So geit’s nid! Es isch aues ganz normau wi’s scho immer so wär gsi S’ghört scho fasch zum guete Ton mir hei üs dra gwöhnt E tumme Spruch zur rächte Zyt e blöde Witz u du ghörsch drzue es git ja immer no eine wo’s ihm no schlächter geit. aues frömde macht dir Angscht u mit däre Angscht machsch du es Gschäft u du darfsch wider uf di Schwache zeige ohni das es öpper stört! Si mir gopfridstutz nid gschider hei mir verdammt no mau nüt glehrt das hei mir doch aus scho mau gha so geit das nid! Du loufsch wider stramm mit em Blick gäge rächts u vorne bättet eine vor was es z’gloube git Jede wo anders isch, isch suschpäkt wenn är schwarzi Hutt het de sowieso u wenn är a Koran gloubt isch’s e Terrorischt! Wenn eine ke Büetz het isch är säuber tschuud we i sim Land Chrieg isch, geit’s üs nüt a u wenn eine chrank wird de mues es e Schmarozer si! Verbii isch’s mit dr Gmüetlechkeit mir luege z’ersch uf üs! was änet dr Gränze passiert geit üs am Arsch verbii Ihri Chöle chöi si bringe we si wei mir luege guet u gärn drzue wenn eine wott wüsse wo die här si – mir säges nid! Aber z’jammere git’s nüt mir mache lieber üsi Gränze dicht es paar zum bügle, das mues länge u dr Räscht blibt duss... © simplemusic / Jan 05/nov 14
© Copyright 2024 ExpyDoc
