ProtocolProtocol dalla radunonza generala 2014

Protocol dalla radunonza generala dils 15 da mars 2014, hotel/restaurant Badus/La Val
Tractandas:
1.
2.
3.
4.
5.
6.
7.
8.
9.
Beinvegni
Elecziun d’in dumbravuschs
Protocol dalla davosa radunonza generala
Rapport annual dil president
Rendaquen per igl onn 2013
a. Presentaziun dil quen entras il cassier
b. Rapport dils revisurs
c. Approbaziun dil quen
Sanaziun dil conduct principal vitg Rueras 3. etappa
a. Presentaziun dil project
b. Conceder il credit necessari
Preventiv 2014
Informaziuns
Varia
1. Beinvegni
Allas 20:00 uras arva il president Guido Monn la radunonza generala dil 2014. El fa a tuts in
cordial beinvegni, en special a la suletta dunna, all’Adelina Schmid.
L’invitaziun ei stada publicada 3x ella Tuatschina, numnadamein ils 14-02, ils 28-02 ed ils
14-03-2014. Malgrad tontas invitaziuns han sulettamein 18 persunas anflau temps e la via
tier nossa radunonza generala.
Suandontas persunas han schau perstgisar: Berther Pancrazi, Deplaz Gelgia, Deplaz GionPaul, Deplazes Ciril, Friberg Guido e Huonder Baseli.
Sin damonda dil president dat ei neginas amplificaziuns ni midadas dalla gliesta da tractandas. Ils presents san concluder sur da la radunonza.
2. Elecziun d’in dumbravuschs
Sco dumbravuschs vegn Marcel Schmid proponius ed elegius.
3. Protocol dalla davosa radunonza generala
Il protocol dalla radunonza generala 2013 che ha giu liug ils 16 da mars el hotel Posta Rueras vegn buca prelegius. Tal ei gia dapi entgin temps publicaus silla pagina d’internet, era ei
quel circulaus questa sera denter ils commembers presents, aschia ch’ins ha aunc inaga
saviu prender investa en tal. Il protocol vegn approbaus unanimamein. Sin giavisch vegn il
protocol egl avegnir publicaus ella Tuatschina, gest ensemen cull’invitaziun per la radunonza
generala.
1
4. Rapport annual dil president
Il president prelegia siu rapport. El dat ina revista al curriu e passau digl onn 2013. Sut auter
menziunescha el las lavurs dalla 2. etappa Rueras e lur sfidas. Bunamein tut ils abonnents
cumpigliai han en quei connex sanau lur lingia privata naven dil conduct principal entochen
en casa. Ils sclusaduirs tiels privats havein gest remplazzau tuts, mintga proprietari ha pagau
frs. 1‘000.00 ed ei aschia separticipaus vid ils cuosts.
Custau a nus ha quell’etappa frs. 371‘000.00, pia 22‘000.00 francs pli pauc che previu. Nus
spitgein aunc sin las contribuziuns dalla polizia da fiug cantunala da rodund frs. 59‘000. Ils
mistergners han prestau fetg buna lavur, quei project ei reussius cumpleinamein. Guido engrazia als convischins per lur pazienzia e capientscha.
Il survigilader Sep Aluis Monn e siu substitut Urs Berther han era igl onn 2013 puspei prestau
fetg buna ed impurtonta lavur. Bunamein 30 km lingia da pressiun, enviers 10 km lingia da
transport, ca. 130 hidrants sco era varga 300 sclusaduirs ston onn per onn vegnir controllai,
revedi ni remplazzai. Els meretan in grond engraziament.
A Rueras sper punt baselgia ha ei dau igl atun vargau ina ruttadira da lingia che ha caschunau donns vid la via da quartier sco era vid la via da funs encunter il Rein. Quei ei il motiv principal daco che nus targin en consideraziun d’exequir ina tiarza etappa a Rueras gia
ussa. In’ulteriura ruttadira havein giu sut la casa da Guido Cavegn, quella ha per cletg caschunau negins donns.
En tut havein giu 6 sedutas da suprastonza. Quei ei stau necessari per haver saviu liquidar
las fatschentas usitadas. En quellas sesidas havein sut auter concediu siat lubientschas da
colligiaziun per ina summa totala da frs. 124‘800.00.
Igl onn 2013 han las fontaunas purtau dapli aua che la media dils davos onns. Aschia ha era
la producziun d’energia electrica ella Val Milar saviu vegnir augmentada. La producziun ei
stada tier 825‘412 kw (2012 = 759‘700 kw), pia in augment da 8% enviers igl onn vargau. En
daners ei quei in gudogn da rodund frs. 98‘000 (2012 = 93‘000).
Il president engrazia all’energia alpina, en special al meinafatschenta Ciril Deplazes, per igl
excellent engaschi e professiunala collaboraziun en connex culla producziun d’energia ella
Val Milar. Era meretan ils consuprastonts in grond engraziament per tut il prestau ed amicabla collaboraziun.
Vinavon appellescha il president la necessitad da nos aquaducts e che tals basegnan cuntinuadamein grondas investiziuns e tgira. Era essan nus suttamess a rigurusas perscripziuns
che pretendan quei. Aua ei in dils pli gronds scazzis che nus havein. Guido resda en nossa
cunscienzia e fa endamen che haver avunda aua schubra e da fetg aulta qualitad sco quei
che nus havein, secapescha buca da sesez. Sper quei ei noss’aua zun favoreivla, il liter che
flessegia ord la spina dil privat cuosta pli pauc che 0.1 rap! Il slamegiar aua ei per ver buca
ina vertid!
