Laudatio 2016 - Narrenrat Flawil

Laudtio 2016 / corostca
Laudatio vom 04. Februar 2016
Bürger, Narren und anderi Lüüt, wo er do alli cho sind,
Fraue, Manne, Gugger und au Chind.
Entstaubt und voller Tatedrang simmer wieder do,
Drum freut’s üs, dass so viel Volk isch cho.
Mer danket dene Fraue und Manne, wo mit Witz und G‘schick,
üs jöhrlich präsentieret das gähli Ziitigs G’flick.
Dä heissi Dank goht as Komando Schriberling,
sie sorget jedes Johr für Spott, Hohn und roti Gring.
*********************************************
Was wär üsi Fasnacht ohni e aktivi G’meind
Drum hend mer üs ifalle lo öppis neus und g‘meint
E eigeni Hymne het jede Staat und jedes Vereinli,
drum schenked mer so en Song au üsem Gmeindli.
Hüt obig wönd mer eu präsentiere ohni Saich,
Ä geili Hymne wo guet passet zum neuschte Streich.
Musik ab CD vorspielen lassen (TECHNIK)
Mer hend s’ganzi Johr im Dorf üsi Ohre offe g’halte,
öppe e G‘schicht hemmer denn au chöne p’halte.
Vo Pech und tölpelhaftem Tue wönd mer hüt b‘richte,
loset guet, jetzt chömet allerhand för G’schichte.
*** alle Guggen bereit zum Guggenmarsch, danke.***
9
Seite 1 von 9
Laudtio 2016 / corostca
1. Der Strombezug für Elektroauto
Ä Steckdose Tankstell vor äm Schäfler ufstelle,
do wommer sicher kein Baum mues fälle.
Da cha sich doch dötte gar nöd lohne,
da git jo schliessli bald e Fuessgängerzone.
Die Steckdose isch vo de G’meind e dicki Poscht.
Keine begrieft worum da 50‘000 Fränkli choscht.
Üsi Energiestadtbehörde studieret doch nöd viel.
D’Fahrzüg vom G’meindsbetrieb sind alles Gasmobil.
*** Touch ***
2. Quartierverein auf Reise und der TV feiert im Botsberg
De TV Floowil wird 150 Joohr, da mue mer fire.
Wer macht mit und wo söller da au gründli fire.
Am beschte goht das sicher bi de Botsberghalle,
so tuet‘s im ganze Dorf lut umehalle.
Doch da isch nöd für alli wichtig g’nueg, chasch denke.
En andere Verein tuet sini Weg ganz andersch lenke.
Statt helfe und Präsenz im eingene Quartier markiere,
tuet de einfach e Vereinsreis is Usland terminiere.
Jubiläum hi oder her, e Reis mit Wetterschwein.
Da isch aber gär nöd nett vom Botsberger Quartierverein.
*** Touch ***
9
Seite 2 von 9
Laudtio 2016 / corostca
3. Radartüre im Ärztehaus Flawil - Tricarico
Flowil e Geischterstadt, me chas kum glaube
Es chönt eim glatt dä Verstand no raube.
Wie vo Geischterhand goht sie uf, die Igangstür
ohne dass du öppis g‘macht hesch defür
Alli sind willkomme i dem Huus,
ob Hund ob Katz oder au e Muus.
En Bewegigsmelder isch Schuld, ladet i zum inne cho
Alli sind willkomme bi üsem Dr. med Tricarico.
*** Touch ***
4. Rolf Stalder und die Handbremse
Stellsch dies Auto ab ohni d’Handbrems z’kontrolliere,
denn cha dim Äuteli alle Chog passiere.
Do gosch mit dine Söhn is Nochburdorf go trinke,
immer nur in Floowil umekeie tuet dir stinke.
G‘müetli hocksch am Tisch im Hirsche
Do tuet sich en Bauarbeiter innepirsche.
