Document openen - Twentse Taalbank

. . * 1lt
Twentse Taalbank
B __ ~
* •
. *
NBIUK~K]N;!t~tDI~~
b 't ''
Kt-PLAT
D~
'
*
ft IÇIASSit)
11tT TEEKININ ~ENV.AlJ
f/f s~DI~
VAN DEN BROEK & ADOLFS
-
ENSCHEDE.
Twentse Taalbank
TER INLEIDING.
Gaarne wil ik enkele woorden schrijven ter inleiding
van dit bundeltje T wentsche gedichtjes van de hand
van den heer K. Jassies.
Wij allen kennen den heer Jassies, die ons onder
pseudoniem in een der T wentsche dagbladen geregeld ·
op onderhoudende wijze heeft doen genieten van de
prachtige woorden en uitdrukkingen die zoo karakteristiek
zijn voor ons Twente.
Ik geloof. dat we ons gelukkig mogen achten, dat in
den -heer Jassies iemand naar voren is gekomen, die,
naast een groote liefde voor de oude spraak van zijn
gewest, de capaciteit bezit, deze in aardigen vorm vast
te leggen.
Mej. Toos Elderink heeft ons in haar werkzaam
leven een schat van oude taalkennis nagelaten.
Moge de heer Jassies thans op den door haar ingeslagen
weg voortgaan.
Ik twijfel er niet aan dat hij er in zal slagen vele
lezer:; door deze gedichtjes te boeien en bij hen de liefde
voor hun geboortegrond en hun moedertaal levendig te
houden.
-
L. A.S.
Twentse Taalbank
'N WOORD VAN TE VUURT'N.
De blaêr' van de Ni' je Hengeler Kraant, waarin ik
zoo mennigmoal 'n vèrsken schriew' n mog in oons oóle
T wèènter plat, zeent völlerweggens hen-' dwerreld.
Vescheid' n leu hebt mi' j wal ees 'zegd : "' t is spietig
dat dee dingskes nich ees 'n moal te hoop wodt 'brach."
De leu dee dat jammer hebt 'voond'n, zölt duch mï'j
tevrèè wèn dat 'ne heele schoefkoar' vol van dee
dwerrel' nde blaêr' bi' j mekaê zeent 'zoch. Hier hei' j ze
vuur OW ligg'n. En nà mo'j vuur OW zölm mer ees noagoan of 't hier net met geet as met de blaêr' dee, as de
wînterdag in 't laand begînt te komm'n, van de beum'
of dwerrelt noa alle kaanten. Wat heï'j d'r bi'j dee ow
luk stil maakt umda'j ze mooi vîndt; aandem, nee, doar
kuï'j nich zoo har met votloop'n. En ok wil 't mangs.
gebuum dat wat 'n een' n mooi vîndt, 'n aander luk
tèg'n steet. Ok tref (j leu an dee vuur alle dwerrel'nde
blaêr' 'n nös in de heugte trekt.
Zoo hei'j ok leu dee an all'ns wat in 't plat is
'schriew' n n' n hekel hebt.
De beide soort'n woa'k 't zoo net oawer har, doot
better dit beuksken mer stil te loaten ligg'n.
Men n' n echten Tukker hoolt van ziene spraak. Hee
mot mer hengaan en bekiek'n zik disse dwerrel'nde
blaêr' stuk vuur stuk ees good. En dan wi'k mer hopp·n
dat 'e d'r 'n stuk of wat tusken mag vînn' n waarvan 'e
bï'j zik zölm zeg : "hè, dat dingsken, dat wi'k toch nog
ees 'n moalof wat good in mï'j opnemm'n I"
K. JASSIES.
Ensched', 17 December 194 1.
Twentse Taalbank
TER NOAGEDACHTENISS'.
An 'ne T wèènske dichteres.
Bi'j et hengoan van Mej. C. Elderink,
schriefster van "Oet et Laand van Aleer"
en van "Twèènter Laand en Leu en
Lèèven",
Wï' j zagg' n et kommen
Wèkk'n-Iaank,
Mer 't reûrig lèèven geet
Zien' n gaank ;
Zoodönig kwam et oonverwach
En 't trof oons as n' n felien slag.
Z'is vot-egoan, zoo vrom, zoo zacht,
Egrèpp'n duur 'ne woond're Macht .....
Wi'j bliewt en veult 'ne leuge stiê
In 't hètte. En d'r welt 'ne beê
Op, rech' oet oonze böst :
"Da's hebb' n mags 'ne heil' ge röst .... .I"
Gedèènken doow' di'j, dichteres,
Vuur all'ns wa's vuur oons bis ewès,
Vuur 't moois da's oons hes leeren zeen
In 't "Laand van Aleer", oons lèndeke kleen ....
Gedèènken doow' di' j oons lèèven laank. ...
De "Twèènter leu", ze zeit dï'j daank.
14 Juni 194 1.
9
Twentse Taalbank
In en urn
de
boerderi'j
BI'J 'NE SCHOPP'.
'k Stun bï'j 'ne schopp', zoo oold, zoo scheef,
Woar*) onner 't eekènhoalt.
De zunneplekskes daanst' n d'r
Met stro al' nde kluur' n van goald.
Et mos op 't dak was innig greun,
De pann' n zoo waarm, zoo rood,
Hoog op 'ne waêg' lag hawerstroo,
Dat scheen met schellen glood.
Et zachte lech' van 'n zunneschien
V eul duur de losse duur
Noa binn'n, woar 't op pöste scheen
En op 'n oold stuk muur.
De pöste war' n zoo oold. zoo krom,
De muur was half vegoan,
Ok doar spöld'n lech noa binn'n hen
Woa'j 'n-oole waêg' hadd'n stoan.
'k Stun bi' j dee schopp', zoo oold. zoo scheef.
Wat heul 'e vast mi en oog I
Van 't kleurenspel, van lech' en schaê
Kreeg ik mer nich genoog'.
*) Woar
10
=
ergens.
Twentse Taalbank
OET EN AN.
Siena: Ieup, in de suzaansie *)
Oawer 't wègken noa de moat,
Eer gezichte stun naa doonker,
Zee wuss hoaste zik gin road.
T roanen bloanken in d-e oogen,
't Hètt dat huuld' n eer van vedreet ,......,:
Leu, 't was oet met de vekeering
En dan wee'j wa' hoo of 't geet,
Joa, 't was oet met de vekeering
En dan wee'j wa' hoo of 't geet I
Naads den zat achter 'n busken
Met 'n kop al in de veer'n.
Fo'j. wat was den jong vedreetig:
Et was oet met ziene deern ....
