S`Untiteam St. Marien Eusen Boss, das isch e

S’Untiteam St. Marien
Eusen Boss, das isch e taffi Frau,
und dezue ane a no mega schlau,
das isch d’Alexandra
und bald hät sie än Ring a.
D’Marianne isch zueständig für de HGU.
zäme mit ihrere tolle Crew.
Wo sie jedes Jahr mängisch schwer oder ächli ringer
cha rekrutiere für ihri HGU-Chinder.
I de 2. Klass hämmer 2 Fraue.
Die tüend enand nüt chlaue.
D’Ela und Claudia verzelled vo Jesus
das isch für alli Chind en Gnuss.
I de Erstkommunion isch es läbig.
D’Ale und Silvia singed viel mit de Chind und das isch fägig.
Es git au immer en tolle Usflug is Chloschter am See
das macht Spass und die 2 chammer det au immer gseh.
I de 4. Klass isch’s Thema Versöhnig.
Da fühled sich Kind wie en König.
Friede mache au i de 5. isch de Jeannette ihren Job.
Mängisch uf de Tisch chlopfe, damit seit sie de Schüeler STOP!
Und dänn chömed Kind i die 6. Klass
de Stress und Druck wo sie händ isch voll krass.
D’Silvia hät gmerkt dass sie statt de Lektione
au mal muess zuelose um die Chind ächli z’schone.
I de erschte und zweite Oberstufe
chan d’Alexandra echli verschnufe.
Es git anstatt jedi Wuche Untilektione
lebensnahi Isätz, das tuet sich für d’Schüeler lohne.
De Stefan i de dritte sitzt im U-Boot
und zeigt de Jugendliche wo’s dure gaht.
Er hät en guete Draht zu de Chind
und sini Bilder vergisst niemert so gschwind.
Au i de Firmig sind’s bi ihm guet ufghobe und denn parat für’s Läbe
Sie bechömed uf ihren Weg no Gottes Säge.
Mir sind s’Unti-Team mit die grosse Ufgab Kind z’begleite uf ihrem Glaubensweg.
Das läuft nöd immer grad, mängisch sogar sehr schräg.
Aber mir sind ja nöd allei, da isch Gott
wo eus für de Job wott.
Und euses Team hebed immer zäme.
Für das müend mir eus nöd schäme.

Download Report