Er froget nochem B’sitzer vom rote Auto vorem Huus.
Es isch falsch parkiert und neu g‘siets au nüme us.
Tüfgarage isch erscht e Grueb, nöd zum parkiere,
i dem Loch tuet mer doch kei Auto platziere.
Sofort sind alli use g’sprunge und hend den kurzerhand
De Charre wider usezoge über de Rand.
Isch glich öb Mercedes, BMW, Toyota oder Golf,
e Handbrems züche - sött au ein Stalder Rolf.
*** Touch ***
9
Seite 3 von 9
Laudtio 2016 / corostca
5. Flawil und die Baumplantagen
De Rägewald wird schonigslos zerstört,
Jede Tag sterbet vieli Bäum, da isch unerhört.
got da so wiiter, lieht d’Natur bald uf em Ranze.
Floowil tuet drum jetzt scho Bäumli pflanze.
Nöd nur Auto, nei au de Ortsbus het sini Müeh,
Die Planer sind doch dümmer als Chüe.
Normali Lüth hend Bäum uf d’Wiese g’stellt.
Uf Flowile‘s Strosse hemmer scho meh als 100 zellt.
In Reih und Glied stönds do - oh je,
da isch die neui flowiler Baumallee
Wie chammer au so en Saich erschaffe.
Jetzt hemmer im Dorf meh Bäum - als Affe.
*** Touch ***
6. Eine Reithalle und die Kosten
d‘ Floowiler Riithalle stoht vor em End!
was meint ächt d’Gmeind zunnere chlinä Spend?
Damit dä Verfall nöd tuet passiere,
sötmer dä Schopf e mol sanierä
G‘meind wött sich vor de Koschtä druggä
Doch hät einä alti Dokument im Ruggä!
Recherchiert hät er ganz seriös,
s‘Gmeindspräsidentli wird recht nervös.
Unterschribä dä Zettel - hät Gmeind vor Johre
Dä Metzger chönt sich uusriissä alli Hoore
Dank dem Vertrag lacht sich dä Riitclub en Schranz,
und da freut dä Präsident, dä Bärlocher Franz.
9
Seite 4 von 9
Laudtio 2016 / corostca
*** Touch ***
+++++++++++++
*****Bitte alle Guggen gemeinsam 1-2 Stücke spielen
+++++++++++++
7. Der geniale Blumentransport
Zum Zügle hend nöd alli Lüte Lust.
Für die meischte isch da en Frust!
En Bluemetransport, kei Sach für mi
ohni Ahänger und Lastwagä, do bini debi!
äs Brätt, 4 Rädli, äs Seil und en Topf
doch fahre mit dem muess än anderä Tropf.
Ich hock in Kofferrum vom Mercedes g‘schwind
d Luft bloset mir ganz schön um dä Grind
d Schnur vom mobile Taburettli i de Hand
mengmol fehlt‘s mir scho e chli am Verstand.
Fahr langsam dur s ganzi Dörfli
Bring so mini Bluemli as richti Örtli
Zum Glück hett mi d Polizei nöt gseh
die hett e riese Buess mir geh.
D Idee isch raffiniert, so bin i halt würkli
de pensionierte Hotelier, dä Fredi Bürki.
*** Touch ***
9
Seite 5 von 9
Laudtio 2016 / corostca
8. Haltestelle Ortsbus vor David Studer’s Hauseinfahrt
Hesch äs eiges Huus und presant,
isch s‘wohne ade Stross nöd intressant.
Muesch nämmli au privat uf dä ÖV achte,
und di eigeni Usfahrt nöd eifach pachtä.
Wötsch schnell is Dorf, äs isch zum Chotze,
Tuesch vor dinnere Usfahrt ane gäli Wand aneglotze.
Dä Ortsbus macht vor dinnere Usfahrt e Pause,
So cha au de David Studer nöd schnell is Dorf abe sause.
