Kippel Steve - D`Heupsach - gigwunnu - Naturpark Pfyn

Schreibwettbewerb „Bi iisch...“
STEVE KIPPEL
D’Heupsach - gigwunnu
Postfach 65 | 3970 Salgesch | Tel. +41 (0)27 452 60 60 | [email protected] | www.pfyn-finges.ch D’Heupsach - gigwunnu
„Amä wunderschönu Wintärtag gits niggs bessers als mit du Schggi di Pistu
ebricha z’brättru“, seit z’Hansi (20 jehrig va Erschmatt) dum Päuli (22 jehrig va
Guttet): Und z’Päuli druf hi: ,,Am Zääni inu Flasche bi Leiggerbad“.
Am Zääni träffunt schich z’Päuli und z’Hansi inu Flaschä und schi stigund ini
Gondlä i. Z’obruscht fregt z’Päuli z’Hansi: ,,Bisch de ehner der Pischtustar oder
der Beizuheld?“
,,Isch das en ehrlichi Frag gsi: Das isch appa logisch,dass ich en Pischtustar
bii.“ Dä fregt z’Päuli: ,,Ja, in dem Fall mächäwär es Rännu va z’obruscht dum
Sässäli bis z’unruscht int Flaschä, ich fahru vorwärts und du fahrsch rückwärts“.
Und z’Hansi seit: ,,Logisch, ich gwinnu sowieso.“
Beidi studierunt iru Rutu und sägunt: ,,3, 2, 1, LOS!“
Z’Päuli geit uber d’Lingälä und z’Hansi nimmt d’Waldpistu. Eiguntli sälti ja z’Hansi
vill schnäller si wa z’Päuli, aber so ischus nit wirkli. Z’Hansi isch jedä frii Tag ufer
Pistu, er isch anersch güet, er het eu scho Backflip gmacht und das isch de
anersch schwer. Und ufer Waldpistu gits de anersch vill Schanze.
Z’Hansi isch scho im letschtu Schlusshang fer in d’Flaschä und z’Päuli isch appa
nu nit emal iner Mittilstation. Im letschtu Sprung macht z’Hansi en annersch geile
Backflip und er geit voll uf ds Müll. Nadre halbu Stund isch z’Päuli ämal unina und
jublut:,,Ich ha gigwunnu.“ De lüegt er inu Schlusshang und gseht z’Hansi am
Bodu am liggu. Dä seit z‘Päuli: ,,Taminumalä, was macht de da z’Hansi am
Bodu? isch doch glii, ich ha gigwunnu, das isch d’Heupsach“. Z’Hansi steit üf und
fahrt witär.

Download Report