Buch
Rubrik
Nummer
Liedanfang
Text
Aria-Singi
Vo singi, da wan plisirisani
1
Singi, de switi
Vo singi, a de switi, A mooi, a boen votroe. Mi lobbi
switi singi, Mi leri singi toe.
2. Da singi gi plisiri, Te hatti fili pre; A meki hatti
kouroe. Te wan verlegi de.
3. Da singi mindre sari, A meki pijn gowei; Mi lobbi, te
mi singi, Dem soema na mi sei.
4. En te mi singi switi, Vo hopo Masra nem: Mi hatti njam
plisiri, Di tongo prijze hem.
5. En ala santa Engel, Dem hopo tranga stem, Dem prijze
Masra doro, Dem gi hem bigi nem.
6. We dan, na alafasi, Mi hopo singi toe, Na hoso en na
pasi Mi lobbi singi troe.
Buch
Rubrik
Nummer
Liedanfang
Text
Aria-Singi
Vo singi, da wan plisirisani
2
Halleluja, Amen
Kom moksi singi now! Halleluja, Amen. Hopo wi Koning nem!
Halleluja, Amen. Tangi en prijs moe go, Tee na hem
gloritroon: So a de fiti hem. Halleluja, Amen.
2. Hopo oen hatti dan! Halleluja, Amen. Prijz' da boen
Helpiman! Halleluja, Amen. Hem de wi beste vriend, Di
sari vo wi ziel; Hem lobbi no kaba. Halleluja, Amen.
3. We moksi prijze hem! Halleluja, Amen. Sing' nanga
tranga stem, Halleluja, Amen. Janda na Hemel dan, Wi sa
aanbegi hem, En singi hem wawan: Halleluja, Amen.
Buch
Rubrik
Nummer
Liedanfang
Text
Aria-Singi
Singi vo Kristneti
3
Dem drie bigi Feeste-dei
1. O joe blijti tem, O joe switi tem! O joe blesi tem,
Kristneti! Kristus na pasi, Wi no moe lasi! Blijti,
blijti oen alamal.
2. O joe blijti tem, O joe switi tem! O joe blesi tem,
Paaskafeest! Kristus komopo Na grebi, hopo, Blijti,
blijti oen alamal.
3. O joe blijti tem, O joe switi tem! O joe blesi tem,
Pinksterfeest! Jeje vo Gado Kom na grontapo, Blijti,
blijti oen alamal.
4. We dan, hopo stem! Gi hem bigi nem! Prijze Masra na so
wan tem! Ala makandra Taki hem tangi! Blijti, blijti oen
alamal.
Buch
Rubrik
Nummer
Liedanfang
Text
Aria-Singi
Singi vo Kristneti
4
Wendje Zion blijti
Wendje Zion blijti joe! Hopo stem Jerusalem! Loekoe
koning kom na joe, Troe joe vrede koning kom. Hosianna
David spruit! Grani odi fiti Joe.
2. O joe dieri Jesus Krist, Wi toe kom vo miti joe.
Loekoe wi nang' switi hai. Bika wi de poti troe. Hosianna
David spruit, Blesi ibriwan vo wi.
3. Hosianna David spruit, Ala kondre de vo joe. Bigi eer
en gloria Fiti joe, wi boen Masra. Hosianna David spruit,
Tangi tangi tan na wi.
Buch
Rubrik
Nummer
Liedanfang
Text
Aria-Singi
Singi vo Kristneti
5
Hosianna vo David pikien
Dem Jerusalem pikien Ben de prijze Jesus nem. Dem pikien
tie vo wi tem, Dem de moksi nanga dem! We kom si! Pikien
de singi krin. We kom si! Pikien de singi krin. Hosianna!
Hosianna! Hosianna! vo David pikien.
2. San di
pikien sa
Pikien de
Hosianna!
David taki toe, Wi kom
prijze joe, Disi de na
singi krin. We kom si!
Hosianna! Hosianna! vo
jeri nofo troe: Dem
bobbi toe. We kom si!
Pikien de singi krin.
David pikien.
3. Wi na boekoe lesi toe, Masra wi moe lobbi troe:
Hemelkondre de vo dem, Di dem hatti gi na hem. We kom si!
Pikien de singi krin. We kom si! Pikien de singi krin.
Hosianna! Hosianna! Hosianna! vo David pikien.
4. Ouroe soema en pikien, Moksi prijze, singi krin! Wi
lofsingi diaso Moese piki jandaso! We kom si! Pikien de
singi krin. We kom si! Pikien de singi krin. Hosianna!
Hosianna! Hosianna! vo David pikien.
Buch
Rubrik
Nummer
Liedanfang
Text
Aria-Singi
Singi vo Kristneti
6
Switi tem, blijti tem
Switi tem, blijti tem! No wan tem geersi hem, Wi boen
Helpiman kom na wi sei, Now plisiri vo ala kan de, Di wi
Helpiman kom, Di wi Helpiman kom.
2. Switi tem, blijti tem! Hopo stem, prijze hem. Jeri
Engel de singi so krin, Troe na bakki joe si da pikien.
Vrede kisi na gron, Vrede kisi na gron!
3. Switi tem, blijti tem ! Bigi nem fiti hem. Ala nootoe
en jamer gowei, Jesus tapo da sari en kre. Now plisiri
kan de, Now plisiri kan de.
Buch
Rubrik
Nummer
Liedanfang
Text
Aria-Singi
Singi vo Kristneti
7
Blijti reti reti
Blijti, blijti Reti reti, Now na so wan gnadetem! Di wi
Gado srefi saka Vo verzoen wi zondaar baka! Ala, Ala
soema hopo stem.
2. Blijti, blijti Reti reti. Gado lobbi wan pikien Teki
liebisoema-fasi, Vo wi poti no moe lasi. Hopo, Hopo ala,
singi krin!
3. Blijti, blijti Reti reti, Disi dei en alatem. Efi
bribi ma go doro: Dan wi no kan lasi moro; Prijze,
Prijze, doro prijze hem.
4. Blijti, blijti Reti reti. Frede? dati wi no kan. Dede
no ha skreki moro; Janda wi sa liebi doro. Singi, Singi
Halleluja dan.
Buch
Rubrik
Nummer
Liedanfang
Text
Aria-Singi
Singi vo Kristneti
8
Granodi, switi, mooi pikien
Granodi mofo taki, Granodi hatti naki, Granodi, switi,
mooi pikien! Granodi na grontapo Granodi tee na tapo.
Granodi wi de taki krin. Granodi tee na tapo, Granodi wi
de taki krin.
2. Dem Engel toe plisiri, En wi sa man tan tiri, Di Gado
teki soema skin? No no, wi hatti naki, Wi mofo hopo,
taki: Granodi, switi, mooi pikien!
3. Wi ala ben vo lasi, 'Vi waka pori pasi, No wan vo wi
ben waka krin: Da joe ben hopo pasi, Vo wi no moese lasi:
Granodi, switi, mooi pikien!
4. Joe lobbi wi so switi, Joe poeloe da verdriti, Joe
krini wi na ziel en skin. Da Joe lidom na baki, Wi ala
hatti naki: Granodi, switi, mooi pikien!
Buch
Rubrik
Nummer
Liedanfang
Text
Aria-Singi
Singi vo Kristneti
9
Da switi Jesus-pikien
O lobbi, o switi, o blesi pikien, Mi rontoe joe baki, o
Jesus pikien! Mi gi joe granodi mi blijti so tee! Mi bosi
joe hanoe, mi hati njam pre!
2. Ke wonder vo gnade, o letti so krin! Ke, fa joe kom
poti, o Gado-pikien. Ma so joe ben wani, vo mi nomo kan
Tron goedoeman soso; we sari mi dan!
3. Joe bradi joe hanoe vo teki mi toe, Mi hopo mi hatti,
mi kibri joe troe. Joe hai, fa a loekoe mi switi en krin!
Alwasi mi de so wan stoutoe pikien.
4. Joe hopo joe mofo, mi jeri joe stem, Ke, fa a de piki
so switi gi dem, Di poti, mofina en zwake vo troe, Ma
disi kom kre ala nootoe gi joe.
5. Mi goedoe, mi roosoe, hoesan mi moe doe, Vo pai joe da
lobbi, di bigi vo troe? Mi no habi noti, di waarti en
krin, Mi no sabi noti, mi poti pikien.
6. Tog efi joe haksi wan enkli cado, Dan teki mi hatti,
di pori soso. En gi mi wan trawan, di lobbi joe krin, Di
harki joe doro, mi Jesus-pikien!
Buch
Rubrik
Nummer
Liedanfang
Text
Aria-Singi
Singi vo Kristneti
10
Hopo dan wan switi wijze
Hopo dan wan switi wijze! Nanga fili wi moe prijze Da
pikien na Betlehem. Hem, die meki ala sani, Poeloe hem
krin Gado grani: Loekoe hem now nawan pen! Loekoe hem now
nawan pen.
2. Loekoe da pikien na baki! Troe, wi hatti moese naki,
Te wi membre, san a doe. A tron poti vo wi hede: Potiman
no ha vo frede, Hem de gi dem goeedoe troe.
3. Gadokondre a de hopo, Bigi goedoe tee na tapo A de
presenteri wi; No wan paiman a de teki, Ma vo soso a de
meki Wi kan kisi, san a gi.
4. Lobbi Jesus, mi de poti; Troe, mi si, mi no ha noti!
Dati tjari mi na joe. Bribi, lobbi, ala dati Joe moe
potti na mi hatti, Dan mi finni boen vo troe.
5. Switi brara! so mi begi, Poeloe mi na da verlegi, Vo
mi kan plisiri troe. Gi mi ala Gadoblesi, Kibri mi na wan
boen plesi, Jandaso na sei vo joe.
Buch
Rubrik
Nummer
Liedanfang
Text
Aria-Singi
Singi vo Kristneti
11
Kristneti kom
Kristneti kom! joe blijti tem, Mi hatti lobbi joe. Now mi
de go na Betlehem en ala trawan toe, en ala trawan toe
2. Ja troe, wi alamal moe go, Vo loekoe da pikien! Da
Engel srefi taki so, Da staar de blinkri krin.
3. Oen alamal, di lobbi hem, We kom go nanga mi. No frede
en no teki sjem, Ma bribi, oen sa si.
4. Ke, loekoe so wan mooi pikien. Gran Gado seni hem. A
teki liebisoema skin, Jesus, da so hem nem.
5. Hem, da pikien vo Gado troe, Wi lobbi Helpiman. A de
vo mi, a de vo joe, A de vo ibriwan.
6. Hem nem de taki dati krin, San, di a kom vo doe: Vo
helpi wi na ziel en skin, Vo poeloe kroekoetoe.
7. San disi no wan soema man: A kom vo poeloe wi Na hanoe
vo da ogriwan, Vo gi wi Gadofri.
8. Ke, soema no sa hangri dan, Vo finni so wan boen? Hem
de verwakti ibriwan. We, brara, sisa, kom!
Buch
Rubrik
Nummer
Liedanfang
Text
Aria-Singi
Singi vo Kristneti
12
Wi de na Betlehem
Di now Kristneti kisi, Wi de na Betlehem. San Gado ben
pramisi, A kom na reti tem. Granodi, switi mooi pikien.
Wi hatti lobbi joe so krin. Wi hatti lobbi joe so krin.
Buch
Rubrik
Nummer
Liedanfang
Text
Aria-Singi
Singi vo Kristneti
13
Prijze da switi Jesus nem
Fa mi moe doe vo prijze Da switi Jesus nem? Mi hopo wan
njoe wijze, Vo singi prijze hem. We, Masra, joe moe meli
Mi tongo, vo mi stem Moe singi nanga fili Na so wan switi
tem, Na so wan switi tem.
2. Gran Gado, di na tapo, Moe habi bigi nem! Hem fri kom
na grontapo, Vo tan vo ala tem. Wi Gado ha boenhatti Vo
liebisoema troe! Dem Engel singi dati; We, mi lofsingi
toe.
3. Joe si da staar na tapo? Ke, fa a blinkri krjn! Da
staar tan reti hopo, A sori da pikien. We, so wan krin
moe letti Na pasi gi mi toe: Mi Jesus poeloe neti, So
leki zon de doe.
4. Na disi santa neti Wi de na Betlehem, Wi ala, wi moe
feti Vo loekoe na da pen. Na so wan soso plesi Joe finni
da pikien! Ke, so wan switi fesi! Ke, fa hem hai so krin!
5. A libi Gado kondre, A tron wan potiman; Wi hatti moe
verwondroe Vo so wan Helpiman; A poeloe Gado fasi, A kom
na wi na gron, Vo wi no moese lasi, Ma vo wi finni boen.
6. We Gado, hem, di taki, Nomo da krin ben kom! Joe si!
na ini baki Da srefiwan lidom. Hem hanoe, di ben meki Da
hemel nanga gron, A langa hem vo teki En tjari wi na
boen.
7. A tron wi switi brara En wi famili toe. "Kom si, oen
alamala, Mi poeloe hebi troe!" Da so a taki switi, A wani
hel pi wi Vo poeloe da verdriti, Vo gi wi Gadofri.
8. Na so wan gran momenti, Oen brara, sisa, kom Vo tjari
mooi presenti; Go potti dem lidom! Ma poti! wi no habi
Wan boen, vo tjari go. Tog Masra srefi sabi; A no de
haksi so.
9. Wi hatti troe a wani, Alwasi fa a de, Vo poeloe
zondoesani. We, kom dan klosibei, Na sei vo Masra baki,
Kom potti kni na gron! Wi hatti mooese naki, En watrahai
moe ron.
Buch
Rubrik
Nummer
Liedanfang
Text
Aria-Singi
Singi vo Kristneti
14
Hosianna
Hosianna! grantangi vo hem, di kom; disi kom na nem vo
Masra! Hosianna tee na tapo!
Buch
Rubrik
Nummer
Liedanfang
Text
Aria-Singi
Singi vo Kristneti
15
Now Kristneti kisi
Now Kristneti kisi! Switi tem vo blesi, Fa mi lobbi joe!
Ke na so wan joeroe Joe de kom foefoeroe Ala hatti troe.
2. Now mi kom vo zoekoe, En mi de go loekoe Tee na
Betlehem. Jesus mi moe sabi; Dan mi ziel sa habi Troost
vo alatem.
3. Wan pikien mi finni Tee na baki ini, Dapee a lidom.
Wan verwondroesani! Troe da tori grani! Gado srefi kom.
4. Wi ben de vo lasi; Gado teki pasi Vo kom loekoe wi.
Liebisoema pori. Ma Kristneti-tori Kom vo helpi wi.
5. Gado srefi meki Engelstem kom preki Evangelium. Glori
tee na tapo! Fri kom na grontapo! Gado hatti boen!
6. We oen soema jeri! Kom sidom prakseri, San wi Gado
doe. Ke joe switi njoesoe Vo da gran verloesoe Mi sa teki
joe!
7. Masra wroko bribi! Gi mi wan njoe liebi Na mi hatti
toe! Wan Kristneti-blesi, Wan boen zieli-dresi Wi de begi
joe.
8. A no sa de nofo, Efi nanga mofo Mi de prijze joe. Ma
mi heeli liebi Moese sori bribi Nanga lobbi toe.
Buch
Rubrik
Nummer
Liedanfang
Text
Aria-Singi
Singi vo Kristneti
16
Ageen Kristneti kisi
Ageen Kristneti kisi, Wan switi tem vo troe! Plisiri a
pramisi Vo tjari kom gi wi.
2. Plisiri joe de zoekoe? Na kondre a no de! Ma strafoe
nanga floekoe Joe si na alapee.
3. We libi ala dati, Kom go na Betlehem! No drai, ma teki
hatti, Kom loekoe na da pen.
4. Joe hatti no moe naki, Vo si da mooi pikien, Fa a
lidom na baki? Ke, fa hem hai so krin!
5. Troe da wi Gado srefi, Di kom vo poeloe wi Na jamer,
kre en befi Plisiri a de gi.
6. A tjari Gado-vrede En switi troostoe kom. Ke, fa wi ha
boen hede, Di so wan joeroe fom!
7. No drai, prakseri langa Vo sabi san vo doe, Joe hatti
joe moe hanga Na Hem, di lobbi joe.
8. Kom, teki Gadoblesi! Hem de verwakti joe. Te joe kom
si hem fesi, Joe ziel geneze troe.
Buch
Rubrik
Nummer
Liedanfang
Text
Aria-Singi
Singi vo Kristneti
17
Kom prijze Masra
Kom prijze Masra, Prijze hem boenhatti, Kristneti kom, vo
membre wi vo dati! Oen hopo singi, mofo no moe weri Vo
panja da gran njoesoe di wi jeri, Kom, prijze Masra, Kom,
prijze Masra.
2. Kom prijze Masra, Kristus kom gebore, Da lobbi dangra,
di wi Gado sori. Wan blinkri deistaar skijn gi wi na
pasi, Now helpi de, vo wi no moe go lasi. Kom prijze
Masra!
3. Kom prijze Masra! Troe hem nem moe bigi, Hem poeloe
zondoe, watrahai a figi. We da lofsingi disi moe go doro,
Alwasi di vo wi no piki moro. Kom prijze Masra!
Buch
Rubrik
Nummer
Liedanfang
Text
Aria-Singi
Singi vo Kristneti
18
Mi lobbi switi Jesus Krist
Mi lobbi switi Jesus Krist, Na disi grani switi feest joe
hangri meki wi kom krin, Vo witron joe tata pikien.
2. Joe da krin letti, di ben kom, Vo helpi wi, di wi
fadom. Joe kom vo helpi wi vo troe, Joe tjari blesi gi wi
toe.
3. Mi lobbi switi Jesus Krist Wi membre joe
geboortoefeest, Wi ala hopo so wi stem, Vo prijze joe na
disi tem!
4. Ke! blesi wi, wi begi joe, Kom krini now wi hatti toe!
En wasi wi na ziel en skin Nanga joe santa broedoe krin.
5. Wi hangri tan pikien vo joe; O Jesus, wi de pliesi
joe, Kom blesi wi di joeroetem En tee vo teego alatem.
Buch
Rubrik
Nummer
Liedanfang
Text
Aria-Singi
Singi vo Kristneti
19
Da bigi neti na Betlehem
Ke bigi neti! bigi dei! Di poeloe ala sarikre! Di tjari
troost en helpi kom Gi ala dem, di ben fadom! Grangado
lobbi wan Pikien, a libi hem gran glori krin. Tidei a
kom, da Helpiman! Di poeloe wi na satan han!
2. Granwei kaba na ouroetem Dem wakti hem, dem kre vo
hem. Tog - doengroe kom, en zondoe kom, Na zondoeslibi
dem fadom. "Ke, wendje Zion! pee joe de? Joe koning kom,
kaba vo kre! Joe si! now Gado joeroe fom, Hem wan pikien
a seni kom!"
3. Tidei a kom! - Na Betlehem Wi miti hem na ini pen!
Nang' safrihatti a de kom, Hem, disi hemel de hem troon!
Hem, disi Abraham ben si Granwei kaba; vo tjari fri, Vo
tjari helpi, troostoe kom, Na ini baki a lidom!
4. Kom taki hem granodi dan! Plisiri, singi, naki han!
Bika hem, di joe hai de si, A tjari heme1fri gi wi! En
gnad' en waarheid, vrede toe A tjari kom gi mi, gi joe!
Ke bigi neti! bigi dei! Troe, troe, joe poeloe wi na kre!
5. We hopo! singi dan tidei! Kom ala drifi klosibei. Na
sei hem baki potti kni, Aanbegi hem, di sari wi. Da b a k
i en da k r uis vo hem, Dem dati poeloe wi na sjem, We!
membre doro. san pasa Na Betlehem! na Golgata!
Buch
Rubrik
Nummer
Liedanfang
Text
Aria-Singi
Singi vo Kristneti
20
Jesus de!
Jesus de! oen hopo singi Glori en Halleluja. Jesus de! Wi
moe plisiri, Ala sari moe kaba! Jesus de! oen hopo singi
Glori en Halleluja!
2. Jesus de! da liebi Gado Teki liebisoema skin, Vo a
poeloe wi pikado Gado lobbi kom na krin. Jesus de! da
liebi Gado Teki liebisoema skin.
3. Gloria moe de vo Gado Tee na tapo gloria. Vrede kom
tee na grontapo, Gado teki soema now. Gloria moe de vo
Gado Tee na tapo gloria.
Buch
Rubrik
Nummer
Liedanfang
Text
Aria-Singi
Singi vo Kristneti
21
Tidei oen plisiri
Tidei oen plisiri, oen hopo switi singi, Vo prijze da nem
vo wi Helpiman! Harki da kali, di oen lom vo jeri. Kom,
meki wi go loekoe, Kom, meki wi go loekoe Da switi mooi
pikien na Betlehem.
2. Da Masra vo hemel ben libi gran glori, A kom na
grontapo vo helpi wi. Gado na tapo sori hem boenhatti.
Kom, meki wi go loekoe, Kom, meki wi go loekoe Da switi
mooi pikien na Betlehem.
3. Da tranga vo zondoe, joe si now a kom broko, Da
ogriwan lasi hem reti toe. Gado na tapo tron wi ala
brara, Kom, meki wi go loekoe, Kom, meki wi go loekoe Da
switi mooi pikien na Betlehem.
Buch
Rubrik
Nummer
Liedanfang
Text
Aria-Singi
Singi vo Kristneti
22
Da switi njoesoe
Dem Engel hopo Masra nem, Dem singi nanga switi stem; Da
Helpiman, a kom kaba! Plisiri de! Halleluja! Halleluja!
Halleluja!
2. Da njoesoe, di wi tjari kom, A switi: Wan pikien lidom
Na ini baki, hem mama De wakti hem, Halleluja! Halleluja!
Halleluja!
3. We hopo dan, go loekoe hem, Na David foto, Betlehem,
Joe brara Jesus; hem tata Ben seni hem. Halleluja!
Halleluja! Halleluja!
4. We bigi glori moese de Vo Gado noja alapee, Da zondoenootoe, a kaba, A poeloe hem. Halleluja! Halleluja!
Halleluja!
5. En vrede toe a tjari kom, Da vrede moese tan na gron,
En ala feti moe kaba, A wani so. Halleluja! Halleluja!
Halleluja!
6. Now Gado ha plisiri toe Vo ala liebisoema troe, Dem de
pikien, hem da Tata, A lobbi dem. Halleluja! Halleluja!
Halleluja!
7. Da so dem Engel singi krin. We, teki lobbi da pikien;
En prijze Gado, da Tata! Di seni hem. Halleluja!
Halleluja! Halleluja!
Buch
Rubrik
Nummer
Liedanfang
Text
Aria-Singi
Singi vo Kristneti
23
Dem herder na sabana
Loekoe, fa na mindrineti wan krin gloriskijn de kom. Da
pramisi ben kom reti, En da switi joeroe fom; Santa Engel
saka kom Na dem herder na sabana. Ala sari moe gowei:
Bigi boen pasa tidei.
2. We, da Helpiman gebore Na da foto Betlehem; Blijti vo
da switi tori! En oen sa go finni hem Na wan poti
hasipen. Ke! fa Gado lobbi soema! Hosianna! Gloria! Singi
hem, Halleluja!
3. Loekoe da Pikien vo Gado, Hem ben tron wi Helpiman,
Disi poeloe wi pikado; Sani wi kan gi hem dan? Ke, wi
hatti moese tan Alatem vo hem nomoro! Bigi troost ben kom
tidei: Wi kan kom na Jesus sei!
Buch
Rubrik
Nummer
Liedanfang
Text
Aria-Singi
Singi vo Kristneti
24
Da Engel en dem herder
Som herder ben de Na Betlehem sei, Dem loekoe dem skapoe,
Di hemel kom hopo, Wan Engel kom tjari wan njoesoe gi
dem.
2. A kom na dem sei, A taki: "No kre! Oen ala moe fili
Wan bigi plisiri. Da Helpiman kom na grontapo tidei.
3. We, no teki bro, Ma feti vo go Na Betlehem dia; Wan
wendje Maria, Gebore da Helpiman, Gado pikien."
4. Dem herder no drai, Dem teki da rai, Dem hopo, dem
zoekoe, Dem finni, dem loekoe Da switi pikien, en dem
hatti njam pre.
5. Wi toe de njam pre! Wi Helpiman de! Wi ala ben kisi Da
switi pramisi, Di Gado pramisi wi granwei kaba.
6. Wi ala moe go Na Betlehem toe, Dapee wi sa finni, San
Gado ben seni, Wan njoe njoe pikien, da wi Helpiman troe.
7. O Gadopikien! O Soemapikien! O Jesus, wi Masra, Wi
borgoe, wi datra, O Jesus, wi koning, wi lobbi joe krin.
Buch
Rubrik
Nummer
Liedanfang
Text
Aria-Singi
Singi vo Kristneti
25
De roosoeboom
Wan roosoeboom komopo Na Isai avoo. Da dati gi wan
knoopoe: En so wan roos ben gro. A krin so leki zon; Reti
na mindri neti A tjari letti kom.
2. De roos, vo taki reti, Wi ala sabi hem, So srefi dem
Profeti Ben gi hem bigi nem: A teki soema skin. Da boom a
nem Maria, Mama en wendje krin.
3. Ke, fa a smeri switi Da fini blometje! A letti krin na
neti: Now doengroe moe gowei. O Jesus Gado troe! Nanga
pina en dede Joe pai wi ogridoe.
