Apsoluson atrobe pa Booi i el Hage-nan KORTE DI APELASHON TA KONFIRMÁ SENTENSIA ZAMBEZI KRALENDIJK — Korte di Apelashon (Hof) a konfirmá ayera tardi e sentensia ku Korte Promé Instansia a dikta aña pasá den e kaso penal kontra Ramonsito Booi, Burney el Hage i su esposa Ginia el Hage-Cicilia. Pa Booi ta trata di sospechonan ku tabatin di falsifikashon kometé den benta di un tereno di su kompania Bonaire Prefab na Kralendijk Real Estate. E pareha el Hage tabata sospechá di falsifikashon i dunamentu di informashon inkorekto den hipotek pa konstrukshon di nan kas. Djarason último Korte di Apelashon, presidí pa hues mr. W.P.M ter Berg, a trata e kaso durante henter dia. Tabatin algun desaroyo interesante djarason, den sentido ku e hues aki ta bisa ku dia 2 di aprel e ta dikta sentensia. Pero e no a duna oportunidat na Ramonsito Booi i e pareha el Hage pa trese nan último palabra djarason atardi, siendo ku tabatin tur tempu pa hasi esaki. El a invitá nan pa bini e siguiente dia, pa ta eksakto ayera mainta 9’or pa nan último palabra, pa despues ku nan a hasi esaki e bisa ku Hof ta dikta sentensia e mesun atardi mitar di tres. Atardi pues e sentensia a kai den kaso di tur tres akusando. Korte di Apelashon a opiná ku no por proba ningun di e akusashonnan kontra e tres akusadonan. Pues e apsolushon ku a kai den Korte Promé Instansia aña pasá ta keda pará. Den un reakshon kòrtiku emití ayera tardi e bosero di Ministerio Públiko, Norman Serphos, a bisa ku Ministerio Públiko ta respetá e veredikto, pero ku nan lo bai studia e sentensia, promé ku disidí di tuma distansia di e kaso. E opseshon kontra e apsolushon ku hues a dikta aña pasá pa Ramonsito Booi ta kaminda a konstatá ku no tabatin prueba ku Booi a kumpra un tereno serka FCCA pa 350 mil florin i ta bisa ku el a bende esaki pa 450 mil florin ku e empresario Peiliker, miéntras ku tin dokumento ku ta indiká ku e preis pa kua Booi a bende e tereno en kestion tabata 900 mil florin i no 450 mil florin, manera a pone esaki den e akta di transpòrt fechá 14 di sèptèmber 2006. E hues den Korte Promé Instansia a investigá, segun motivashon den e veredikto di ayera tardi, basá riba tur e echo i sirkunstansianan, ni nifikashon mester duna na e dokumentonan presentá den e kaso kontra Booi. Konklushon di e investigashon ku e hues ei (Irma Lips) a hasi aña pasá tabata ku no por proba legali kombinsentemente ku por a papia di falsifikashon. Korte di Apelashon ta mustra den su sentensia ku e promé hues a husga e kaso kontra Booi bon, di manera pues ku no tin motibu pa destruí e sentensia ei. E sentensia den e kaso di e pareha el Hage ta mas amplio ku esun di Ramonsito Booi. Pa loke ta trata Ginia el Hage, e akusashon tabata ku nan a duna informashon inkorekto den e ‘loan form’ ku BONAIRE PETROLEUM CORPORATION NV nan a yega dia 18 di desèmber 2007 pa haña finansiamentu pa konstrukshon di nan kas. El a hasi esaki huntu ku su esposo Burney el Hage. A yega e ‘loan form’ aki na B.A. Michel di MCB-Bank. Entre otro nan a bisa ku nan a kaba paga un debe ku nan tabatin na Rabo Bank, tambe ku nan lo a invertí shen mil florin di nan propio fondonan den konstrukshon di e kas. Korte di Apelashon, meskos ku e veredikto di hues aña pasá, a konkluí ku no tin prueba kontra e pareha el Hage i a dikta apsolushon pa tur e echonan di kua a akusá nan. GENERAL ANNOUNCEMENT INVITATION TO TENDER TITLE OF WORK : Mechanical Repair of T1907 and T1933 with installation of new dome roof and internal membrane. PURCHASE REQUISITION NUMBER : 2015-40071 START DATE : April 20th COMPLETION DATE : October 20th NOTICE OF SUBMITTAL PARTICIPATION BY : March 19, 2015 at 10:00 hrs. JOB CLARIFICATION MEETING : March 26, 2015 at 10:00 hrs. CONTACT PERSONS : Daniela Duran ([email protected]) +599-715.8146 or Oswaldo Garcia ([email protected]) +599-715.8121 TELEPHONE NUMBER CONTACT PERSON : +599-715.8146 and +599-715.8121 MODALITY OF CONTRACT : Lumpsum GENERAL DESCRIPTION OF WORK : 1. Reconstruction of tank bottom of both tanks T1907 and T1933. 