Fegl parochial Plaid sin via Caras parochianas e cars parochians Il fevrer tschenta dus accents. All'entschatta dil meins ei tscheiver. Quel ha ragischs ella veta ecclesiastica. Avon la Cureisma duein ils carstgauns guder la veta cun bunas tratgs, cun divertiment e spass, per lu far pli serius e sapientivamein cureisma. Il t scheiver dallas pleivs da Gievgia Grassa en sala-pvervenda a Glion dat caschun leutier. E lu entscheiva cun mesjamna dalla tschendra il temps da penetienzia e renovaziun da nossa veta cun Diu ed ils carstgauns. Er a appelescha quei temps da parter cun quels che ston pitir fom. Il material dall'Unfrenda da Cureisma dat qu ei ni tschei impuls leutier. Plinavon: Pertgei buc ina ga secuntentar cun ina sempla tschavera? Pertgei buc ir ina ga suplementar en baselgia? Ni era encurir da serconciliar cun Diu ed ils concarstgauns? Jeu giavischel a Vus in legreivel temps da tscheiver e lu surtut ina graziusa Cureisma. Cordialmein Sur Alfred Cavelti Messas e devoziuns Nossadunna da candeilas Mardis, ils 2 da fevrer 09.00 Survetsch divin eucaristic cun benedicziun dallas candeilas e dil culiez en baselgia 5. Dumengia ordinaria Dumengia, ils 7 da fevrer 09.30 17.00 Survetsch divin eucaristic mf Johanna Wellinger Devoziun Mesjamna dalla tschendra, ils 10 da fevrer Di da gigina ed abstinenza Venderdis, ils 12 da fevrer 09.00 Messa 1. Dumengia da cureisma Dumengia, ils 14 da fevrer 09.30 17.00 Survetsch divin eucaristic cun benedicziun ed imposiziun dalla tschendra Caudonn Anselm Beer-Wellinger mf Wilhelm Caviezel-Caviezel, Mengia Egger-Blumenthal e Gieri Cavelty Via dalla crusch Venderdis, 19 da fevrer 09.00 19.30 Messa Oraziun da Taizé en baselgia Sagogn 2. Dumengia da cureisma Dumengia, ils 21 da fevrer 09.30 17.00 Survetsch divin communabel a Glion Via dalla crusch Venderdis, ils 26 da fevrer 09.00 Messa 3. Dumengia da cureisma Dumengia, ils 28 da fevrer 09.00 17.00 Survetsch divin eucaristic mf Anton Pelican-Wellinger e Rita Walder-Pelican, Margretha Capaul-Camenisch Via dalla crusch Communicaziuns Nossadunna da candeilas Ils dus da fevrer ei la fiasta dalla presentaziun da Jesus el tempel. Quei di vegnan las candeilas per il diever liturgic ben edidas. Tgi che vul schar benedir candeilas, metti quellas avon messa sigl altar dils aunghels. Alla fin dalla messa vegn dau la be nedicziun dil culiez sin intercessiun da sogn Plasch. Mesjamna dalla tschendra ei l'entschatta dalla cureisma e vala sco di da gigina ed abstinenza. Giginar vul dir magliar dameins, sin mintga cass pli se mpel. Abstinenza munta: buca magliar carn ni renunziar a zatgei auter che nus gudin mintga gi: televisiun, dultschems, in glas vin, la cigaretta ni la pippa. L'imposiziun dalla tschendra ei tier nus l'emprema dumengia da cureisma, ils 14 da fevrer. Tscheiver dallas pleivs Sco auters onns organisescha il cussegl pastoral da Gievgia Grassa, ils 4 da fevrer, ina sera da tscheiver, naven dallas 19.00 en sala-pervenda a Glion. Gl'ei adina ina legra e biala sera. Ei dat tscheina, zacontas rundas lotto ed enqual surpresa hilarica. Ina gruppa da musica delectescha ed envida da saltar. Sche zatgi porta ina producziun, ein ils organisaturs fetg engrazieivels. Cordialmein esses Vus envidai da vegnir enta Glion e guder quella sera. Vus astgeis vegnir mascrai ni buc, sin mintga cass cun buna luna. La contribuziun da frs. 40.-- per tscheina e lotto gidan curclar ils cuosts. Nus supplichein per in'annunzia tochen ils 29 da schaner, tier Marta Riedi, tel. 081 925 32 73 ni [email protected]. Vus saveis era sannunziar tier Dora Cavelty, tel. 081 925 16 20 Cussegl pastoral Glion/Sagogn/Schluein Devoziun da Taizé Demai che biars han schau plascher quella liturgia cun cant ed oraziun ils 26 da november digl onn vargau o Sagogn, repetin nus ella venderdis, ils 19 da fevrer. Quella ga entschevin nus allas 19.30. Armin Cavelti prepara la devoziun ensemen cun Maria Regina Wilms che fa la musica. Cordial invit da prender part. Unfrenda da cureisma Quella stat uonn sut il motto: Purtar responsabladad - rinforzar giustia. Il material (agenda e satget d'unfrenda) saveis Vus prender odem baselgia. Preparaziun per l'Emprema Sontga Communiun Sonda, ils 20 da fevrer, a Glion, 13.00 tochen ca. 17.00. Ils geniturs retscheivan leutier in'invit persunal cun il cedel d'annunzia. Quel ei da drizzar ni dar giu en scola ad Armin C avelti. Viadi dallas pleivs 2016 Mesjamna, ils 7, tochen dumengia, ils 11 da settember. Il program ei fatgs. El sesanfla ella cruna da scartiras odem baselgia. Il viadi ei descrets sut "Glion". Leu saveis Vus leger tgei loghens che nus visitein. Mario Gartmann meina nus cun siu car. Quel porscha plaz per 44 persunas. Perquei eisi da vantatg da sannunziar aduras. Pertgei risguardai vegnan las empremas 44 annunzias. Annunzia tochen sil pli tard ils 29 da fevrer tier Marta Riedi, Via Schlifras 54, 7130 Ilanz/Glion, tel. 081 925 32 73 ni [email protected] Unfrendas specialas Unfrenda dallas olmas frs. 183.90 Universitat da Friburg frs. 124.15 Spital da Betlehem …frs. 412.05 Impuls Prer e zenns, umens e dunnas, fan tscheiver. Pertgei buc star ina ga da legra cumpignia?
© Copyright 2024 ExpyDoc
