Rede Toni Wirz

Wärti Festgmeind, liebi Jegensdorfer, Bärner Schwizer, Usländer u natürlech ganz bsunders alli
„Inne“ vo dene Bevölkerigsgruppe
Als langjährige Uslandschwizer isch’ s mir
es paar persönlechi Wort a Öich dörfe
e grossi Ehr a däm historische Ort
z’ richte
Dir chöit nech chuum vorstelle wi grüen
dä wunderbari Garte, wi ächt historisch und
gliich läbig das schöne Bouwärk uf üs wirkt
Als Bsuecher gspürt me richtig di viufältigi Gschicht wo hie gschribe isch worde .......
und ghört fasch no d’ Schritt vom General
wo üsi Entschlosseheit zur Erhaltig vo üsne Wärt symbolisiere.
Dir heit hie es ächts Bijou
Mi Name isch Toni Wirz, i bi Stadtbärner
60-i und wohne sit fasch 12 Jahr mit mire
in Dubai.
Frou Ursula , us Aarbärg , und üsne 3 Chind
Dört schaffe n‘ I als Pilot bi de Emirates
und d‘ Ursula als Dütschlehrerin an ere
Internationale Schuel
Mir hei d‘ Schwiz damals verla, wo dr Swissair buchstäblech d‘ Luft isch usgange
und si zur Swiss Hansa isch gschrumpft worde
I wirde viu gfragt, warum de uusgrächneet nach Dubai, i die frömdi Wält,
i die Hitz ?
Zersch emau wüll‘ s dört no ne Job für mi het gha
e chli ironisch säg I de aube no, dass
I üs ou uf das ha wölle vorbereite,
wo ja söll uf üs zuechoo:
uf d‘ Klimaerwärmig mit de Temperature
und dr Multi-Kulti , Dubai het ja nume
no öppe grad 15% Iheimischi
Aber jitz ohni Flouse
ir
Wüesti und uf di drohendi Überfremdig
--- >>
Mir ghöre sider zur sogenannte 5-te Schwiz
meh als jede 10. Das isch Europarekord
das si öppe 735‘000 Uslandschwizer , also
70% si Doppelbürger und 30% scho im Usland gebore , alli hei volls Stimm und Wahlrächt.
Politisch si mir in Bärn nid diräkt verträte,
das macht e parlamentarischi Gruppe
wo 2 mal im Jahr über und für üs debatiert
Me probiert scho länger üs Uslandschwizer
besser z‘ representiere, mit eigete Verträter oder Wahlkreis, das isch aber problematisch,
weil gwählt wird wär sech cha präsentiere und das isch äbe no schwirig für e Lehrerin in
Brasilie wo d‘ Wahl-Gunscht vom ene Rentner in Thailand wett gwinne
D‘ Sessione kenne drzue Awäseheitspflicht
und das isch halt schwär z‘ organisiere,
vor allem für die wo e chli wiiter ewäg wohne
und grad die sötte ou e bitz chönne mitrede
Dir gseht s’ isch schwirig! Es bruucht innovativi Lösige, schüsch isch de plötzlech
Kasachstan besser verträte als mir Uslandschwizer!
Mir si aber hür definitiv im Bundesbärn acho
es geit ja um wärtvolli Wählerstimme für di darbende Parteie i dr Heimat
D‘ Beamteschwiz het hingäge da no zimlech Nachholbedarf, we mir mit ähnleche Länder
wi öppe Holland oder Norwege vergliiche
Vor allem bi de immer hüfiger zwar länge aber gliich befristete Usland Ufenthalt
bi AHV, Krankekasse, Bänking
oder äbe politischer Verträtig no z‘ grossi Hürde, und we Chind da si, gits im
Schulbereich no gwichtigi und tüüri Nachteile
Di meischte Uslandschwizer interessiere sech
trotz allem no fliissig für d’Heimat
Ds Internet u dr Satellit bhalte üs jederzit
uf em Loufende und es geit fasch nüt über d‘ Arena oder Giacobbo – Müller um
dr Gmüetszustand vor Verwandschaft deheime chönne nache z‘ vollzie
Dass üs drbi d‘ Heimat mängisch e bitz
chliikariert erschiini ... mues es Clichée si
Aber I gloube dass vili vo üs sech d‘ Schwiz
e chli uffälliger chönnte vorstelle.
Ds Land vo de guete Dienschte dörfti I üsne Ouge no e biz dütlecher d’s Hässleche
uf dere Wäut aprangere
d‘ Sälbschtkritik ob üsne eigete Fähler
chönnt derdür sogar no e Bitz outhentischer
wärde
Da zile n’ I jitz vor allem richtig Finanzplatz!