't Wich har nï'j-moodske flantuten:
Polka-hoar. 'n heellech' kleed:
Naads den kon et wa' too growwen
En dan wee'j wa' hoo of 't geet,
Joa, et kon urn wa' too growwen
En dan wee'j wa' hoo of 't geet I
Siena kroop toon èèm' n later
In de moatonner de koö,
Nee, et melken wol nich lukken
Fo'j toch, fo'j ,. . . , wat 'n gedoö .... I
Achter zik heum ze toon loopen
Duur et meûtken kloonk n' n kreet ,. . . , ,. . . ,
't Was wier àn met de vekeering
En dan weef wa hoo of 't geet, ·
Joa, 't was an met de vekeering,
En dan wee'j wa' hoo of 't geet I
*} in de suzaansie
=
in gedachten, afwezig.
11
Twentse Taalbank
MIDDAGRÖS'. _
Et was d'r zoo stil en zoo röstig
Urn d' ~ole boerderï' j ; ·
Ze lèè doar zoo vrèèdig te dreumen
In 'n zunn' -schien, zoo glaanzend en blï' j,
l'j zagg'n d'r niks dat zik reurd'n,
Gin ènkelt geluud ko'j d'r heuren ,_.... ,_....
Vetrouwd was 't ,_....en tóch aait wier nï'j.
De kalwer dee lèèd'n in 'n heuksken
Te sloapen bï'j 'n hek.
De vèèrken heul' n röstig eer sleûpken
Bi'j 't vèèrkenschot, deep in 'n drek,
En 'n hoeshoond, den aait zoo sikuuren,
Lèè lui bi' j de niênduur te turen,
(Hee wus 't wa', hee was ok nich gek I)
En de schopp' do~r op zied in de beume,
W oa' j d' eeken zwoar hebt stoan,
Et was of ze stil stun te dreumen
Oawer all' ns wat vot is egoan.
Wat stil was 't, wat vrèèdig, wat röstig
Op 't èèrve in 't stróalende lech',
Mer wat völ hèf dee stilt' oons den mîrtag
Op dat oold boerenèèrv' toch ezèg I
I
12
Twentse Taalbank
OOLE KLOKK'
Üóle klokke in de kökk' n,
Oöle klokke an 'n waand,
Hoo völ lange, lànge joaren
Hengs dow doar al an de kaant 7
Hoo völ lange, lànge joaren
Dös-dow röstig doar dien waark :
Tikke-takke. tikke-takke ....
Klopt dien hètt, bedaad en staark.
Hoo völ will' en hoo völ zeerte
Zeent oawer di' j hen 'egoan,
Hoo völ hes-d'r joonk zeen w odd n,
Hoo völ hes d'r vot zeen goan?
Röstig bleefs-dow onner all'ns
En dow dees dien daagliks waark :
Tikke-takke, tikke-takke ....
Gung dien hètt mer, stoer en staark.
Oóle klokke in de kökk' n ,.....,
Al brach 't Lèèven mangs wat met,
Aait bleefs-dow dien waark verich' n
Met 'ne deepe röst in 't hètt.
Will' en zeert' ,....., 't is all'ns betrekkelik
Tied en Lèèven goat eer' n gaank,
Tikke-takke, tikke-takke ....
Wel zien' n. plich döt vedeent daank.
13
Twentse Taalbank
D'OOLE BOER.
Op n' n mooi en zommer-oavend,
Leup ik oawer 'n wieden esch .
. An 'n raand lig 'n oold èèrve,
Da's d'r eeuwenlaank ewès.
Met da'k doar zoo loop te kieken
Koomp de oole boer d'r an,
Hee is acht-en-zömtig joaren,
:Mer i' j zeet urn dat nich an.
-
"Al mien lèèven he'k 'ewond hier,"
Zeg de boer, "en kiek ees an,
Wat 'n prachtig boerenspiL nich ?
Aait he'k nog plezeer d'r van.
'k Wett nog, dat de vrouw in 't hoes kwam,
·'k Wett nog, dat ze is 'egoan,
Met 'n heel schoer jonge blagen
Bleefik toon alleenig stoan".
"Wosseln was et, aaltied klèè'jen,
Mer wi' j hebt et toch 'ered ...
Wat 'n prachtig boerenspiL hè ?
Goa' ees kiek'n, loop ees met."
Aw dan duur et oole hoes dwelt
Blif ·de boer mangs stille stoan,
' In zien oogen blînkt et vochtig,
" 't Is" , zoo zeg 'e, "niks ge doan: ... "
, ,Want 'n heer dee is 'estoarven,
't Heele Iaandgood wodt vekof.
Nog 'n zètken en dan mot ik
.
Van d1·t moOie· sp1·Iken of .....·T"
D'oole boer is seent 'n tiedken
Bi' j 'ne dochter in' egoan,
Heel vaak löp 'e bi'j zien hoes nog,
Heel vaak zee' j urn doar nog stoan.
14
Twentse Taalbank
OONZ'N HAAN'N.
Oonz' n haan' n kan mangs zoo vrömd doon,
Net 'n mènsche, wisse woar.
Kott' ns stun 'e op 'n mèsbult
As n'n könnink, fiksch en kloar.
't Zunneke bestroald'n urn lekker,
Ziene oog'n dee veul'n urn too.
En zi<:::n' n haals wö~ àl mer kotter ,_,
Met 'n mènsch hei' j 't mangs net zoo.
"Ah. w'as dat noi" wodt 'e wakker,
,,'t Is ob mi'j doar etwas stek."
Hee geet in zien'n jas an 't vreuten
Met zien' n onwies schaarpen bek.
As 't gejök do ar an .de kaant is
Veul~ 'e nog wat an zien'n kop,
Üp één'n poot steet 'e te krabb'n ,_,
Zeet ees an, wat krabt .' e drok.
Mèt dat 'e wier wil goan sloapen ....
Wat is dàt? Doar heurt 'e wat.
Blikstie, da's n'n aandem haan'n, ·
Wat n' n staarken baas löt dat I
,,'k Leuw, dech oonzen, da'k goa loopen,
"Zoo een, nee, den döw'k nich ani
Hellig umzeend', driftig stappend Ge et 'e gauw noa 't hok op an.
Strabaant geet 'e doar stoan kiek' n
Of 'e zeg : "Kom no mer op I"
Hee slöt nieds met ziene vlochten,
·Fo'j wat fel is zien'n kop.
Mer den aandem haan' n den smeert urn,
reè 'jn man T.
En 'n oonzen..... k'
Leu, mi'j duch van haan'ns en mènsche,
Doar zee' j vaak 'et zölfde van.
Twentse Taalbank
Op mooie stieën.
N'N KAMPERFOELIE-BOS.
't Was net n'n greunen rèègen
Van blèèdkes, blînkend-zacht,
N'n wèll'gen, weeken zèègen
Van rieke kleurenpracht.
