8 GRISChuN CENTRAL GliNDesDi, ils 25 D’AvUst 2014 Viva sen l’exposiziun: (da san.) Livio Zingg, Christian Komposch, martgadant da vegn e Thomas Rüegg, hotelier. Igl president digl comite d’organisaziun Marinho Caminada cun Sabine Sutter dalla Somedia SA. Fotos G.N. stGier Tusang è e resta igl center Tusang: 2. ediziun dall‘exposiziun Vifa DA GioN NUteGN stGier/ANr ■ ler travagl la davosa fegn d’emda alla veia principala da Tusang. Igl interess per l’exposiziun industriala è sto fitg grond e davantada è l’occurrenza tar ena veira festa per la populaziun digl Grischun central. Igls organisatours èn ple tgi cuntaints cugl domber da visitaders. Anfignen igl 2012 veva adegna li a Tgazzas la schinumnada exposiziun Regi, ena occurrenza tgi sa drizzava cunzont agl commers ed alla industreia ed a Tusang veva adegna la festa da vischnanca igl sies post stabel aint igl calender d’arranschamaints dalla stad. Igl interess per tottas dus occurrenzas è cugl taimp sa diminuia e per dar en nov impuls all’industreia regiunala, allas uniuns ed instituziuns dalla regiun on igls organisatours fatg or da dus occurrenzas, cun l’exposiziun Vifa, (Viamala Fest& Ausstellung) angal ple egna. Avant dus onn ò gia li l’amprema ediziun da chella occurrenza ed ossa la davosa fegn d’emda è stada la sagonda ediziun, tgi ò carmalo rotschas visitaders a Tusang. Vasond la blera gliout dalla Tumliastga, dalla Muntogna, da Schons, dalla Val Alvra e Surses, ins dastga deir tgi Tusang è e resta igl center digl Grischun central. La sagonda exposiziun Vifa è davantada tar en antop da vigl e gioven e tar ena collaboraziun exemplarica dall’industreia regiunala cun las uniuns da Tusang e conturn. La veia principala da Tusang, la «Neudorfstrasse» è sa transfurmada an ena vischnachetta da tendas, an ena zona da festa, an ena veia culinara ed an en li per cultura da tot gener. Neir pi manevel alla clientella Ventirevel tgi igl interess per l’exposiziun è sto schi grond è cunzont Marinho Caminada, igl president digl comite d’organisaziun (co) dalla Vifa. L’exposiziun seia ena buna plattafurma per l’industreia regiunala da sa preschentar a tots interessos e per tot las interpresas da Tusang e conturn ena buna occasiun da neir pi manevel alla clientella. En ulteriour aspect impurtant dalla Vifa seia er da mussar tgi a Tusang ed ainten la regiun porschan bleras firmas indigenas a giuvenils posts per far en amprendissadi e chegl an diversas branschas. L’exposiziun seia dantant er ena buna tgossa per mussar alla generalitad tgi a Tusang ed ainten las vischnancas vaschignas existan er bleras uniuns tgi seian cunzont per la veta sociala da gronda valeta. Uscheia on er bleras uniuns contribuia bler tgi per lung dalla veia principala era l’atmosfera ampernevla e tgi gist ples generaziuns èn sa diverteidas igls dus deis dalla Vifa. Ena part impurtanta dall’exposiziun èn er las diversas instituziuns scu per exaimpel la Pro Senectute e la Spitex Viamala ed anc diveras otras. Tar tot las instituziuns èn la sanadad e la prevenziun stadas igl tema central venderde e sonda. Sviglia igl interess digl auditori on alloura er igls divers concerts igls dus deis tgi Tunsang ò gia per eneda nign traffic tras vischnanca. En preventiv da 50 000 francs Marinho Caminada dei tg’ins vegia gia en preventiv da passa 50 000 francs per realisar la sagonda exposiziun an chella furma. Per esser dalla parteida alla Vifa paian firmas, uniuns ed instituziuns da 300 francs anfignen 950 francs, tot tenor grondezza digl stand e scopo da chel. Igl president digl co manegia er tgi agl stradung da Tusang seia de e notg sto ena pasch tiers tgi seia nia consumo pulit bavrondas alcoholicas. Marinho Caminada accentuescha er tgi igl concept dall’exposiziun vegia sa cumprovo cun corresponder allas aspectativas digls visitaders. Radond 70 expositours èn sa preschentos alla publicitad, chegl tgi è aint igl rom dalla Vifa 2012. Da buna luna èn er: (da san.) Reto Lippuner, affar da lenna Mark, Mariella Dosch, commersanta e Valentin Luzi, impressari da puntanadas. Da gliunsch e da manevel èn nias igls visitaders alla Vifa. Sa divertias tar chella interpresa da construcziun èn cunzont igls pi giovens visitaders. En furner mossa scu tg’ins fò ena tarschola. Chellas treis donnas èn crudadas an îgl cun en «outfit» singular.
© Copyright 2024 ExpyDoc
