Il padre dei nomi pdf free

5. Protocol dalla radunonza generala dil Forum cultural
vischnaunca da Breil
Dumengia, ils 7 da december 2014 allas 14.00 uras en l’aula casa da
scola Breil
Tractandas:
1. Beinvegni
2. Rapport dil president
3. Protocol ed approbaziun
4. Rendaquen ed approbaziun
5. Plan da lavur e taxas
6. Elecziuns actuar ed assessur
7. Varia
1. Beinvegni
Il president, Ciril Friberg beneventa cordialmein ils presents. El constatescha cun
plascher che 20 commembras e commembers ein presents. Igl actuar Bistgaun
Cathomen ha schau perstgisar muort engaschi en in auter iug. Per la radunonza
hodierna vegn Andreas Pfister nominaus ed elegius.
2. Rapport dil president
En in extendiu rapport lai nies president reviver il curriu e passau digl onn vargau. Ina
menziun speciala mereta segir la lavur gartigiada dil monument historic dalla bova 1927
a Tavanasa. Ad Isletta ei vegniu montau duas tablas historicas. L‘emprema muossa las
persunas disgraziadas, la secunda muossa fotografias cun la part dil vitg avon la bova.
La punt devastada, la nova punt da 1928 e las midadas entochen oz.
Da Sontgilcrest, ils 19 da zercladur 2014, ha giu liug a Danis/Tavanasa/Isletta la fiasta
d’inauguraziun dil monument. Sur Giusep Venzin ha fatg in survetsch Divin campester
d’inauguraziun dils monuments e la societad da musica Danis/Tavanasa ha embelliu tal.
Suenter messa ha ei dau la caschun da gentar sil plaz da fiasta cun producziuns da cant,
musica e sunatibas.
A tuttas e tuts gidonters che han procurau per il beinreussir dalla fiasta admetta il
president in grond engraziament.
-
2 -
Enteifer igl onn current ein las sculpturas sin las duas sendas historicas, numnadamein
senda Strada e Survitg vegnidas midads.
Lavurs da manteniment ei vegniu fatg a Crap Burlatsch, Plaun da Pors sco era els
loghens historics a Patnasa, Caltgera e curtgin da Breil, Isletta e monument da scolast
Muoth.
Vid la la petga-fontauna sin plaz Cadruvi a Breil ei vegniu montau ferradira per deponer
matgs.
La gruppa da costums da Breil ei vegnida sligiada ils 13 da fenadur 2014 ed ha fatg a
nus ina donaziun. Ils commembers da quella ha decidiu da surdar la summa totala da lur
facultad al Forum cultural Breil cun il giavisch da procurar in baun cun l’inscripziun
giavischada.
Ina secunda surpresa ein la donaziun da frs. 1‘500.00 dil concert final dalla jamna da
cant 2013 en baselgia a Breil.
Commembers dil FoCu han era segidau cun montar il pigniel da Nadal a Breil e Dardin
avon baselgia sco era cugl indrez d’illuminaziun dalla punt a Tavanasa.Il president fa
speciala menziun ch’il FoCu hagi prestau neginas expensas finanzialas vid quellas . Ils
cuosts han ils vischinadis, persunas privatas sco era instituziuns supriu.
Suenter la radunonza havein nus la pusseivaldad da far ina viseta el museum historic
De Latour. Dunna Theus vegn a dar a nus in’informaziun dil museum. Grazia fetg! Il
president engrazia per il grond engaschi da mantener nos beins culturals en
vischnaunca cun numnar en special:
-
Ils voluntaris
Ils consuprastonts
Tuts/As commembers/As activs, passivs e donaturs
3. Protocol ed approbaziu
Il protocol, redegius digl actuar Bistgaun Cathomen vegn prelegius entras il president e
vegn approbaus unanimamein cun engraziament.
4. Rendaquen ed approbaziun
Il cassier, Maurus Cathomas presenta il quen. Tal vegn menaus sco contabilitad dubla
aschia ch’il cassier sa dar dettagliau sclariment d‘ entradas ed expensas.
Igl onn da quen cumpeglia ils temps digl 1. d’uost 2013 tochen ils 31 da fenadur 2014.