Buch
Rubrik
Nummer
Liedanfang
Text
Aria-Singi
Singi vo Kristneti
26
Halleluja
Halleluja, gran nem en gloria! Da Gado Jehova A grani
teego Hem nem wi wani hopo Halleluja Halleluja!
2. Halleluja! wi singi joe tidei, Wi hatti fili pre, Wi
de plisiri, Vo sani, di wi jeri, Fa Masra doe; a bigi
troe.
3. Hoesan' wi de? Wi Helpiman, wi si, Hoefa joe lobbi wi!
Wi fili taki: Wi no de waarti dati; Vo wi joe kom - Wan
Helpiman.
4. We teki dan na wi mofinawan Dasan' wi tjari kom! Wi
ala hatti Wi gi vo wan presenti, Vo joe wawan Dem moese
tan.
5. Halleluja! wi hatti singi joe; Wi kan plisiri troe:
Joe kom gebore Vo wi, di ben verlore, Joe pai vo wi, Vo
wi kom firi.
6. We tangi dan vo wi boen Helpiman, Na disi joeroetem,
En janda moro Da tangi sa go doro Zondro kaba: Halleluja!
Buch
Rubrik
Nummer
Liedanfang
Text
Aria-Singi
Singi vo Kristneti
27
Hopo dan
Hopo dan, Hopo dan wan switi singi Prijze hem, wi
Helpiman, Disi kom vo gi boen liebi tee na dem mofinawan.
2. Soema de, Soema de, di habi jesi? Meki dem kom jeri
dan So wan tori; soema hesi Kom na hem, wi Helpiman!
3. Loekoe hem, Loekoe hem na ini baki, Dapee hem lidom vo
wi, Leki fa dem Engel taki, Ala kondre dem kom si.
4. Blesi dan, Blesi dan wi finni teego Nanga da geboort'
vo joe; Ke, wi hattilobbi Jesus! Teki wi vo joe nomo!
5. Wi no waart, Wi no waart, wi no ha tongo, Disi krin vo
prjjze joe; Wi de zondaar, stofoe soso; Tog joe kali wi
kom toe.
6. Teki dan, Teki dan wi ala hatti, Da vo joe a moese de!
Nem vo joe wi wani hopo, Tee joe kondre wi kom si.
Buch
Rubrik
Nummer
Liedanfang
Text
Aria-Singi
Singi vo Kristneti
28
Da pikien, disi komopo na hemel
Pee dem staar de letti krin, Pee da moen de hopo Na dapee
wan njoe pikien Wan dei a komopo.
2. Soema saka kom na gron, De krin leki letti? Soema
blinkri leki zon Na mindri Kristneti?
3. Jesus, Jesus da hem nem, Jesus kom vo loesoe, Poeloe
wi na ini sjem - Ke, hoe switi njoesoe.
Buch
Rubrik
Nummer
Liedanfang
Text
Aria-Singi
Singi vo Kristneti
29
Kristneti-singi vo wan pikien
Mi hattilobbiwan, Mi switi Helpiman, Da tem joe ben weri
Mi poti soema skin - Dem Engel no mankeri Vo singi, dem
bigin - Singi mooi en krin, Singi mooi en krin.
2. Ma mi mofinawan? Ke poti! mi no man Singi lek' a fiti,
So leki Engel kan; Mi kni nomo mi hiti Na gron, mi langa
han Na wan Helpiman.
3. Imanuel, joe de Mi poti hatti pre! We di mi no sabi,
Fa santa Engel doe, Mooi stem mi no de habi, Mi singi
gagoe joe Hosianna troe.
4. Ma te mi tem pasa, En wan dei a kaba, Ala zondoe
broeja; Te nanga Engel pre Mi singi: Halleluja! Masra, na
joe sei, Ke, hoe blijti dei!
5. Joe broedoe wasi krin Mi zieli en mi skin: We, mi begi
dati: "Gi mi na so wan tem Wan krin en opregt hatti, Vo
teego alatem Mi kan gi joe nem!"
Buch
Rubrik
Nummer
Liedanfang
Text
Aria-Singi
Singi vo Kristneti
30
Kristneti-plisiri
Njam pre, Halleluja! Oen jeri, san pasa! Engel kom, dem
taki: "Wan njoe pikien lidom Tee na ini baki." Da so wi
Gado kom Leki Helpiman Vo wi potiwan.
2. Mi hatti de njam pre, Wi Masra Jesus de - Wi de njam
Kristneti! Mi no kan lasi tem, Feti mi de feti Vo go na
Betlehem. Ja mi hatti pre, Di mi Jesus de.
3. Gran nem, Halleluja, Gi Gado, wi Tata! Glori tee na
tapo! Now vrede kom na gron, Hemelkondre hopo, Di Jesus
Kristus kom. Gran Halleluja Fiti wi Tatta.
Buch
Rubrik
Nummer
Liedanfang
Text
Aria-Singi
Singi vo Kristneti
31
Glori gi Gado
Glori, glori, glori di Gado na tapo, fri kom na grontapo,
nanga soema Hem ha plisiri, nanga soema Hem ha plisiri.
Glorigi Gado tee na tapo, Glorigi Gado tee na tapo, fri
kom na grontapo, fri kom na grontapo, nanga soema Hem ha
plisiri. Glori, glori, glori di Gado na tapo, fri kom na
grontapo, nanga soema Hem ha plisiri, nanga soema Hem ha
plisiri.
Buch
Rubrik
Nummer
Liedanfang
Text
Aria-Singi
Singi vo Njoe-jari
32
Singi vo membre ouroe jari
Pee da ouroe jari go, Di foefoeroe pasi so? Hesi leki
somoko wai, A go lasi na wi hai.
2. Switi nanga ogri dei, Lafoe nanga sarikre, Pre,
plisiri en fomfom, Ala a ben tjari kom.
3. Ma pee alasani go Nanga kenkifasi so? No wan joeroe de
vo kom, Di da liebi sa sidom ?
4. No, mi mati! zondro bro Doro wi de kenki so! Dia wi no
kom vo tan, Wi de soso wakaman.
5. Joe kan holi da boen tem? Pina, joe kan sjatoe hem?
Mati no! ma Gado de! We, go kibri na hem sei.
6. Na wi Gado han wi de, Di dem jari flei gowei. Jesus
tan da srefiwan! Da wan troost, di holi tan.
Buch
Rubrik
Nummer
Liedanfang
Text
Aria-Singi
Singi vo Njoe-jari
33
Ageen wi kenki jari
Wan jari na baka vo trawan gowei, Dem pasa go hesi so,
leki dem flei, En ibriwan tan wan momenti nomo;
Didjoensnoe dem kom, en didjoensnoe dem go. Troe, troe,
troe, troe, tem no de tan; Vo holi hem vaste; hoesoema de
man?
2. Da liebi vo soema, a sjatoe vo troe! So boekoe de
taki, a sori so toe. Alwasi hoe grani wan soema kan de;
Hem joeroe sa kisi, a moese gowei. Troe, troe, troe,
troe, go wi moe go. No wan vo wi tan de, wi pasa nomo.
3. We meki wi membre - a fiti wi so, Te jari na baka vo
jari de go: Hoe soortoe gebruik wi moe meki vo dem, Vo wi
no moe pasa, so leki da tem. San, san, san, san, san wi
moe doe, Vo kisi san, disi tan vaste vo troe?
4. Da lobbi vo Gado; vo teego a tan! We, bribi na Masra,
dan noti sa man Vo poeloe joe dia en teego na hem. We,
lobbi hem baka na ala joe tem, Dan, dan, dan, dan, dan
joe sa go Na kondre vo hem, vo plisiri en bro.
5. Na kondre vo Masra wan kenki no de, Dem soema, di
waarti vo kisi dapee, No sabi wan kenki vo neti en dei;
Vo teego dem tan na wi Helpiman sei. Ke, ke, ke, ke, meki
wi toe Moe kisi da kondre, di switi vo troe.
Buch
Rubrik
Nummer
Liedanfang
Text
Aria-Singi
Singi vo Njoe-jari
34
Wan jari vo gnade ageen
Gado gi wi wan njoe jari, Vo da boom moe tan na djari.
Djariman kom finni hem, Meki a kan loekoe hem.
2. Vo doe alasani prontoe Diki gotro na hem rontoe, Gi
hem fatoe, vo a gro, Meki vroektoe na hem loo.
3. We, mi hatti, san joe denki? Joe no hangri dan vo
kenki, Teki boen maniri toe? Masra zoekoe dem na joe.
4. Gado gi joe tem so langa, En na Gado a de hanga: Di a
de wan boen Tata, Hem pasiensi no kaba.
5. Ma wansani joe moe sabi: Marki alasani habi; We
prefoeroe-liebi toe, Dede koti hem gi joe.
6. Joe no ke vo wan njoe jari? Soso joe go tan na djari?
Joe sa jeri tranga stem Bari, taki: Koti hem!
Buch
Rubrik
Nummer
Liedanfang
Text
Aria-Singi
Singi vo Njoe-jari
35
Wi seti wan njoe jari
Wi seti wan njoe jari, Grantangi wi de tjari Gi Masra
Gado Jehova. Wi zondie a ben poeloe, Wi hatti a ben
foeloe Nang’ switi troost, Halleluja!
2. Wi seti wan njoe jari, Wi no moe kre en sari Vo sani,
di sa miti wi. Wan Gado wi de habi, Wi bribi en wi sabi
Troe, troe, hem no sa libi wi.
3. Wi seti wan njoe jari, Wi Gado ben de tjari Wi nanga
lobbi tee tidei. Hem gnade sa go doro, Tee wi sa kisi
sjoro Na hemelkondre jandasei.
Buch
Rubrik
Nummer
Liedanfang
Text
Aria-Singi
Singi vo pinatem
36
Dati mi ben doe vo joe
Janda na ini da djari Mi ben de begi na neti, Tee
broedoesweti mi sweti; Dropoe a dropoe vo joe! Ke! en
somtem joe go tan zondro wan fili vo mi.
2. Nanga koskosi en spotoe Dem ben de ron na mi baka, Gi
mi wan kransi vo maka, Dati mi tjari vo joe; Ke! en
somtem joe go tan zondro wan fili vo mi.
3. Tee na kruishoedoe mi hanga, Spikri na hanoe en
foetoe; Loekoe wan pina, wan boetoe, Di mi ben boetoe vo
joe! Ke! en somtem joe go tan zondro wan fili vo mi.
4. Kom loekoe ala mi wonden! Lobbi ben dwingi mi hatti,
Tee mi ben doe ala dati, Hopo wan helpi vo joe; Ke! en
somtem joe go tan zondro wan fili vo mi.
5. Hemel en heeli grontapo Dem ben kom befi en seki,
Frede dem frede en skreki, Di mi ben dede vo joe; Ke! en
somtem joe go tan zondro wan fili vo mi.
6. Sani ben libi mi abra? Liebi en broedoe mi lasi, Meki
mi hopo wan pasi En wan verloesoe vo joe; Ke! en somtem
joe go tan zondro wan fili vo mi.
7. Now mi sidom de na hemel, Ma te mi loekoe mi horo, Dan
mi de membre joe doro, Sari mi sari vo joe; Ke! en somtem
joe go tan zondro wan fili vo mi.
Buch
Rubrik
Nummer
Liedanfang
Text
Aria-Singi
Singi vo Paaskafeest
37
Maria Magdalena
Na zondei froekoe froekoe Maria ben go loekoe Wi Masra
beripee. A loekoe tee na ini, Ma poti! a no finni Hem
lobbi Masra en a kre.
2. Ma na da srefi plesi, Dapee da lijk vo Jesus Ben potti
de lidom, Toe krin en santa Engel Ben saka kom vo hemel,
Na ini grebi dem sidom.
3. Dem haksi, san Maria Ben kom, vo zoekoe dia, En sani a
de kre? Ma hem no piki foeloe, A taki: "Dem ben poeloe Mi
Masra dia. Pee a de?"
4. A kre, hem hatti befi, Ma Masra Jesus srefi Tanapoe na
hem sei. Maria drai hem fesi, Ma a no sabi hesi, Hem
Masra de so klosibei.
5. Bika hem hai ben tapo, Da so a ben tanapoe, En a ben
denki so: Da hem, di loekoe djari. A haksi: "Pee joe
tjari Daskin vou mi boen Masra go?"
6. Now Jesus sori dia A lobbi hem: "Maria!" Da so a kali
hem. Maria hai en jesi Kom hopo hesi hesi, A jeri Jesus
switi stem.
7. A loekoe hem, a taki: "Raboeni!" dati taki: Mi Masra!
di vo mi! A wani bosi brasa Dem foetoe vo hem Masra, Dem
wondenhoro, di a si.
8. Ma Jesus no ben wani, Maria doe sosani, A taki gi hem:
"No! No fassi mi, Maria, Mi no de go tan dia, Ma tee na
mi Tata mi go."
9. "Go hesi na dem brara, En taki gi dem ala, Na tapo mi
de go; Na mi Tata, mi Gado, Na oen Tata, oen Gado, Dapee
oen ala sa go toe."
10. Ke! fa Maria miti Wi Masra Jesus switi, Di a ben kre
vo hem! En sinsi vo da joeroe A no ben lasi moro Hem
switi, lobbi Helpiman.
Buch
Rubrik
Nummer
Liedanfang
Text
Aria-Singi
Singi vo Paaskafeest
38
Drie djari
Mi sabi drie mooi djari, Mi hatti fili sari, Tee mi de
membre dem. Ma na dem djari ini Wan troostoe de vo finni,
Wan troostoe tee vo alatem, Wan troostoe tee vo alatem.
2. Wan djari de vo prijze, Hem nem de Paradijsi , A
switi, mooi en boen. Ma Adam nanga Eva Ben pasa Gado
mofo; Da so dem tjari zondoe kom.
3. Mi sabi wan tra djari, Pee Jesus kre en sari, A sweti
broedoe - ke! En Judas no hen befi Vo tori Jesus srefi Na
djari vo Getsemane.
4. Mi si wan djari moro, Mi si da gre bi-horo; Dapee dem
beri hem. Mi Jesus ben moe dede Vo mi pikado hede! Mi
fili sari nanga sjem.
5. Ma troostoe toe mi finni, Bikasi Jesus winni Boen
liebi gi mi troe. Hem srefi hopo baka, A meki mi kan waka
Go tee na Paradijsi toe.
Buch
Rubrik
Nummer
Liedanfang
Text
Aria-Singi
Singi vo Paaskafeest
39
Jesus de Koning!
Jesus de Koning! Immanuel winni! Skreki oen vijand, en
teki ronwei! Soema vo Masra, kom njam oen plisiri, Meki
oen hatti now kouroe, no kre! Jesus de Koning, en switi
da liebi, Di hem de gi na dem, disi de liebi.
2. Jesus de Koning! na kruisi a dede - Ke! fa dem frede,
dem soema vo hem. Ma di na baka a hopo na dede, Di a ben
sori da glori vo hem, Dati kom poeloe na hatti da frede,
Now wi sa liebi, alwasi wi dede.
3. Jesus de Koning! oen hatti moe hopo, Prijze en singi
hem zondro kaba! Potti now ala vertrouw na hem tapo, Hem
no sa meki oen tan na pina. Jesus de Koning! na hem wi
moe bribi, Disi ben winni gi wi da boen liebi.
4. Jesus de Koning! Imanuel winni! Jeri, oen soema, di
bribi na hem: Nanga plisiri oen moese now dini Hem, di
ben feti so tranga vo oen. Brara en sisa! mi begi oen
ala: Libi oen srefi tog now na hem abra.
5. Jesus de Koning! da Koning vo teego, Dati wi si na da
tori vo hem. Loekoe da grebi! oen no si hem soso? Jesus
wi Koning komopo na hem! Jesus ben hopo, a hopo na tapo:
Gran nem en glori moe de vo wi Gado.
Buch
Rubrik
Nummer
Liedanfang
Text
Aria-Singi
Singi vo Paaskafeest
40
Halleluja, njam pre
Halleluja! Halleluja njam pre! Wi Masra hopo de; A teki
liebi. Now, te wi sa go slibi, Wan troostoe de; kom
singi, pre!
2. Halleluja! Now sari wi no si; Da hem di lobbi wi, A de
na liebi Vo ala dem, di bribi; A liebi troe vo mi, vo
joe!
3. Halleluja! Wan sjatoe pinatem, Dan wi sa go na hem;
Wan hemelletti De broko doengroe neti, En sarikre moe wai
gowei.
4. Halleluja! Now te wi joeroe fom, En te da dede kom, Wi
no sa lasi, Ma wi sa kisi pasi Tee jandaso, vo teki bro.
5. Halleluja! Wan blinkri moesoedei De gi wi switi pre;
Wi ala hatti Moe blijti troe vo dati; Halleluja!
Halleluja!
Buch
Rubrik
Nummer
Liedanfang
Text
Aria-Singi
Singi vo Missionsfeest
41
We, da gnadezon vo Jesus
We, da gnadezon vo Jesus Letti ala hem pikien, Loekoe si,
fa dem de blinkri Na grontapo mooi en krin! Oen moe tron
pikien fo letti; Skejn na kondre alapee, Meki foeloe poti
zieli Sabi pee da helpi de!
2. Blaka neti tapo pasi Gi dem zondaar alapee, En dem
potiwan de zoekoe Pee wan letti hopo de. Oen moe tron
pikien fo letti; Skejn na kondre alapee, Meki foeloe poti
zieli Sabi pee da helpi de!
3. Teki lampoe potti olie, Letti wan krin lobbiflam! We,
da letti moese troostoe Foeloe poti lasiwan. Oen moe tron
pikien fo letti; Skejn na kondre alapee, Meki foeloe poti
zieli Sabi pee da helpi de!
Buch
Rubrik
Nummer
Liedanfang
Text
Aria-Singi
Singi vo Zondei
42
Da switi dei vo Masra
Da zondei da wan grani, Wan switi dei vo troe, A de da
dei vo Masra, Vo liebisoema toe, toe, Vo wi, vo mi, vo
joe.
2. Da hem wi Masra gi wi, Vo wi kan ruste so: Ma siksi
dei vo wieki, Na wroko wi moe go, go: Na zondei wi kan
bro.
3. Da hem wi Masra gi wi, Vo ha wan vaste tem Vo leri da
grantori, Vo wi kom sabi hem, hem, En gi hem bigi nem.
4. Da hem wi Masra gi wi Vo wi en wi pikien, Vo ala kom
makandra, Vo taki tori krin, krin, Di boen vo ziel en
skin.
5. We, prijze da boen Masra, Di lobbi wi so tee! - We,
taki hem grantangi, Vo hatti kan njam pre, pre, Na so wan
switi dei.
Buch
Rubrik
Nummer
Liedanfang
Text
Aria-Singi
Singi vo Zondei
43
Te gingee lui
Joe jeri kerkigingee lui? A bari kali doro: Kom ala kom!
no wan moe drai! Joe jeri? moro moro A bari: Kerkijoeroe
fom, Kom ala, brara, sisa, kom!
2. Da gingee kali ibriwan, No wan a pasa abra: Dem
potiwan, dem goedoeman, Dem ningre en dem bakra, Dem
friman en dem slavoe toe, A kali mi, a kali joe.
3. Da kerki now de go sidom, Vo dati gingee seki;
Didjoensnoe leriman sa kom Vo holi kerki, preki. Joe jeri
kerki-orgel pre? Da psalm sa hopo djoensnoe de.
4. We, te mi jeri gingee so, Mi no man vo tan tiri, Mi
hopo hesi, waka go, Mi djompo vo plisiri. Na Gadohoso mi
de go, Mi ron so tee mi no kan bro.
5. Ke, switi hoso, mooi vo troe! Mi lobbi joe so diri! Mi
lobbi dem gadri vo joe, Joe meki mi plisiri. Mi finni
Gadofri na joe, Troetroe, mi lobbi joe vo troe.
Buch
Rubrik
Nummer
Liedanfang
Text
Aria-Singi
Singi vo Zondei
44
Kom mi pikien
Kom na kerki, mi pikien, Jeri Gadotori. Zondoe pori ziel
en skin, Jesus meki wi kom krin, So a leri, sori. Kom na
kerki, mi pikien, Jeri Gadotori.
2. Kom na skolo, mi pikien, Leri san, di fiti. Nanga
speldre joe bigin, Dan joe leri lesi krin, En vo singi
switi. Kom na skolo, mi pikien, Leri san, di fiti.
3. Zondeiskolo hopo toe, Kali joe vo leri. Sani, di kan
helpi joe, Disi switi, boen vo troe, Dapee joe sa jeri.
Kom na zondeiskolo dan, Kom ma, kom vo leri.
4. Ma vooral mi begi joe, Kom na Jesus hesi. Liebi-brede
joe sa si, Liebi-watra hem de gi, Nanga foeloe blesi. Kom
na Jesus, mi pikien Teki foeloe blesi.
Buch
Rubrik
Nummer
Liedanfang
Text
Aria-Singi
Singi vo Verjari-dei
45
Verjari de!
Verjari de! Wi prijze hem, Di gi wi so wan dei. Wan jari
langa wi ben si: A loekoe en a kibri wi Na ondro vo hem
flei.
2. Verjari de! Wi prijze hem, Di gi wi so wan dei! Na
neti en na mamantem, Na deitem en na sabatem, Hem tan wi
klosibei.
3. Verjari de! Wi prijze hem, Di gi wi so wan dei! Na
nootoe wi ben kali hem, En nooiti a ben gi wi sjem, Hem
no tan farawei.
4. Verjari de! Wi prijze hem, Di gi wi so wan dei.
Plisiri foeloe wi ben njam, Te wi ben zoekoe hem wawan Na
Masra Jesus sei.
5. Verjari de! Wi prijze hem, Di gi wi so wan dei! Dem
jari gowei, dem no tan; Da gnade vo wi Helpiman - Da dati
no gowei.
6. Verjari de! Wi prijze hem, Di gi wi so wan dei. Wi
hopo hatti, hopo stem, Lofsingi wi lofsingi hem Vo so wan
switi dei.
Buch
Rubrik
Nummer
Liedanfang
Text
Aria-Singi
Singi vo Verjari-dei
46
Mi papa vejari de!
Mi de blijti troe tidei, Ke, fa mi plisisri! Dagoe,
poesi, pee oen de? Fa oen kan tan tiri.
2. Kom plisiri nanga mi; Oen no ben si, froekoe Mi mama
ben baka drie Bigi, switi koekoe?
3. Mi papa vejari de! Loekoe, blom'ki hipi! Wi sa djompo,
wi sa pre. Ke, verjari switi!
Buch
Rubrik
Nummer
Liedanfang
Text
Aria-Singi
Singi vo mamantem
47
Wan begi-singi na mamantem
Zon hopo, wan njoe dei mi si, Mi wieki, hai kom krin. Mi
Gado ben de loekoe mi, A kibri ziel en skin.
2. Mi hatti fili switi pre Na so wan mamantem, Mi Gado de
mi klosibei, Mi singi, prijze hem.
3. Mi begi Masra: Blesi mi En kibri mi tidei! Joe fesi
moese skijn gi mi, Alwasi pee mi de.
4. Mi hatti joe moe kibri toe, Vo mi no gi joe sjem. Mi
hatti moese lobbi joe Tidei en alatem.
Buch
Rubrik
Nummer
Liedanfang
Text
Aria-Singi
Singi vo mamantem
48
Krin kom na mamantem
Mi hopo froekoe mamantem, Mi go na dorosei; Zon hopo, mi
de loekoe hem. Ke, fa a krin en mooi, Ke, fa a krin en
mooi.
2. Mi membre, fa na fositem Doengroe ben tapo gron, Ma
Gado Masra poeloe hem, A taki: "Krin moe kom!" A taki:
"Krin moe kom!"
3. En di a taki:"Krin moe kom!" So djoensnoe krin ben de,
A foeloe hemel nanga gron, A skijn na alapee. A skijn na
alapee.
4. So Gado doe wi tee tidei, A doe so alatem: Na neti
bigi doengroe de, Krin kom na mamantem. Krin kom na
mamantem.
5. We prijze wi boen Gado dan, En gi hem bigi nem! Joe
si! hem tan da srefiwan Tidei en alatem! Tidei en alatem!
6. Ma wan tra doengroe moro de, A moro ogri toe, Da
doengroe de na inisei, A de na mi, na joe. A de na mi, na
joe.
7. Tog Gado sari ibriwan, A taki: "Krin moe kom!" Wi
Jesus kom, wi Helpiman, Da reti hemelzon. Da reti
hemelzon.
8. Now ala doengroe moese wai, Di Jesus Kristus kom. We
hopo hatti, hopo hai! Na krin joe moese kom. Na krin joe
moese kom.
Buch
Rubrik
Nummer
Liedanfang
Text
Aria-Singi
Singi vo mamantem
49
Vo prijze Masra na mamantem
Ageen wan neti pasa! Mi blijti, hopo stem Vo prijze mi
boen Masra Na disi mamantem.
2. Dem fowloe srefi singi, Dem meti prijze Hem; Da heeli
kondre hopo Vo gi Hem bigi nem.
3. En mi? Mi no moe singi? Di mi de Hem pikien? Vo troe,
mi toe sa hopo Mi stem, lofsingi krin.
4. Da Hem ben loekoe kibri Mi disi neti so: Hem meki mi
kan ruste, Mi ziel kan finni bro.