Us dr Färni düe mr Aläss wi dä hüt mängisch
e chli romantisiere u si become plötzlech fasch e grösseri Bedütig
bestöh
Das gilt ou für es Chind vo dr 68er Generation wi mi,
Wälte -Bürger serigi Täg
fasch hei müesse ächte
wo mr früecher als sälbschernannti
Hüt, hoffentlech e chli riifer, möcht I hingäge wider emau a Zibelemärit,
trotz allne Zürcher und Basler Care,
und am 1 August am ene Ort wi däm hie sii, trotz allne lute Knallfrösch .....
-- >>. und Asprache!
Mir tüe dr Nationalfiirtig im Usland übrigens
ou gebührend fiire,
immer schön apasst
wie sech das für gueti Schwizer ghört
I de letzte 2 Jahr, het me ne bispilswiis i de Arabische Emirat respäktvoll uf Ändi Juni
vorverschobe, damit är i däm Jahr nid
dr Ramadan störi ......
I gib‘ es zue, es isch no schön
söttigi heimeligi Gfüel z‘ gschpüre.
Das gilt sicher ou für üsi inzwüsche erwachsene Chinder, wo dr gröschti Teil vo ihrer
Jugend im Usland verbracht hei
Aber wie betrachte üs de eigentlech
d‘ Lüt im färne Usland?
D‘ Schwiz wird östlich vor Türkei
zimlech flau wahr gno
Näbscht de Bollywood Stereotype wi de verschneite Alpe, de wältwit erhältleche
Uhre u Schoggi, oder de ominöse Banke
isch si begehrts Turischte Ziel,
für die wo’s no vermöge,
aber me cha d’Schwiz nid richtig iiordne
Me kennt chuum Schwizer Exponänte
usser villech dr Roger Federer, oder e chli weniger schmichelhaft dr FIFA Presidänt
Dr Wilhelm Täll kenne es paar Wenigi
als Wärk vom ene Dütsche Namens Schiller,
ds Heidi als kitschige Japanische Trickfilm
und dr Emmitaler isch leider meistens made in France
Bi vertiefte Diskussione ertappe n‘ I mi
mängisch drbi, d‘ Schwiz müesse z‘ erkläre
wüll ihri zentrali Lag in Europa
mit ihrer 4 - Sprachigkeit, stiftet e chli Verwirrig
wenn I de no säge dass si nid zur EU ghört, dass si sech neutral und unabhängig nennt
und d‘ Sälbschtverteidigung ganz höch haltet
Meischtens chunnt da schnäu emal d‘ Frag
ob das überhoupt no geit
Da beschribe n‘ I de ds Bild vom ene europäische Aquarium, wo drin multinational
zäme gläbt, gschaffet und verteidigt wird.
I dr Mitti steit es chliises Reagänzglas wo drin
ou ganz sälbstschtändig gläbt, gschaffet
und zu Büroziite sogar verteidigt wird
Es paar vo dene Bewohner möchte scho lang
das Glas eifach usezieh und buchstäblech
alles verwässere
anderi handkehrum wette ds Glas am liebschte unde u obe hermetisch zueschmelze
de chönnt me ’s schüttle u kehre, es würd nüt ine oder use, nume dr Kunschtschnee würd
langsam z’Bode gheie
I säge de no dass di europäischi Diskussion gäng heiss am loufe sigi, ir Schwiz und
vorallem in dr EU und dass i das so guet fändi. Diskutiere bedütet läbe, Diktiere weniger
Dass ou ir Schwiz es Unbehage wäge dr
Migration herrscht wird aber scho wahrgno
und das erschtunt eigentlech niemer
Grad im Mittlere Oschte mit all sine Konflikte herrsche i Länder mit höchem Migrante Anteil
wi äbe d‘ Emirate , di gliiche Ängscht ume Verluscht vo dr eigete Identität und Kultur
Me möcht di eigete Lüt ir Arbeitswält bevorzuge und trotz aller Toleranz anderi Religione
weniger sicht und hörbar bhalte,
e Chile isch akzeptiert, aber ohni Turm und Glogge
D‘ Abwehrmechanisme si also sehr ähnlech
und üser hei im Usland weniger Kritik usglöst als deheime viu isch bhouptet worde
Me meint im Oschte ender, dass we’s eim dört nid passt, so söll me wider hei
aber nid gross bi ihne go umestürme
Meischtens aber schlat dr Schwiz im färne Usland e chli e uninformierti Bewunderig entgäge,
da müesse mir mängisch uf d‘ Zunge biisse um das nid z‘ fescht als Wunschdänke
z‘ relativiere
mir si ja eigentlech ganz stolz uf üses Land
Wie gseh mir jitz d‘ Zukunft für
üs Schwizer, ob deheime oder ir Färni?
