VISCHNAUNCA WALTENSBURG/VUORZ

VISCHNAUNCA WALTENSBURG/VUORZ
MESSADI – RADUNONZA COMMUNALA
Preziadas vischinas e preziai vischins
La suprastonza communala envida tuttas convischinas e tuts convischins alla proxima radunonza
communala che ha liug venderdis, ils 19 da zercladur 2015 allas 20.15 uras en sala dalla casa da scola.
Tractandas:
1
1.
2.
3.
4.
Approbaziun dil protocol dalla radunonza communala dils 12-12-2014
Approbaziun dallas statutas dalla Regiun Surselva
Approbaziun dallas statutas dil Circuit dil register funsil Glion-Lumnezia
Damonda da credit per ils projects da fusiun
5. Varia
1. Approbaziun dil protocol dalla radunonza communala dils 12-12-2014
Dil protocol dalla davosa radunonza communala dils 12-12-2014 sa vegnir priu investa sin canzlia
duront las uras da spurtegl ni sin la pagina d'internet www.waltensburg-vuorz.ch.
2. Approbaziun dallas statutas dalla Regiun Surselva
Il pievel grischun ha approbau ils 30 da november 2014 la legislaziun adesiva davart la refuorma
territoriala. Aschia remplazzan las endisch novas regiuns naven digl onn 2016 ils cumins, las corporaziuns
regiunalas ed ils districts. Las 18 vischnauncas dalla Surselva fuorman da niev la regiun Surselva. Las
vischnauncas Flem e Trin appartegnan da niev alla regiun Plaun. La nova regiun Surselva dispona da 21'347
habitonts (diember da habitonts per la fin 2013). Sedia dalla regiun Surselva ei Glion.
Els statuts vegnan specialmein definidas la structura, l’organisaziun, las incumbensas e las cumpetenzas
dalla regiun. La regiun vegn finanziada tras contribuziuns communalas, eventualas contribuziuns cantunalas
e federalas e cun auters recavs sco honoraris ord lavur per incumbensa.
Igl organ suprem dalla regiun ein ils habitonts cun dretg da votar dallas vischnauncas dalla regiun. Els
decidan davart relaschar e midar ils statuts, davart referendums ed iniziativas sco era davart fatschentas
regiunalas. L’organisaziun dalla regiun Surselva secumpona vinavon ord ils suandonts organs:
- Conferenza da presidents
- Cumissiun regiunala
- Secretariat
- Cumissiun da gestiun
Alla regiun vegn adossau d’ina vart incumbensas dil cantun e da l’autra vart dallas vischnauncas dalla
regiun. Las vischnauncas dalla regiun san autorisar la regiun da vegnir activas tier incumbensas
communalas.
Per adossar definitivamein ina incumbensa communala alla regiun drova ei ina cunvegnientscha da
prestaziun sin basa dils statuts davart las qualas las vischnauncas han da votar individualmein. Negina
vischnaunca sa vegnir obligada dalla maioritad d’adossar ina incumbensa.
Per l’acceptanza dils statuts basegna ei ina maioritad dallas vischnauncas.
Dallas statutas dalla Regiun Surselva sa vegnir priu investa sin canzlia communala sco era sin la pagina
d’internet www.waltensburg-vuorz.ch.
La suprastonza communala fa la proposta dad approbar las statutas dalla Regiun Surselva.
3. Approbaziun dallas statutas dil Circuit dil register funsil Glion-Lumnezia
Las statutas vertentas dil Circuit dil register funsil Glion-Lumnezia dateschan digl onn 1996. Il diember da
vischnauncas ei dapi lu muort fusiuns sereducius da 32 sin 10.
La structura veglia dallas corporaziuns da vischnauncas vegn remplazzada entras ina colligiaziun da
vischnauncas. Tut las activas e passivas dalla corporaziun crodan al niev purtader.
La radunonza da delegai vegn remplazzada entras la conferenza da presidents e corrispunda allas
structuras dalla nova refuorma territoriala.
La sedia sesanfla en la vischnaunca da Ilanz/Glion. A Glion e Vella sesanflan mintgamai in biro.
2
Ina midada ni aboliziun dalla colligiaziun da vischnauncas sa vegnir concludida entras il surpli dallas
vischnauncas colligiadas e vitier dalla pluralitad da tuttas vuschs valeivas.
La midada da statutas duei entrar en vigur legala ils 01-01-2016.
Dallas statutas dil Circuit dil register funsil Glion-Lumnezia sa vegnir priu investa sin canzlia communala sco
era sin la pagina d’internet www.waltenburg-vuorz.ch.
La suprastonza communala fa la proposta dad approbar las statutas dil Circuit dil register funsil GlionLumnezia.
4. Damonda da credit per ils projects da fusiun
Il questiunari ch’ei vegnius repartgius a caschun dil luvratori dil futur igl onn 2014 ha mussau che la
maioritad dalla populaziun giavischa ina fusiun. La moziun ch’ei vegnida inoltrada igl onn 2013 vul ina
fusiun cun las vischnauncas da Breil ed Andiast. L’iniziativa ch’ei vegnida surdada medemamein igl onn
2013 pretenda ina fusiun cun la vischnaunca Ilanz/Glion.
Considerond il spazi promovius dil cantun ei ina fusiun ensemen cun la vischnaunca d’Andiast giavischada.
Quella situaziun cumplexa vul la suprastonza communala surmuntar cun in coach extern. El duei menar ina
gruppa da project che secumpona ord representants dalla vischnaunca da Vuorz sco era dad Andiast.
Cun il team dad Ursin Fetz dalla HTW Cuera han las vischnauncas Vuorz ed Andiast anflau in partenari ideal.
Signur Fetz ha gronda experientscha en connex cun fusiuns da vischnauncas ed enconuscha muort il
luvratori dil futur la situaziun da Vuorz. Era ha el e siu team gronda enconuschientscha en connex cun
damondas finanzialas sco era giuridicas e discuora aunc romontsch.
La HTW Cuera offerescha l’elavuraziun dils dus projects da fusiun e pliras informaziuns dalla populaziun cun
ina summa da frs. 45'000.00. Da quella summa surpren la vischnaunca da Vuorz ord motivs dalla cumplexa
situaziun da partenza ils cuosts totals da frs. 25'000.00, ed Andiast ina summa da frs. 20'000.00. Ei vegn
denton mo quintau la lavur effectiva aschia ch’igl ei pusseivel ch’ils cuosts san vegnir sminui. Vegn ei tier
ina fusiun sa vegnir quintau ch’il cantun surpren ina part dils cuosts.
La suprastonza communala fa la proposta dad approbar il credit da frs. 25'000.00.
5. Varia
Suprastonza communala Vuorz
Vuorz, zercladur 2015 / sc

Download Report