5. Da skin toe kisi tranga Njoe njoe, vo disi dei: Vo mi
kan go na wroko Ageen di djoensnoe de.
6. Mi zieli njam plisiri, Mi tongo prijze joe, Dasan' mi
hatti fili: Mi mofo poeloe toe.
Buch
Rubrik
Nummer
Liedanfang
Text
Aria-Singi
Singi vo mamantem
50
Mamantem-begi
Zon vo fosi mofotem, Jesus teego joe de krini! Seni tog
di mamantem Joe krin skijn tee na mi ini; Meki doengroe
now gowei, Joe krin dei.
2. Blaka wolkoe, dem ben kom Hopo na wi ala tapo: Meki mi
toe, di fadom Na didiebri ogri trapoe, Masra, nanga joe
verzoen Finni boen.
3. Leki dauw vo moesoedei, Di fadom na dre sabanna: So
joe srefi moese de Mi fontein, mi switi manna, En mi
bribi! - alatem Tranga hem.
4. Leki kouroe no de tan, Te da zon de teki pasi: Meki so
joe lobbiflam Njam mi broko kouroe-fasi, Vo mi lobbi joe
nomo Vo teego.
5. Zon de hopo. We hem krin Doengroe no de man vo swali:
Troe, da so mi dedeskin, Te kroboi trompet sa kali, A sa
wieki jandasei, Vo njam pre.
6. Skijn gi mi, joe gnadezon Bakatem na da njoe liebi,
Pee krewatra no de ron, Pee mi si, san now mi bribi;
Dapee wi Halleluja No kaba.
Buch
Rubrik
Nummer
Liedanfang
Text
Aria-Singi
Singi vo mamantem
51
Moesoedei
Moesoedei! Moesoedei! Doengroe neti de gowei! Loekoe,
loekoe zon komopo! Loekoe, slibiman de hopo, Teki wroko
alapaee.
2. Moesoedei! Moesoedei! Te mi si joe goutoe flei, Dan mi
fili na mi hatti: Da wan Gado-odi dati; En mi zieli de
njam pre.
3. Moesoedei! Moesoedei! San joe tjari kom tidei? Masra!
Meki alasani Waka nanga joe boen wani Alafasi, alapee.
4. Moesoedei! Moesoedei! Soema sari? Soema kre? Membre
Gado de na liebi, Kre na Hem en holi bribi, Helpi no de
farawei.
5. Moesoedei! Moesoedei! Hesi dei vo dei gowei. Vo tidei?
mi de na liebi Vo tamara? mi kan slibi Jandaso na
beripee.
6. Moesoedei! Moesoedei! Membre mi da laatste dei, Vo mi
ziel en skin tan klari, Tee da Engelstem sa bari Na da
laatste moesoedei.
Buch
Rubrik
Nummer
Liedanfang
Text
Aria-Singi
Singi vo mamantem
52
Dem fowloe na mamantem
Loekoe, fa na moesoedei ala fowloe wieki! Jeri, fa dem
singi krin, Troe dem winni dem pikien. Potti jesi, potti
mi Na da mooi muzieki.
2. Ala fowloe de kaba, ka! wan heeli hipi! Fa dem djompo,
fa dem pre, Dem no sabi sarikre; Blijti nomo, so dem de,
Dem no frede wipi.
3. Odi o! mi moei en oom, brara, sisa, mati! Odi! Kwassie
en Jaba, Kwakoe, Jau en Adjoeba! Singi la-la-trari-ra,
Singi, tee a lati.
4. Wi toe ha wan boen Tata, disi de na tapo; Hem de
zorgoe vo wi toe, Hem de kibri mi en joe. Gado lobbi wi
vo troe, Hem nem wi moe hopo.
5. Mi pikien, joe sabi toe, san hem boekoe taki ? No van
fowloe kan fadom Zondro Gado tee na gron. Troe a de wan
boen patroon, Bribi hem, mi mati!
Buch
Rubrik
Nummer
Liedanfang
Text
Aria-Singi
Singi vo mamantem
53
Da blinkri zon de hopo
Da blinkri zon de hopo, Wi si hem goutoe flei. Oen
slibiman, oen hopo! Da doengroe wai gowei. Oen wrokoman,
go teki Da wroko na oen han. Disoema no sekseki? A tan
wan potiman.
2. Ke loekoe! fa dem waka Na strati alasei! Na fesi en na
baka Joe si dem alapee! Ke! fa dem feti, drifi! Dem ala
haswa ron, En nanga wagi srefi Joe si wanwan de kom.
3. A troe, da wan plisiri, Da so a moese tan. Troe, da
wan boen maniri, Sjem vo dem leziman! Dem tan sidom de
loekoe, Fa fowloe hopo flei, En tee na ini hoekoe Dem tan
lidom de pre.
4. Dem njam tra soema brede En sweti dei vo dei; En te
dem gowei dede, No wan soema de kre; Bikasi noti lasi
Nang' so wan soema toe. Ke Gado! lezifasi? A no kan boen
na joe.
5. We, hopo dan komopo Oen ala loo vo loo! Vo meki kondre
hopo, Vo alasani gro Na hoso en na firi Na alafasi so:
Dan wi kan njam plisiri, Te wi de teki bro.
Buch
Rubrik
Nummer
Liedanfang
Text
Aria-Singi
Singi vo mamantem
54
Te mamantem na foto
Te mamantem Mi de hopo hai En wan switi, kouroe winti
wai, Dan wi djompo go Tee na wi gadri, Dapee boom en
strati mi kan si. Dati mooi vo troe, ma na watrasei,
Dapee mi kan loekoe farawei. Sipi de vo go, tentiboto
kom, En korjara nofo de lidom.
2. Zon da goutoewan Letti sani krin Alasani blinkri na
hem skijn. Riba, fa a mooi So na mamantem, Leki
zilverskoema tapo hem! Glasifensre, ka! Fa dem poeloe
zon, Sori leki faja, disi bron! En da hemelblauw Tee na
taposei Rontoe da groen boesi farawei.
3. Ke, fa Gado boen! Ala kreatuur Kan plisiri na da mooi
natuur. Fisi djompo de, En dem fowloe dan? Dia now, en
janda now dem tan. Soema fluiti so? We dem fowloe troe,
Dem de bari singi zondro bro. Ma mi srefi toe Wani hopo
stem, Prijze Gado en lofsingi Hem!
Buch
Rubrik
Nummer
Liedanfang
Text
Aria-Singi
Singi vo sabatem
55
Vo taki Gado tangi na sabatem
Wan heeli dei ageen wi doro Now nanga boen na Masra sei.
Ke! efi tog vo Hem nomoro Wi heeli liebi moese de! So tee
wi wroko, ruste, slibi, Moe tron wan reti Gadoliebi.
2. Ke! fa da liebi de so switi Na ondro Masra Jesus flei;
Alwasi sani wi sa miti Tog Masra tan wi klosibei. Dan ala
nootoe nanga tesi, Vo troe wi man vo winni hesi.
3. We teki tangi dan, wi Masra, Vo ala boen, di wi ben
njam. Wi hangri, vo wi bosi brasa Joe, wi boenhatti
Helpiman; Bikasi troe troe, so a fiti, Da tangi wi no moe
vergiti.
4. Ma loekoe, jete wi de seni Wan begi go tee na joe
troon: Kom kibri wi na disi neti, En meki wi kan ruste
boen. Na ala fasi, ala plesi Gi wi joe santa Gadoblesi!
Buch
Rubrik
Nummer
Liedanfang
Text
Aria-Singi
Singi vo sabatem
56
Wan begi na sabatem
Da dei kaba, da neti kom: Na boesi zon go slibi, Wan bigi
doen groe now fadom Na tepo dem, di liebi.
2. Mi doro wroko vo tidei, Da skin vo mi kom weri; Da tem
vo bro de klosibei, Kanoen de soetoe, jeri!
3. Mi go Iidom didjoensnoe de, Vo ruste na mi bedi. Ke
Masra, no tan farawei, Ma loekoe mi di neti.
4. Da poti zieli vo mi toe Joe moese holi kibri. Ke, tapo
ala ogridoe En triki vo didiebri!
5. Di neti srefi a kan de Mi laatste joeroe kisi: We, efi
Masra na mi sei, Dan nooiti mi kan misi.
6. No libi mi, mi Helpiman! Dan mi no ha vo frede; Mi de
vo joe, vo joe mi tan Na liebi en na dede.
Buch
Rubrik
Nummer
Liedanfang
Text
Aria-Singi
Singi vo sabatem
57
Mi go lidom
Zon de go slibi now, Zon de go zoekoe bro, Neti de kom.
Mi skin kom weri toe, Mi toe de zoekoe bro, Mi go lidom,
Mi go lidom.
2. Jesus, mi Helpiman, Nanga joe tranga han Kibri mi
boen! Poeloe mi zondoe krin, Tog mi de joe pikien, Loekoe
mi boen! Loekoe mi boen!
3. En te mi joeroe kom, Dan mi skin go lidom Na beripee.
Jesus, mi Helpiman, Teki mi zieli dan Kom na joe sei. Kom
na joe sei.
Buch
Rubrik
Nummer
Liedanfang
Text
Aria-Singi
Singi vo sabatem
58
Wan singi bifo wi lidom
Neti tapo heeli gron, Doengroe kibri dei en zon; Ma wi
Masra hai tan krin, Loekoe ala hem pikien.
2. Now na ruste mi de go, Weri skin de zoekoe bro, Masra
tan mi waktiman! Dan mi kibri na joe han.
3. Foeloe zondoe mi de doe, Disi gi mi sari troe: Gnade
nomo joe moe gi; Ke, mi Masra! sari mi!
4. Mi famili klosibei, Kompe, buurman na mi sei; Ala joe
moe blesi toe, Dati mi de begi joe.
5. Joe moe dre wi watrahai, Ala hebi joe moe wai. Te wan
soema sari, kre: Gadosari a moe de.
6. Kibri mi vo ogri drem; Ma vo jeri Engel stem, Fa dem
hopo singi mooi: So mi hangri vo doidoi.
7. Te tamara mi kom si, Dei kom broko njoe gi mi. Mi sa
hopo prijze joe Vo da boen, di joe de doe.
8. Nanga krin vo moesoedei Doengroe neti moe gowei. Zon
kom hopo blinkri krin: Masra lobbi hem pikien!
Buch
Rubrik
Nummer
Liedanfang
Text
Aria-Singi
Singi vo sabatem
59
Dem staar
Na neti, te dem staar mi si, Ke fa mi hatti fili fri!
Alwasi dem de farawei, Tog dem de gi mi switi pre. Alwasi
dem de farawei, Tog dem de gi mi switi pre.
2. En te dem ala blinkri so, Mi hatti no de finni bro; Mi
hangri habi duififlei, Vo kisi toe so srefi hei.
3. Da moen, hem de da tiriman; Wan zilversloepoe,so a
tan, Wan blinkri hipi rontoe hem, Dem staar, joe no man
teli dem.
4. So leki waktiman dem de, Dem loekoe rontoe alapee, En
taki na dem liebiwan So switi odi, fa dem kan.
5. Tan boen, oen staar, joe tiri moen, Goeneti now, tan
boen, tan boen, En troostoe dem, di sari kre, So leki
kompe na dem sei.
6. Te nojaso mi go lidom, Gi hem mi tjari begi kom, Di
meki zon en staar en moen: Hem tiri ala kondre boen.
Buch
Rubrik
Nummer
Liedanfang
Text
Aria-Singi
Singi vo sabatem
60
Goeneti dan!
Goeneti dan! Da dei gowei, Da tem vo rust kom klosibei;
Zon go na ondro; joe no man Vo holi hem. Goeneti dan!
2. Goeneti dan! Moen hopo de! So meni staar de na hem
sei, Dem ala taki, leki wan: Go slibi boen! Goeneti dan!
3. Goeneti dan! Joe weri so, Joe hangri, vo joe finni
bro ; A loekoe joe, mi wrokoman, Go teki hem! Goeneti
dan!
4. Goeneti dan! Joe di joe kre, Di siki holi joe so tee,
Ke, membre hem wi Helpiman! A sabi joe. Goeneti dan!
5. Goeneti dan! Mi Gado, joe Ben doe mi foeloe boen vo
troe, Vo teli ala mi no man, Vo prijze joe. Goeneti dan!
6. Goeneti dan! Mi fili troe, So meni ogri mi ben doe; Gi
mi pardon, mi Helpiman ! Joe sari mi! Goeneti dan!
Buch
Rubrik
Nummer
Liedanfang
Text
Aria-Singi
Singi vo sabatem
61
Neti de kom baka
Neti de kom baka, Doengroe tapo gron; Gado vrede saka Bro
a tjari kom.
2. Nomo riba habi Wroko doro. Troe No wan bro a sabi No
na neti toe.
3. Watra wroko tranga, A de kom, a go Foeloe jari langa,
Jete a no bro.
4. So mi hatti seki, Geersi riba toe; Gado nomo meki A de
finni bro.
Buch
Rubrik
Nummer
Liedanfang
Text
Aria-Singi
Singi vo sabatem
62
Prakseri na sabatem
Da moen, a hopo waka Na hemel, disi blaka, Dem stari
blinkri tee, Da boesi tan so tiri, Na riba en na firi Wan
weti dampoe hopo de.
2. Fa kondre de so switi, Te dei en neti miti Na mofo
sabatem; En te wi kan vergiti Da hebi en verdriti, Di
miti wi da joeroetem.
3. Na tapo moen tanapoe, Wi si hem hafoe nomo, Kaba a de
troe troe. We nofotron wansani De geersi hafoesani, Vo di
wi hai no si hem toe.
4. Wi bigimembre soema, Di geersi soso skoema, Di gowei
en di kom: Wi denki en wi wani Vo sabi alasani; We, dati
meki wi tan dom.
5. Ke, Masra, wi de begi: Kom, meki wi verlegi, Vo sabi
joe nomo, En gi wi sakafasi, Vo wi no misi pasi, En vo wi
ziel kan finni bro.
6. Now go lidom de slibi, Oen ala, disi bribi. Wi Masra
blesi oen! Hem moese tapo sari, En ala kre en bari. We
dan, goeneti en tan boen!
Buch
Rubrik
Nummer
Liedanfang
Text
Aria-Singi
Singi vo sabatem
63
Doidoi-singi
Kom go doidoi, mi lobbi pikien! Zon ben go saka, a lasi
hem krin; A go lidom de, vo broleki joe; Hem toe ha ruste
vanoodoe vo troe.
2. Meki joe slibi, mi switi pikien! Ala mi hatti de lobbi
joe krin. Helpiman srefi de membre joe boen, Vo na joe
tapo wan ogri no kom.
3. Engel hem seni, di santa en krin, Meki dem loekoe dem
lobbi pikien. We, so wan Engel vo Hemel sa flei Kom na
joe kamera, tan na joe sei.
4. En te tamara joe hopo joe hai, Zon go kom baka, da
doengroe de wai: Dan mi sa singi ageen nanga joe, Taki wi
Helpiman tangi vo troe!
Buch
Rubrik
Nummer
Liedanfang
Text
Aria-Singi
Singi vo sabatem
64
Doidoi, mi pikien
Dem blomiki go slibi na reti joeroetem Dem seki nanga
hede, tee slibi moro dem. Dem boom sekseki toe, somtem
Dem drem wan switi drem. We doidoi, slibi now, doidoi mi
pikien, we slibi boen.
2. Dem fowloe, di ben singi so mooi, bifo dem bro. Now
dem no singi moro, na nesi dem ben go. Ma siksijoeroe
bari: si! Dem todo: kwi, kwi, kwi! We doidoi, slibi now,
doidoi mi pikien, we slibi boen.
3. Dem Engel waka rontoe, dem waka alapee; En pee pikien
dem finni, di wieki nanga kre, Dan dem go bosi dem so
tee, en ala kre gowei. We doidoi, slibi now, doidoi mi
pikien, we slibi boen.
4. Oen lobbiwan, tan dia en loekoe mi pikien; Mi srefi
wani slibi tee dei go broko krin. Dan mi sa taki tangi
toe vo da boen, di oen doe. We doidoi, slibi now, doidoi
mi pikien, we slibi boen.
Buch
Rubrik
Nummer
Liedanfang
Text
Aria-Singi
Singi vo sabatem
65
Waktiman-singi
1. Soema! jeri san mi taki: Aiti joeroe gingee naki. Aiti
soema finni boen, Di da zondoefloedoe kom. Liebisoema
wakti soso, Gado wakti kibri hoso! We da tranga han vo
hem Kibri wi, di neti tem.
2. Soema! jeri san mi taki: Negi joeroe gingee naki. Pee
dem negi trawan de, Di mi helpi djoensnoe de? Liebisoema
wakti soso, Gado wakti kibri hoso! We da tranga han vo
hem Kibri wi, di neti tem.
3. Soema! jeri san mi taki: Now tien joeroe gingee naki.
Tien gebod wi Gado gi, Vo dem leri joe en mi. Liebisoema
wakti soso, Gado wakti kibri hoso! We da tranga han vo
hem Kibri wi, di neti tem.
4. Soema! jeri san mi taki: Elfoe joeroe gingee naki. Elf
Apostel tan getrouw, Kibri wi vo Judas rouw. Liebisoema
wakti soso, Gado wakti kibri hoso! We da tranga han vo
hem Kibri wi, di neti tem.
5. Soema! jeri san mi taki: Twaalfoe joeroe gingee naki.
Mindrineti de kaba: Hesi gnadetem pasa. Liebisoema wakti
soso, Gado wakti kibri hoso! We da tranga han vo hem
Kibri wi, di neti tem.
6. Soema! jeri san mi taki: Now wan joeroe gingee naki.
Wan boen pasi de nomo; Masra! meki hem wi go ! Liebisoema
wakti soso, Gado wakti kibri hoso! We da tranga han vo
hem Kibri wi, di neti tem.
7. Soema! jeri san mi taki: Now toe joeroe gingee naki.
Toe sa de na wroko dan; Gado moese libi wan. Liebisoema
wakti soso, Gado wakti kibri hoso! We da tranga han vo
hem Kibri wi, di neti tem.
8. Soema! jeri san mi taki: Now drie joeroe gingee naki.
Drie nomo ben man ronwei, Sodom ben kom pori tee.
Liebisoema wakti soso, Gado wakti kibri hoso! We da
tranga han vo hem Kibri wi, di neti tem.
9. Soema! jeri san mi taki: Now fo joeroe gingee naki. Fo
difrenti gron wi si, Wan nomo njanjam de gi. Liebisoema
wakti soso, Gado wakti kibri hoso! We da tranga han vo
hem Kibri wi, di neti tem.
10.Soema! jeri san mi taki: Vijfi joeroe gingee naki.
Vijfi koni wendje de; Dem tra vijfi moese kre. Wieki hopo
now na slibi, Wan njoe dei de gi njoe liebi. Taki tangi
Buch
Rubrik
Nummer
Liedanfang
Text
Aria-Singi
Singi vo prijze Masra
66
Masra de da zorgoeman
1. Wan singi mi de hopo, Na hatti a komopo, Na hatti ini
a moe go. Troe nanga switi wijze A fiti vo wi prijze Wi
Gado, di ben gi wi bro.
2. Troe Masra ha boenhatti, Wi ala sabi dati. Ke! hem de
zorgoe wiso boen! Makzien vo hem no tapo, A foeloe, en a
hopo, Wi ala kisi wi ransoen.
3. Dem fowloe hopo singi, Joe si? dem njam en dringi, Di
Gado srefi zorgoe dem. Dem blomtje toe de smeri, Mooi
klosi dem de weri: Ke! fa dem prijze Masra nem.
4. So srefi Masra wani Vo zorgoe alasani Gi ala dem
pikien vo hem. Ma poti! fa wi stoutoe, Na bribi wi de
foutoe, Wi no de gi hem bigi nem.
5. Te winti hopo soso, En floedoe naki hoso, Wi lasi hesi
wi vertrouw. Ke! fa wi lasi hatti! Vo troe, wi sjem vo
dati! Na zanti soso hoso bouw.
6. We, harki da verwijti! Wi Masra srefi blijti, Te joe
kom bribi troe na hem. Na tranga klipstoon tapo Wi hoso
moe tanapoe, Dan a no seki no wan tem.
7. We fosi joe moe zoekoe, — Da so a de na boekoe, — Vo
kisi Gadokondre troe. Da boen en reti fasi, Di fiti joe
na pasi, Vo dati joe moe begi toe.
8. Dan Masra de pramisi! Vo doro joe sa kisi San disi de
vanoodoe toe. Hem gnade sa go doro; We, harki moro moro
Hem switi stem, di kali joe.
Buch
Rubrik
Nummer
Liedanfang
Text
Aria-Singi
Singi vo prijze Masra
67
Halleluja! Prijze Masra
Halleluja! prijze Masra! Joe mi zieli, prijze hem! Prijze
hem en taki tangi Na joe heeli liebi tem.
2. Liebisoema no kan helpi, Dem no jeri, dem no si; Ma mi
Masra si en jeri, Hem de kom vo helpi mi.
3. Te na zwampoe mi ben soengoe, Liebisoema si mi, - tan:
Ma mi Masra troostoe, helpi, Poeloe mi nang' tranga han.
4. Te mi lasi krin na boesi, Mi de bari, mi de kre; No
wan soema de vo piki: Masra jeri mi dapee.
5. Te mi de na zondoenootoe, Mi de zoekoe helpi toe; No
wan soema man vo helpi: Masra helpi mi vo troe.
6. Mi boen Masra mi sa prijze, Mi sa gi hem bigi nem:
Halleluja mi sa singi Nojaso en alatem.
Buch
Rubrik
Nummer
Liedanfang
Text
Aria-Singi
Singi vo prijze Masra
68
Prijze wi boen Helpiman
Hopo hemel, hopo gron! Ala liebisoema hopo! Hopo staar en
moen en zon! Engel srefi, di na tapo! Ala wroko vo hem
han: Prijze wi boen Helpiman.
2. Hopo singi, prijze hem, Singi tranga, singi switi! Gi
hem eer en bigi nem; Taki tangi, fa a fiti. Jonge soema,
ouroewan: Prijze wi boen Helpiman.
3. Prijze hem, di lobbi wi Nanga so wan tranga lobbi; Di
go doro, ala di Wi de gi hem foeloe trobi. Hem, da
hattilobbiwan: Prijze wi boen Helpiman.
4. Kerubin en Serafin, Di no sabi wan pikado, Tan
tanapoe, singi krin, Pre dem harpoe, prijze Gado; Dei vo
dei dem Santawan Prijze wi boen Helpiman.
5. We mi zieli, singi dan Gi da Lam, di dem ben kili; En
alwasi mi no man Poeloe, san mi hatti fili: Tog tee doro
mi sa tan Prijze wi boen Helpiman!
Buch
Rubrik
Nummer
Liedanfang
Text
Aria-Singi
Singi vo prijze Masra
69
Da grani en magti vo Gado
Te dem staar na neti hopo, Joe sa man vo teli dem? En dem
wolkoe tee na tapo, Dem sa harki na joe stem? We, mi
kompe, joe moe sabi, Da grankoni Gado habi Ala tranga de
vo hem, Ala tranga de vo hem.
2. Joe kan doekroe nanga fisi Tee na dipi gron vo zee?
Hemel joe sa man vo kisi — Marki, fa a farawei? Poti! joe
no sabi noti, Foetoe fassi na joe doti. Gado foeloe
alapee, Gado foeloe alapee.
3. Fisi, fowloe nanga meti, Joe kan zorgoe dem njanjam?
Watra di moe foeloe peti, Sa komopo na joe han? Loekoe
si, fa joe de zwaka! Troe, a fiti joe vo saka; Gado, hem
da zorgoeman, Gado, hem da zorgoeman.
4. Gado hem de hei en grani, Sakafasi fiti joe. Feti dan,
vo doe hem wani, Saka na hem ondro troe. Na hem pasi joe
moe waka Na wi Masra Jesus baka, Dan hem no sa liebi joe,
Dan hem no sa liebi joe.
Buch
Rubrik
Nummer
Liedanfang
Text
Aria-Singi
Singi vo prijze Masra
70
Da reti tangi
Kom hopo dan, vo singi wan njoe wijze! Di soema kan, we
meki a moe prijze Wi Gado en wi Helpiman.
2. Di wi kom si hem lobbi en boenhatti De bigi so, - kaba
wi membre dati, Hoe reti tangi wi sa gi?
3. Fa wi moe doe, vo taki tangi nofo? Wi hangri troe; ma
poti! nanga mofo Wi no kan sori tangi toe.
4. Troe ala di wi mofo singi switi Tog wi kan gi hem sari
en verdriti Di tee na hatti a de si.
5. Wi hatti krin? Dan ala wi maniri Vo ziel en skin moe
sori boen en tiri. So a de fiti boen pikien.
Buch
Rubrik
Nummer
Liedanfang
Text
Aria-Singi
Singi vo prijze Masra
71
Singi gi Masra
Oen brara, sisa, hopo dan Oen hatti en oen stem. Vo
prijse wi boen Helpiman en gi Hem bigi nem. A doe wi
foeloe boen vo troe, So leki wi kan si. Ma moro foeloe a
de doe, Di kibri now gi wi.
2. Wi
switi
singi
nanga
hatti njam plisiri troe Na so wan joeroetem. Wan
wroko wi de doe, Te wi de prijze hem; Te wi de hopo
so, Mi no sa kenki dan, No nanga Koning jandaso, No
goedoeman.
