BeO-Kochtipp Thonmousse à la Ruth Zutaten 400 g 200 g 180 g 1 1 1 1 2P 4 dl 3dl Thon Mayonnaise Nature-Jogurt Zitrone, Saft Zibele Bund Schnittlouch Büschel Peterli Sulzepulver Wasser Halbrahm Streuwürz, Pfäffer, Chnoblipulver Zitroneschibe, Kapere, Peterli Zubereitung Zersch chöit ihr dr Thon, d Mayonnaise, z Jogurt u dr Zitronesaft ine Schüssle gäh. När d Zibele u d Chrütli fiin hacke, derzue gäh u mit em Stabmixer alles guet zerchlinere. Z Sulzepulver chöit ihr itz im Wasser ufchoche, u wes abchüeled isch derzue rüehre. När mit em Streugwürz, Pfäffer u Chnoblipulver abschmöcke. Itz dr Rahm stif schlah u ganz süüferli drunger zieh. Die Ganzi Masse när ine Gugelhopfformfülle u im Chüelschrank 4-5 Stund la fest wärde. Zum Arichte chöit ihr de d Form churz itz heisse Wasser stelle, dr Rand löse u dr Thonmousse Gugelhopf ufene Turteplattte stürze. Itz das Ganze mit Zitroneschibe, Kapere u Peterli schön garniere u mit früschem Brot serviere. Das Menu chame guet zum Apéro, als Vorspis oder ou als liechti Mahlzit mit emne Salat serviere. Rezept aus dem Buch: Berner Landfrauen Küche
© Copyright 2024 ExpyDoc