T usken de teere blèèdkes,
Stun gèl 'n leef rozet
Van kèlkskes, o zoo kunstig
En vrömd in 't roêm-'ezet.
En an de blèèdkes bloonken
Met stroalend-zulvem glood,
De dröpkes van 'n rèègen
As diamanten doot.
....-J
En tröskes kleine krall' n
Met felle, roode kluur,
Dee schaterd'n luk moodwillig
T usken et greune duur .
. 't Was net n'n greunen rèègen,
Den kamperfoelie-bos,
Vuur 't ooge was 't n'n zèègen,......
Hee leut oons mer nich los.
16
Twentse Taalbank
'•
IN 'T VENN'
..
-r...: . .
Eerst hei'j d'r zwoare eeken
En dan krie'j lèèger hoalt,
'n Bèèrksken hier, n'n kwakel doar,
En èèlzenbeum' in grös, heel zwoar, ·
Met bloomen, gèl as goald.
Et wègken löp dan hooger
En 't dichte grös vedwient,
l'j komt bi'j bèèlten, broen van 't heed,
Bi'j vennekoel'n, woar 't water steet,
W öar stil de zunn' in schient.
Zoo herws en .derws löp 't wègken
Tot hoog in 't vènnelaand,
W oa' j heel wied in de roondte zeet,
W oar machtig-groot 'n hemmei steet
Vol blauwen zunnebraand.
Bi' j oavend as et vènlaand
In rossig schiensel lig,
'n Tuutwulp en 'n koekoek roopt,
Bi' j 'n buske s~hichtig reebukk' loopt
Zoo iets vegètt' i' j nich.
,.....<
,_.
17
Twentse Taalbank
IN 'T HEEDVÈÈLD*)
'n Wègken löp d'r duur et heed,
'n W ègken dat gin mènsch hoast weet,
Zoo stil. zoo onbetrèèden.
En wagenspuurs, hoast nich te zeen . .
Dee loopt d'r herws en derws duureen .-Heel lich' kuï' j ow vetrèèd' n.
'n Wègken löp d'r duur et heed.
Woa'j kiekt heel wied in et vescheet,
Noa alle, àlle kaanten.
Doargunds zee'j beume, breed en zwoar,
Dee stoat d'r wiss' vescheid'n joar ,_.,
't Zeent oole. oole klaanten.
'n Wègken löp d'r duur et heed.
Langs bèèlten woar 't mangs vrömd too-geet.
Doar wont 'n ampat völksken ,_.,
'Et maakt et mennigmoal luk boont.
Dat vrouwleugrei doar in de groond ,_.,
Vaak zee'j d'r 'n wit wölksken ....
A'j gengeit langs den weg duur 't heed
Is 't o'j de oole tied weer zeet,
Toon Hessenwaag' ns nog veurden,
Toon 'tjonge volk. in 't oavend-uur,
Te hoope urn et losse vuur,
Noa volks-vetèèlsels hemden.
*) heed
18
=
heide.
Twentse Taalbank
BI'J DE HAZELBEKK'.
Et èrve lig d'r onner 't hoalt
Te dreumen in de schà.
I' j heurt d'r niks as 't rum: ken
Van teuge en van blaê ;
.De hoonder loopt te pikk' n
Of schudt zik in et zaand.
En gunds op zied hei'j schopp'n
Zoo rech' noa oólen traant.
Vuur 't hoes, doar lig 'n höfken
W oar boon te bloomen bleu' jt,
De vrouw löp d'r te kiek' n
Hoo of de boel êl'r greu'jt.
En wiederop blînkt water,
Doar steet nog 't möli'n-rad
Op zied van 'n heel oóld bouwsel ,_...,
Zoo vrèèdig-mooi is dat I
Ik heb d'r stil stoan kiek' n,
Noa 't spel van zunn' en blad,
Noa 't fonkeln van et water,
Doar op dat möli' n-rad.
Ik heb d'r stoan te lostem
Noa stemm'n van aleer,
Ik heb d'r stoan te dreumen ,_...,:
Hoo laank ,_..., ik wett 't nich meer.
19
Twentse Taalbank
IEBENBUSKE.
"Iebenbuske" of "iebenbeum", zoodönig neumt
n'n Twèènsken boer de doonkere beum' dee
'e ;mennigmoal vuur zien hoes of op zied d'r
van hèf stoan en dee aait greun bliewt. Aleer
wör 't greun gebroekt vuur de Palmpoaskens.
Bi'j 'n Diekboer vuur 't hoes (in de buurt van
't Hof te Boökel) steet 'ne heele rieg van dee
onmundig zwoare iebenbeum!
Op 't èrve van 'n Diekboer
Hei' j iebenbuske stoan,
Z e stoat d 'r op 'ne riege .. ..
Wi'j zeent d'r hen egoan.
Wi'j zagg'n de zwoare beume
Onmundig staark en stoer,
Want nèrg'ns bi'j oons zee'j iebenbeum'
As bi'j et èrv' Diekboer.
Ze stunn'n d'r in de zunne
De~ scheen met staark'n glaans,
Et somb're greun der ieben
Leut aanders no as aans :
Et har 'ne deepe wèèrmte,
N' n ,vrömden, straal' nden: glood,
'n Zunnebraand deu duch mi' j
Eer' o6le butt' rech' good.
Wat zagg'n ze al nich kommen,
Wat zagg'n ze al nich goan,
Mer d' o6le, o6le iebenbeum',
Bleew' n doar mer aaltied stoan .. ..
En aait nog zeent ze krachtig
En stoer en staark en prachtig
Vol eerbeed heiw' d'r bi'j estoan
En stil ziw' wier vedan 'egoan.
20
Twentse Taalbank
'N WEGKEN.
Ik weet 'n wègken. smal en gril,
W oa' j waandein könt, zoo mooi, zoo stiL
'Et is merakel dicht begreujd
En slim. zoo as d'r all'ns bleu'jt.
An beide kaanten hei'j n'n wal
Woa'j beum' en struuk' zeet zonder tal:
N'n eek, n'n beuk, n'n kwakelbosch,
Ne bèèrk, n'n èls, n'n iebenbosch
En slingergrei, veward en boont
Wast oaweral onstuumig roond.
l'j zeet d'r deume, bèèzen. hopp'
En vleerhoalt, rozen en klimop.
En boam'n et wègken, greun en dicht
Benèèmp ow 't bladerspil 't gezicht.
En gunds op zied, doar langs de kaant,
Doar zee'j n'n kluur'gen bloomenraand.
Et voggelvolk zoargt vuur meziek :
Et kent de wieskes oet de kiek.
De bloomen roekt met woond're kracht,
De wînd dee soest d'r vrömd en zacht.
A'k mangs ees stil'kes dreumen wil,
Dan goa'k duur 't wègken, smal en gril.