3. Tan-tiri soema, a no kan Njam so wan switi pre, Da
singiman, da hem wawan Kan blijti alapee. Dapee wan switi
singi de, A de vo finni toe; Vo njam, vo dringi? a no ke,
A no sa haksi joe.
4. We hopo dan, oen singiman, Wan singi, mooi en krin, Vo
prijze da boen Helpiman, Gran Gado wan pikien. Dem santa
Engel hopo stem, Lofsingi hem vo troe; We mi, mi toe, sa
prijze hem, En singi gi hem toe.
Buch
Rubrik
Nummer
Liedanfang
Text
Aria-Singi
Singi vo prijze Masra
72
Da boenhatti vo Gado
Wi diki horo potti Dem siri tee na gron: Ma efi wi kan
koti? Vo Gado dati kom! A blesi wi so meni, A hopo moen
en zon; Na reti tem a seni Areen vo nati gron. Alasani
doro de boen, di Gado gi. Da hem wi moe gi tangi toe! Hem
boen vo troe!
2. A tiri alasani Dem worom en azau: Dem moese doe
wani; Na hem dem moe vertrouw. En di a de regeeri,
wi zorgoeman; Vo noti moe mankeri Dem wroko vo hem
Alasani doro de boen, di Gado gi. Da hem wi moe gi
toe! Hem boen vo troe!
hem
A tan
han.
tangi
3. Njanjam en watra nofo A gi wi ibri dei; Bifo wi hopo
mofo Vo begi - we, a de! Gezondheid a de gi wi En tranga
na wi skin; Na neti, te wi slibi, A wakti hem pikien.
Alasani doro de boen, di Gado gi. Da hem wi moe gi tangi
toe! Hem boen vo troe!
4. Wan moro bigi sani Wi Masra Gado gi Na dem, di doe hem
wani: A gi dem Gadofri. A pai da zondoe-boetoe, Vo meki
wi kom krin; A bai wi nanga broedoe, Vo wi tron hem
pikien. Alasani doro de boen, di Gado gi. Da hem wi moe
gi tangi toe! Hem boen vo troe!
Buch
Rubrik
Nummer
Liedanfang
Text
Aria-Singi
Singi vo prijze Masra
73
Sani kenki en sani no kenki
Grontapo sani no holi tan; Dem kenki doro. Hoesoema man
Vo nem wan enkliwan, disi tan Tidei tamara da srefiwan?
Grontapo sani de kenki.
2. Tidei, wi sabi, tidei wi de, Wi njam, wi dringi, wi
holi pre: Ma soema de, disi sabi troe, Da dem sa liebi
tamara toe? Grontapo sani de kenki.
3. Tidei wi habi wan hati zon, Tamara doro areen fadom;
Di jari gron vo wi holi dre, Tra jari watra kom foeloe
tee — Grontapo sani de kenki.
4. Grontapo sani de kenki troe, Wi liebisoema de kenki
toe. Dasan', tidei wi no wani si: Somtem tamara a boen na
wi. Wi Gado nooiti a kenki.
5. Vo troe, wi Gado wawan de tan Vo teego teego da
srefiwan, Tidei, tamara en isredei, Na dia, janda en
alapee. Wi Gado nooiti a kenki.
6. Disoema potti vertrouw na hem, A no kan lasi na no wan
tem; Dem bergi srefi, dem kan fadom: So soema habi wan
vaste gron. Wi Gado nooiti a kenki.
Buch
Rubrik
Nummer
Liedanfang
Text
Aria-Singi
Singi vo prijze Masra
74
Loekoe alapee
Loekoe alapee! No wansani de, Disi Gado na kan tiri.
Heeli kondre tan Na wi Gado han, Tee na boesi en na firi.
Te areen de sori blaka, Winti hopo, wai hem baka, Gron de
tan so dre, an njanjam no de; We, gi Gado joe moe saka.
2. Wi granzorgoeman Habi tranga han, Di kan pori tee vo
lasi. Joe no ke vo hem? Nanga tranga stem A go bari joe
na pasi. Harki dan, vo drai joe liebi, Wieki hopo na da
slibi: San joe ha vandoe, Hem sa zorgoe troe, Efi hatti
habi bribi.
Buch
Rubrik
Nummer
Liedanfang
Text
Aria-Singi
Singi vo prijze Masra
75
Troostoe
1. Hebi vo grontapo No moe moro joe; Gado di na tapo,
Gado lobbi joe!
2. San joe ha vo frede, San joe djeme so? Somtem Gado
dede? Gado dede? - No!
3. Gado no kan dede, Hem de liebi troe, En vo Jesus hede
Hem de sari joe.
4. Te joe de na nootoe, Kali Masra nem, Hem no sa
verstootoe Dem pikien vo hem.
Buch
Rubrik
Nummer
Liedanfang
Text
Aria-Singi
Singi vo prijze Masra
76
Gran Gado na tapo
1. Gran Gado! glori de vo joe, Joe zorgoe boen vo wi vo
troe, Joe tjari loekoe kibri wi Joe gi wi switi Gado fri.
2. Gran Gado teki bigi nem, En glori tee vo alatem. Joe
de da moro Santawan, Joe de mi tranga Helpiman.
3. Gran Gado! tranga Helplman, Mi de vertrouw na joe
wawan. Joe de mi lobbi boen Tata. Da lobbi vo joe no
kaba.
4. Gran Gado! switi Troostoeman, Mi hatti de vo joe
wawan. Joe lobbi mi, mi lobbi joe, Da so mi 1iebi switi
troe.
Buch
Rubrik
Nummer
Liedanfang
Text
Aria-Singi
Singi vo da lobbi en vo da boenhatti vo wi Masra
77
Da lobbi vo Jesus
Fa mi sa prijze da krin lobbi Di Masra Jesus lobbi mi! Mi
gi hem sari nanga trobi En no wan tangi de vo si. Kaba a
dede vo wi hede Vo poeloe wi na ini dede.
Buch
Rubrik
Nummer
Liedanfang
Text
Aria-Singi
Singi vo da lobbi en vo da boenhatti vo wi Masra
78
Kompe diri
Wan boen kompe, di joe habi, En di lobbi joe getrouw, Da
wan boen, di joe moe sabi, Na hem tapo joe kan bouw. We,
da boen, joe finni hem? Fa joe switi kompe nem?
2. Klaas of Piet, dem nem joe kali, Dati boen! Dem lobbi
joe; Nanga lobbi dem ben hali A1'joe hatti abra troe. Ma,
dem no sa kori joe? So mi moese haksi toe.
3. Kompe habi korifasi, So wi onderfinni troe: Nanga
goedoe, di wi lasi, Nofo kompe lasi toe; We joe no moe
mandi mi, Wan boen rai mi wani gi.
4. Efi siki holi langa, "Odi odi" kom kaba. We joe hatti
no moe hanga Na dem soso kompe so! Tee na hemel jandasei
Wan boen kompe vo joe de.
5. Troe hem lobbi krin en tranga. Ke, joe no de fili
sjem. Di joe drai so meni langa, Zondro vo joe zoekoe
hem? Fa da switi kompe nem? Jesus dem de kali hem.
Buch
Rubrik
Nummer
Liedanfang
Text
Aria-Singi
Singi vo da lobbi en vo da boenhatti vo wi Masra
79
Da beste kompe
Joe zoekoe kompe? we, na tapo, Na hemel joe sa finni hem.
Bika vo zoekoe na grontapo? Vo soso joe go lasi tem. Da
so mi kom vo membre joe: Joe kompe de na hemel troe.
2. Da soso broeja broeja liebi Na kondre pori boen
vertrouw; Da reti kompe-lobbi kibri, Di ala lobbi sori
flauw, We membre, so mi begi joe: Joe kompe de na hemel
troe.
3. Wan liebisoema lobbi seki, Tog Jesus tan da srefiwan.
Wan hebi dede a ben teki, Vo poeloe wi na satan han! Joe
si, fa Jesus lobbi joe? Joe kompe de na hemel troe.
4. Somtem wan kompe no sa frede Vo lasi liebi toe vo joe;
Ma membre! - Jesus hem ben dede. Vo wi, di lobbi ogridoe!
We, so wan lobbi sori joe: Joe kompe de na hemel troe.
5. Dem kompe srefi kisi trobi, En kompe nofotron platie;
Ma Masra Jesus? Hem de lobbi So tee wan marki joe no si.
Joe libi hem? A kre vo joe! Joe kompe de na hemel troe.
6. Wan njoe pikien, di de na bobbi, Mama sa kan vergiti
hem? Somtem! Bikasi ala lobbi Vo liebisoema no de krin.
Vo lobbi krin? Wi Masra doe! Joe kompe de na hemel troe.
7. Troe, nooiti Masra sa vergiti Wan enkliwan vo hem
pikien! A gi hem sari en verdriti, Te wi tan farawei vo
hem. We, kom dan, di a kali joe! Joe kompe de na hemel
troe.
8. Mi beste kompe de na tapo, Na kondre dia a no de. Pee
takroe broeja liebi hopo, Da switi lobbi moe gowei. Krin
lobbi mi sa tesi troe, Mi kompe, te mi kom na joe.
9. Na hemel ala kompe hatti De wan, di Jesus krini dem.
Ke da wan switi lobbi dati! Wi kom wan hatti nallga hem;
Wi hatti tai makandra dan. Na hemel kompe-lobbi tan.
Buch
Rubrik
Nummer
Liedanfang
Text
Aria-Singi
Singi vo da lobbi en vo da boenhatti vo wi Masra
80
Plisiri na ini Masra
Mi hatti fili switi pre, Vo troe a njam plisiri, Te Masra
kom mi klosibei, Na hoso en na firi.
2. Hoepee mi go, hoepee mi tan: Mi ha wan kouroe hatti,
Vo di mi lobbi Helpiman Mi kompe en mi mati.
3. So langa Jesus na mi sei, Mi hatti njam plisiri! Vo
tra plisiri mi no ke: Da hem da mi plisiri.
Buch
Rubrik
Nummer
Liedanfang
Text
Aria-Singi
Singi vo da lobbi en vo da boenhatti vo wi Masra
81
Jesus da boen Masra
Mi Jesus, mi boen Masra, A kali wi so krin, A kali wi so
switi: We kom tog, mi pikien.
2. We di wi jeri dati, Wi hopo go na hem, A brasa wi, a
bosi, A gi wi switi nem.
3. Vo troe, da wan boen Masra, Wan lobbi Helpiman! Na hem
mi gi mi abra, Na hem mi wani tan.
Buch
Rubrik
Nummer
Liedanfang
Text
Aria-Singi
Singi vo da lobbi en vo da boenhatti vo wi Masra
82
Da boen Helpiman
Wi habi wan boen Helpiman, Di helpi wi vo troe, Dem zwaka
en mofinawan, Dem poti soema toe. Dem, disi hebi moro dem
Di pina heeli liebitem, Di miti trobi alapee Dem disi
djeme barikre; A kali dem, Vo dem moe kom na hem.
2. En te dem kom, a teki dem, A no de jagi wan, Alwasi
hoe san' trobi hem: A tron hem Helpiman. A troostoe dem,
di djeme, kre, A meki sari moe gowei. Dem poti en
mofinawan: A meki dem tron goedoeman; A langa han Gi ala
zwakawan.
3. Wi ala teki hatti dan, Wi hopo, kom na joe, Di joe wi
reti Helpiman Na alafasi troe. Joe helpi nanga hanga han,
Joe habi kragti, joe wawan; Da troostoe joe de troostoe
wi, Da so wi onderfinni si. Wi kom na joe, Di helpi wi vo
troe.
Buch
Rubrik
Nummer
Liedanfang
Text
Aria-Singi
Singi vo da lobbi en vo da boenhatti vo wi Masra
83
Da boen herder
Wan herder de, di kali Hem skapoe nanga nem. A kali dem
so switi, Vo di a lobbi dem, Di harki na hem stem.
2. Troe noti sa mankeri Dem, disi volge hem: Da so a ben
pramisi Granwei na ouroetem Gi dem, di de vo hem.
3. A habi wan sabanna, Di groen en mooi vo troe, Di
foeloe nanga grasi En boen wiwiri toe: We, ala da vo joe!
4. Wan liebi watrakriki So srefi de dapee; Da watra tiri,
switi, A kouroe ala dei, Da kriki no kom dre.
5. Na dapee a de tjari Dem skapoe vo hem go; A waka na
dem fesi, Dem volge safri so; A gi dem tem vo bro.
6. Da grasi de so switi, Da watra de so boen: We, san dem
kan mankeri? En te da neti kom, A meki dem lidom.
7. En ala di dem ruste, A wakti, loekoe dem; Vo ogri no
moe miti Dem skapoe, di vo hem, No wan pee, no wan tem.
8. Da herder? da wi Masra, Wi lobbi Helpiman. Dem skapoe?
dati ala, Di troe troe wani tan Na Masra Jesus han.
Buch
Rubrik
Nummer
Liedanfang
Text
Aria-Singi
Singi vo da lobbi en vo da boenhatti vo wi Masra
84
Jesus, da boen herder
Wan herder wi de habi, Wi de dem skaap vo hem, A lobbi en
a sabi Wi ala nanga nem, Wi ala nanga nem.
2. Da herder, hem de zoekoe Dem poti lasiwan, Hem srefi
toe de loekoe Dem, disi de vo hem.
3. Na hemel a komopo, A saka kom na wi; Da herder tron wi
borgoe A bai wi ala fri.
4. Na hemel a de tjari Dem, disi tan getrouw; Wan kouroe
plesi klari, Vo finni switi bro.
5. Grantangi vo wi herder! Wi gi hem bigi nem, Wi lobbi
hem, wi hangri Vo tan getrouw na hem.
Buch
Rubrik
Nummer
Liedanfang
Text
Aria-Singi
Singi vo da lobbi en vo da boenhatti vo wi Masra
85
Mi hatti de njam pre
Ke, fa mi hatti de njam pre, Di Jesus lobbi mi. We noti,
noti moese de, Di poeloe hem na mi.
2. Mi fili hem de tjari mi, Mi waka na hem sei, Hem fesi
de skijn krin gi mi, Na neti en na dei.
3. Mi fili troostoe ala dei, Di hem de troostoe mi.
Alwasi wanwantron mi kre, Hem lobbi de vo si.
4. En te mi zondoe kwinsi mi, Mi begi hem pardon, Hem
broedoe poeloe dem gi mi. Di vo mi zondoe ron.
5. Mi zieli, potti joe vertrouw Na joe boen Helpiman; Na
hem wawan joe moese bouw Hem tan da srefiwan.
6. En holi pasiensi toe, Te joeroe vo hem fom, Dan hem sa
kom vo poeloe joe En teki joe na hem.
7. We, blijti en plisiri dan, Mi zieli, vo da bro, Di
hem, wi lobbi Helpiman, Sa gi joe jandaso.
Buch
Rubrik
Nummer
Liedanfang
Text
Aria-Singi
Singi vo da lobbi en vo da boenhatti vo wi Masra
86
Ke, switi Jesus
Ke, switi Jesus! Masra vo dem hemel, Gado lobbiwan
Pikien. Joe mi de lobbi, Joe mi de prijze, Di de mi hatti
troost en kroon.
2. Membre dem firi, Membre toe dem boesi, Loekoe, fa dem
mooi vo troe! Ma tog mi Jesus Winni dem ala, Di hem da
Moromooiwan troe.
3. Zon letti krin krin, Moen de skijn so switi, En dem
staar de blinkri mooi Ma Jesus Kristus Krin moro ala,
Bika hem de da hemelzol1.
4. We Masra Jesus, Hattilobbi goedoe! Lam vo Gado, sari
mi! Troostoe mi poti, Hopo mi hatti, Te alasani sa gowei.
Buch
Rubrik
Nummer
Liedanfang
Text
Aria-Singi
Singi vo da lobbi en vo da boenhatti vo wi Masra
87
Da moro bigi goedoe
Alasani mi sa libi Abra na mi Helpiman! Joe da pasi,
waarheid, liebi, Na joe mi vertrouw wawan! Da joe koni,
letti magti, Da joe Gado tranga moe Helpi mi en gi mi
tranga, Vo mi doro nanga joe.
2. Vo mi srefi mi no sabi Sani, disi boen vo mi; Vo mi
srefi mi no habi Noti, di joe lobbi si; En vo doe joe
Gadowani? Ke, mi srefi mi no man: Joe moe gi mi alasani,
Joe, da bigi goedoeman.
Buch
Rubrik
Nummer
Liedanfang
Text
Aria-Singi
Singi vo da lobbi en vo da boenhatti vo wi Masra
88
Brara, sisa, kom hopo
Brara, sisa, kom hopo Nem vo Gado na tapo, Singi leki oen
kan! Ala soema moe sabi, Soortoe Masra wi habi, So wan
tranga en switiwan.
2. Ala soema, di waka Na wi Helpiman baka, Kan tron Gado
pikien. Da vo dati a teki Soema skin; vo a meki Wi geneze
na ziel en skin.
3. Fa wi liebi de switi, Zondro noot' en verdrieti, Di na
Masra wi tan! No wan boen wi de misi, Alasani wi kisi, Te
a hopo hem gnadehan.
4. Te na hem wi de bribi, Te gi hem wi de liebi, Boen
nomo wi de si. Hem sa poeloe da frede - Te na joeroe vo
dede Skin en zieli moe go platie.
5. Dan vo dem, di komopo, Gadokondre sa hopo, Pee wi
Helpiman de. Ke! fa - leki a fiti - Wi sa singi so switi,
Te wi kom na wi Masra sei!
Buch
Rubrik
Nummer
Liedanfang
Text
Aria-Singi
Singi vo da lobbi en vo da boenhatti vo wi Masra
89
Jesus de da bestewan
Foeloesani joe kan sabi, Dipi koni joe kan habi, Vo
prakseri en vo rai; Jete ala Gadosani Dangra joe verstand
en wani Doen groe tapo ala hai.
2. Joe kan habi boen maniri: Di joe Sori boen en tiri,
Foeloe kompe lobbi joe. San da boen en tirifasi? Tog na
Gado hai joe lasi, Boen joe srefi no kan doe.
3. Joe kan hipi foeloe goedoe, Tee joe habi overfloedoe;
Tog wan poti joe de tan. Soso joe ben kom, vo waka;
Goedoe? dem moe tan na baka, Dem de trobi wakaman.
4. Fri joe kisi vo grontapo: Bigifasi djompo hopo, Kouroe
hatti a no gi. Joe moe loesoe vo pikado, Njam da switi
fri vo Gado, Tee na hemel joe moe fri.
5. So joe si na alafasi, Fa joe srefi de vo lasi; Ma wan
trawan kibri joe. .Jesus Kristus de joe liebi. Te na hem
joe hatti bribi, Sani sa verandre troe.
6. Masra Jesus de da pasi, Hem toe de na retifasi Nanga
koni vo wi toe. Ala boen, di hem ben winni: Teki, domloe
joe na ini, trowei san' di hindre joe.
7. Zondro hem wan dedesani, Nanga hem boen, fri en grani!
So joe liebi, so joe de. Loekoe boen, vo joe no misi,
Haswa boen, vo joe kan kisi Damooi prijs vo jandasei.
Buch
Rubrik
Nummer
Liedanfang
Text
Aria-Singi
Singi vo da lobbi en vo da boenhatti vo wi Masra
90
Da reti plesi vo tan
Dia na da plesi Mi no man vo tan; Mi moe waka zoekoe Mi
boen Helpiman.
2. No hoereti plesi Mi sa finni hem? Taki gi mi hesi, Ke!
no lasi tem!
3. Ke, mi no de sabi, Hoesan' mi moe doe? Mi de so na
sari, Mi de zoekoe bro!
4. Ala mi pikado Kwinsi mi So tee! Pee mi finni helpi?
Pee mi Jesus de?
5. Ma mi no sa weri Vo go zoekoe hem, Tee mi hatti srefi
Ben kom fili hem.
6. Na dem bigi strati, Tee na firi toe, Tee na abra bergi
Mi sa kruipi go.
7. Kom mi Masra Jesus, Mi de kre vo joe. Mi no man vo
liebi Moro zondro joe.
8. Ke! hoe granplisiri! San vo taki dan? Nojaso mi finni
Hem, mi lobbiwan.
9. Nanga switi fesi A de loekoe mi; Nanga Gadovrede A de
blesi mi.
10. Mi no man vo taki, Ma mi fili troe; Ke, mi hatti naki
En da lobbi gro.
11. Na dem santa wonden, Na hem sei wawan, Na mi Masra
Jesus Teego mi sa tan.
Buch
Rubrik
Nummer
Liedanfang
Text
Aria-Singi
Singi vo da lobbi en vo da boenhatti vo wi Masra
91
Kom, kom na Jesus
Kom, kom na Jesus! Sani joe drai? Kom na hem kruisi, hopo
joe hai. Liebi en vrede hem wani gi; Kom, kom na hem, o
kom! Ke! hoe switi tog da joeroe de, Te wi fili, hem de
na wi sei! Fri vo hem switi, switi so tee, Kom, kom na
hem, o kom!
2. Hem no sa jagi no wan gowei, Ala, oen ala kom na hem
sei! Loekoe, dem zondaar hem lobbi tee, Kom, kom na hem,
o kom. Ke! hoe switi tog da joeroe de, Te wi fili, hem de
na wi sei! Fri vo hem switi, switi so tee, Kom, kom na
hem, o kom!
3. Jeri mi zieli: tem de vo troe, Helpi? tidei a de
loekoe joe! Teki hem, taki: Jesus vo mi, Loekoe: da kom
mi de kom! Ke! hoe switi tog da joeroe de, Te wi fili,
hem de na wi sei! Fri vo hem switi, switi so tee, Kom,
kom na hem, o kom!
Buch
Rubrik
Nummer
Liedanfang
Text
Aria-Singi
Singi vo da lobbi en vo da boenhatti vo wi Masra
92
Jesus de loekoe joe
Da moro poti hoso, Di de na kondre tan, Hem no sa pasa
soso, Di ala soema Helpiman.
2. A waka rontoe, naki Dem doro alapee, A zoekoe soema
hatti, Di wani, vo a tan dapee.
3. We, ala disi teki Hem, disi kom na dem, Da blesi vo
hem meki, Dem finni boen vo alatem.
4. En ala zondoenootoe Hem poeloe, gi pardon; Hem hatti
finni troostoe, Di Jesus tjari vrede kom.
5. Da so wan hoso finni Boen liebi ala dei; Dem prijs- en
tangi-singi, Dem no kaba, pee Jesus de.
Buch
Rubrik
Nummer
Liedanfang
Text
Aria-Singi
Singi vo da lobbi en vo da boenhatti vo wi Masra
93
Masra sabi dem soema vo hem
Wi Masra Jesus sabi dem, disi de vo hem. Wan hipi a de
habi, di bribi na hem nem. A waka go na fesi, vo loekoe
kibri dem; — dem finni kouroe plesi, dapee a troostoe
dem. Wi Masra Jesus sabi dem disi de vo hem. Wan hipi hem
de habi, di bribi na hem nem!
2. Wi Masra Jesus sabi Dem, disi dini hem; Bika a gi hem
liebi, Vo poeloe dem na sjem. En nooiti dem vergiti Da
plesi Golgata; Na dapee a ben feti Vo dem, Halleluja.
3. A sabi krin hem hipi, Bika dem lobbi hem. Vo hem wawan
dem liebi, Vo Jesus dem no sjem. Da lobbi disi geersi Wan
switi vroektoeboom, Di tjari foeloe blesi Gi nofo soema
kom.
4. A sabi troe dem skapoe; Wan marki moro de, We dati de
da hoopoe, Di nooiti kan kom dre. Da hoopoe vo da liebi
De sori wi da kroon, Di Jesus wani gi wi Na fesi vo hem
troon.
Buch
Rubrik
Nummer
Liedanfang
Text
Aria-Singi
Singi vo wan reti Kristenliebi
94
Joe heeli skin moe dini Masra
Toe hai joe de habi vo si en vo loekoe. We sani joe hai
dan moe feti vo zoekoe? Na dei en na neti joe hai moe tan
hopo, Vo loekoe dem wroko vo Gado na tapo.
2. Toe jesi joe kisi; we, san joe moe jeri? Vo soso
babari tog jesi kom weri. We jesi moe hopo, vo harki da
tori, Di Gado ben gi wi, vo boen a moe sori.
3. Gi soso prefoeroe joe mofo moe tapo, Vo begi en singi
joe mofo moe hopo. Joe tongo moe loesoe, vo prijze joe
Gado, Di hangri vo poeloe joe na da pikado.
4. We, poeloe joe foetoe komopo na pasi, Di kori joe, tee
joe kom pori en lasi. Go begi joe Gado, vo foetoe no
misi, Da pasi, di smala, we haswa vo kisi.
5. Joe han no moe hanga na skin so, doe noti, Ma wroko
getrouw en dan membre dem poti. Da begi na hatti moe miti
da wroko, Troe, dan ala lezi en luiri sa broko.
6. Wan hatti joe kisi, ma san de na ini? Go tesi joe
hatti, we, dan joe sa finni, Fa ogri gedagte en membre de
hopo. Go begi, tee ala da ogri komopo.
7. Joe hatti en skin no moe geersi wan hoso Di pori en
broko, tanapoe vo soso. Wan temple vo Masra moe hopo na
ini: Krin plesi da Jeje vo Gado Moe finni.