2. Construction of tank dome roofs with internal floating membrane of both tanks. GENERAL INSTRUCTIONS 1. The Contracting Norms and Procedures of BOPEC (similar to Isla) apply for this invitation to tender. 2. Contractors interested to participate must submit a participation notice in the form of a letter with their own letterhead, in a sealed envelope or via email to BOPEC contact persons, including name of the company, contact person, telephone & fax number and email address (if available). 3. The envelope should be sealed with a wet-stamped company logo in such a manner that confidential handling of its content is guaranteed or if it is via email, it should be directed only to the BOPEC contact persons. 4. The sealed envelope (or email subject) should indicate the purchase requisition number and the title of work. 5. The sealed envelope related to newspaper announcements should be submitted at the terminal gate security office building at the main entrance of the BOPEC terminal by 10:00am of the submittal date of participation notice at the latest. In case of an email, it should be received by the Contact persons as per the same. 6. Envelopes or emails that do not comply with the above will be declared invalid and returned to the sender. 7. These instructions apply to contractors registered to perform work at BOPEC or Refinery ISLA. 8. For any additional information please contact the responsible person mentioned above. Ramonsito Booi hopi bia tabata puntra su mes: “NO TA MIHÓ MI DRUMI SIN LANTA MAS?” KRALENDIJK — “Tin ora mi ta bai drumi i mi ta puntra ku mi mes ku si no ta mihó mi drumi sin lanta mas?” Esaki tabata un di e frasenan ku Ramonsito Booi a usa den Korte di Apelashon ayera den su último palabra. Alabes el a bisa ku kisas un bala di skopèt den su kabes lo tabata mas mihó ku e loke el a pasa aden e último añanan. “Despues ku nos a gana elekshon ku dos terser parti, a kuminsá ku intentonan pa kibra nos. Nos opositornan polítiko tabatin radio i korant na nan disposishon i despues nan a kuminsá ku tiramentu di lodo”, Ramonsito Booi a trese dilanti den korte. Segun Booi, den e struktura di gobièrnu tin sufisiente manera pa kontrolá ku si den gobernashon algu por a bai robes. Esaki ta ERNA i SOAB. Tur lokual a aparesé den e famoso ‘Zwart boek’ ta kasonan ku na promé lugá e instansianan di gobièrnu mester a hasi. Si sali for di nan investigashon tin algu malu a sosodé, nan lo duna esaki na Ministerio Públiko. Nunka esaki no a sosodé. Mas aleu Booi a trese dilanti komo un punto di prinsipio nunka e no a tuma tereno di gobièrnu. “Henter mi bida mi a sòru pa ni unu tereno di gobièrnu no bin riba mi nòmber. Di kon no? Pasobra si mi a hasi esaki lo tabatin asina tantu hende ku lo a bisa mi ku ‘ata bo a haña, dikon ami no?’. Ta p’esei mi a sòru pa mi no a haña tereno di gobièrnu i tampoko mi famianan.” Booi a sigui bisa: “Riba dia 8 di sèptèmber 2009 mi tabata mira mi yu hunga bala na Merka. Desde e dia ei mi bida a kambia por kompletu. Tur hende ta bèl ariba bou pasobra Ministerio Públiko a hasi entrada den mi kas. Nos a bin tende ku nos ta den kaso di Fiji i Zambezi. Mi bida a kambia kompletu. Mi a pèrdè hopi amigu, un di nan ta señor Ivan de Windt, un hòmber respetá konosí den mundu finansiero. Amigunan na Miami ku a yuda mi yu. Nan a pone preshon riba dje pa e bisa kuantu kas i plaka mi tin na Miami. Mi a pèrdè tur mi kontaktonan durante e shete aña ku a pasa. OM ta duna nos kontrinkantenan polítiko e dokumentunan di e kasonan. E señora aki a skibi un buki. “ Despues di un ratu Booi a kuminsá bira emoshonal i a bisa: “Kiko a sobra di e ‘rei di Boneiru’, manera nan ta titulá