Dan wodt 't mi' j woonder aait te mood
'k Wett zölm nich hoo, mer 't döt mï'j good.
21
Twentse Taalbank
IN DE LUTI'.
De wègkes loopt d'r op en daal
Langs esken en langs buske,
I' j zeet d'r heel zwoar eekenhoalt
Met staarke huuz' d'r tusken.
Ze hebt mangs namen dee vetèèlt
Van laank vevloagen daêge
En stieën wodt d'r völ nog 'tèèld
· Oet oóle, oóle sagen.
Et hoalt dat wast d'r wellig-wîld
Met boonte, waarme kluur' n,
En bloomen zee'j opheupend völl:
De loch' is zwoar van guur' n.
En steên' erinnert an n' n tied
Dat hier nog nums *) hoeseerd' n ....
En umsgeliek goa'j woar op zied
Luk stoan te prakkezeer' n.
Dan goa'j noa plekk'n, steil en hoog,
Woa' j wied vot oet könt kiek' n
En woar de huuze, gunds in 't dal,
Üp spölgood joo goat liek'n 1
Et laand lig vuur ow, deep en breed ,_.., ,_.., ,_..,
Wï' j hebt d'r stil ezètt' n,
En as de zunn' dan dale ge et.. ..
Urn nooit wier te vegètt' n 1
*) nums
=
hoeseern
22
niemand
=
wonen.
Twentse Taalbank
BI' J 'T HOF TE BOOKEL.
De beûm' van: 't Hof te Bookel
Dee zung' n 'n ~èmstig leed,
Ze zung' n as oole mènsche
Dee weinig hebt te wènschen
Dee wied terugge zeet.
Wï'j lèèd'n in 't grös oons dale
En dreumd'n zoo vuur oons hèn.
Toon was 't ow stemm'n heurd'n,
Of do ar woar wagens veurden ...
Wï'j keeken urn oons hèn.
Wï'j zagg'n de ruuters komm'n,
Ok freules reden met,
Wï'j heurd'n de woapens klînk'n,
Wï'j zagg'n de kleêre blînk'n,.....,
Wï'j wödd'n in 't stof 'ezet.
Ze reed' n oawer 'ne brugge,
Toon kwamm'n ze woar op steên
N'n hoorn kow' heuren schallen,
Ne pietsch kow' heuren kna1len ....
Nog èèm'n,....., toon waw' alleen.
·Alleen met d' oole eeken :
Dee zung'n eer èèmstig leed,
Et leed van oole mènsche
Dee weinig hebt te wènschen,
Dee wett hoo völ vege et.. ..
23
Twentse Taalbank
'T WEUS1 E VÈÈLD
Zoo geeme ma'j ik dweilen
Duur 't weuste, stille vèèld,
W oar wagenspuurs en bèèlten
Van 'n ooien tied vetèèlt.
Woa'j lèègten hebt en heugten,
W oa' j heel wied-oet könt zeen,
W oar all' ns ow döt dèènken
An ti eden, laank eleên ... .
Zoo geeme ma'j ik dweilen
Duur 't weuste, stille vèèld.
W oar nog n' n griezen schèèper
Mangs ziene scheûpe tèèlt,
W oar 't heed zoö zacht kan flostem
Woar steên lï'jt, klein en zwoar,
W oar dann' n stoat te dreumen,
Wel weet al hoo völ joar ....
Zoo geeme ma'j ik dweilen
Duur 't weuste, stille vèèld.
W oar zik de kwakelbuske
Zoo vrömd hebt op 'estèèld ....
~
~
~
~
~
~
~
~
0, 'k ma' j zoo geern d'r dweilen,
Duur 't weuste, stille vèèld,
W oa' j d' eeuwen heurt vetèllen,
W oar tied in 't geêls nich tèèlt.
24
~
~
Twentse Taalbank
WEES 'T NOG ... ?
Wees 't nog daw' gengeld'n langs den weg
Met wallen an de kaant 7
Wat veuld'n wi'j oons doar good terech'
Doar achter 't roggelaand
r
De eeken war' n d'r hoog en breed,
De dann' n doonker-zwoar,
En varens, raanken, bloomenspiL
Wat wass'n wol dat doar
r
Luk wieder ha' j 'ne losse stiê
T usken 'et dichte hoalt,
Et grös dat greu' jden doar vegèk,
De ~unn' bescheen 't met goald.
De beume stunn'n d'r in n'n krînk
Te dreumen, onbereurd.
Wi'j heurd'n d'r vaak 'ne stille Stem
Deew' toch zoo naa geern' heurt.
Weer heiw' egengeld langs den weg,
Mer 't hef oons deep bedroowd,
Wi'j veuld'n d'r oons nich meer terech'
Want all' ns was liek 'eploogd :
De beume war' n d'r ammoal vot,
De bloom'n dee bleu'jd'n nich meer,
't Was ammoal dood en vlak en kaal...
'Et hètt' dat deu oons zeer.
25
Twentse Taalbank
KindergreL
'N SCHILDERI'JKEN.
Eûgkes broen en
Stroalend zacht,
Eûgkes dee hoast
Aaltied lacht ,.....
Kinnebèkskes
Rózig-roond
Met twee kuulkes
Urn 'n moond:
Mooie lipkes
Rood as vuur,
Witte tèènkes
Blînkt d'r duur,
En et nösken,
Moppig-kleen,
Kuï' j zoo wat in
't Geels nich zeen.
't Köpken wodt zoo
Leuk umkraanst
Duur et hoar
Dat wollig glaanst,
Zacht en wèllig,
Wîld-duureen
Koomp et oawer
D' oor' n egleên.
0 dat köpken
Frisch èn teer,
Ik vegèt et
Nemmer meer.
't Is zoo vrom, zoo
joonk en bh' j ,.....
't Is zon kost'lik
Schilderi 'j.
26
Twentse Taalbank
OP 'T MAARK' .
Op 't maark' leup oons Jens met zien T ruukken,
Hee droog et kenien in 'ne tasch,
"Vuur veer geuln döfs-tow et vekoopen,"
Zèè mooder, "dat gèèld koomp van pas" .
Op 't maark' leup oons Jens met zien T ruukken ,
"Wat kost," vroog 'n vrómmènsch, "dat kniên?"
" Vief geuln," zèè et jungsken heel èèrnstig :
No veuld'n 'e : naa geern mog 'e-'t liên.
De vrouw leup vedan en oons Jènsken
Drokt' n T ruukken nog ees tèg' n zik an,
Wat zacht en wat vrom lèè et beesken,
Met kenn'bak tèg'n kennebak an.
Op 't maark' leup oons Jens met zien T ruukken,
Hee wus wa' : et deer was flînk zwoar,
Bi'j urn leed et wiss' ok gin honger:
Aaltied stun de jong vuur urn kloar.
