Igls morts da Falein

Parc Ela – Die vielseitige Passlandschaft am Albula und Julier
Igls morts da Falein
Concurrenza criminala digl Parc Ela
A caschung da lavours da construcziun èn neidas cattadas igl aton 2014 sen las aclas da Falein sur Filisour dus
tgavazzas e diversa òssa da carstgangs. Siva dallas ampremas examinaziuns è chell’òssa 1200 onns viglia, ella
dereiva damai digl taimp medieval tampreiv anturn igl 800 siva Cristus.
Igl sarvetsch archeologic Grischun ò perscruto sessour pi detagledamaintg chell’òssa. Ella totga ad en om da
tranter 20 e 30 onns, ad ena donna tranter 30 e 40 onns ed ad ena sagonda donna da vigliadetna nunancunaschainta. Las dus tgavazzas mossan grevas blessuras dalla testa. Ena tgavazza ò ena rosna aint igl tgea davos, tgi
dereiva d’en object a quatter cantungs. L’òssa era gliunsch davent d’abitadis ancunaschaints, an lour vischinanza
ins ò catto ni vistgadeira ed agiuntas, ni vaschels da mort. I sa tracta damai betg d’ena fossa usitada – mabagn
dallas restanzas d’en crim da violenza.
Scrive l’istorgia tar chella scuverta misteriousa!
Tge ègl capito avant 1200 onns? Scu èn chel om e chellas dus donnas morts? L’Uniun Parc Ela tschertga l’istorgia
tar chels mortoris. Scrive en’istorgia curta plagn tensiun, partend digls resultats archeologics.
Premis
1. premi:
ena fegn d’emda da surpresa digl Parc Ela cun ameis, ainten la tgamona Heidi a Falein per anfignen 8
persungas
u 1 000.- fr. blot
lectorat professiunal
publicaziun ainten la gasetta da rom «Archäologie Graubünden», tom 3 (2017)
2.-8. premi: mintgamai ena antrada agl «Bergfahrt Festival» 2016 a Barvogn an valour da CHF 120.-, incluso ena
pernottaziun al Kurhaus Bergün.
Publicaziun dallas miglras istorgias sen la pagina-web dalla Südostschweiz cun indicaziun ainten la gasetta stampada.
La premiaziun succeda a caschung digl «Bergfahrt Festival» dal 17 al 19 zarcladour 2016, igl amprem festival cultural
alpin aint igl Parc Ela. Las victouras ed igls victours vignan infurmos igl anviern 2016.
Jury
Thomas Reitmeier, archeolog cantunal Grischun, uffizi da cultura
Stephan Kunz, directour digl Museum cultural Grischun, uffizi da cultura
Jano Felice Pajarola, redacter Südostschweiz
Anina Giovanoli, Bergfahrt Festival, directora da producziun
Carmen Dedual, Lia Rumantscha, manadra regiuns
Dieter Müller, manader Uniun Parc Ela
Archäologischer Dienst
Servizio archeologico
Servetsch archeologic
Die Toten von Falein
www.parc-ela.ch/krimi
Cundiziuns da participaziun
Tema:
Basa dall’istorgia curta è la scuverta dall’òssa a Falein, scu er las examinaziuns digl sarvetsch
archeologic Grischun. Alla fantascheia èn pero mess nigns cunfegns!
Formats:
istorgia curta, rachint, satira, spoken Word, slam poetry, …
Lungatgs:
tudestg u rumantsch
Grondezza:
texts anfignen max. 10 000 segns (incl. spazis)
Format:
scritgira Arial 12, DIN A4, scu dateia da word
Participants/as:
tot chels tgi on gost da screiver
Criteris da valetaziun: Icuntign, originalitad, expressiun linguistica
Dretg da gioldamaint: publicaziuns antras l’Uniun Parc Ela e tot igls partenaris dalla concurrenza an connex cun la
concurrenza, surdada digl premi e prelecziuns.
Fegn d’inoltraziun: 31 da december 2015
Tarmetter a:
per mail a [email protected] (cun indicaziun da prenom, nom, adressa, telefon, mail)
Kontact
Judith Burri
Manadra da project communicaziun, events ed intermediaziun
Parc Ela Management, Stradung 11 / staziun, CH-7450 Tiefencastel
Tel.: +41 (0)81 508 01 22
Mail: [email protected]
www.parc-ela.ch/krimi
Partenari
Uffizi da cultura, Sarvetsch archeologic Gischun: www.archaeologie.gr.ch
Bergfahrt Festival: www.bergfahrtfestival.ch
Lia Rumantscha: www.liarumantscha.ch
«Südostschweiz»: www.suedostschweiz.ch

Download Report