D‘ Globalisierig bewirkt nid nume dass anderi Kulture und Religione immer mehr uf üs iwirke,
si bringt ou immer meh Konkurrente nächer,
wo üs z‘ schaffe mache, näbscht oder äbe wäg em starke Franke
Mängisch ghöre n‘ I Bedänke, wo de no e Unterschid sigi zwüsche de ufsträbende Junge
us em Oschte und üsne Eigete
bispilswiis sige die us Indie oder China
doch so guet usbildet , dermasse leischtigsbereit und derzue no so billig,
da heige mir doch chuum no ne Chance
Däm halte n‘ I enschide entgäge, dass üsi Vorteile immer no im ene gwüsse freie Dänke und
grosser Flexibilität lige, das erloubt wärtvolli Kreativität und Innovation
Das gedeiht zum e ne grosse Teil uf üsere sozialwirtschaftleche u partnerschaftliche
Mentalität basierend uf Christleche Wärte
wo üsi Gsellschaft prägt hei
da drzue sötte mir gröscht -möglechi Sorg ha
D‘ Tendänz zu churzfrischtigem Bilanzdruck zäme mit globaler Nivellierig und spürbar weniger
Mitbestimmig unterdrücke leider genau disi üsi Vorteile und chönnte sech langfrischtig als
Eigegoal erwiise
Mir dörfe drbii aber ou wider ohni schlächts
vo üsne Sprössling erwarte
Gwüsse vermehrt Leischtig
Das sicher guet gmeinte Abschwäche vo Druck und weniger Prüfige tönt schön,
es verleitet aber gärn zu ne re gwüsse
„Alli si supertoll“ und „Man biete mir“
Mentalität
Das isch nid unbedingt g’eignet um üsi Junge
uf das ächte Dchungelcamp da dusse
vor z’ bereite.
E chli Druck schadet nüt, da dörfe mir us eigeter Erfahrig rede.
Di Internationale Schuel in Dubai isch sehr stark vo Asiate und ihrer Leistungsgskultur prägt.
Da hei üsi Junge problemlos mitg’halte
ohni drbii ihri guet schwizerische Eigeschafte
z’verlüre oder e grössere Schade gnoh z’ ha.
Mir dörfe und sötte aber ou vo üs Etablierte
wider meh fordere. Da dänke n‘ I vor allem a Erhalt vo üsere Flexibilität und Wiitsichtigkeit.
Genau so wi mr üsi guete Traditione
wei bewahre und sötte bewahre, bruuche mir ou konstanti Neugier und Erneuerig.
E z‘ grossi Abschottig bedütet Stillstand u das chöi mr i dere dynamische Wält nid bruuche.
U z‘ gueter letzt dörfe mir die Forderig ou a alli Zuwanderer stelle.
Teile heisst nid num anäh, mir chöi ou e grossi Eigeleischtig a Apassig und Integration
erwarte.
Multi Kulit cha beriicherend si
het aber sini Gränze we di lokali Kultur
z‘ stark verwässeret wird und damit ihri
Trümpf nümme stäche
D‘ Schwiz steit da sicher no sehr guet da
Mir hei fairi Spielregle um e Konsäns
z‘ ermögleche und fridlech mitenand z‘ läbe
Das müesse mir konsequent dürezie
Söttigi Regle si aber sicher ou dynamisch.
Si chöi i Frag gstellt wärde, me cha drüber striite, si chöi aber nid eifach eigemächtig
voruusgsetzt oder ertrotzt wärde
Dr grossi Vorteil bi üüs isch ja, dass Jede
und Jedi öpis zu re Veränderig darf astosse
Es isch ds edle Privileg vor allem vo de Junge und ou de Nöie, dass si öppis chöi
bewege
Es git gnue Gägende uf dere Wält wo das dr eigete Gsundheit nid unbedingt förderlech wär
Mir bruuche d‘ Meinigs - Vielfalt mit all ihrne Egge und Kante, das isch e unschätzbari
Errungeschaft vo üsere Kultur.
Kei Gsellschaftsform, kei Partei het di alleinigi Wahrheit pachtet, genauso wi das ou kei
Religion cha für sich i Aspruch näh.
Wär das macht, entlarvt sech als Demagog
D‘ Wahrheit steckt i üs allne und überall
Örtlech begränzt müesse aber eifach gwüssi Spielregle gälte, die si unterenand
us z‘ marche und da bietet sech üsi demokratischi Gsellschaft wo mr ir Schwiz dörfe erläbe
als eine vo de edelste Forme a
Das üsne Fründe im Usland dörfe z‘ vermittle
isch es grosses Privileg und da bin I stolz druf.
I wünsche mir dass mir üs uf dr Wält-bühni
als stolzi Schwizer bewege, dass mir für üsi
Wärt iistöh und drbi offe blibe für Nöis
D‘ Schwiz isch sicher e Beriicherig für d‘ Wält
si darf das ou no e Bitz lüter und entschlossener
Abschliessend möcht i vor allem üsne Junge
es Zitat vom Nelson Mandela mitgäh:
„May your choices reflect your hopes, not your fears.“
sii
Eui Entscheide sölle en Usdruck vo eune
Hoffnige sii
und nid vo eune Ängscht
Jeitz wünsche n’ I allne es Super
Fescht

Download Report