Et vrommènsch dat kwam wier bi' j Jènsken,
"Vief geuln, beste jong : et is good,
Zon vet kniên met de Zöndaag' da's lekker,
Daarvan koomp 'n mènsch wier bi'j 't blood."
Oons Jènsken kreeg vief roonde dinger
Van 't vrommènsch in 't vuusken edoan,
En toon, met zien heufd vol suzaansie,
Is'-alleenig noa 't hoes hen egoan.
27
Twentse Taalbank
SUNTEKLOAS .
.,Suntekloas, dow mos ees lostern",
Klînkt et zacht oet 't kleine bèrr'
.,Kloasoom, 'k wol dï'j wat in-flostern ,_..,
.,Heurs mï'j wa', hier oet mien berr' ,_.., ,_.., 7
.,Och, joa wiss' , dow heurs joo àll'ns
Is 't zoo nich .... 7 Ik woag t' er op ,_.., ,_..,
Kloasoom, wees' wa'k geern wol hebb'n .... ?
Nee, gin lekkers, ginne pop,
Gin n'n spoortrein, ok gin blokk'n
Gin 'ne bouwdeuz' of 'n peerd,_..,
Kloasoom, och, ik heb van all' ns,
Al dat grei, wat is 't mï'j weerd ...
Kloasoom, wees' wa'k geern wol hebb'n ... ?
Aand're jongs dee hebt 't toch ook.. ..
Kloasoom, ttoe, zon heel klein zusken,
Doar velang ik noa, dat doo'k.
'k Veul mï'j vaak zoo heel alleenig
Preenspoals as et doonker is,
Aand' re jongs hebt breurs of zuskes
En ik ... spölgood, aans joo niks ,_.., ,_.., I"
"Suntekloas, hes' good 'elosterd 7
Toe dan, Kloasoom, toe dan meer,
Doo wa'k di' j heb in-' eflosterd,
Kloasoom, 'k huul a' van plezeeri"
28
Twentse Taalbank
'T MIRWINTERHOORN.
Ik heurd'n et mirrewînterhoorn,
Toon'k kott'ns leup te dwell'n:
Ik maakt' n stil n' n grooten sproonk
Ik zal 't ow ees vetèll' n :
I~ zag mi'j zölm as kleinen blood
An 't hènd'ke van de · vaêre;
Et vèèld was wit, de loch' was rood
Wi'j losterd'n met mekaêre;
Geklaag wied vot, zoo vrömd, zoo teer,
Dat heurd'n wï'j al vedan mer weer ....
"'t Mirwînterhoorni", zèè vaêre.
En hee vetöl mi'j wat et was,
Ik lostem heel andachtig.
Toon wo'k zoo geern et hoorn ees zeen.
En 'n bloazer ok zoo krachtig ...
Et vèèld was wit, de loch' was rood,
·Wi'j leupen al vedan mer voort.. ..
En 't hoorn dat bleus mer .... prachtig.
Et vèèld was wit. de loch' was rood.
Wi'j veuld'n et kloppen van oons blood.
Wi'j losterd'n met mekaêre,
Wi'j leupen zeukend mer vedan,
In 't lest.... toon keek wi' j oons ees an ,_.., ,..~
.. Wi'j goat noa 't ho~si" zèè vaêre.
29
Twentse Taalbank
NOA 'T SCHOOL.
Kleine Jènsken kon nich sloapen
Kleine Jènsken har vedreet:
Hee mos vuur 'et eerst noa 't school hen
En dan wee'j wa' hoo of 't geet I
's Moàrg' ns kon 'e nich wat ètt' n :
't Sloek'n dat was zon n'n toer,
Bèèw' n deu-r-' e as 'n kèlfken,
Joa leu, 't lèèven veul urn zoer.
Of de moor al met 'urn proatt' n
Of urn oawer 't vlashoar streek,
Jènsken bleef in de suzaansie
Met de kennebèkskes bleek.
Later zag i' j urn met mooder
Noa 'et kleine scheûlken goan,
Jongs en wichter, lachend, huulend,
Zag i' j doar te hoop al stoan.
Mooder, met n'n troan in 't ooge,
Leup wier noa 'et hoes op an,
En doar gung ze fiks an 't klèè'jen,.......
Fo'j wat doer'n den moàrg'n eer lang I
Mer in 't leste ... doar kwam Jènsken
Heel har' langs 'n weg 'esjouwd.
"Mooder, fijn is 't in de schoolei"
Hèf 'e eer toon too-vetrouwd.
30
Twentse Taalbank
IN 'T HEU'JLAAND.
Ze zeent met zien all' n an 't heu' jen,
De vaêr en de moor en de meid,
De bèsmoor is joo nog an 't helpen,
0 zeet toch ees an hoo ze klèè' jt *) ....
Zoo mèè' jt ze en haarkt ze en schudt ze vedan,
Dat is nog ees heu'j-weer, zoo steet 't eer pas anI
Klein' Ary en Antjen dee stoat an de kaant
Te kieken hoo d' ooien zik weert,
"Kom an," zeg klein Ary; hee döt eer 'ne haand:
"Dat teumig **) stoan, da's mï'j niks weerd".
En dan haarkt ze en schudt ze en öast*) mer vedan,
Dat helpen in 't heu'jlaand, dat steet eer bes' anI
N'n heeln zet later vrög besmoor op èns
, ,Toe Dieka, woar is 't jonge grei ?''
•
Ze kiekt en ze kiekt, mer ze zeet joo gin mènsch,
Ze zèukt wat ze könt in de wei ,_., ,_.,
Üp zied van n'n öpper, (heel klook, in de schaê!)
Sloapt Ary en Antjen, heel stief tèg' n mekaê.
'')
kièèj'n, öäsen
''*) teumig
=
=
hard werken, zwoegen.
werkeloos.
31
Twentse Taalbank
V AER EN MOOR.
Jan en Ali zeent twee blagen,
Veer joar zölt ze zoo wat wèn,
Mangs, dan zee'j ze samen sticheln,
Mervaak spölt z' ok, heel tevrèè'n.
Kott' ns zatt' n ze op 't streûtken
Vuur zon oold Twèènsch boerenspil,
Ali zèè: ..Ik zin de mooder!"
Jan was vaêr ,....., leu. wat 'n will !
"Hier". zeg Ali, "zeent de kin der":
't Poppenspil koomp vuur 'n droad.
V aêr maakt gauw 'n bèrr terechte
Met wat plodd' n, zoo op stroat.
.. Zoo," zeg moader tot de kînder,
"Gauw goan sloapen, hem i'j dat,
Aanders wodt de moor heel hellig
En dan krte'j merakel wat!"