Buch
Rubrik
Nummer
Liedanfang
Text
Aria-Singi
Singi vo wan reti Kristenliebi
95
Begi en wroko
Vo begi en vo wroko, Da so a fiti joe. Da lezi joe moe
broko, En begi tranga toe. No wroko zondro begi, Da so mi
wani rai; Na ala joe verlegi Da begi no moe drai.
2. Te wroko gi verdrieti, A broko hede troe, Dan joe no
moe vergiti, San begi man vo doe. Joe de na begi tapo?
Joe no go lasi tem, Da wrokodei komopo, Di begi sjatoe
hem.
3. Te begi de mankeri, Dan wroko waka flauw, Joe fili
skin kom weri, En hatti no vertrouw. Fa a kan de trafasi?
A no kan dangra joe! Di Gado blesi lasi, Joe pori san joe
doe.
4. Wan mofo-begi soso A no kan helpi joe, Vo luiri, tan
na hoso No foeloe bele toe. Alwasi joe de begi, Di joe de
lezi so, Joe tan na joe verlegi, A fiti joe nomo.
5. Troe, zondro Gado wani, En zondro moeiti toe, Joe no
sa si wansani Komopo boen gi joe. Ma efi Gado blesi Da
wroko vo joe han, Dan sani go na fesi: Hem de da
zorgoeman.
Buch
Rubrik
Nummer
Liedanfang
Text
Aria-Singi
Singi vo wan reti Kristenliebi
96
Bribi, Lobbi, Hoopoe
Ke, sani tog mi moesoe zoekoe troe, Vo finni boen, vo
njam wan switi liebi? Da Gadoboekoe piki krin gi joe; We
jeri dan da fosisan: "da bribi!" We jeri dan da fosisan:
"da bribi, da bribi! "We jeri dan da fosisan: "da bribi!"
2. En bribi no kan tan vo hem wawan, Ma pee hem de, dapee
a no ha trobi, Vo finni toe da moro bigiwan, Di Jesus
srefi kali so: "da lobbi“.
3. Ma wan de jete, di de dieri troe, Di nanga dem toe
fosiwan de knoopoe So wan verbond, di holi doro troe; Joe
sabi hem, da derdewan: "da hoopoe?"
4. We, plani ala drie na hatti dan, Vo taki reti: lobbi,
hoop en bribi; En teki Jesus leki djariman, Dan joe sa
finni zaligheid en liebi!
Buch
Rubrik
Nummer
Liedanfang
Text
Aria-Singi
Singi vo wan reti Kristenliebi
97
Da moro mooi blometje
Wan blometje mi sabi, Di smeri switi troe; da nem vo hem
mi lasi, Vo di a dieri toe Vo finni na wi kondre, Di doti
no de boen, A no kan gro en hopo, Sori da mooi vo hem.
2. We mi sa praktiseri Vo kisi nem vo hem, Ja, mi sa
zoekoe, jeri, Pee mi kan finni hem. Ma pee mi sa go
zoekoe? Na boesi a no gro, Na biribiri-plesi Mi no sa
finni toe.
3. Bika da blometje fini, A lobbi wan boen gron; Na stoon
joe no sa finni, Sei-pasi, a no boen, Maka a no de lobbi
So leki roozoe doe, – Ke! nowmimembre: Lobbi, Da so dem
kali joe.
4. We now mi sabi baka, Pee mi moe zoekoe hem, Na djari
vo mi Masra, Dapee mi finni hem. Bikasi da hem srefi, Hem
de da djariman, Di loekoe, kibri, kweki Dem boen
plantsoen vo hem.
5. Ke Lobbi! fa joe dieri Na disi kondre so! Ke! fa joe
de go kibri, Vo wi no finni joe. We meki tog wi begi Da
switi djariman, Vo Lobbi a moe plani Na soema hatti boen.
6. Da Bribi de wan roozoe, Di mooi en dieri toe; So srefi
toe da Hoopoe Vo kisi jandaso, A ha wan switi smeri. Ma
mi de sabi krin: Da Lobbi, hem tan teego, Da blometje no
kom dre!
Buch
Rubrik
Nummer
Liedanfang
Text
Aria-Singi
Singi vo wan reti Kristenliebi
98
Wakti Masra
Wakti o mi zieli, Wakti Masra! Alasani libi abra na hem
han. Loekoe na hem, Kali Jesus nem, En na baka doengroe
Zon sa letti krin. Na ini tesi En na gevaar Masra helpi
hesi Vertrouw hem maar.
2. Wakti, o mi zieli, Wakti Masra! Alasani libi Abra na
hem han. Hemel en gron Kanti go fadom; Ma wi Masra Jesus
Tan da srefiwan. Ke hatti-lobbi Gran-winniman! Poeloe wi
na trobi, Wi Helpiman.
3. Wakti, o mi zieli, Wakti Masra! Alasani libi Abra na
hem han. San joe de kre? Dia helpi de. Te da joeroe kisi,
Sari sa tron pre. Holi pasiensi En bribi toe. Ala dem
pramisi Sa kom so troe.
Buch
Rubrik
Nummer
Liedanfang
Text
Aria-Singi
Singi vo wan reti Kristenliebi
99
Wan Kristensoema hoso
Pee Jesus de, da liebi troe moe switi, Boen vo da hoso
dapee hem de tan. Dapee dem hangri kre vo hem visiti,
Dapee hem de da vriend vo ibriwan. En ala hatti naki, te
dem fili Da kom vo hem, en ala hai kom krin. O boen en
blesi vo so wan famili! Boen vo tata, mama en vo pikien.
2. Pee man en wefi wan na ini hatti, En Gado lobbi doro
ala toe; Na froekoe joeroe en tee lati lati Dem wani waka
Gado pasi troe. Da hem di poeloe dem na zondoefloekoe, Di
nanga broedoe hem vo dem ben pai, Da hem dem hangri, hem
nomo dem zoekoe, Na switi dei, na dei di nootoe lai.
3. Pee nanga lobbi dem pikien dem teki, Vo tjari dem na
Jesus dei vo dei! Hem lobbi dem en hem de jeri begi! Oen
mama kom, o kom hem klosibei. Kom tjari dem pikien, vo
dem kom jeri Da Helpiman en kompe vo dem toe; Vo na dem
jonge jari dem kom leri, vro prijze joe, o Jesus, singi
joe!
4. O blesi hoso, pee no wan plisiri Dem wani njam, o
Jesus, zondro joe! O blesi hoso, pee dem wakti tiri Na
tem vo nootoe joe, o Jesus, toe! Tee ibriwan sa doro na
da plesi, Di joe ben bai vo ibriwan vo wi, Dapee wi sa
tan liebi na joe fesi, Vo njam joe fri, vo teego switi
fri.
Buch
Rubrik
Nummer
Liedanfang
Text
Aria-Singi
Singi vo wan reti Kristenliebi
100
Na joe mi wani libi
Na Joe mi wani libi Mi srefi krin, Mi heeli heeli liebi,
Nang’ ziel en skin. Mi Masara! mi no wani Go mi wawan; Mi
wakti alasani Na joe boen han!
2. Joe gnade en joe lobbi De troostoe mi; Da so mi no ha
trobi, Mi fili fri; Tee na joe foetoe srefi Mi de lidom;
Vo noti mi no befi Na disi gron.
3. Mi sabi troe, joe tranga Sa holi mi, Alwasi pasi
langa, Tee mi sa si. Na joe mi wani libi Mi srefi krin,
Mi heeli, heeli liebi Nang' ziel en skin.
Buch
Rubrik
Nummer
Liedanfang
Text
Aria-Singi
Singi vo wan reti Kristenliebi
101
Da boom na krikisei
Wan boom de tan na krikisei, Dem plani hem dapee, Joe si
hem tee na farawei, Vo di a bigi tee. Dem fowloe ala sabi
hem, Dem lobbi vo sidom, Te zon de bron, vo kibri dem Na
tapo vo da boom.
2. Hem takki panja alapee Na bradi en na hei, Dem blati
vo hem no kom dre, Dem no fadom trowei; Hem loetoe fassi
dipi toe Na ini voktoe gron. Te winti wai, a seki - troe,
Ma tog a no fadom.
3. A meki toe; na reti tem A meki boen njanjam. Te
masrakom, vo loekoehem, Plisiri a de tan. A kali hesi hem
pikien, Hem kompe toe de kom, Dem piki en dem poeloe krin
Dem vroektoe na da boom.
4. Na
potti
troe:
blesi
hoso dan dem tjari go Dem vroektoe na makzien, Dem.
ala moksi so, Di bigi en pikin. En alamal plisiri
Na tafra dem sidom; Dem taki Gado tangi toe, Di
so da boom.
5. Da boom, di tan na kriki sei, We, dati ibriwan, Di tan
na Masra klosibei, Di fassi na hem han, Di lobbi Masra
Jesus krin, Di zoekoe geersi hem, En leki switi boen
pikien Gehoorzaam alatem.
6. We so wan soema no fadom, Te winti wai, - a tan. Na
tapo vo wan vaste gron Hem bribi de sidom. A meki foeloe
vroektoe toe, Di tan vo alatem; Dem switi, mooi en boen
vo troe, En Masra lobbi dem.
7. Hoefasi? mi toe de wan boom, Di tan na kriki sei? Mi
hangri toe, vo Masra kom En tan mi klosibei? Mi meki
vroektoe toe, di tan, Di mooi en boen vo troe? Ke Masra,
helpi, vo mi kan Tron so wan boom vo joe!
Buch
Rubrik
Nummer
Liedanfang
Text
Aria-Singi
Singi vo wan reti Kristenliebi
102
Da porifasi vo wi hatti
Troe wi liebisoema hatti, A de geersi wan dre gron. Te
areen no kom vo nati, Gron kom tranga leki stoon. Switi
dauw vo mamantem No saa man vo safoe hem.
2. We so srefi hatti tranga, No wan boen kan hopo gro. Te
da dre go holi langa, Pori de vo si nomo. Boen areen, vo
kouroe hem, Moe fadom na reti tem.
3. We, mi Masra, joe boen blesi Dati de da boen areen.
Meki mi kom fili hesi, Fa a nati mi ageen. Njoenjoe liebi
a moe gi, Pori no moe de vo si.
Buch
Rubrik
Nummer
Liedanfang
Text
Aria-Singi
Singi vo wan reti Kristenliebi
103
No meki tesi winni joe
Ala plesi Ogri tesi De vo winni soema troe. Foeloesani
Hatti wani Disi no de boen vo joe.
2. Mooi na fesi Kori hesi, Meki joe doe kroekoetoe. Ma na
baka Ogri maka No kaba vo soetoe joe.
3. Mooi de kori! Hatti pori, Joe no moe vertrouw na hem.
We voorzigti! Doe joe pligti, Vo joe no moe kisi sjem.
4. Drai joe liebi, 1eki bribi! Dan joe ha wan vaste gron.
We, tanapoe! Dan dem trapoe No sa meki joe fadom.
Buch
Rubrik
Nummer
Liedanfang
Text
Aria-Singi
Singi vo wan reti Kristenliebi
104
Mi de wan wrokoman
Mi da wan wrokoman, So mi de tan! Wroko mi lobbi troe;
Leziman go vo joe! Mi da wan wrokoman, So mi de tan!
2. Efi na firi mi Finni vo doe, Dati no gi mi sjem;
Froekoe na mamantem Dapee mi de vo si, Blijti vo troe.
3. Efi na watrasei Wroko mi doe: Fisiman, botoman,
Sjouwer of wagiman, Alatem hatti tan Blijti vo troe.
4. Efi wan ambagtman Somtem mi de, We mi sa feti ma;
Wroko moe doro ba! Hoso no broko dan, Hangri no de.
5. Ma te da zondei kom, Wroko de tan; Dan mi njam switi
bro, Dan mi de waka go Dapee mi Gado gi Zieli njanjam.
6. Odi oen wrokoman! Odi gi oen! Efi da so oen tan,
Kondre sa blijti dan! Odi oen wrokoman! Odi gi oen!
Buch
Rubrik
Nummer
Liedanfang
Text
Aria-Singi
Singi vo da tra liebi jandasei
105
Mi sa feti reti reti
Mi sa feti reti reti Vo tron winniman. Mi sa feti dei en
neti Tee na Kanaan Te dem wani tapo mi, Dan, mi Jesus,
joe moe gi Tranga bribi. Ke no libi Mi da zwakawan.
2. Joe ben kali, joe ben hali Mi vo kom na joe. We, mi
Masra, mi sa haswa, Gi mi tranga toe, Vo mi no moe lasi
tem, En vo mi no kisi sjem. Drai na pasi, de da fasi Vo
go lasi troe.
3. Drai mi fesi na da plesi, Pee da marki de; Hopo pasi
alafasi, Vo mi kom dapee, Pee wansani no sa man Poeloe mi
na joe boen han: Joe boenhatti sa doe dati, Mi sa winni
tee.
4. We grantangi, mi de hangri Doro jandasei, Pee dem
winni, pee dem dini Gado alapee, Pee da gran Halleluja
Nooiti moro sa kaba. Switi plesi! Gado fesi Mi sa si
dapee.
Buch
Rubrik
Nummer
Liedanfang
Text
Aria-Singi
Singi vo da tra liebi jandasei
106
Da boen feti
Mi moe feti dei en neti, Vo mi finni bro. Mi moe loekoe,
mi moe zoekoe Liebi jandaso, Soema wani holi mi? Mi no
jeri, mi no si; Mi go doro, mi go doro Tee mi finni bro.
2. Jesus hali, Jesus kali Mi moe kom na joe! Pasi langa,
gi mi tranga, Gi manhatti toe; Efi kondre tesi mi, Na joe
nomo mi sa si, Dei en neti, so da feti Mi sa winni troe.
3. Na mi zieli mi de fili Fa mi zwaka, ke! Ma da floedoe
vo joe broedoe Kan gi tranga tee! Meki dan joe broedoe
krin Doro toe mi ziel en skin, Tee mi kisi da pramisi
Janda na joe sei!
Buch
Rubrik
Nummer
Liedanfang
Text
Aria-Singi
Singi vo da tra liebi jandasei
107
Hoepee tog, mi zielie
Hoepee tog, mi zieli, joe feti vo go? Hoepee joe sa finni
wan plesi vo bro? Hoefasi? grontapo em kondre no man Vo
holi joe baka, vo meki joe tan? No, no, no, no, dia no de
Da plesi vo zieli kan ruste en pre.
2. Grontapo a pori tee doro nomo, Dem zondoe vo soema ben
pori hem so. En kondre? We, dati go lasi vo troe, Nang'
ala dem soema, di lobbi hem toe, No, no, no, no, kondre
no man Vo holi mi baka, vo meki mi tan.
3. Mi zieli, hoepee dan joe moese vo go? Hoepee joe sa
finni wan plesi vo bro? Na kondre vo Masra, na dapee
wawan. We, feti, mi zieli, vo kisi hem dan! Ja, ja, ja,
ja, janda nomo Joe finni da plesi, di switi vo bro.
4. Mi Jesus, mi Masra, de kali joe toe, A hangri vo gi
joe plisiri vo troe, En vrede, en ruste, en liebi so
krin, En hoso na foto vo Gadopikien. Ja, ja, ja, ja,
dapee wawan Mi hangri Vo kisi, mi hangri vo tan.
Buch
Rubrik
Nummer
Liedanfang
Text
Aria-Singi
Singi vo da tra liebi jandasei
108
Da kondre, disi wi moe zoekoe
Wi no ha wan vaste plesi, Wi de, soso wakaman, En wi
liebi koti hesi, Diaso wi no sa tan, Diaso wi no sa tan.
2. So wan kondre wi moe zoekoe, Pee wi ziel kan finni
bro; No na dia wi moe loekoe, Wi moe loekoe jandaso.
3. Dia nootoe en verdrieti Nofotron kom moro wi; Janda
liebi waka switi, Boen nom sa de vo si.
4. Ke, mi ziel, joe no moe misi! Ala moeiti joe moe doe,
Vo na baka joe kan kisi So wan switi kondre toe.
5. Alasani joe moe lasi, Vo joe winni hem nomo. Waka dan
da smala pasi, Disi tjari jandaso.
6. Ma mi poti no ha tranga, Sani dan mi moese doe? Na mi
Jesus mi sa hanga, Hem sa helpi mi vo troe.
7. Switi kondre, di mi loekoe, Kondre vo mi Helpiman,
Noti buiti joe mi zoekoe, Switi Hemel-Kanaan.
Buch
Rubrik
Nummer
Liedanfang
Text
Aria-Singi
Singi vo da tra liebi jandasei
109
Joe hangri vo bro?
Joe hangri vo bro? Vo troe troe, joe weri, vo waka Na
demsani baka, Di kori joe so? Na demsani baka, Di kori
joe so?
2. San meki joe kre? San gi joe so foeloe verdrieti? Da
pasi no switi Vo meki joe pre?
3. Grontapo no man Vo meki joe hatti tan tiri? Vo gi joe
plisiri, Vo holi joe tan?
4. We, efi vo troe Joe weri vo waka da pasi, Di meki joe
lasi: Dan, blesi vo joe!
5. Wan Helpiman de, Di zoekoe dem soema, di lasi; A sori
dem pasi, A tapo da kre.
6. Wan plesi de toe — Hem srefi ben meki hem klari — Na
dapee a tjari Da zieli vo joe.
7. Na ondro hem flei Joe finni da bro, di joe luste; Joe
finni da ruste Na Helpiman sei.
8. Grantangi vo joe! Mi Helpiman Jesus, mi goedoe, Di
nanga joe broedoe Ben winni mi toe.
Buch
Rubrik
Nummer
Liedanfang
Text
Aria-Singi
Singi vo da tra liebi jandasei
110
Da kenkifasi vo liebisoema
Da blometje na pasi De tan wan sjatoe tem; Wi liebisoema
fasi, Vo troe a geersi hem.
2. Da blometje kan sori Toemoesi mooi tidei: Tamara a go
pori, Joe si hem? a kom dre.
3. Da liebi koti hesi, Dem jari vo wi flei; Dem joeroe,
di na fesi, Dem kom, en dem gowei.
4. Tidei wi singi, bari, Wi blijti, wi njam pre: Tamara
tranga sari Kan meki wi moe kre.
5. Tidei wi hopo hede, Wi loekoe tee na zon: Tamara wi sa
dede, Dem beri wi na gron.
6. Grontapo sani pori, Joe no kan holi dem: We, zoekoe
dan da glori, Di tan vo alatem.
7. Na hemel joe sa finni San, disi boen vo troe: We, feti
vo joe winni Da hemelkondre toe.
Buch
Rubrik
Nummer
Liedanfang
Text
Aria-Singi
Singi vo da tra liebi jandasei
111
Gado-rai en platie
Da so a tan na Gadorai: Gi abra ma joe dieri lai; Gi
abra, gi abra, Alwasi no wansani de, Di meki, joe moe kre
so tee, Ma dati, Vo platie, vo platie.
2. Joe si tidei da blometje? Wan roosoe, troe a mooi so
tee! Ma somtem Tamara a kom dre kava, Wan winti meki a
kaba, A broko, A broko.
3. En efi so na Masra han Joe kisi wan presenti dan, Wan
goedoe, Di de da troostoe vo joe hai, Ma poti! now a
moese wai, Joe taki: "Adjosi!"
4. Mi lobbiwan, we teki dan Wan tranga troost na Jesus
han: Alwasi now platie moe de, Wan glori miti jandasei,
Troe, dati de, No sari kre, no sari kre!
Buch
Rubrik
Nummer
Liedanfang
Text
Aria-Singi
Singi vo da tra liebi jandasei
112
Wi de soso wakawan
(1. Som stem) Wan tem de, vo wi miti, Wan tem toe, vo
platie. So leki fa a fiti, So Gado tiri wi. A seni wi go
waka, Wi tan wan sjatoe tem, A kali wi kom baka, Zoodra a
boen na hem. (Ala) Ala liebisoema de soso wakaman: Da hem
wawan, wi Masra tan da srefiwan!
(2. Som stem) Tidei wi de na liebi, Wi waka go, wi kom,
Wi tan na hai, wi slibi, So leki a fadom! Tamara, nanga
befi Wi hali dedebro; Wi heeli skin kom stijfi, Na grebi
a moe go. (Ala) Ala liebisoema de soso wakaman: Da hem
wawan, wi Masra tan da srefiwan!
(3. Som stem) Wi finni now wan plesi, Wi lobbi tan dapee:
Ma poti! hesi hesi Dem kali wi gowei. Alwasi fa a trobi,
A hati wi vo troe: Dem soema, di wi lobbi, Wi moese libi
toe. (Ala) Ala liebisoema de soso wakaman: Da hem wawan,
wi Masra tan da srefiwan!
(4. Som stem) Adjosi wi moe taki Makandra now - da troe;
Alwasi hatti naki En hai ron watra toe. Adjosi sisa,
brara, Da switi Gadofri Moe tan na alamala, Te now wi go
platie. (Ala) Ala liebisoema de soso wakaman: Da hem
wawan, wi Masra tan da srefiwan!
(5. Som stem) Wan plesi de, wi sabi, Dapee dem no platie.
Ke! meki tog wi habi Da gnade, vo wi si Makandra dapee
baka, Na Masra Jesus sei! Ja, meki so wi waka, Vo wi han
miti de! (Ala) Ala liebisoema de soso wakaman: Da hem
wawan, wi Masra tan da srefiwan!
Buch
Rubrik
Nummer
Liedanfang
Text
Aria-Singi
Singi vo da tra liebi jandasei
113
Troostoe te wi go platie
Dia wi miti, nomo vo platie, Doro da liebi de kenki gi
wi. Trawan de kom, en so trawan de go, Plesi no dia vo
tan en vo bro.
2. Kompe, famili, tata en mama, Joe nanga dem kom gewenti
kaba; Ma tog da joeroe go kom, joe sa si, Di nanga dem
joe sa moese platie.
3. Joeroe vo taki adjosi no drai: Sari go poeloe krewatra
na hai; Ke, fa a hati! ma helpi no de, Dia wi kenki,
alwasi joe kre.
4. Pee dan wan troostoe, vo tapo da kre, Meki da sari kan
kenki, tron pre? Pee joe moe zoekoe en pee joe moe go, Vo
joe kan finni wan ruste en bro?
5. Meki wi hopo wi hai, vo wi si, Pee da njoe liebi sa
seti gi wi: Janda platie en sekseki no de, Jandasei sari
en hebi gowei.
6. San di na faja joe lasi trowei, Zoekoe na asesi! Dapee
a de. Janda wi miti makandra vo tan; We, vo platie wi,
hoesoema sa man?
7. Ma tog wansani mi taki gi Joe: Zondro vo bribi, joe
misi vo troe; Soso joe taki vo troostoe joe so, Di joe no
bribi, joe no fili bro.
8. Nofotron soema kan taki so mooi, Troostoe dem srefi,
tee hatti doidoi; Jete boen troostoe mankeri dem krin, Di
dem no bribi na Gadopikien.
9. Jesus de liebi! joe sabi hem troe? We, hem moe holi da
bribi gi joe; Troe, na hem ini wi no kan platie, Hem de
da skin, en dem leden da wi.
10. Te wi moe taki adjosi, no kre! Pee wi de liebi, en
pee wi moe de, Tog na wi Masra wi hatti sa tan, Di na hem
ini wi hatti kom wan.
Buch
Rubrik
Nummer
Liedanfang
Text
Aria-Singi
Singi vo da tra liebi jandasei
114
Da switi hoopoe
Troe da moro hebisani, Disi de vo miti wi, Dati de na
Gado wani, Disi wi sa go platie. Vo platie, ke, fa a
hati! Na bigin a no ben de; Ma da zondoe wroko dati, Now
platie de dei vo dei.
2. Ma da zondoe habi dresi! We so srefi troostoe de, Meki
sari kan tron blesi, Meki hebi moe gowei. Bribi nanga
hoop en lobbi, – Di da moro bigiwan, – We dem drie de
poeloe trobi, Potti troost gi zwakawan.
3. Efi lobbi foeloe hatti, Efi reti bribi de, Dan da hoop
pramisi taki: Wan gran dei vo miti de! Kristus srefi go
na fesi. We, dapee da hede go, A no na da srefi plesi Ala
leden toe sa bro?
Buch
Rubrik
Nummer
Liedanfang
Text
Aria-Singi
Singi vo da tra liebi jandasei
115
Holi oen srefi klari
Wi sidom de nanga sari, Wakti tee na watrasei. Jeri!
jeri! sibi bari! Djoensnoe de wi sa gowei.
2. Weri doengroe, zon go saka, Ma no lasi hatti, ke !
Hesi krin sa hopo baka; Dan, o dan wi sa njam pre!
3. Hesi, hesi wi go loekoe Jesus, hem, wi fesiman, Di ben
poeloe wi na floekoe; Loekoe, hem de gi wi han.
4. Switi joeroe, kom dan hesi! Switi joeroe, kom, no
drai! Dan wi zieli sa genesi, En wi sarikre sa wai.
Buch
Rubrik
Nummer
Liedanfang
Text
Aria-Singi
Singi vo da tra liebi jandasei
116
Mi de go
Mi de go, mi de go, Dia mi no teki bro, Jesus mi de
hangri loekoe. Mi de go en mi de zoekoe Vo mi kisi
jandaso.
2. Waka kom - waka kom! Vo wi kisi Kanaan, Vo wi kisi da
mooi foto, Disi glori de romboto, Dapee mi de hangri tan.
