Transkript Philosophie, Ethik für Sek II Filosofix 3. Il tscharvè en in tanc 3:15 Minuten srf.ch/myschool 00:10 T’immaginescha: In neuroscienzià vegn ina notg tut bufatg en tia chombra. 00:27 El ta narcotisescha e ta porta en ses labor. Là operescha el cun inschign il tscharvè or da tes chau ed al metta en in liquid nutritiv. Lura tatga el tes tscharvè vi dad ina maschina enorma. Quella elavura ils impuls da la gnerva e proveda tes tscharvè cun numerus signals. 00:49 Cun impuls electrics po il scienzià crear en tai mintga impressiun imaginabla e simular in mund real. 01:01 Nossas experientschas conscientas vegnan numnadamain creadas da process en il tscharvè. Il corp na dovri betg. 01:17 Sche ti vesas ina flur, lura transmetta tes egl l'infurmaziun immediat a tes tscharvè, e quel creescha l'impressiun dad ina flur. La via da la flur sur l'egl al tscharvè pudess ins spargnar, sch'i fiss pussaivel da crear artifizialmain il maletg da la flur en tes tscharvè. 01:40 Quai vala er per la musica… 01:46 per dolurs… 01:49 e perfin per l'amur. 01:52 Cun stimular il tscharvè pon ins dar da crair a tai tut il pussaivel. Co sas ti pia, che gist quai na capita betg? E quai cun tai? Ussa? 02:04 Forsa noda tes tscharvè gist en in liquid nutritiv e vegn stimulà sistematicamain da cabels, uschia che ti mo crais da guardar in film da Filosofix. 02:14 Impussibel? Es ti propi segir? 02:19 René Descartes ha pretendì en il 17avel tschientaner ch'ins possia cuntanscher ina tschertezza absoluta. I dettia insatge che nagin na possia dubitar: il fatg che jau pens en quest mument. Lura exist jau er. Nagins patratgs senza pensader: «Cogito ergo sum» – Jau pens, damai sun jau. 02:46 Co sai jau però che jau na pens betg tut. Danunder savain nus ch’i dat propi il mund? E, pos ti excluder, dad esser be in tscharvè en in tanc? 1/1
© Copyright 2024 ExpyDoc