5. Rendaquen per igl onn 2013
a. Presentaziun dil quen entras il cassier
Il cassier Dumeni Cavegn presenta detagliadamein il quen 2013. Sin ina folia muossa el in
diagram da 3 curvas cun differents andaments: Las taxas annualas creschan lev; las taxas
da colligiaziun muossan in digren damai ch’ei vegn baghegiau pli pauc; la producziun
d’energia electrica pren tier, niev stabiliment naven digl onn 2011, prognosticau onn per onn
in gudogn da ca. frs. 100‘000.
La corporaziun dispona sur d‘ina bilanza da total frs.1‘816‘274.50.
Total entradas frs. 600‘584.42 (2012 = 581‘689.77).
Total expensas frs. 527‘582.60 (2012 = 550‘928.35).
Surpli d’entradas da frs. 73‘001.82 (2012 = 30‘761.42).
Deducziuns extraordinarias vid la reit da lingias frs. 148‘387.70.
2
Damai che certas lavurs administrativas han aunc buca saviu vegnir terminadas ein las subvenziuns dil cantun aunc muncontas. Ei setracta cheu d’ina summa da 80‘-100‘000 francs e
pertucca ils treis objects 2. etappa Rueras, stabiliments Milar e la Via Pungiun.
b. Rapport dils revisurs
Il revisur André Schmid pren il plaid e prelegia il rapport dils revisurs. El propona suandont:
1. d’approbar il quen da gudogn e sperdita per igl onn 2013 e la bilanza per ils 31-12-2013;
2. da dar scarica alla suprastonza ed a tuts funcziunaris responsabels;
3. d’admetter in bein meritau engraziament alla suprastonza ed a tuts funcziunaris per la
buna lavur prestada duront igl onn ora.
c. Approbaziun dil quen
Sin fundament dalla tscharna dil dumbravuschs vegn dau unanimamein suatientscha a quels
3 puncts sco proponiu entras ils revisurs.
6. Sanaziun dil conduct principal vitg Rueras 3. etappa
a. Presentaziun dil project
Il president presenta il project 3. etappa Rueras. Quell’etappa era buca previda d’exequir gia
ussa. Denton ord motivs economics havein stuiu priorisar quei tschancun. La lingia existenta
datescha ord igl onn 1949 e rumpa permanent, inaga en in liug, l’autra ga zanu’auter, aschia
ch’igl ei prudent da sanar quella ussa e da rudien.
Sco igl onn vargau vegnan ils convischins cumpigliai era uonn informai persunalmein entras
la suprastonza. Era cheu exista la pusseivladad da sanar la lingia privata naven dil conduct
principal entochen en casa, quei sin agens cuosts. En quei connex vegnan tut ils sclusaduirs
remplazzai, mintga proprietari ha da separticipar cun la mudesta summa da frs. 1‘000.00.
Las lavurs cuozzan naven dils 26-05 entochen ca. ils 11-07-2014. Duront l’execuziun dallas
lavurs vegn il traffic da via serraus. Igl access tiel menaschi puril sco era tier la scrinaria ei
denton garantius. Ils pedunzs han negin impediment.
Ils presents datan unanimamein suatientscha al project 3. etappa Rueras.
b. Conceder il credit necessari
Ils cuosts dil project sura numnau sebasan sin rodund frs. 225‘000 (+/- 10%). Era il credit per
il 3. tschancun vegn concedius unanimamein. Aschia savein realisar quella impurtonta
sanaziun. Quei ei la davosa pli gronda lavur enta Rueras pils proxims onns.
7. Preventiv 2014
Il cassier presenta il preventiv 2014. Suandonts puncts explichescha el pli detagliau:
 Expensas totalas da frs. 70‘000, da quei frs. 25‘000 per il niev indrez da dumbraders
reservar Salins; remaduras dils stabiliments; manteniments e diversas reparaturas
 Expensas da frs. 9‘000 per cuosts d’energia per las lampas d’UV e remplazzament
da tala péra
 Entradas da frs. 100‘000 sin taxas da colligiaziun
 Entradas da frs. 100‘000 sin participaziun d’energia (energia alpina)
Sin fundament dall’iniziativa da secundas habitaziuns havein en Tujetsch negin „Bauboom“
pli, quei che vegn a haver in’influenza negativa sillas entradas dallas taxas da colligiaziun.
Total entradas
Total expensas
Surpli d’entradas
frs. 577‘200
frs. 521‘900
frs. 55‘300
3
Il preventiv sco presentau vegn approbaus unanimamein.
8. Informaziuns
Il president menziunescha l’obligaziun speciala d’annunzia per il consum d’aua giu dils
hidrants. Ei va buca che mintgin retila aua cura e nua ch’ei para e plai. Sche nus schein
maun liber havein negina controlla ed uorden. Ils davos onns ein entgins hidrants ira empaglia muort fallidas manipulaziuns da persunas nuninstruidas. Per tals cuosts vegn negin si,
quels donns sto la corporaziun surprender cumpleinamein! Guido fa attents sil formular da
damonda ch’ei publicaus sin nossa pagina d’internet. Pertuccai ed obligai da far la damonda
ein tuts che vulan retrer aua giu dils hidrants, pia interpresas sco era privats ed era ils purs.
La contribuziun annuala munta a frs. 200.00.
Per objects novs sto vegnir retratg aua direct giu dil conduct principal e buca giu dil hidrant!
Ils pertuccai ein vegni informai a scret.
9. Varia
In giavisch ei da mintgamai publicar il protocol 3 jamnas avon la radunonza generala ella
Tuatschina. Tgi che giavischa explicitamein il protocol en fuorma da pupi sa s’annunziar tier
la suprastonza.
Negin’autra varia, aschia ch’il president siara la sesida allas 20:45. El engrazia a tuts ed envida ils commembers ad ina tscheina communabla.
7188 Sedrun, 25-03-2014
il president
igl actuar
Guido Monn
Roger Berther
4

Download Report