-
3 frs. 19‘638.05
Entradas total
Expensas total
frs. 22‘070.70
__________________________
Surpli expensas, sperdita 2013/14
frs. 19‘638.05
frs. 2‘432..65
frs. 22‘070.70.
Impurtonts posts:
Entradas:
Contribuziuns commembers activs e passivs
Benefacturs
frs.
frs.
Expensas:
Project historia
Project Isletta
frs. 1‘933.20
frs. 13‘353.20
La bilanza per ils 31 da fenadur 2014 muossa ina
facultad da
frs.
5310.00
2510.00
6‘901.30
Ils revisurs, Lisabeth Caduff e Werner Carigiet ha controllau il quen e Werner Carigiet
reportescha ch’els hagien fatg la revisiun e che tut ils documents seigien avon maun. El
fa attents che quittanzas d’expensas duein indicar tgei project ch’ei pertucca.
Cun in engraziament al cassier vegn il quen approbaus unanicamein.
5. Plan da lavur e taxas
La taxa annuala per commembers activs munta sco tochen ussa
Per commembers passivs
frs. 30.00
frs. 20.00.
P’igl onn 2015 ei previu da far suandontas lavurs:
Manteniment sendas trutgs
Manteniment posts historics
Signalisar cun tablas ils diff. luvratoris che existevan per liung igl ual Val Cuschina.
Far diff. tablas cun indicaziuns.
Lavurs a Plaun da pors eav.
Quellas lavurs pretendan ina summa d’investiziuns da ca. frs. 26.000.00
Pauli Tomaschett engrazia per la lavur che vegn fatga cun segar, schubergiar plaz sco
per exempel il curtgin d’honur. El exprima il giavisch da far tablas ch’informeschan nos
hosps daco ch’ei dat tals loghens sco per exempel la plazza commemorativa G.H.
Muoth, curtgin d’honur ed aunc auters.
Bugen eis el era promts da segidar cun prestar lavur per dar ina frestgentada al plaz da
giucs pils pigns (remplazzar las scorsas ed aschia vinavon).
-
4 -
La suprastonza pren encunter ils giavischs e sesprova da far quellas lavurs egl interval
d’igl onn 2015
6 Elecziuns actuar ed assessur
Igl actuar, Bistgaun Cathomen ch’ei staus confundatur, ha abdicau sin la radunonza
generala. El ei era staus responsabels per la pagina d’internet. Il president engrazia a
Bistgaun per sia lavur prestada en favur dil FoCu.
Sco successur vegn Andreas Pfister proponius ed elegius. Igl assessur Johannes Studer
ha bandunau la vischnaunca. Sco successur cun l’incarica d’amplificar la pagina
d’internet vegn Michael Friberg proponius ed era elegius.
7. Varia
Werner Carigiet orientescha sur dalla carta digitala dil territori dalla vischnaunca cun tut
ils nums locals che sesanflan en lavur. Elg internet san ins prender investa da quella cul
stan actual. Da Dardin ha el gia rimnua ca. 450 nums Da Breil e Danis/Tavanasa ha el
retschiert biars nums da nies president Ciril. En tut ein ca. 1‘200 nums enconuschents.
Ina carta cun deffiniu ils cunfins dils nums dils cuolms ei fatga e surdada a Werner
Carigiet. El vegn proximamein a cumpletar la carta cun quellas indicaziuns,
Taddeus Cathomas fa attents ch’il contuorn dallas capluttas S. Martin e S. Sievi duess
vegnir mantenius meglier duront il temps da stad ed atun.Ciril Friberg vegn ad orientar il
president dalla Pleiv .
Cun in engraziament a tuts per la buna cooperaziun e bien sustegn siara il president Ciril
la radunonza allas 15.10 uras.
Finida la radunonza ha liug la viseta dil museum historic De Latour. En duas gruppas a
ca. 10 persunas havein nus survegniu investa e sclariment. Cordial engraziament a
dunna Theus per las interessantas informaziuns.
7165 Breil, ils 13 da december 2014
Igl actuar:
Il president:
Andreas Pfister
Ciril Friberg

Download Report