3. Potti han - potti han, Brara, sisa, potti han! Feti vo
doe Gado wani, Libi ala kondresani, Vo na baka oen no
tan.
4. Lobbi hem - lobbi hem, Disi de oen Helpiman. No doe,
leki kondre lobbi, Disi doro nomo trobi Jesus, disi lobbi
dem.
5. Alatem - alatem Wi moe potti hai na hem, Hem di waka
go na fesi, Hem de sori wi da pasi, Meki wi kan kom na
hem.
6. Jandasei - jandasei, Janda da mooi kondre de. Engel mi
de jeri singi, Soema moksi toe na ini, Disi dia dem ben
kre.
7. Switi dei - switi dei, Te mi srefi kom dapee; Te mi
doro na da plesi, Na da switi paradijsi, Troe mi hatti sa
njam pre!
8. Mi sa njam - mi sa njam Vo da switi druifiboom, Vo da
switi manna, disi Jesus Kristus ben pramisi Gi dem, disi
lobbi hem.
9. Bigi dei - bigi dei, Te mi si dem hai na hai, Te mi si
dem wondenhoro, Disi spikri ben de boro, Dem sa blinkri
krin en mooi.
10. Alatem - alatem Mi sa hopo hem gran nem, Mi sa singi
en plisiri, Nooiti mi no sa tan tiri, Prijze mi sa prijze
hem.
Buch
Rubrik
Nummer
Liedanfang
Text
Aria-Singi
Singi vo da tra liebi jandasei
117
Da pikien nanga hem papa
Mi papa, joe sabi troe, Te mi sa go slibi, Mi sa kisi
hemel toe Nanga da boen liebi?
2. Ja mi hatti lobbiwan, Engel sa kom tjari Switi, safri
joe na han Tee na hemel djari.
3. Mi sa si mi Helpiman Na da switi plesi? A sa taki gi
mi dan: Kom, tan na mi fesi?
4. Ja, a sa kom brasa joe, Taki gi joe hesi: Na mi hatti
joe moe bro; Da wan kouroe plesi!
5. Janda mi sa siki so, Leki na di liebi? Mi sa njam, sa
dringi toe, Mi sa bro, sa slibi?
6. Janda no wan pina de, Ma plisiri doro. Manna,
liebiwatra tee - slibi no de moro.
7. Tangi, tangi, mi papa, Dati mi moe jeri: Soortoe klosi
dan mi sa Habi toe vo weri?
8. Ke, da klosi mooi vo troe, A de weti soso; Jesus weri
hem gi joe; Ke, fa joe sa prodo!
9. Tee na fesi vo hem troon Joe kom zondro frede, A sa gi
joe wan mooi kroon Weri na joe hede.
10. Wan mooi harpoetoe, vo pre, Joe sa kisi hesi, Vo joe
prijze hem dapee - eego na hem fesi.
11. Ke papa, mi hangri troe, Vo mi kan go slibi, Di mi
kisi hemel toe, Nanga da boen liebi!
Buch
Rubrik
Nummer
Liedanfang
Text
Aria-Singi
Singi vo da tra liebi jandasei
118
Da zaamieli
1. Na foto na zaamieli Mi ben sidom de bro, Mi loekoe, fa
dem wieli En fa da zaa de go.
2. Wan bigi boom dem potti Na mofo vo da zaa; Da srapoe
zaa de koti, Wan pranga de kaba.
3. Da boom de befi, bari, Di zaa de koti hem, Mi fili
dipi sari, Mi jeri toe hem stem:
4. We soema hesi hesi, – Da so a taki toe, – Dem pranga
na joe fesi, Troe, dem sa de vo joe.
5. Wan hoso dem go meki, We, a no bigi troe; Fo pranga
dem go teki, Da hoso de vo joe.
6. Na disi hoso ini Dem potti joe lidom, Da laatste bro
joe finni Dipi na ondro gron.
Buch
Rubrik
Nummer
Liedanfang
Text
Aria-Singi
Singi vo da tra liebi jandasei
119
Da ouroe pari
Na sei wan kriki klosibei Wan hoso ben tanapoe de; Wan
ouroe pari dapee tan na ini vrede dem wawan.
2. Wan tachtig jari ala toe Ben liebi na grontapo troe,
En dem plisiri ala dei, Vo go na hemel jandasei.
3. Wan zorgoe nomo de na dem, Di dem moe membre alatem;
Te wan go slibi, trawan tan Dan na grontapo hem wawan.
4. Vo da hede dem no kaba Vo begi doro: Wi tata! Ke sari
wi, vo na joe sei Nanga makandra wi gowei.
5. Wan neti wan mama areen En tranga storm kom wieki dem,
Da kriki tron wan riba troe, A soengoe alasani toe.
6. Da hoso kom sekseki tee, Da watra gro na alasei. Da
storm de bari, winti fom, Da hoso broko a fadom.
7. A beri dem toe ouroewan, Di begi: Masra, joe wawan Moe
sari wi, vo na joe sei Nanga makandra wi gowei.
8. We na da srefi netitem Wi Masra Gado sari dem; A gi
dem pasi vo gowei Nanga makandra jandasei.
Buch
Rubrik
Nummer
Liedanfang
Text
Aria-Singi
Singi vo da tra liebi jandasei
120
Da Jerusalem di de na tapo
Jerusalem, Gran Gado foto troe! Dapee mi Jesus de. Mi
hangri troe vo mi moe kom na joe! Mi membre joe so tee!
Mi ziel de flei go abra Na diepi en na hei Tee na dem
hemelwatra, Na foto jandasei.
2. Ke, glori dei,
mi? Di nanga hoop
fri, Vo go na han
wan soort' pikado
o switijoeroe troe! Hoetem joe fom gi
en kouroe hatti toe Mi ziel sa kisi
vo Gado, Wan troe pikien vo hem, Pee no
Kan gi wi hatti sjem.
3. Jerusalem, granodi fiti joe, Hopo joe poort gi mi.
Hoemenitron mi ziel ben kre vo joe, Bifo dem poeloe mi Na
pinaliebi disi Na sari en na kre, Ma now wi Masra pliesi
Vo tjari mi dapee.
4. Ke, san misi? wan bigi hipi de, Di rontoe Gado troon.
Ke fa dem mooi, da glori grani tee! Dem krin so leki zon.
Bika dem klosi wasi Na broedoe vo da Lam, Palmhan na
winnifasi Dem holi na dem han.
5. Mi lobbiwan! we feti reti dan, Vo kisi toe da prijs,
Vo joe toe kom na hemelkanaan, Vo singi toe da wijs: Da
Lam, di dem ben kili, Moe kisi bigi nem En tangi nanga
glori Teego en alatem.
Buch
Rubrik
Nummer
Liedanfang
Text
Aria-Singi
Singi vo da tra liebi jandasei
121
Da glori vo da foto Salem
Mi ben lesi wan tori vo Salem, Disi Gado ben potti so
hei, Pee dem hoso vo Jaspis de blnkri En vo goutoe dem
kamera de. Ala kriki ha watra vo liebi, Mooi vroektoeboom
soso joe si –. Ma hoesan’ vo da tori mi jeri, A no hafoe
dem taki gi mi –. A no hafoe dem taki gi mi –, A no hafoe
dem taki gi mi –, A no hafoe vo ala da glori, A no hafoe
dem taki gi mi!
2. Mi ben lesi vo Kanaan kondre, Dapee zondoe en dede
kaba, Dapee soema de ruste so switi Na da foto vo Gado
Tata. Dapee kre nanga sari no trobi, Wi Imanuel de nanga
wi! Ma alwasi hoemeni mi jeri, A no hafoe dem taki gi mi
–. A no hafoe dem taki gi mi –, A no hafoe dem taki gi mi
–, A no hafoe vo ala da glori, A no hafoe dem taki gi mi!
3. Mi ben lesi vo weti krin klosi, En vo soema, di weri
wan kroon, Fa dem blinkri vo goutoe en zilver, Fa dem
prijze da Lam na hem troon. Dan wi Masra sa taki so
switi: We, oen lobbiwan, kom dan na mi! Ma alwasi hoesani
mi lesi, A no hafoe dem taki gi mi. A no hafoe dem taki
gi mi –. A no hafoe dem taki gi mi –, A no hafoe dem taki
gi mi –, A no hafoe vo ala da glori, A no hafoe dem taki
gi mi!
4. Mi ben lesi, pardon nanga gnade Ala zondaar sa kisi
dapee! Nanga lobbi, plisiri en vrede Dem sa ruste now
switi so tee. Dem sa tan nanga Gado vo teego, No wan ogri
dem soema sa si. Ma alwasi hoesani mi jeri, A no hafoe
dem taki gi mi. A no hafoe dem taki gi mi –. A no hafoe
dem taki gi mi –, A no hafoe dem taki gi mi –, A no hafoe
vo ala da glori, A no hafoe dem taki gi mi!
Buch
Rubrik
Nummer
Liedanfang
Text
Aria-Singi
Singi vo da tra liebi jandasei
122
Da wakaman na pasi
Da wakaman na pasi Na hoso a de go, A hangri alafasi Vo
janda a kan bro.
2. A hangri kisi dapee, A de so hem wawan, Dem lobbiwan
ben gowei, Na grebi dem de tan.
3. Dem koningfoto sori Wan prodofasi, – ma Tamara dem de
pori. Da prodo a kaba.
4. Dem riba na wi fesi De go na bigi zee. Prana no tan,
ma hesi Dem korn en dem gowei.
5. Da dei a no kan tan de, Tidei a go vo hem; Dem
orgloestem de gowei, Di winti tjari dem.
6. Da soema, disi tesi Da bro na Gado sei, A hangri go na
fesi, Na hemel jandasei.
7. Da sari vo da hoso Na hemel de na hem; En troe, a no
vo soso A hangri vo da tem,
8. Di hem sa kisi janda, Dapee na Gado sei Dem santawan
makandra Lofsingi, prijze, tee.
Buch
Rubrik
Nummer
Liedanfang
Text
Aria-Singi
Singi vo da tra liebi jandasei
123
Wi sa blijti
Dia pina de trobi wi, Dia doro wi moe platie, Na hemel wi
miti ageen! Dan wi sa de blijti, Blijti, blijti blijti,
Dan wi sa de blijti, Nooiti moro wi sa platie.
2. Soema lobbi wi Masra troe, Hem sa doro na hemel toe,
Vo prijze hem zondro kaba. Dan wi sa de blijti, Blijti,
blijti blijti, Dan wi sa de blijti, Nooiti moro wi sa
platie.
3. Janda toe wi sa si pikien, Di ben zoekoe wi Masra
krin, En di ben de skapoe vo hem. Dan wi sa de blijti,
Blijti, blijti blijti, Dan wi sa de blijti, Nooiti moro
wi sa platie.
4. Fa wi ala sa blijti dan, Te wi miti wi Helpiman, Sidom
tee na tapo hem troon. Dan wi sa de blijti, Blijti,
blijti blijti, Dan wi sa de blijti, Nooiti moro wi sa
platie.
5. Dan wi alamal sa njam pre, Te wi loekoe hem glori tee,
En hopo vo prijze hem nem. Dan wi sa de blijti, Blijti,
blijti blijti, Dan wi sa de blijti, Nooiti moro wi sa
platie.
Buch
Rubrik
Nummer
Liedanfang
Text
Aria-Singi
Singi vo da tra liebi jandasei
124
Da mooi kondre janda
Janda wan kondre de, Tee farawei, Dapee dem zieli skijn
Krin leki dei. Ke, fa dem singi mooi Glori moese de vo
hem! Tranga da tangi go, Prijs hem teego.
2. Kom na da switi pee, Kom, kom gowei! Sani oen wani
drai, Tan farawei? Blesi wi alamal, Te wi ziel kom boen
en fri, Dan Masra wi sa si Zondro kaba!
3. Ke, so wan letti skijn, Di na wi hai! Dan ala pijn
kaba, Dede no de! Lobbi tan teego toe, Di da kroon vo
liebi de: Masra de gi wi troe Liebi teego.
Buch
Rubrik
Nummer
Liedanfang
Text
Aria-Singi
Singi vo da tra liebi jandasei
125
Glori moe de vo Gado
Na fesi vo da gloritroon vo Jesus Jehova Tien duizend
mooi pikien de tan, Dem singi gloria. Singi glori,
gloria! Singi glori, gloria!
2. Hoesoema tjari dem pikien Na hemel jandaso? San meki
dem kom mooi en krin? San dem plisiri so? Singi glori,
gloria!
3. We Jesus srefi kali dem, A lobbi dem pikien, Hem
broedoe wasi krini dem, A poeloe zondoe krin. Singi
glori, gloria!
4. Na disi liebi diaso Dem lobbi Jesus troe; Ke, fa dem
de plisiri now, Vo si hem hai na hai. Singi glori,
gloria!
5. Joe wani kom na Jesus toe En singi nanga dem? We, dan
joe moese geersi toe Wan reti boen pikien. Singi glori,
gloria!
Buch
Rubrik
Nummer
Liedanfang
Text
Aria-Singi
Singi vo dem Engel
126
Da wroko vo dem Engel
Dem Engel vo Gado so switi en krin, Dem habi da wroko vo
loekoe pikien. Na dei en na neti dem tan na joe sei, Ma
te joe de stoutoe, dem moese gowei.
2. En te joe kom bigi, wan Engel de tan Vo tjari joe
switi en safri na han. Ma te joe doe ogri? ke, san a sa
doe? A libi joe safri, a sari vo troe.
3. Joe tan na joe Gado, joe harki hem stem? Ke, fa da
krin Engel plisiri vo hem. En te joe go slibi, da Engel
sa de, Vo tjari joe go na wi Helpiman sei.
Buch
Rubrik
Nummer
Liedanfang
Text
Aria-Singi
Singi vo dem Engel
127
Da Engel na wi sei
Wan Engel waka safri Na kondre alapee, A loekoe ala hoso,
A zoekoe, soema kre? A teki, tjari joe na han, A haksi
switi, fa joe tan.
2. Joe frede, hem sa krasi Dem soema, di a si, Vo dem moe
lasi hatti? No no, a troostoe wi. A tan wi soema
klosibei, Vo poeloe ala sarikre.
3. Alwasi doengroe tapo Joe liebi pasi krin, Da Engel
taki switi: Tan tiri, mi pikien! En hopo hede, jandasei
Wan liebi liebi Gado de.
4. We, efi so wan fasi A kom vo troostoe joe, Pasiensi,
vrede, hoopoe Sa foeloe hatti troe. We, blesi vo joe
sarikre, Di Gado sabi, fa joe de.
Buch
Rubrik
Nummer
Liedanfang
Text
Aria-Singi
Singi te wi de na pasi
128
Te wi de na boesi
Masra! te mi de na pasi, Joe moe loekoe kibri mi, Vo na
boesi mi no lasi, Vo no ogri miti mi! Te mi waka vo mi
srefi, Joe moe waka na mi sei; Troe mi hatti no sa befi,
Efi joe tan klosibei.
2. Efi krasi boesimeti Tapo pasi, wakti mi; Efi ogri
soema feti, Vo dem kisi, kili mi; Dem no man vo doe mi
ogri, Di joe srefi tapo dem; Dem moe libi mi, ron kibri,
Di joe srefi gi dem sjem.
3. Te a blaka toe na tapo, Dondrofaja koti so; Te dem
bigi watra hopo Tapo pasi, pee mi go: Dan joe da mi
parasolo, Faja no kan meli mi, Watra no de tro bi moro,
So mi onderfinni si.
4. Troe mi Masra, joe ha tranga, Joe ha sarihatti toe!
Nanga lobbi joe de langa Han gi dem, di de vo joe. Efi
joe de na mi fesi: Lasi? dati mi no kan; Da joe de mi
kibriplesi, Mi fortres, mi Helpiman.
5. Te mi so wawan na pasi, No wan soema de vo si; Dan mi
holi conversasie Nanga joe, di de vo mi. Leki mati nanga
mati Mi de taki nanga joe. Ke, wan switi taki dati, Hatti
fili pre vo troe.
6. Nanga joe mi teki pasi, Nanga joe mi waka go, Nanga
joe mi no kan lasi, Nanga joe mi finni bro. Efi nanga joe
nomoro Mi de waka, mi de tan: Dan na baka mi sa doro
Nanga joe na Kanaan.
Buch
Rubrik
Nummer
Liedanfang
Text
Aria-Singi
Singi te wi de na pasi
129
Na watrasei
Boen winti mi de zoekoe, Mi go na watrasei. Na riba mi
ben loekoe, Mi si da watra hei, Na riba mi ben loekoe, Mi
si da watra hei.
2. We, ala di mi waka De loekoe riba so, Da watra drai go
baka, A fala na bilo.
3. Nomo mi hai kom hopo Prakseri kom en go: Troe wi de na
grontapo Da srefi fasi so.
4. So leki floedoe hopo: Wan spelle soema kom, Vo liebi
na grontapo, Tee fala-joeroe fom.
5. So leki watra saka, Di floedoe ben kom hei: Wi kom vo
drai go baka, Wi fala dei vo dei.
6. Wi kom vo doe wi wroko, Wi kragti kisi hei, Tee
bakatem a broko, A saka en gowei.
7. Da so dasani waka: Da joeroe de go fom, Di fala teki
baka, San floedoe tjari kom.
8. Da kenki-kenkifasi De holi doro so, Vo poeloe wi na
pasi, Na grebi wi moe go.
9. Wi de na dede-pasi, So mi bekenti vrij! A de wan
sarifasi, Hoesoema man vo strij?
10. We, soortoe troost joe habi? Joe hatti kouroe troe?
Mi wensi, joe moe sabi Hem, di kan kibri joe!
Buch
Rubrik
Nummer
Liedanfang
Text
Aria-Singi
Singi te wi de na pasi
130
De ankra
Mi lobbi go na watrasei, Dapee so meni sipi de, Dem waka
kom, dem waka go, Dem de na wakafasi so. Dem kom, - dem
go. Dem kom, - dem go. Na wakafasi so. Dem kom, - dem go.
Dem kom, - dem go. Na wakafasi so.
2. Wan sipi mi ben si tidei, Da sipi klari vo gowei; Da
ankra nomo holi hem, Da ankra meki a moe tan. A tan, - a
tan. A tan, - a tan. Na riba a de tan. A tan, - a tan. A
tan, - a tan. Na riba a de tan.
3. Ma now dem loesoe ankra toe, Nomo da sipi drifi go, Di
watra fala, winti wai, Ago, a lasi na mi hai. Ago, - a
go. Ago, - a go. Na bigi zee ago. Ago, - a go. Ago, - a
go. Na bigi zee ago.
4. Wan ankra wani tapo joe Vo waka Gadopasi toe; Da
lobbi, di joe lobbi so Grontapo sani diaso. Joe tan, joe tan. Joe tan, - joe tan. Na baka joe de tan. Joe tan,
- joe tan. Joe tan, - joe tan. Na baka joe de tan.
5. We loesoe ankra hesi dan, En lobbi wi boen Helpiman
Wan krin en reti lobbi troe, En waka na hem baka toe! Da
so - da so. Da so - da so. Na hemel joe sa go! Da so - da
so. Da so - da so. Na hemel joe sa go!
Buch
Rubrik
Nummer
Liedanfang
Text
Aria-Singi
Singi te wi de na pasi
131
Dem sipi
Mi lobbi vo si, fa dem sipi de waka, Dem djompo, sekseki,
dem hopo, dem saka, Dem saka na ondro, sekseki so tee,
Dem hopo ageen tee na tapo so hei.
2. Alwasi hoefa dem sekseki en djompo, Alwasi dem saka,
alwasi dem hopo, No wan tan na tapo, no wan tan na gron,
No wan de go broko, no wan de fadom.
3. Nang' hopo en saka dem waka so doro. Hoesoema de tjari
dem ala na sjoro? Wi Gado na tapo de kibri dem troe, Wi
Gado na tapo de tjari dem toe.
4. Da liebi vo mi, a de geersi wan sipi, A hopo so tee,
en a saka so dipi. A hopo - mi blijti, a saka - mi kre:
Da kenki go doro, na sipi mi de.
5. Ma Masra sa tjari mi sipi na sjoro, Na ini gevaar a de
kibri mi doro. Na hem mi vertrouw, mi de bribi na hem, Mi
saka mi srefi, mi hopo hem nem.
Buch
Rubrik
Nummer
Liedanfang
Text
Aria-Singi
Singi te wi de na pasi
132
Na riba tapo
"Korjara waka hesi, Da watra boen kaba; Mi denki, mi sa
kisi, Bifo mi tem pasa!" Ja, troe, da so a tan. Ma tog,
fa joe kan sabi, Hoe membre Gado habi? No, dati joe no
kan.
2. "We, djoensnoe mi sa doro, Wan hoekoe de nomo; Dan mi
sa go na sjoro, Plisiri, teki bro." A boen, da so a tan.
Tog: - soema meki barki, Ma Gado meki sipi! "Mi de na
Gado han."
3. Bifo joe koti hoekoe, Wan kenki miti joe. Wan tranga
winti hopo, Prana de hopo toe; Da watra krasi tee; Joe
denki, nooiti moro Mi man, vo kisi sjoro. Wan helpi? A no
de.
4. No helpi de vo finni? Pee dan joe Helpiman? No na
korjara ini Na sei vo joe a tan? Hem no da tiriman? Vo
troe a no sa libi Joe, efi joe ha bribi. Vo lasi? joe no
kan.
5. Alwasi ,vinti tranga, Tog a sa winni hem; Prana kan
hopo bigi, Tog a sa tapo dem. We, teki hatti dan! A jeri,
te wi begi Na ini wi verlegi: Hem da wi Helpiman.
Buch
Rubrik
Nummer
Liedanfang
Text
Aria-Singi
Singi te wi de na pasi
133
Na ini boto
Loo, loo! hali loo! Joe no moe teki bro! Wi boto waka
hesi troe, En wi moe gi hem foetoe toe, Vo wi kan kisi
hesi, Vo wi kan kisi hesi Lanplesi.
2. Loo, loo, hali loo! Wi boto lobbi so. A no de harki
leziman; Ma di a frede tranga han, Joe si? a waka hesi Na
fesi.
3. So, so, reti so! Plisiri nanga loo! Da watra wroko
boen gi joe, A drifi joe na fesi toe. We, te wi kisi
sjoro, Wi doro.
4. Dia, diaso Wi no ben kom vo bro! Ma hesi hesi dei vo
dei Da liebi vo wi flei gowei, Wi de na wakafasi Na pasi.
5. Janda, jandaso Wan plesi de vo bro! We, haswa, vo joe
kisi hem: Da prijs de mooi! no lasi tem! No lasi na joe
liebi Da bribi.
Buch
Rubrik
Nummer
Liedanfang
Text
Aria-Singi
Singi te wi de na pasi
134
Kom wi klosibei
Kom wi klosibei, Meki winti wai! Meki sipi waka doro, Tee
wi kisi abrasjoro! So wi begi joe! So joe moese doe.
2. Dapee wi de go, A de mooi vo troe. Te wi kisi
Bakrakondre, Dan wi ala sa verwondroe, Wi sa taki: Ke!
Sani wi de si!
3. Ma mi sabi toe, Hemel moro mooi. Hemelkondre moro
switi, Dati wi no moe vergiti. Dapee wi sa kom, Te wi
begi boen.
4. We, wi Helpiman, Joe da fesiman Vo dem reti
bribisoema. Sari toe vo wi mofina! Tjari wi na han Tee na
Kanaan!
Buch
Rubrik
Nummer
Liedanfang
Text
Aria-Singi
Singi te wi de na pasi
135
Waka, waka!
Waka, waka! Diaso en jandaso. Now wi waka, dan wi bro.
Waka, waka! So wi ala fasi de; Waka de na alapee. Waka,
waka, waka!
2. Waka, waka! Stari waka, moen en zon Waka go en waka
kom. Waka, waka! We grontapo waka toe, Doro a bigin
njoenjoe, Waka, waka, waka!
3. Waka, waka! We, dan hopo, waka go Liebisoema, di joe
bro. Waka, waka ! Ouroewan en jongewan, Ibriwan de
wakaman. Waka, waka, waka!
4. Waka, waka! Storm en Winti en areen Kenkri doro
alatem. Waka, waka! Kouroe kom, ma a no tan, Na hem baka
a waram. Waka, waka, waka!
5. Waka, waka! Hopo dan, 1mi lobbiwan, Waka nanga
wakaman. Waka, waka! Dia wi moe waka troe, Janda bro sa
switi toe. Waka, waka, waka!
Buch
Rubrik
Nummer
Liedanfang
Text
Aria-Singi
Singi te wi de na pasi
136
Baas Firiman
Te soema waka kuiri so, A si so meni kondre, Mi toe ben
waka nang’ boto, We, jeri en verwondroe! Vo troe joe no
doe ogri no doe ogri, no doe ogri, kondreman, We taki joe
tori, Baas Firiman!
2. Allerika mi si vo troe, Mi si so meni bakra; Ma ningre
ben de da pee toe, Marattawan en blaka. Vo troe joe no
doe ogri no doe ogri, no doe ogri, kondreman, We taki joe
tori, Baas Firiman!
3. Ma lezi soema mi no si, Dem alamal de wroko. Vo winni
moni, vo tan fri, Den hede dem de broko. Vo troe joe no
doe ogri no doe ogri, no doe ogri, kondreman, We taki joe
tori, Baas Firiman!