mi. Nada! Nan a kibra mi, mi famia i mi yunan. Mi a bende tur mi kosnan. Si mi mira e kaso di Wiels na Kòrsou, mi no por bisa kuantu kos el a hasi pa Kòrsou, pero ami sí sa ku ami a hasi hopi pa Boneiru. I mi ta puntra mi mes ku un bala di skopèt lo no ta mas mihó ku tur e kos ku mi ta pasa den? Tin ora mi ta bai drumi i mi ta puntra ku si no ta mihó mi drumi sin lanta mas. Asina tantu e kaso aki a afektá mi. Awor mi no por hasi nada mas. Esaki ta realidat. E rei di Boneiru, despues di 45 aña sirbiendo e isla aki.” Booi: “Polítikonan kontrinkante no tabata ke pa 10-10-10 a bai dor. Por mira e bòrchinan ku ta poné na Bestuurskantoor. Den e seis aña aki a skirbi dos buki a a base di dokumentonan ku nan a haña di OM. Ministerio públiko hamas i nunka mester a meskla ku polítika. Manera e situashon ta aktual mi no sa kuantu dia mas lo mi tin. Awor mi ta 67. Kuantu mas tin pa mas. Esaki ta e fin di mi, e rei di Boneiru. Material, nada mas. Nada di amistat, nada mas di kontaktonan. Mi ta puntra: esaki ta e lokual un hende ku a hasi asina hopi pa Boneiru meresé? Òf ta e preis aki mi mester paga pa yuda un isla?” Polítikonan ta hopi aktivo e dianan aki. E foto ta mustra algun kandidato di Partido Demokrat ku a reakshoná riba un invitashon di Pastor Ivan di Rincon pa asistí na un santu sakrifisio di misa den su parokia. Nan a saka foto despues huntu ku e saserdote. KONTÈST DI FLI DEDIKÁ NA STONE CRUSHER KRALENDIJK – E di 37 Kòntèst di Fli ku ta tuma lugá e aña aki riba djadumingu 29 di mart, ta dediká na Stone Crusher. E kòntèst aki ta tuma lugá di 8 or di mainta pa 6 or di atardi na fèlt di Juventus Partisipashon n’e aktividat aki ta habrí pa tur hende. Muchanan for di 6 aña por partisipá i e aña aki atrobe Kòrsou ta partisipá. No por partisipá ku fli di plèstik. Pa inskribí por pasa na Flamingo Bookstore na Kaya Grandi 19. Inskripshon ta $2 pa mucha i $3,50 pa hende grandi. Lo tin un kuerpo di hurado ku lo huzga e flinan di mas grandi, bunita, original, chikitu i straño. Animashon musikal lo ta na enkargo di HB Disco i lo tin un bar i kushina bon surtí. Tur trahadó di Fli por kuminsá traha nan fli i no nesesariamente mester traha fli grandi, pasobra esun di mas chikitu tambe tin kategoria kaminda e por ta den premio. Pues traha bo fli na e midí ku bo por atendé kuné i partisipá. Flamingo Bookstore, MCB, Sabadeco i Don Andres ta invitá tur hende pa presensia e evento grandi aki. STUDIANTENAN DI SGB A PARTISIPÁ NA SKILLS TALENT NA HULANDA KRALENDIJK – Di 8 pa 14 di mart un grupo di studiante di vmbo di SGB a partisipá na aktividatnan di Skills Talent na Hulanda. Ta promé biaha ku e skol ta partisipá na e evento aki na Hulanda. E partisipashon a sosodé riba invitashon di i den koperashon ku Skills Netherlands i Skills Netherlands Caribbean. Un grupo di 2 pa 3 alumno di e di kuater aña di vmbo por a partisipá na e kompetensianan. Banda di e kompetensianan, e alumnonan a partisipá tambe na un programa di edukashon. Meta di partisipashon ta haña eksperensia den preparashon i biahamentu na nivel internashonal, partisipá den konteksto di reino, representashon di Boneiru, interkambio i kontakto ku otronan di mesun edat, orientashon riba posibilidatnan pa sigui studia i motivashon den eskoho di un profeshon. Guianan ta Hillie Gravenhorst – docent SGB, Ana Keller - eksperto tékniko kuido pa Skills Netherlands Caribbean, i Frans. C. Lauxen , delegado ofisial di Skills Netherlands Caribbean. Fuera di e kompetensianan, e delegashon boneriano a hasi diferente bishita na skolnan, duna presentashon, sigui lèsnan, i tambe bishitá lugánan turístiko. Riba foto por mira e fli di mas grandi di aña pasa ku a partisipá na e kòntèst di subi fli pero lamentablemente no a bai laira. Tabata esun di Jairo “El Papa” Martis ku un tamaño poko mas chikitu ku finalmente a resultá e fli di mas grandi.