As de kînder sloapt, zeg vaêre
.. Vrouw, nà goa wï'j ok noa 't berr,"
En hee geet zik gauw oettrekk'n
Zoo, doar op dezölfde stèrr.
En de moor dee volgt zien vuurbeeld :
Alleen 't hèèmp' hebt ze nog an,
Net as ze zik daal wilt leggen,
Wör 't ontdekt .... Toon ·gung 't er van!
32
•
Twentse Taalbank
BI'J DE HEI'JA.
Suja, suja, kleine wicht,
Doo dien' euglzes gauw mer dicht.
Goa mer sloapen, huul nich meer,
Of döt 't buuksken dï'j nog zeer 7
W aarme melk dee döt di' j good,
Dreenk mer, zoo ... . dow lekk'ren blood.
Suja, suja, hen en weer,
Toe nà, wichken, huul nich meer.
Suja, suja, kleine wicht,
Doo dien' eugkes gauw mer dicht.
Go a mer sloapen ... Of bis' koald?
Loa'k ees veulen .... joa, bepoald I
Zoo ... ik pak di'j waarm d'r in,
't Dèkkensken tot an de kin.
Suja, suja, hen en weer,
Toe nà, wichken, huul nich meer.
Suja, suja, kleine wicht,
Doo dien' eugkes gauw mer dicht.
Gees' nich sloapen? Bis' soms bang?
Aans dan slöps-dow joo allang ....
Wèè bedaad mer, lekk'ren schat,
Mooder ,blif en hölt de wacht.
Suja, suja, hen en weer,
Toe nà, wichken, huul nich meer.
Suja, suja, kleine wicht,
Doo dien' eugkes gauw mer dicht.
Wat is 't nà .... lachs-dow mi'j too,
Kleinen bössel van dien moó 7
Suja, suja, suja zacht,
Joa,. dien mooder hölt de wacht,
Suja, suja, hen en weer,
Zoo mien wicht, nà huuls' nich meer.
Twentse Taalbank
Urn 'n esch.
WINTER OP 'N ESCH.
'Et was zoo wat al oavend
Toan'k oawer 't eschlaand leup ...
Ik keek hoo oet de kloetens
Joonk greun de heugt' in kreup,
'n Sneê lag op de vèèld' n,
Et ies bloonk op 'n weg,
En toch .... dee jonge row' doar,
't Is of z'-'ne bosschop brech.
't Is of ze wil beduud'n
Dat 't aait gin winter blif,
'~ Is of z' oons oet wil leggen,
Dat 't bettem tied ok gif.
't Is of ze oons wil zeggen :
Toe mènsche, zeet noa mi' j,
Al hek ik klein en zwak ok,
'k Lèèf dapper toch en blï'j.
'Et was zoo wat al oavend
Toon'k oawer 't eschlaand leup ....
En zag hoo oet de kloetens
Joonk greun de heugt' in kreup,
De zunn' zoonk stille dale
Met schiensels rood en zacht,
De loch' was blauw en wazig ... .
Zoo kwam stil' an de nacht.
34
Twentse Taalbank
RÖST.
'n Esch lèè stil te röst' n,
De loch' was gries en zacht,
Et vuurjaar ko'j venèmm'n
Met vrömde, woond' re kracht.
Van wiedten kloonk gerammel
Van waag'ns op n'n weg,
N'n voggel zong mer steûrig
Van 't vuurjoar, dat 'e brech.
En op 'n esch, heel hooge,
Waar 't laand wier dale keert,
Daar was n'n boeran 't bouwen*)
N'n boer met 't staarke peerd.
No staat ze oet te röst' n ,_.
Niks zee'j meer wat zik reurt,
'n V oggel is goan sloapen,
De waag'ns zeent vot-eveurd.
En achter 'n esch kluurt schiensels
De loch' luk blauw en rood .Wat stil is 't en wat vrèèdig
Wat döt dee röst mi' j good.
*)' Bouwen
=
ploegen,
35
Twentse Taalbank
'N OOLD GEBROEK.
Ken i' j de boerschop Mekkelhörst
Bi' j oons in 't T wèènter laand?
Doar lï'jt, tusken de eeken, zwoar,
Boêrï' jn an 'n r~and
.
Van 'n esch, den zik doargundert welft, ,
'n Wègken löp d'r duur,.......
Doar lèèft 'n o6ld ·gebroek nog voort,
Zoo één met de natuur.
In 't vuurjoar, as de row' d'r wast
Hel-greun en vol van vuur,
Dan trekt, .dree moal vuur Hemmelvoart,
De boer' n eer esch-laand duur,
"' n V èddgaank", neumt ze zölm den tocht,
Noa 't waark komt ze bï'j-een,
De boer'n, met de kloompe an ,. . . .
Ok kînder kuï' j ·d'r zeen.
Vol eerbeed goat de kipsen of,
Wat wichter trèèdt vuuran,
De maansleu, met 'n rozenkraans,
Dee loopt d'r achter-an.
Al biddend trekt ze 'l wègken langs .
Dwars duur den mooien esch ,. . . .
Völ langer as 'n mènsch zik heugt
Is dat al zoo ewès.
Doargundert bi' j den o6len eek,
"'n Stobb'n", zoo ze zeit,
Doar is de .o6le, o6le .stiê
Woar :zik 'n vèèldgaank drèèit,
Aait biddend nog vuur good gewas
Trekt ze weerum noa 't kruu.s,
Doar kneelt ze dan vol andach' daal
En bidt, bï'j 't blad-geruusch ....
36
Twentse Taalbank
Den vèèldgaank duur dat wiede laand,
Daar in et oavend-uur,
Dee stilte, dee eenvoldigheid,
't Geleuf en de natuur ....
wat plechtig is dat oold gebroek
In 'n Mekkelhörster esch,
Ik zin d'r, 'k wett nich meer hoo laank,
Heel stil, heel stil van 'wès.
IN DE MEITIED.
De loch' is as 'ne kralle
Van straalend blauw en blaank.
Doaronner lig 'et eschlaand
In golven, breed en laank.
'n Pèèdken löp d'r herws en derws
T usken de akkers duur ,....,
Al hoo völ joar is 't pèèdken doa:r
Vegreu'jd met de natuur?
Ik loster noa de rogge,
Dee flostert, soest en zîngt,
De zunn' spölt met de halmen,
Dee feest'lik glemt en blînkt,
En langs 'et pèèdken duur 'n esch
Maakt bloomen vrom n' n raand ,....,
Den slingert doar mer langs de voor,
Vol kluur' n, allerhaand.
Doargundert op 'n pleksken,
Woar 't oarig hooger is,
Zee'k oole huuze piepen
Oet 't greun, zoo joonk en frisch.
