogn Giusep a Cumpadials 13.30–15.15 el Puntreis, Center da sanadad a Mustér Las firmas Amplifon ni Jäggi da Cuera/Glion, cun Arthur Jacomet, fan quei survetsch per tuts interessents gratuitamein. Ei drova negina annunzia
© Copyright 2024 ExpyDoc
