Club da ballapei Lumnezia sponsur principal: plascher... respect... success... Caum postal 6, 7144 Vella www.cblumnezia.ch [email protected] COMMEMBRADI PASSIV CLUB DA BALLAPEI LUMNEZIA Il Club da ballapei Lumnezia ei responsabels per ina purschida dil temps liber plein tensiun ed ordvart interessanta. A nos affons ed a nossa giuventetgna che han plascher dil sport da ballapei vulein nus porscher la pusseivladad d’exequir quei sport popular en Lumnezia. Suandont motto accumpogna nus atras il sport da ballapei: plascher..., respect..., success....! Per saver contonscher nossas finamiras sin basa sportiva sco era sin basa sociala essan nus dependents da saunas finanzas. Vus haveis la pusseivladad da daventar commember passiv cun pagar igl importo da frs. 50.00 cul cedel da pagament aschuntau. Ei fagess grond plascher a nus, sche nus astgassen quintar cun Vies sustegn finanzial. Aschia gideis Vus nus a mantener il menaschi da giug e da contonscher tut nossas finamiras. Sco pign segn d’engraziament obtenis Vus ina carta da sesiun, cun la quala Vus saveis visitar tut ils giugs da campiunadi da casa dallas duas equipas activas senza pagar la taxa d’entrada. Per saver porscher a nos juniors in’optimala scolaziun da ballapei ed in’infrastructura intacta per tuttas equipas, ei il CB Lumnezia dependents dil sustegn dalla populaziun. En quei senn in cordial engraziament per Vies sustegn! Salids amicabels Club da ballapei Lumnezia Gion Marc Collenberg President Pascal Caminada Cassier
© Copyright 2024 ExpyDoc
![Communicaziun_inserat_president_communal [PDF]](http://s3.expydoc.com/store/data/007019159_1-6703ca15a9910b9d102340615cda0a3b-250x500.png)
