LA MOUSSE DI MAIS Un dì de festa, in un bel ristorante de gran lusso, ma pièn de zente ignorante, m'è sta portà 'na lista de piatti tipici parigini. Par la precisiòn, i gèra strani antipasti con nomi altisonanti. Mi, curiosa e col naso insù, go letto con soggeziòn 'sta carta del menù. Tra tante prelibatezze, compariva éa scritta: "MOUSSE DI MAIS AL BRIE". Senza esitaziòn, a la go subito ordinà. Da bona polesana, quando ke i mea ga portà, a go capìo ke se trattava de poènta col formajo in zima destirà. Niente de speciàe: éa pareva pastume par le gaìne, fatto de farina zala slacquarosa. Tra mi e mi, go pensà: "Sarìa sta mejo ke i me ghesse portà 'na fetta de poènta veneta, magari infasolà!". A.P.
© Copyright 2024 ExpyDoc