En oet, de loch' heel hooge,
Klînkt feestelik gezaank ,....,
Dee röst, dee vrèè in 't eschla~nd :
Ik veul miJ vol van daank.
37
Twentse Taalbank
SUNT-JOAPIK.
De row' hèf, as Sunt-Joapik koomp,
'Ne deepe, goálne kluur;
De halmen, met de oám vol zoad,
Dee buugt no zachjes duur.
De boer haalt all'ns vuur 'n droad,
Waarmet 'e haarden kan :
N' n hamer en et haarspit ok,
En heurt urn dan ees an.
En as et dan Sunt-Joapik is,
Dan geet 'e noa 'n esch ;
Hee zwaait de zicht al wat 'e kan,
Gebroekt 'n bouwstrik bes'.
De bîndsters in eer -witte tuug,
Dee waarkt zik in et zweet,
Joa, hoo völ gaarven bindt ze nich,
Mer bli' j zingt ze 'n leed.
's -Noa-mirraagns, as de vrouw van 't ·hoes
De vesper brech noa 't l~and,
Dan riegt de leu zik in n' n krînk,
Doar woar luk an de kaant ;
Dan ett' ze good en drînkt 'n luk,
Dan wodt d'r klasjeneerd,
Want leu, luk röste op zien tied,
Dat is ok heel wat weerd.
En a'j dan later komt op 't laand,
Dan zee'j de gasten stoan,
't Vuurriaamste waark op 't roggelaand
Dat hèf dan of 'edoan.
Dan komt d~ wagens en de peêr,
Oeé veurt de boel noa 't hoes,
·"· En dan- is stoppelhaan'n in 't làand,
' ' ~'Dan gung 't mangs onbesoesd r
~~m;m~:v.::;.:t~:~. .-
38
Twentse Taalbank
't 1-Ieele joar duur
DE 'WINTERDAG.
Et is 'ne kleine wereld
Van gries en grauw en wit,
En boetén is 't of nèèrg'ns
Luk kluur of deept' in zit.
N'n boer is gunds an 't bouwen
Achter zien grieze peerd,
't Is net zon spölgood-spilken,
Dat hoas' nich avanseert.
In 't peppelohoalt krast hèèi' n
'n Kemosies as-te-too,
Wat hebt ze an dee drokte .....
De stilt' vescheurt ze joo l
In 't bosch doar is 't no doonl<er
Eil. 't voggelvolk zwig stil,
't Is of doar all'ns ees dönig
Zien' röste nemm' n wil.
N'n danoenboom in 't heedvèèld,
't Is of 'e prakkezeert :
,,Den koal' n, natt' n wînter
Is mï'j gin vief cèènt weerdf"
Hee de eh an aand' re daêge
Vol wèèrmt' en zunneglood,
Hee dech' .... mèr hopt teg'lieke ,_,
Hee veult et ,_,: dat döt good I
39
Twentse Taalbank
DAT WEER .... DAT WEER f
Dat IWéér .... dat wéér .... dat is ow wat,
Dat döt mer woar 't van hoalt,
Dan schient de zunn' mangs helder-op
En sjouw' wï' j met 'n blooten kop ,....., ,......
En dan .... o fo'j, wat koald I
Dat wéér .... dat wéér .... et is bedroowd ,....., ~
Vegang'n, toon was 't zacht.
Ik zèè teg'n 't wief: .. Bis' ok d'r vuur 7
Wi'j gengeit saam 'n bosch ees duur
Woar 't voggelvolk a' lacht.. .. ".
Dat wéér .... dat wéér .... et is 'n spil,
Wï'j waandeld'n met plezeer,
Wï' j keken mangs mekaê ees an,
(Kwam 't van de zunn' ... woar-anders van?)
Wï'j veuld'n oons joonk ees weer.
Dat wéér .... dat wéér .... et is joo slim I
Üp èns, doar wow' verrast:
'Ne schaarpe wînd snit oons urn 't lief,
D'r dwerrelt sneê ,. . . , de haan heiw' stief ,. . . ,
En 's oams .... in 't bèrr I M è t kwast I I
40
Twentse Taalbank
DE GRIEP.
Fo'j, o fo'j, wat is 't 'n spil toch,
'k Kef\ mi' j zölm zoo wat nich weer :
'k Stun te gleu' jn as n' n kachel
En toch rill'n ik, keer op keer.
Mien'n kop den stun op spring'n,
Mi ene beên' war' n zwoar as lood :
,. . . , Jong, dow hes de griep r zèè 't vrommènsch,
,. . . , Rap in 't bèrr, dat döt di'j good.
En doar li'j ik no te zweet'n
En te rillen in mien bèrr,
'k Dörf mi'.j hoas' nich te verenren :
'k Li' j mer op dezölfde stèrr',
Want dee butte, o wat ploagt ze,
Slim wat doot ze mi'j toch zeer,
't Vrommènsch brech mi'j luk te ett'n:
"Toe, goa vot, ik ètt nooit weeri"
W aarme kruuk' n an de veute,
't Lief hè'k vol met heeten kwast,
Vief. zes dekkens li'jt op 't bèrre,
Deuk' um kop en haals, heel vast...
Noa 'ne wekk' is 't wier in odder,
'k Zi~ 'op mien'n stool dan weer.
V eul i' j ow mangs ok luk sloerig 7
,......, Gauw in' 't bèrr. Da's de manneer II
41
Twentse Taalbank
LAAT'N SNEE.
Zee wol met 't kînd 'n bosch. in,
't Was, duch'n eer, mooi weer,.....,
Den mirrag kon 't nich duurgaan :
Want 't buuksken deu zoo zeer.
Mer moa r g'n, dan zol 't gebuur'n:
Want boeten wo'j no fit ,.....,
Doch toon ze 's moarg'ns oet 't bèrr kwam
Was d'heele weald joo wit.
.
In 't hoes, dàt mos ze bliew'n I
Bepaald, ze har vedreet :
A'j wat in 't heufd ezet hebt,
Döt 't zeer as 't oawer geet.
'n Dag of wat was 't later,.....,
0 fo'j, de weald was nï'j: ·
Et jonge grös, dat glaansden,
N' n schiddewit*) den daansten,
Ne bi'j was zacht an 't brommen
En jonge knöppe glommen,
Ze heurd' n et eerste voggelleed ,.....,
Ik zeg ow: vot was eer vedreet.
Ze is met 't kînd goan waandeln,
't Was mooi, 't was leefhebb'ri'j -:
Zoo geet-'et: 't moois noa tèg'n-slag
Maakt oons nog èns zoo blï'j.
*) N'n schiddewit
42
=
een vlinder.
Twentse Taalbank
'N EERSTEN VUURJOARSDAG.
De loch' is as 'ne kraiie:
Gin wölksken is te zeen,
En zunneschien, luk bleek nog,
Koomp stil noa daaln egleên.