*** Touch ***
9. Mischa Sutter und de Zauberer ohni Microphon
En 1.Augustfir het Flowil im G’meinds Saal g’ha.
Me hend jo en Lindesaal mit allem drum und dra.
Ä privati Soundalag hends müehsam anegrupft,
doch bim Isatz vom Microphon isches denn verstrupft.
Mit luuter Stimm hend sich d’Redner durekämpft immerhin,
da het denn aber nüme funktioniert bim Magic Dean.
Im Zauberhuet findsch mit Schwein en Hase,
bim Microphon flügsch au als Zauberer uf d‘Nase.
Dä Magier secklät hai wie dä Wind,
und holt sis eigeni Micro g‘schwind.
Noch 20 Minute goht wiiter – alles isch im Butter,
Da freut au üsen Hobby-Techniker, dä Mischa Sutter.
*** Touch ***
9
Seite 6 von 9
Laudtio 2016 / corostca
10. Wenn Esel in die Tiefgarage kacken
s WPH het hoche B‘suech übercho
en Klaus, en Schmutzli und en Esel sind cho.
Mit em Lift gohts mol ufe, mol abe
hinedrie e Putzfrau zum de Mist wegschabe.
dä Esel het Maniere, me chas kum verstoh
hett bis am Schluss keis Hüfeli liege lo.
I dä Tüfgarage, sie sind bereits am go
Danke, danke, hend d‘Schmutzli freudig vernoh
sie lueget z‘rugg, ohje, jetzt isches passiert
Em Esel hetts wohl ziemlich pressiert.
nöd nu ein Hufe, nei es sind no viel meh
Schnell weg, da söll doch de Huuswart zämeneh.
*** Touch ***
9
Seite 7 von 9
Laudtio 2016 / corostca
Sponsoren Liste
Au bi üs isches wie im Fernseh
Vors wiitegoht muesch Werbig g‘seh
Ohni die viele Donatore,
gits kei feini Sprüch für d’Ore.
Drum daket mer vo herze ganz bsonders
üserem Hauptsponsor sit vieleJohre:
St. Galler Kantonalbank Flawil, Franz Bärlocher
Aber au allne Plakatspender:
Schreierei Hebling AG, Peter Helblng
Langackergarage Toyota, Andy von Rotz
Stadler GmbH, Gartenbau - Friedhofgärtneri, Manuel Stadler
Wb Weibel + Büsser Dorfschreinerei, Markus Weibel
Benz Haushaltgeräte, Erwin Thalmann
Bossart+Kuhn AG, Marcel Kuhn
Fürer + hässig AG, Hozbau, Nöbi Fürer
wb Wiler Beschläge AG, Sandra Casanova
en herzliche Dank allne wo d’floowiler Fasnacht unterstützet
9
Seite 8 von 9
Laudtio 2016 / corostca
-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*--*-*-*-*-*-*-*-*-*-*-*-*-*-*-*-
12. Die Preisverleihung:
Bevor mer aber tüend die Börschte witergeh
Wönnd mer dä Panzerknacker Bossart füre neh.
Zwei Johr het er de Holzklotz müsse betreue
und sich a dem Ablick jede Tag erfreue
Für die sorgfältig Aufsicht und Betreuig
Isch üs keis G’schenkli reuig.
Es isch sowiit, Kantonsrot hie oder her
Jetzt muesch geh die Börschte här.
Für zwei Johr Mieti wömmer der es Fläschli geh,
denn chasch a de Wahle i Ruhe es Schlüggli neh.
*** Touch ***
So er liebe Lüüt, mer fröget üs ganz fies,
Wer nimmt hüt mit de Wanderpries?
Lang hemmer nöd müesse studiere,
gli tuet sich de Favorit a de Spitze platziere.
En geniale Streich isch da g’si, aber würkli,
der spezielli Blumetransport vom Fredy Bürki.
Touch, Touch, Touch …..
9
Seite 9 von 9

Download Report