4. So meni doezend bakkeljauw Mi si, fa dem ben kisi. Fa
dem ben slagti skaap en kow, Fa dem ben zoutoe fisi. Vo
troe joe no doe ogri no doe ogri, no doe ogri, kondreman,
We taki joe tori, Baas Firiman!
5. Na Engeland na riba sei Mi si wan bigi hoso. A de vo
datra Holloway, Di seli dresi-dosoe. Vo troe joe no doe
ogri no doe ogri, no doe ogri, kondreman, We taki joe
tori, Baas Firiman!
6. So meni faja-wagi ron; Dem smokosipi bari; En bigi
mili meki gon En fetisani klari. Vo troe joe no doe ogri
no doe ogri, no doe ogri, kondreman, We taki joe tori,
Baas Firiman!
7. Na Amsterdam toe mi ben de, Mi si wi dieri Koning. Dem
piki moni toe dapee, Vo leri ningre koni. Vo troe joe no
doe ogri no doe ogri, no doe ogri, kondreman, We taki joe
tori, Baas Firiman!
8. Na Duitsche
ningresoema mi
no doe ogri no
joe tori, Baas
kondre mi ben si, Dem alamal da bakra; Wan
no si, Tee dapee dem no waka. Vo troe joe
doe ogri, no doe ogri, kondreman, We taki
Firiman!
9. En Keizer Willern mi ben si, Nang' ala granofciri; En
dem patata mi ben si, Fa dem de gro na firi. Vo troe joe
no doe ogri no doe ogri, no doe ogri, kondreman, We taki
joe tori, Baas Firiman!
10. Da Paus na Rom mi si vo troe, A grani pasamarki. Hem
soesoe mi ben bosi toe, Hem odi mi ben harki. Vo troe joe
no doe ogri no doe ogri, no doe ogri, kondreman, We taki
Buch
Rubrik
Nummer
Liedanfang
Text
Aria-Singi
Singi vo dem boom en meti, nanga ala transani, disi wi de
137
Bergi en boesi
Oen bergi na mi fesi, oen kriki alapee, Oen switi boesi
plesi, Oen riba mooi so tee. Wan singi mi de hopo Da so a
fiti troe, Vo prijze wi boen Gado, Di meki oenoe toe. Vo
prijze wi boen Gado, Di meki oenoe toe.
2. Na oen mooi bergi tapo Mi blijti alatem; Oen meki
hatti hopo, Mi gi hem bigi nem, Di hopo oen so bigi Tee
na dem wolkoe toe. Dem plesi, hei en diepi, Hem meki mooi
vo troe. Dem plesi, hei en diepi, Hem meki mooi vo troe.
3. Oen boesi toe so srefi, Wi Gado meki oen. Oen switi
kouroeplesi, Troe Gado hem de boen. Hem meki oen moe
kibri Ala dem meti toe. Kapelka, fowloe, tigri, Na oen
dem finni bro. Kapelka, fowloe, tigri, Na oen dem finni
bro.
4. Oen switi kouroeplesi Na ondro bigi boom, Mi weri skin
go tesi Da bro, mi go sidom. Dem fowloe na dem takki, Dem
hopo stem vo dem. Mi srefi hatti naki, Mi prijze Gado
nem. Mi srefi hatti naki, Mi prijze Gado nem.
5. Oen riba, krin en diepi, Oen watrakriki toe, Oen
soela, hei en bigi, Ja, oen de mooi vo troe. Oen
watrafloedoe nati Ala dem gron vo wi. Grantangi mi de
taki Na hem, di oen ben gi. Grantangi mi de taki Na hem,
di oen ben gi.
6. Oen bergi en oen boesi, Oen riba, kriki toe, Oen
soela, mooi toemoesi, Mi lobbi oen vo troe. Troe Gado,
hem de grani, Meki wi prijze hem! Kom, taki hem
grantangi, En gi hem bigi nem.
Buch
Rubrik
Nummer
Liedanfang
Text
Aria-Singi
Singi vo dem boom en meti, nanga ala transani, disi wi de
138
Na buiti
Mi hatti plisiri, Na buiti mi go, Vo loekoe na firi, Fa
sani de gro. We foto adjosi! Mi lobbi mi gron; Na dorosei
fosi Prakseri de kom.
2. Na mamantem froekoe Da dauw kom fadom, Krin hai mi de
loekoe, Di blinkri na zon; Grontapo de dringi Da blesi vo
hem. Gi Gado mi singi Vo prijze hem nem!
3. San di mi ben plani, Joe si a de gro. Troe, Gado de
grani, Di blesi wi so! Nang' sweti na fesi Mi wroko da
gron; Ma Gado de blesi Areen nanga zon.
4. Troe zondro wi sabi Njanjam de kom gro, En san wi moe
habi, Wi kisi hem so. Presenti wi teki, Wi teli dem toe?
Ke Gado moe meki Wi fili hem troe.
Buch
Rubrik
Nummer
Liedanfang
Text
Aria-Singi
Singi vo dem boom en meti, nanga ala transani, disi wi de
139
Da blomiki
Joe switi blom’ki janda so, Hoesoema meki joe? Da klosi,
di joe weri so, A krin en mooi vo troe.
2. Da klosi vo joe mooi so tee! Grankoning Salomo Di
bigi, grani alapee, A no ben weri so.
3. Wi Gado poeloe joe na gron, Hem hai de loekoe joe.
Areen a gi joe nanga zon, Ja, joe de mooi vo troe.
4. Joe switi blomiki na da gron, Pee joe de gro dapee,
Wan voorbeeld troe gi mi joe tron, Joe leri mi so tee.
5. Joe switi blomiki leri mi, Vo trowei zorgoe toe Na
Gado tapo, hem de si, San de vanoodoe troe.
Buch
Rubrik
Nummer
Liedanfang
Text
Aria-Singi
Singi vo dem boom en meti, nanga ala transani, disi wi de
140
Dem bigi grani boom
Soema meki oen so hei, Bigi grani boom na boesi? Mi go
prijze hem toemoesi, Vo a piki alapee hem toe moesi, Vo a
piki alapee. We tan boen, we tan boen, we tan boen, joe
switi pee, We tan boen, we tan boen, joe switi pee!
2. Kondrebroeja, a no de, Pee dem dia njam wiwiri.
Alasani de tan tiri, Tog mi hatti de njam pre. Now tan
boen, joe switi pee!
3. Tee na so wan safri pee Gado drifi kom na hatti, Troe
wi hatti fili dati: Da hem srefi klosibei. Odi o, joe
kouroe pee!
Buch
Rubrik
Nummer
Liedanfang
Text
Aria-Singi
Singi vo dem boom en meti, nanga ala transani, disi wi de
141
Prakseri na ondro dem boom
Mi kuiri na skaduw na ondro dem boom, Mi membre mi Gado
en ala da boen, Di hem ben de doe mi, mi hatti njam pre,
So tee da plisiri de meki mi kre.
2. So srefi mi membre mi Jesus so krin, Da vriend vo mi
zieli, dem wonden vo hem, Di hem ben de kisi vo mi hede
toe, Mi hatti pramisi vo lobbi hem troe.
3. We so mi ben saka mi kni tee na gron Vo taki hem tangi
vo ala da boen, Vo begi hem, meki a poeloe mi toe Na ini
dem zondoe vo mi, di mi doe.
4. En di mi lidom so, vo begi na hem, Mi fili da klosibei
vo hem so krin, Fa hem de wan vriend en wan Helpiman
troe, En fa hem de sari vo potiman toe.
5. Bikasi a hopo dem goedoe vo hem, A taki: kom teki wan
porsie na dem! Hem klosi mi teki, mi weri hem krin, En
dati ben meki mi tron hem pikien.
6. Ke, fa mi boen Jesus ben sari vo mi! Mi hatti kom
foeloe nang' lobbi en fri, Mi finni da manna, di switi vo
njam. Ke, soema no lobbi da Helpiman dan?
7. Na hem mi de potti now ala vertrouw, Na tapo hem gnade
en lobbi mi bouw. Ja, dati mi habi; mi bribi, da hem Sa
teki mi leki wan paiman vo hem.
8. We kondre adjosi! Demsani vo joe Mi trowei dem ala, mi
libi gi joe; Mi zoekoe dasani, di holi en tan. Mi vriend,
o mi Jesus, mi fassi joe han!
9. Da so mi de waka da pasi vo mi, Mi blijti vo troe vo
da boen, di mi si. Mi waka na ondro da skaduw vo hem, Mi
fili now troe troe, mi de hem pikien.
Buch
Rubrik
Nummer
Liedanfang
Text
Aria-Singi
Singi vo dem boom en meti, nanga ala transani, disi wi de
142
Na tapo bergi
Na wan bergi tapo mi ben de, Wa stoonduivi waka gauw. Na
hem baka Trawan waka: Nesi dem de bouw!
2. Na wan pasi,di krin,mi ben si, Koemakoe de tjari gauw
Groen wiwiri Nanga siri: Nesi dem de bouw.
3. We na baka mi loekoe janda Kapasi, di wroko gauw. Bigi
horo A ben boro: Nesi a ben bouw.
4. Koemakoe, kapasi, stoonduivi, We adjosi, now mi go; En
oen ala, Alamala Tan boen, te oen bro!
Buch
Rubrik
Nummer
Liedanfang
Text
Aria-Singi
Singi vo dem boom en meti, nanga ala transani, disi wi de
143
Bergi-kondre
Na dem bergi, fa a switi! Fa a kouroe, fa a mooi! Ala
trobi en verdrieti Tanna baka a de wai. Na dem bergi wi
plisiri, Fowlie toe, dem no tan tiri, Dem de djompo, dem
de singi, Ke, a mooi vo troe! Loekoe fa dem bigi
klipstoon Troesoe hede tee na hei! Zon de blinkri na dem
tapo, Hemelblauw so klosibei, Hemelblauw so klosibei. La
la la …
2. Watra srefi no mankeri Tee na bergi tapo toe: Pikin
riba no kom weri, Dem de djompo, saka go. Jeri, fa dem
stoon dem naki! Bergi tori dem de taki, Dan na boesi dem
fadom de. Ke, a mooi vo troe! Wi de waka nang' plisiri,
Tangi wi de tjari go Na da Masra, di ben gi wi Ala
blijtisani so, Ala blijtisani so. La la la …
Buch
Rubrik
Nummer
Liedanfang
Text
Aria-Singi
Singi vo dem boom en meti, nanga ala transani, disi wi de
144
Waka go
Fowloe na
a de bari
Fowloe de
Tem de so
boesi de hopo hem stem: "Waka go, waka go!" So
vo hem. Somtem joe drai na da pasi vo joe,
membre joe, fa joe moe doe: "Waka go, waka go!"
dieri vo troe.
2. Gado de zorgoe hem poti pikien: "Gado boen, Gado
boen!" Fowloe de piki so krin. Gado de hopo hem han, joe
no si? Klosi vo skin en njanjam a de gi. "Gado boen, Gado
boen!" Fowloe de taki gi wi.
3. Somtem wansani kom hebi gi joe: "Gado de! Gado de!"
Fowloe kom troostoe joe troe. Sari kom poeloe da watra na
hai? We, joe moe harki, san fowloe de rai. "Gado de, Gado
de!" Troe ala hebi sa wai.
4. Gado de sabi dasani joe doe, "Loekoe boen, loekoe
boen!" Fowloe de waarkouwe joe. Tesi de miti joe neti en
dei, Nanga pikado joe no moese pre, "Gado krin, Gado
krin!" Membre vo tan na hem sei.
5. Feti na pasi, vo kisi da prijs; "Waka go, waka go!"
Anders joe pori joe reis. Sani, di hindre joe, teki
trowei, Wakti joe srefi, no loekoe na sei: "Waka go, waka
go!" Liebi ron hesi gowei.
6. Janda wi paiman sa bigi vo troe; "Waka go, waka go!"
Feti vo kisi hem toe. Gado de haksi wan reti vertrouw, Na
hem boen hatti wawan joe moe bouw; "Waka go, waka go!"
Holi joe srefi getrouw!
Buch
Rubrik
Nummer
Liedanfang
Text
Aria-Singi
Singi vo dem boom en meti, nanga ala transani, disi wi de
145
Pingo na watra
Pingo de Jandasei! Ke, mi mati, ke, hoepee? Joe no si?
Wan, toe drie, Dem moe de vo wi! Hipi, hipi dem fadom Now
na watra, Hesi kom! We dan ron, teki gon, Kom na boto,
kom!
2. Diaso - Jandaso Soema feti, dem no bro. Now dem de Klosibei Na dem pingo sei. Mattatiki, houroe, gon Wroko
tranga, broedoe ron. Alapee - Dede de, No wan man gowei.
3. Ouroewan - Jongewan Ron so hesi, fa dem kan; Alapee Soema de Tee na watrasei. Now dem boto doro toe, Ala
soema blijti troe. Ke en ka - No kaba, T-ee da dei pasa!
Buch
Rubrik
Nummer
Liedanfang
Text
Aria-Singi
Singi vo dem boom en meti, nanga ala transani, disi wi de
146
Da Poepoesi
Mi rai joe poespoesi, No drai mi toemoesi! Kom hesi, mi
lobbi, Muismuisi de trobi: Dem klim en dem saka, Dem
djompo, dem waka, Na hoso, na koekroe, Na ala dem hoekoe;
Bifo mi kan loekoe, Bifo mi kan zoekoe, Ke, dem gowei.
2. Mi dia, mi missi! Now missi go kisi Wan pre, disi
fini, Da pre mi go winni; We, now mi lidom de, En dan mi
sidom de, Na fesi mi waka, Mi drifi na baka, Mi foetoe mi
lekki, Mi tere mi seki, Ke, now dem de!
3. Dem
gowei,
dem na
dem ha
dansi makandra Now dia, now janda, Dem kom en dem
Dem ron en dem tan de. Mi fassi dem hesi, Trowei
fesi, En te dem de waka, Mi kisi dem baka; We, te
nofo, Mi hopo ini mofo, Mi swali dem.
Buch
Rubrik
Nummer
Liedanfang
Text
Aria-Singi
Singi vo dem boom en meti, nanga ala transani, disi wi de
147
Da hontiman
Hontiman de waka Froekoe mamantem, Dagoe na hem baka, So
dem go vo dem. La la la …
2. Now da dagoe bari, Wan pakira kom. Hontiman de klari
Ke, fa a de ron! La la la …
3. Now a si da meti, Dagoe tjari hem; A go marki reti En
a soetoe hem. La la la …
4. We so srefi dia, Pingo, boefroe toe, Fowloe, tamanoea
A de kisi toe. La la la …
5. Troe, hem de da basi, Meti de vo hem. Gado gi hem
pasi, Vo a kili dem. La la la …
Buch
Rubrik
Nummer
Liedanfang
Text
Aria-Singi
Singi vo dem boom en meti, nanga ala transani, disi wi de
148
Hontiman en konikoni
Isredei mi go na gron, We di dapee mi de kom, Konikoni mi
de si: A sidom de loekoe mi. Konikoni, san joe doe? San
hede joe djeme so?
2. Joe no de da hontiman, Disi doro, pee joe kan, Zoekoe,
vo joe kili mi? Trobi nomo mi de si. Dati hati mi so tee,
Di so meni ogri de.
3. Mi sa gi Joe wan boen rai, Konikoni, dan da lai, Disi
kwinsi joe so tee, Sa komopo, sa gowei. Jeri mi, en doe
so toe, Dan wi de boen mati troe.
4. Loekoe, joe foefoeroeman Trobi ala wrokoman. Mi de
plani gron, ma joe Kom foefoeroe ala toe. Dati meki mi no
kan Lobbi joe, foefoeroeman.
5. Go na boesi farawei, Dapee trobi no sa de, Libi gron
vo wrokoman, Joe sa finni joe njanjam. Boesi bigi, ja vo
troe: Joe sa finni ruste toe!
6. Hontiman! joe takj so; Janda mi sa finni bro! Ma na
bigi boesi, ke! Dapee dem aboma de. Ke, alwasi pee mi de,
Ogri de na alapee.
Buch
Rubrik
Nummer
Liedanfang
Text
Aria-Singi
Singi vo dem boom en meti, nanga ala transani, disi wi de
149
Da fisi
Fisi, fisi, joe moe saka diepi diepi tee na gron, Te joe
hopo, joe sa fili hati vo da tranga zon. Te joe hopo, joe
sa miti hoekoe en tetei, Disi hati, disi kili, we gowei,
gowei.
2. Zieli, te joe finni gnade, sakafasi fiti joe! Loekoe
na dem lage soema, heiwan kisi sjem vo troe. Bigi hai en
bigi membre vo didiebri de. Saka diepi, saka diepi,
anders joe moe kre!
Buch
Rubrik
Nummer
Liedanfang
Text
Aria-Singi
Singi vo dem boom en meti, nanga ala transani, disi wi de
150
Da krin deistaar
Te mi de wieki froekoe Na slibi, dan mi go Na doro vo go
loekoe, Fa wan staar blinkri mooi. A pingi hai toemoesi,
A blinkri krin vo troe. So srefi Masra fesi Skijn switi
gi mi toe. So srefi Masra fesi Skijn switi gi mi toe.
2. Da staar, vo di mi taki, A ha wan switi nem: Krin
deistaar! - so dem kali Hem sinsi ouroe tem. Ma loekoe!
wan krin deistaar Sidom na hemel toe: Hem da wi Masra
Jesus, A loekoe mi en joe.
3. Pikien en bigi soema A pingi hai gi dem. Ke! fa a
lobbi brasa Dem, disi de vo hem. En te dem wieki froekoe,
Da staar kom membre dan, Fa Masra srefi loekoe En kibri
dem na han.
Buch
Rubrik
Nummer
Liedanfang
Text
Aria-Singi
Som singi vo dem skolopikien
151
Begi-singi vo wan skolopikien
Mi Jesus vo mi, Na joe mi de kom; Joe de da boen vriend
Vo zondoepikien; Joe habi tog lobbi Vo dem, di joe bai:
We, loekoe joe srefi, Mi toe joe ben bai.
2. Mi tjari gi joe Da hatti vo mi: A pori vo troe, A lai
nanga sjem! Bika, mi boen Masra, Da lobbi vo joe No de na
mi dia, Ma stoutoe nomo.
3. Mi begi joe, ke! Gi mi now tidei: Wan hatti di de Vo
joe nomo krin; En disi de lobbi Vo tan na joe sei; Ke, gi
na mi dati, Mi begi joe troe!
Buch
Rubrik
Nummer
Liedanfang
Text
Aria-Singi
Som singi vo dem skolopikien
152
Prijs- en tangi-singi
Singi nanga tranga stem Vo wi lobbi Jesus nem! Hem de
loekoe wi so boen, Hem de lobbi wi vo troe! Singi nanga
tranga stem!
2. Hem ben meki hemel, gron, Alasani harki hem; San da
wi, di hem de si Nanga so wan lobbi hai? Singi nanga
tranga stem!
3. O mi zieli, singi dan Blijti gi joe Helpiman; Prijze
doro, tan na hem, Dan joe ziel sa kom na hem. Prijze
Jesus, da boen vriend.
Buch
Rubrik
Nummer
Liedanfang
Text
Aria-Singi
Som singi vo dem skolopikien
153
Mamantem-singi
Te mi hopo mamantem, Mi de hangri vo da tem, Di na skolo
mi sa go, Moe kom hesi wantem so.
2. Watra mi de kanti dan, Wasi fesi nanga han, Foetoe
toe, vo di pikien Moese kom na skolo krin.
3. Mi de njam pikinso now, Vo mi no moe kisi flauw, Teki
boekoe, en zoodra Mi de go, adjosi ba!
Buch
Rubrik
Nummer
Liedanfang
Text
Aria-Singi
Som singi vo dem skolopikien
154
Mi lobbi go na skolo
Wan switi hoso skolo de, Mi lobbi troe vo go dapeee, Mi
leri foeloesani toe, Di boen na mi en switi troe.
2. Mi Helpiman na ini toe, A kali mi pikien vo troe; Wan
sweiti hoso skolo de, Mi lobbi troe vo go dapee.
Buch
Rubrik
Nummer
Liedanfang
Text
Aria-Singi
Som singi vo dem skolopikien
155
Plisiri na ini skolo
Wi de blijti, Reti reti, Te da tem vo skolo de. Te wi
jeri: Now go leri! Dan wi fili switi pre.
2. Djompo hopo, - Wi komopo Nanga boekoe na wi han; Waka
hesi - Tee na plesi, Pee da bigi skolo tan.
3. Te wi kisi - Dapee, fosi Wi de go na meester dan, Taki
switi, - Fa a fiti: Odi masra, fa joe tan!
4. Dan wi potti - Moesoe, hatti, Nanga order na wan sei;
Singi hopo, - wi komopo, Waka rontoe alapee.
5. En na baka - Vo da waka Wi tanapoe wantem so, Vo wi
jeri, - San a leri; Meester potti wi na loo.
6. Na wi fesi - A de begi: Masra joe moe blesi wi! Disi
joeroe, - Ala joeroe, Nanga switi Gadofri!
7. En wi taki - Na hem baka: Masra joe moe blesi wi! Dan
wi leri, - En wi fili: Troe troe Masra blesi wi.
Buch
Rubrik
Nummer
Liedanfang
Text
Aria-Singi
Som singi vo dem skolopikien
156
Klok de go fom
We dan, oen kompe, da klok de go fom, Teki dem boekoe na
han. Kom go na skolo, we hesi go kom, Mati, oen feti, kom
dan! Meki wi alamal waka na loo, Meki wi singi dan, te wi
de go: Tralala, Tralala …
2. Te wi ben leri na skolo boen boen, Meester plisiri so
tee, Taki gi ala: Oen skoloboi, oen Meki wi blijti tidei.
Nanga plisiri na hoso wi go, Singi, wi singi, bifo wi go
bro. Tralala, Tralala …
Buch
Rubrik
Nummer
Liedanfang
Text
Aria-Singi
Som singi vo dem skolopikien
157
San wi de leri na skolo
Wi de leri A, B, C, En wi teli: wan, toe, drie; En wi
jeri Gadotori, En mooi printje missi sori Gi wi, en wi
singi toe, Ke, wi lobbi dati troe.
2. Tangi vo wi Helpiman! Hem gi pasi vo wi tan Na wan
plesi, disi switi; No wan sari, no verdrieti Miti wi, ma
wi kan si, Fa wi Gado lobbi wi.
3. Hem de sori dati krin Now gi ala dem pikien, Disi hem
ben teki tjari Kom na ini disi djari: Dem sa gro na ondro
han Vo da lobbi djariman.
4. Dus wi kan plisiri troe! En nang' lobbi wi sa doe,
Sani leriman en missi Haksi na wi. Dem moe kisi Foeloe
switi blesi toe Vo da moeiti, di dem doe.
Buch
Rubrik
Nummer
Liedanfang
Text
Aria-Singi
Som singi vo dem skolopikien
158
Klinkers en klanken
A, e, i, o, oe! Sani wi sa doe? We, dem klinkers oen de
jeri, En dem klanken de vo leri! Wan tem moro toe: a, e,
i, o, oe!
2. Oe, u, e, i, ai! - Hopo ala hai! Klaas, Piet, Jaba,
Paul en Martha! Loekoe na da bigi karta! Meki oen no
drai: - oe, u, e, i, ai!
3. Ei, ui, i, a, o! - Soema de na loo? Albert ofoe
Rosalina? Ofoe somtem Josefina? We dan, taki so: - ei,
ui, i, a, o!
4. Oo, ee, ij, ie, e! - Richard no moe kre! En alwasi joe
no sabi, We, pasiensi wi sa habi! Sani skrifi de? - Oo,
ee, ij, ie, e!
5. Au, ow, ouw, auw, ooi! - William piki mooi, Meki ala
soema jeri, Sani oen tidei ben leri: Lau, kow, mouw, nauw
kooi: - au, ow, ouw, auw, ooi!
6. U, o, i, e, a! - Meki a kaba! Oen kan waka tee na
plasi, En oen pre na switi fasi, Tee da tem pasa: - u, o,
i, e, a!
Buch
Rubrik
Nummer
Liedanfang
Text
Aria-Singi
Som singi vo dem skolopikien
159
Te wi waka na plasi
Da waka wi waka Na fesi, na baka, da so en da so; So leki
soldati De waka na strati Na reti looloo.
2. Ofciri na fesi, A sori da plesi, Pee ibri moe go; Dem
trawan de waka Na fesiman baka Vo holi da loo.
3. Da so wi de waka Na fesiman baka, Ma soema da hem? Hem
sabi da pasi? Dem no sa go lasi, Di harki hem stem?
4. Wi fesiman Kristus! Wi helpiman Jesus! We, dati hem
nem. Hem sabi da pasi! Dem nooiti sa lasi, Di harki hem
stem.
Buch
Rubrik
Nummer
Liedanfang
Text
Aria-Singi
Som singi vo dem skolopikien
160
Te wi go na doro
We hopo, komoto, oen kompe loo vo loo! Tidei wi plisiri
vo waka kuiri so. We, Klaas, Piet, Jan, pikien en
bigiwan, Oen hopo go na doro, oen singiman.
2. Ke loekoe, oen mati, alwasi foeloe de, Tog wan hipi
nomo en wan boen herder de. Da so a de, wi alamal moe tan
Na ini lobbi, bribi so leki wan.
3. Oen waka na fesi, na boesi wi de go, En te wi kom
weri, wi ala teki bro. Na ondro boom, pee switi kouroe de
Dapee wi de go beri da skolo-kre.