Doargundert tusken d'eeken
Heï'j 'n boerenhoes, 'heel oald,
Et lig zik doar te waarmen
In 'n glaans van blauw en goald.
De bèkk' is vol met water
Dat stroalt en bèèwt en blînkt,
A' j stil stoat urn te kiek' n
Is 't net of 't zachjes zîngt.
In 'n bosch doar hebt de dann'n
'Ne waarme, greune kluur,
Wat prachtig spölt 'n zunneschien
T usken de teuge *) duur.
Wa' s dat? .... Doar fluit' joo voggel,
Nog stil luk, mer toch blï'j.
Dan goat z'op èns an 't dawweln**):
'n Herrie.... leefhebb' rt' i I
De weàld löt duch mï'j jonger,
Wier nï' jer en wier frisch:
Net as 'ne oóle kökk' n
Dee dönig oet-'beund is I
*)
**)
teuge = takken.
dawweln = stoeien.
43
Twentse Taalbank
WAT N 'N TIED TOCH I
Leu, kön ï'j 't mï'j ok vetèll'n,
Want ik snap gin snet d'r van ...
Zit et in de loch' duss daêge
Of lig 't ok woar aanders an ... ?
Vrouwleu, dee aait zoo bedaad war'n
Ken i' j rechtevoort nich weer,
Schreeuwen doot ze, bloazen, angoan,
Foetern, racheln, keer op keer.
Leu, kön ï'j 't mï'j ok vetèll'n,
\Vat schot toch dat vrouwleuspiL ..
All'ns haalt ze oawer-èène,
Is 't 'ne krèènkte, is 't 'ne gril?
Gin n'n stool steet op de plaatse,
't Bèrr henk boeten (zit-'t vol mot?)
En 'n bril is joo van 't huusken,
'k Heb ezoch, mer 't dînk is vot.
Gin' ne plaat meer an de muure
En gin kleedken zee'j joo meer.
Emmers, kuum'ns, bezzems, plodden ....
'k Brek de peut' wiss' nog 'n keeri
Ledders, deuke, trappen, bössels,
Deuz' en pött' met wiks en was,
Witselkalk zee'j op de vloóre,
Ieder bod trèè' j in n' n plas.
Maansleu, maansleu, wat n' n tied toch,
Fo'j wat heb wi'j et toch zoer...
't Eigen hoes is oons glad vrömd nà
(En dat zeg w"a t vuur n'n boeri)
Leu, kön ï'j 't mi'j ok vetèll'n
Wat dat vrouwleuvolk mankeert?
"Schoonmaak" zeit ze. Mer ik vroag eer:
"Heï'j de boel dan zóó vesmeerd?"
44
Twentse Taalbank
SEPTEMBER.
De zunn' zat wied in 't westen,
De wolk'n war'n doar rood,
En oawer 't laand lèè stille
N'n zachten, blauwen glood.
De toor'n-klok ko'j hemen
Heel schaarp, as van kot-bï'j,
Geproat van volk venam ï'j
Zoo dreumerig, zoo nï'j ...
En oaweral ko' j roeken
Luk kruuderigen guur,
As trök 'n rök van 't eêrpellaand
Tot in de buske duur.
De voggel heuln zik stille
En. 't bosch, was 't al luk kaal?
De liesterkrall' n dee bloanken
Of veul' n mangs zachte daal.
De blaêre woll'n nich blînken,
Et greun dati stroald'n nich meer,
Toon'k 't gèll d'r duur zag glemmen
Toon deli! mi' j 't hètt luk zeer.
45
Twentse Taalbank
HARFST.
Blauwe luchten,
Deepe zuchten
In 'n bosch met goald' n lech',
W oar terneut ow blînkt de kleuren,
Woa'j 'ne stille Stem könt heuren,
Dee zoo völ ow zeg.
Blauwe daampen
Üp de kaampen
W oar et volk de êerpel stek,
W oa' j geluuden wied könt heuren,
En woa' j opsnoewt zachte geuren,
Dee 'n harfsttied brech.
Rooie krall'n
Zee'j dale vall'n
Zachte in 'n bèrr' van blad,
Reukeloos*) zölt ze veteem,
En ze lèèfd'n toch zoo geem .....
't Beeld van 'n Harfst is dat.
*) Reukeloos
46
=
spoedig.
Twentse Taalbank
'NE KAARK.
De zunn' veul zachte dale
In breede baan' n van goald,
Ze veul' n op stille blaêre
Dee woondermooi no stroalt ;
Ze veul' n op rooie stammen,
Üp noalden, somber-greun,
En beum' d'ee stunn'n te vlammen
War' n heemoals nich beteun *)
't Was of de stilt' oons drokt'n
En toch ... toch deu z' oons good,
Wï'j veuld'n heel deepe in oons,
N'n waarrnen, wèll'gen glood.
Wï'j keek'n noa stroewèll'n**)
Met blèèdkes, rood as blood,
Luk grei met zulvem bèll' n
Stun roondum eeren voot.
'Ne· kaark leut-'t woar 'wï'j leupen,
'Ne kaark vol waarrnend lech',
N' n kleurenriekdom, innig,
Dee tot 't gemood völ zeg,
'Ne kaark met hooge ruumten,
Met heukskes, zoo vetrouwd,
'Ne kaark woar mènske geeme
An 't innerlik luk bouwt.
*) beteun = zeldzaam.
**) stroewèll'n
struikgewas,
=
47
Twentse Taalbank
..... ,
tl•,.
''/",
')•
OONS TWÈÈNTE.
Leu, ik vroag ow, wett i'j zölm wa'
Hoo mooi of oons Twèènte is,
Of-'s no woar bi'j Dèèld'n of Loster
Of in Buurs' of Dèènkaamp bis?
Of bi' j Ootmösken of Vasse
Of woar in de hooge Lutt' ,_.:
Oaweral kui'j prachtig trekk'n,
Al kost 't mangs luk stiewe butt' ..... 1
Bulten, lèègten, golvend eschlaand,
Buske, moaten, zaand en heed',
Hier of doar 'n grillig bèksken,
Dat woar langs n' n wal hen geet ,_.
Oole, oole boerderi'jen
,
T usken heel zwoar eekenhoalt,
Woar de zunn' mangs op kan schienen
Met n' n woond' ren glaans van goald.
Leu, ik vroag ow, wett i'j zölm wa'
Hoo mooi of oons T wèènte is,
Of-'s no woa; bi'j Boom' of Weersel'
Of bi'j Hoksebargen bis?
Trekt t'r oet leu, zeukt de zunn' op,
I'j könt 't joo nooit jonger doon,
Klimt te hoop op owwe fietsen
Of zoargt vuur 'n paar beste schoonI
48

Download Report