Cliche culì par lei la informative sul tratament dai dâts personâi

CONSENS IN MATERIE DI TRATAMENT DAI DÂTS PERSONÂI
Daûr dal art. 13 dal D.Lgs. 196/2003, Insiel Spa e furnìs lis informazions, culì daûr, sul tratament dai dâts
personâi.
1.
Finalitâts dal tratament
I dâts personâi a saran tratâts pes finalitâts metudis culì sot:
a) adempiment dai oblics di leç e di contrat;
b) adempiment di richiestis specifichis dal interessât prin de conclusion dal contrat;
c) esercizi e difese dai dirits contratuâi;
2.
Nature dal conferiment
Il conferiment dai dâts al à nature facoltative, dut câs, se no si furnissin i dâts domandâts di Insiel Spa
no si podaran vê i servizis e no si concludarà il contrat.
3.
Modalitâts dal tratament dai dâts
Il tratament dai dâts al vignarà fat di Insiel Spa in maniere di garantî la sigurece e la riservatece e al
podarà jessi metût in vore cun struments manuâi, informatics e telematics fats di pueste par tratâju tal
rispiet des regulis di sigurece previodudis de leç e/o dai regolaments internis.
In linie cun ce che al stabilìs l’art. 132 dal D. Lgs. 196/2003 e l’art. 5 des “Cundizions e tiermins par
doprâ il servizi”, i dâts relatîfs al trafic telematic a son conservâts par dodis mês de date di
comunicazion.
4.
Ambit di comunicazion e di difusion dai dâts
I dâts a vignaran metûts vie su supuart di cjarte, informatic e/o telematic, tal rispiet de normative in
vore e cun logjichis leadis a strent cun chestis finalitâts; i dâts a saran tignûts cont fintremai che al dure
il rapuart e ancje dopo par adempî dut ce che al è scrit te leç; i dâts a vignaran scancelâts a pene che no
coventaran plui, simpri in relazion aes finalitâts scritis culì parsore.
Il tratament al vignarà fât di ducj i dipendents dal Titolâr, tai limits des rispetivis competencis, e ancje
des personis fisichis e/o juridichis leadis al Titolâr cuntun rapuart di colaborazion continuative. Bande
difûr, i dâts a podaran jessi comunicâts a: professioniscj, consulents e altris imprenditôrs, che a
podaran doprâju dome par stâ dentri des finalitâts ripuartadis sub 1, tal rispiet de normative taliane e
comunitarie di riferiment. Il tratament dai dâts al vignarà fât dome tal ambit dal teritori talian.
5.
Dirits dal interessât
Al interessât i spietin i dirits come che al è scrit tal art. 7 dal D.Lgs. 196/2003, ripuartât culì sot:
Art. 7 dal D.Lgs. 196/2003
1.
L'interessât al à dirit di vê la conferme che a esistin, o che no esistin, dâts personâi che lu
rivuardin, ancje se nol è ancjemò regjistrât, e di vê la lôr comunicazion in forme inteligjibile.
2. L'interessât al à dirit di vê la indicazion:
a. de origjin dai dâts personâi;
b. des finalitâts e des formis dal tratament;
c. de logjiche aplicade in câs di tratament fât cul jutori di imprescj eletronics;
d. dai dâts identificatîfs dal titolâr, dai responsabii e dal rapresentant designât daûr dal
articul 5, come 2;
e. dai sogjets o des categoriis di sogjets che a puedin ricevi la comunicazion dai dâts
personâi o che a puedin vignî a cognossiju tant che rapresentânts designâts tal teritori
dal Stât, o tant che responsabii o incaricâts.
3. L'interessât al à dirit a vê:
a. l'inzornament, la retifiche o ben, cuant che e pues interessâi, la integrazion dai dâts;
b. la scanceladure, il mudament in forme anonime o il bloc dai dâts tratâts in violazion di
leç, ancje di chei che no scugnin jessi conservâts in relazion ai obietîfs che a àn
motivade la racuelte o il tratament sucessîf;
c. la atestazion che lis operazions daûr des letaris a) e b) a son stadis puartadis a
cognossince, ancje par chel che al rivuarde il lôr contignût, di chei i dâts ur son stâts
comunicâts o emanâts, fûr che il câs indulà che chest adempiment al sei impussibil o al
compuarti di doprâ mieçs sproporzionâts rispiet al dirit tutelât.
4. L'interessât al à dirit di oponisi, in dut o in part:
a. par motîfs legjitims al tratament dai dâts personâi che lu rivuardin, ancje se a son
pertinents ae finalitât de racuelte;
b. al tratament di dâts personâi che lu rivuardin cul fin di mandâ materiâl publicitari o cun
chel di vendite direte o ben par fâ ricercjis di marcjât o di comunicazion comerciâl.
6.
Titolâr dal tratament
Titolâr dal tratament e je Insiel Spa cun soci unic, cun sede a Triest, in vie San Francesco d’Assisi 43.
Responsabil par comunicâ cul interesât in câs di esercizi dai dirits daûr dal art. 7 dal D.Lgs. 196/2003 al
è l’inz. Remo Piccinato.

Download Report