4. Wi djompo plisiri, So leki fowloe doe. Wi singi en
blijti, wi meester srefi toe; Bika baja! da tem pasa
gowei, Ke poti! o adjosi, oen switi dei.
5. Wi ala de sabi, platie wi moe platie, Da skolo vo
liebi de wakti joe en mi. We harki dan! kom potti han na
han, Vo tan getrouw na Masra, oen lobbiwan.
Buch
Rubrik
Nummer
Liedanfang
Text
Aria-Singi
Som singi vo dem skolopikien
161
Soldati
Soema wani tron soldati, Dati moese ha wan gon, Dati
moese ha wan gon, Kruiti moese go na ini Nang’ wan
koegloe hebiwan. Te na feti oen de go, Dan trompeti dem
moe blo: Trata ta ta ta ta, Trata tatatata, Te na feti
oen de kom, Dan dem moese naki drom: drom, dom, dom, dom,
dom, dom, dom, dom, dom, dom, En dem soetoe pau, soetoe
pau, soetoe pau, pau, pau!
Buch
Rubrik
Nummer
Liedanfang
Text
Aria-Singi
Som singi vo dem skolopikien
162
David nanga Goliat
Da Goliat na ouroetem Ben de wan takroe ba! We, efi joe
ben miti hem, Joe ben sa ron pasa! Wan lansri, ka wan
langawan, A holi na hem reti han.
2. Wan barba tapo fesi krin, A pili hai so tee, En isri
klosi na hem skin A weri alapee. Boonjon a habi leki kow,
A tranga leki wan azau.
3. Da so ago tanapoe de, A hopo mofo, ka! A kosi Israel
so tee, A kosi Jehova: "We soema wani feti? kom, Mi kili,
fringi hem na gron."
4. Wan jonkman, David, waka kom, Di a ben jeri so, Wan
tiki, slingri nanga stoon, Hem tjari kom nomo. "Na Gado
nem mi kom tidei, We hem sa gi joe sjem so tee."
5. A teki slingri, fringi stoon, Da stoon ben naki hem.
Da langa Goliat, a fadom, Vo troe, a kisi sjem. We, David
teki houroe now, A koti Goliat hede gauw.
6. No potti joe vertrouw nomo Na tranga skin vo joe, Wan
bigi mofo soso so, A no kan helpi joe. Ma potti joe
vertrouw wawan Na Gado, hem da Helpiman.
Buch
Rubrik
Nummer
Liedanfang
Text
Aria-Singi
Som singi vo dem skolopikien
163
Som Canon
a. Glori en tangi en bigi nem. Wi de tjari gi joe tidei.
Wi de tjari gi joe tidei.
b. Fana Zondei mi plisiri mi plisiri, Di mi jeri
kerkigingee, kerkigingee, Bimbau, bim bau, bimbau.
c. Blesi vo dem disi liebi Na ini joe hoso, Dem de prijze
joe ala ala tem, Amen, Amen.
d. Mi de singi, mi plisiri, di mi Gado lobbi mi. Hem de
gi mi alasani, hem de loekoe ziel en skin. Mi de singi,
mi plisiri, di mi Gado, Gado lobbi mi.
e. Oen brara, oen sisa, kom hopo oen stem, Vo singi wi
Gado, vo prijze hem nem. Vo singi wi Gado, vo prijze hem
nem.
f. Ala dei wi moese fili, fa wi Gado lobbi wi. Hem de
sabi wi mofina, en wi hatti toe a si. Troe troe Gado ha
plisiri vo doe boen, vo blesi wi.
g. Prijs en gloria en grannem Wi de tjari kom gi joe wi
Gado Masra. Amen, Amen.
h. Halleluja! Singi Halleluja dan, Prijze wi boen
Helpiman!
Buch
Rubrik
Nummer
Liedanfang
Text
Aria-Singi
Som singi vo dem skolopikien
164
Kristneti
San hede oen plisiri so? "Tidei wi hatti blijti troe." We
taki gi mi, gani de? "Ke, Jesus kom gi wi tidei." Tidei
dasani kom pasa? "P'sa achtienhonderd jaar kaba." Da
tori, pee a pasa dan? "Da kondre, a no Kanaan?" Oen sabi,
fa da foto nem? "Da foto, ke, da Betlehem." Da njoesoe,
soema kisi hem? "Dem herder, nanga Engelstem. Ke, fa a
taki? "Gi oen toe Da Helpiman gebore troe." Da Helpiman,
soema da hem? "Gadopikien, da so a nem." San hede a kom
diaso? "Vo lasi soema finni bro." We, soortoe soema lasi?
"Ke, Dem zondaar ala lasi tee." We Jesus zoekoe zondaar
toe? "Ja, hem de teki zondaar troe." San hede J esus teki
dem? " Vo dem go liebi nanga hem."
Buch
Rubrik
Nummer
Liedanfang
Text
Aria-Singi
Som singi vo dem skolopikien
165
Vacantie-singi I.
Oen kom, oen kom, oen kom, oen kom, oen ala! Oen kom, oen
kom, oen kom, vo singi krin, Vo danke prijze Gado, Di doe
wi boen vo troe, doe boen vo troe. Wi skin a ben gi
tranga, Wi zieli koni toe. Wan heeli jari langa Hem han,
hem han ben kibri wi, Hem han, hem han ben kibri wi. We
ala kom, we ala kom, plisiri so wan dei, So leki de
tidei.
2. Joe nem, joe nem, joe nem, joe
joe nem, joe nem, moe santa troe!
sabi, Dan wi ha koni toe, ha koni
habi, Di leri wi vo doe, Vo liebi
fa, a boen na joe. We prijze dan,
Jesus Krist, Da Gado Wan Pikien.
nem, wi Gado, Joe nem,
Joe woord wi moese
toe. Trasani wi no
en vo waka So fa, so
we prijze dan, wi Masra
3. Joe stem, joe stem, joe stem, joe stem, wi Masra, Joe
stem, joe stem, joe stem, wi harki krin. Da so wi finni
liebi En rust en vrede toe, en vrede toe. Nang' reti
Kristenbribi Wi dini prijze joe En joe de membre doro San
joe, san joe, pramisi wi. Na hemel dan, na hemel dan, na
kondre jandaso: Na joe wi finni bro.
Buch
Rubrik
Nummer
Liedanfang
Text
Aria-Singi
Som singi vo dem skolopikien
166
Vacantie-singi II.
Now dretem kom, vacantie de, En na pranasi mi gowei.
Adjosi skolomeester dan! Adjosi ala leriman!
2. Adjosi plein nang' hem dromdrom, Adjosi tee na
Frimangron, Sabanasei en fotosei, Di na pranasi mi gowei.
3. Adjosi sipi, koffie-waag, Zaamieli nanga bigi zaag,
Wowojo toe adjosi now, Pee wan njoe dakki dem ben bouw.
4. Now dretem kom, vacantie de, En na pranasi mi gowei.
Wan odi mi de taki so Na dem pranasi, pee mi go.
6. Na Morgenstond en Clevia, Cath'rin' Sophia, Bersaba,
Fort Amsterdam en Rust en Werk, Na Heerendijk en Hecht en
Sterk.
6. Na Wederzorg en Leliendal, Beekhuizen toe en
Bergendal, Warappa-kreek en Annaszorg, Munikkendam,
Charlottenburg.
7. Now odi Salem, Waterloo, Somtem tee dapee mi de go. We
odi oen pranasi al, Mi go nang' boto of korjaal.
8. We Gado blesi kibri wi, Vo ogri no moe miti wi, En vo
wi no vergiti joe Na reis en na pranasi toe.
Buch
Rubrik
Nummer
Liedanfang
Text
Aria-Singi
Som singi vo dem skolopikien
167
Vacantie-singi III.
Octobermoen kom baka, A tjar’ vacantie kom: Wan skolojari
pasa En zon kom hati gron. We meester, kamerati Adieu wan
piesi tem; Na buiti of pranasi Mi go vo njam dretem.
Trala la la, trala la la, wi go vo njam dretem. Trala la
la, trala la la, wi go vo njam dretem.
2. Wan heeli moen mi kisi, Vo njam vacantietem, Vo meki,
seti vliegri Nang' pijli en tetei: Wan hoekoe toe mi
kisi, Koerkoer' vo warimbo, Wan langa hoekoetiki, Na
hoekoe mi de go. Trala la la, trala la la, na hoekoe mi
de go. Trala la la, trala la la, na hoekoe mi de go.
3. Wan heeli moen joe kisi, Vo kuiri en vo pre, Ma mati!
no vergiti Joe plicht na hoso sei: No gi joe ouders sari,
No meki alatem Dem moese ha vo bari Joe nanga tranga
stem. Trala la la, trala la la, joe nanga tranga stem.
Trala la la, trala la la, joe nanga tranga stem.
4. "Da
a pasa
blijti
gowei.
la la,
tem joe no moe lasi," So meester taki krin; "Bika
hesi, So hesi a bigin." Tidei joe ha vacantie, Joe
en joe pre, Ma gauw bifo joe denki, Vacantietem
Trala la la, trala la la, vacantietem gowei. Trala
trala la la, vacantietem gowei.
5. We, beste kamerati! Njam boen vacantietem! Ma teki toe
na hatti Da rai: no lasi tem, Dan joe no ha vo frede, Te
skolo joeroe fom, Ma meester sa tevrede, En strafoe no sa
kom. Trala la la, trala la la, en strafoe no sa kom.
Trala la la, trala la la, en strafoe no sa kom.
Buch
Rubrik
Nummer
Liedanfang
Text
Aria-Singi
Som singi vo dem skolopikien
168
Vacantie-singi IV.
Loekoe fa da liebi waka: Jari kom en jari flei, Now
vacantie doro baka, Ma wan jari toe gowei. Now vacantie
doro baka, Ma wan jari toe gowei. Mati dati troe, Mati
dati troe, So joe taki, troe, da so a de. Mati dati troe,
Mati troe da so a de.
2.
wi
Ja
na
Ma joe membre, no dem jari No da tem wawan, di go? Ma
toe, wi de verjari Moro ouroe wi de kom. Ja a fiti so,
a fiti so, Vo wi potti membre na da tem. Potti membre
da tem.
3. Now joe habi tem vo leri Sani, disi boen vo joe; We mi
lobbi mati, jeri, Foeloe moeiti joe moe doe. So .wi wani
doe, So .wi wani doe. So joe rai wi, so wi wani doe. Rai
wi, so wi wani doe.
4. Vo mi srefi mi pramisi, Ala moeiti mi sa doe, Skolotem
mi no sa misi; Masra mi sa begi toe. Mati dati boen! Mati
dati boen! Nanga joe wi toe pramisi so, Ja, wi toe
pramisi so.
5. En te now vacantie kisi, Dan mi kan plisiri troe, Di
mi si, mi kom na fesi, Meester kan trevrede toe. Dati
switi troe, Dati switi troe. Nanga joe wi kan plisiri
toe. Ja wi kan plisiri toe.
6. Ma te wantron mi moe taki Skolo toe adjosi, we, Dan vo
troe troe mi sa sabi Moro leki a, b, c. Singi tralala,
Singi tralala. Singi en plisiri vo da tem. Ja plisri vo
da tem.
7. Now mi mati, vo di joeroe Waka boen en tan gezond. No
wan spotoe en prefoeroe Moese pori wi verbond. So, wi
wensi toe, So, wi wensi toe. Masra Jesus loekoe kibri
joe. Jesus loekoe kibri joe.
Buch
Rubrik
Nummer
Liedanfang
Text
Aria-Singi
Som singi vo dem skolopikien
169
Vacantie-singi V.
Vacantie, Vacantie, mi blijti vo joe, blijti vo joe, Mi
hatti de njam pre; Di joe doro now ageen tidei, Wi kom
ontvange joe. Vacantie, Vacantie, mi blijti vo joe,
blijti vo joe, Mi hatti de njam pre!
2. Vacantie, Vacantie, mi blijti vo joe, blijti vo joe, O
mooi, o switi tem. Joe de meki wi kan teki bro Wan heeli
piesi tem. Vacantie, Vacantie, mi blijti vo joe, blijti
vo joe, Mi hatti de njam pre.
3. October, October, joe lobbi moen, joe lobbi moen, Di
tjar' vacantie kom, Foeloe soema lobbi frede joe, Ma wi,
wi lobbi joe. October, October, joe lobbi moen, joe lobbi
moen, Di tjar' vaeantie kom.
4. Adjosi, adjosi, mi leriman, mi leriman, En meester
alamal, Mi de wensi taki, oen kan njam Wan boen
vacantietem! Adjosi, adjosi, mi leriman, mi leriman En
meester alamal!
Buch
Rubrik
Nummer
Liedanfang
Text
Aria-Singi
Som singi vo dem skolopikien
170
Vacantie-singi VI.
Mi go na boesi, vacantie de, Mi jeri dem fowloe de singi;
Dem singi, dem bro, dem djompo, dem flei. Mi pre en singi
dapee so tee. Da strij? we hoesoema sa winni?
2. Mi si kapelka de flei dapee, Blauw, blaka en redi dem
sori, Dem flei en dem pre na dem kouroepee, Blaasbalki de
pre da srefi pre. Da pre? we, mi no sa go pori.
3. Mi go, mi kuiri na alasei Na boesi, so srefi na firi;
Dem blom'ki, dem boom, dem taki so tee, Fa Gado de boen
na alapee; En mi heeli hatti plisiri.
Buch
Rubrik
Nummer
Liedanfang
Text
Aria-Singi
Singi vo da kondre vo wi en vo wi dieri Koningin
171
Wan begi vo wi kondre
Masra Gado, di na tapo Harki, san wi begi joe: Blesi
Koning na grontapo Nanga Granman vo wi toe. Ala soema,
disi dia, Tee na boesi farawei, Joe moe blesi ala plesi
Vo wi kondre ala dei.
2. Sarihatti, lobbi Gado! Jeri san wi pliesi joe: Membre
tog wi lobbi foto Nanga dem pranasi toe. Firi-wroko,
fisi-wroko, Ala soortoe wrokoman Joe moe blesi, joe moe
dresi Ala poti sikiman.
3. Masra Gado, disi grani, Sari vo wi Surinam, Helpi wi,
vo doe joe wani, Letti tog joe lobbiflam Na wi hatti, gi
wi dati, Vo wi tan getrouw na joe! Helpi hesi en joe fesi
Moese skijn gi wi vo troe.
4. O Jehova, tranga Gado, Teki kibri wi na joe; Joe, di
de wi parasolo En wi kibriplesi toe. We joe kragti en joe
magti Moese tapo, kibri wi Vo da ogri krasi tigri, Disi
wani swali wi.
5. Ke wi Helpiman en Gado, Membre tog joe kerki toe!
Poeloe ala wi pikado, Disi doro wi ben doe! En joe
broedoe moese floedoe Na wi tapo, krini wi. Wi sa waka na
joe baka, Tee joe kondre wi sa si.
Buch
Rubrik
Nummer
Liedanfang
Text
Aria-Singi
Singi vo da kondre vo wi en vo wi dieri Koningin
172
Da lobbi vo mi kondre
Mi kondre, troe, mi lobbi joe, Joe mooi toe na mi hai! Da
boen vo joe mi zoekoe troe, Da ogri moese wai.
2. Da piesi doti, pee mi de, Troe, mi moe lobbi hem, Di
Gado potti mi dapee, Vo tan wan piesi tem.
3. Pee mi tata en mi mama En mi famili de, Krin lobbi
nooiti moe kaba, Vo tai mi na dem sei.
4. Mi begi Gado, vo hem han Moe holi kibri wi, En vo wi
kondre moe kan njam Da boen, di hem de gi.
5. Vo rust en vrede moese tan Na kondre alapee, Na mindri
vo mi kondreman En soema na mi sei.
6. Da reti bribi moese gro, Vo gi wi tranga dan, Te wi
verhuizi, vo wi go Na kondre Kanaan.
7. Joe sabi, pee da kondre de? En san de loekoe joe? A de
na hemel jandasei, En moro mooi vo troe.
Buch
Rubrik
Nummer
Liedanfang
Text
Aria-Singi
Singi vo da kondre vo wi en vo wi dieri Koningin
173
Mi lobbi joe, mi kondre
Mi lobbi joe, mi kondre! No wan de moro betre Gi mi,
alwasi pee mi go, Na joe mi hatti fassi so, Ja troe,
troe, troe, mi lobbi joe, mi kondre!
2. Sranam, joe da mi doti, Alwasi joe de noti Na trawan
hai, mi lobbi joe, Joe nem de switi gi mi toe. Ja troe,
troe, troe, mi lobbi joe, mi kondre!
3. En te joe kom na nootoe, A no moe de mi foutoe, Mi
wani doe, dasan mi kan Vo helpi joe, mi Surinam. Ja troe,
troe, troe, mi lobbi joe, mi kondre!
4. En te joe njam plisiri, Mi mofo no tan tiri, Ma prijze
mi sa prijze toe Wi Gado, di ben blesi joe. Ja troe,
troe, troe, mi lobbi joe, mi kondre!
5. Mi hanoe mi sa kibri Vo pre en vo doe ogri, Ma sori
nanga woord en doe, Da lobbi, di mi lobbi joe. Ja troe,
troe, troe, mi lobbi joe, mi kondre!
6. We kondreman, gi abra Na Jesus, hem, wi Masra. Te wi
respeki Gado so, Dan troe wi piple toe sa gro. Ja troe,
troe, troe, mi lobbi joe, mi kondre!
7. Ke Gado, gi wi jesi, Wi saka na joe fesi, Ke blesi dan
en kibri, ke! Wi piple kondre alapee! Ja troe, troe,
troe, mi lobbi joe, mi kondre!
Buch
Rubrik
Nummer
Liedanfang
Text
Aria-Singi
Singi vo da kondre vo wi en vo wi dieri Koningin
174
Tan boen, mi kondre
Tan boen, mi switi kondre troe, Mi kondre, we, tan boen.
Mi sari vo go libi joe, Mi kondre, we, tan boen. Vo joe
mi singi, pee mi go, Vo joe mi taki, pee mi bro, Mi
kondre, we tan boen.
2. Mi kondre, pee mi nenne de, Mi kondre, we, tan boen!
We di mi go, mi moese kre, Mi kondre, we, tan boen! Wi
Masra, hem moe blesi tee Mi kondre troe na alapee, Mi
kondre, we tan boen!
Buch
Rubrik
Nummer
Liedanfang
Text
Aria-Singi
Singi vo da kondre vo wi en vo wi dieri Koningin
175
Emancipatie-singi
Loesoe oen tongo dan, Ala mi kondreman, En helpi mi; Meki
wi begi hem, Gado vo alatem, Vo a moe blesi tog Wi kondre
toe.
2. Ho1i da switi fri Disitem toe gi wi, Di joe ben gi.
Gado vo alatem, Blesi wi Koningin Nanga wi granman toe,
So joe moe doe.
3. Gi dem gezondheid toe, Nanga pasiensi toe, Vo tiri wi.
Meki wi lobbi dem, Meki wi harki dem, Leki a fiti troe
Soema vo joe.
Buch
Rubrik
Nummer
Liedanfang
Text
Aria-Singi
Singi vo da kondre vo wi en vo wi dieri Koningin
176
Singi vo da 1. Juli 1863
Gi Koning Willem bigi nem En tjari tangi kom! Kom singi
switi, prijze hem, A doe wan bigi boen: A potti ala
ningre fri, A poeloe wi na sjem. Da dieri Koning Willem
Drie, O Gado, blesi hem!
2. Wi
teki,
gi wi
Drie,
Koning tron wi boen tata, Hem lobbi kom na krin, A
potti wi na loo Vo ala hem pikien. Hem 1obbi wi, a
fri, Kom gi hem bigi nem! Wi dieri Koning Willem
O Gado, blesi hem!
3. Wi
en vo
vo wi
Drie,
no sa gi wi Koning sjem, Wi ala hatti krin Vo lobbi
harki hem So leki boen pjkien. En dem pikien pikien
Moe prijze toe da nem Vo wi boen Koning Willem
O Gado, blesi hem!
4. Da fri vo kondre switi troe, Kaba a helpi wi Vo waka
Gado pasi toe, Vo finni Gado fri. Wan bigi helpi, di wi
si, Wan boen vo ala tem. Da dieri Koning Willem Drie, O
Gado, blesi hem!
5. We waka Gado pasi dan, A fiti friman so: Gi eer en nem
na ibriwan, En sori lobbi toe. En frede Gado Jehova,
Respeki Koning nem! Da dieri Koning Willem Drie, O Gado,
blesi hem!
6. We singi, bari tranga dan Na so wan switi dei! Oen ala
kom, kom naki han, Plisiri en njam pre! En joe, wi Gado,
jeri wi, Fa wi de hopo stem: Wi dieri Koning Willem Drie,
O Gado, blesi hem!
7. Ja, blesi hem en blesi wi En heeli kondre toe; Vo joe
geregtigheid en fri Moe miti alapee. We - wantron moro jeri wi, No gi wi begi sjem: Wi dieri Koning Willem Drie,
O Gado, blesi hem!
Buch
Rubrik
Nummer
Liedanfang
Text
Aria-Singi
Singi vo da kondre vo wi en vo wi dieri Koningin
177
Oranje-singi
Oranje, joe ha bigi nem Na Sranankondre toe; Oranje doe
wi foeloe boen, Wi sabi dati troe. Oranje, ala kondreman
Kom begi, hopo stem: "Oranje nanga Nederland, O Gado,
blesi hem, O Gado blesi hem!"
2. Oranje hopo Nederland, A potti hem na hei, A poeloe
ala dwingiman, Di kwinsi hem so tee, Oranje nanga
Nederland Tan wan vo alatem; Oranje nanga Nederland, O
Gado, blesi hem, O Gado blesi hem!
3. Hoesoema sari Sranam toe? Hoesoema membre hem, Vo
potti ala ningre fri, Vo poeloe dem na sjem? Oranje,
Sranamkondre toe Sa singi alatem: "Oranje nanga
Nederland, O Gado, blesi hem, O Gado blesi hem!"
4. Alwasi sari moro wi, Te wi de membre so, A libi vo da
ouroe nem Wan enkli spruit nomo: Da srefi ouroe singi
tan, A tan vo alatem: "Oranje nanga Nederland, O Gado,
blesi hem, O Gado blesi hem!"
5. Oranje, jeri dan tidei, Fa wi de sweri troe: So langa
wi de hali bro, Wi tan getrouw na joe! En vo wi jonge
Koningin Wi singi alatem: "Oranje nanga Nederland, O
Gado, blesi hem, O Gado blesi hem!"
Buch
Rubrik
Nummer
Liedanfang
Text
Aria-Singi
Singi vo da kondre vo wi en vo wi dieri Koningin
178
Wien Neerlands bloed
Wien Neerlands bloed door d'ad'ren vloeit Van vreemde
smetten vrij, Wiens hart voor land en Koning gloeit,
Verheff' den zang a]s wij; Hij stell', met ons vereend
van zin, Met onbeklemde borst Het God gevallig feestlied
in, Voor vaderland en vorst.
2. Bescherm o God, bewaak den grond, Waarop ons adem
gaat; De plek, waar onze wieg op stond, Waar eens ons
graf op staat. Wij smeeken van Uw vaderhand Met diep
geroerde borst 't Behoud van 't lieve vaderland, Van
vaderland en vorst.
Buch
Rubrik
Nummer
Liedanfang
Text
Aria-Singi
Singi vo da kondre vo wi en vo wi dieri Koningin
179
Wilhelmus van Nassouwe
Wilhelmus van Nassouwe Ben ik van Duitschen bloed; Het
vaderland getrouwe Ben ik tot in den dood. Een prinse van
Oranje Ben ik vrij onverweerd, Den Koning van Hispanje
Heb ik altijd geëerd.
2. Zeer Christ'lijk was gedreven Mijn prinselijk gemoed;
Standvastig is gebleven Mijn hart in tegenspoed. Den Heer
heb ik gebeden Van mijnes hertsen grond. Dat hij mijn
zaak wil redden, Miin onschuld doen verkond.
3. Voor God wil ik belijden En zijnen grooten macht, Dat
ik tot geenen tijde Den Koning heb veracht, Dan dat ik
God den Heere, Den hoogsten Majesteit, Heb moeten
obedieeren In der gerechtigheid.
Buch
Rubrik
Nummer
Liedanfang
Text
Aria-Singi
Besluiti-singi
180
Santa Masra Zebaoth
Santa, santa Masra Zebaoth! Santa, santa Masra Zebaoth!
Santa, santa Masra Zebaoth! Ala kondre moe gi joe bigi
nem!

Kom al Ahmer/Kom Wasit - Dipartimento dei Beni Culturali

Orgelkonzert in der Kapelle St. Verena, Zug Annerös Hulliger, Bern

1. Mai 2015 Flyer - Martina Munz, Nationalrätin

A Natale regala dignità Es weihnachtet fair

Dettagli - Terreni Alla Maggia

Bitte klicken Sie hier - Hamburger Golf Verband e.V.

Programma_GIS2015 - I blog di Unica

Spartherm Magic

Abbrennen von Feuerwerk am 31. Dezember / 1. Januar Für das

Externe Mitarbeiter und Inhaber von Beratungsaufträgen 01.01.2015

Singi Boekoe 1 O santa Gado, wi Patroon O santa Gado, wi Patroon