Pranzo a Breil/Brigels - Pro Senectute Graubünden

Meisa da miezdi per
senioras e seniors a
Breil
gentar communabel
december 2014 – mars 2015
Intent dalla meisa da miezdi
Il Hotel Crestas organisescha ensemen cun la Pro Senectute
Surselva ina meisa da miezdi (gentar communabel) inagada
per meins – per regla mintgamai in mardis. Intent dalla meisa
da miezdi duei esser da promover la cuminonza denter persunas ella vegliadetgna dalla pensiun ella vischnaunca da Breil.
Plinavon dat ei la pusseivladad d’embellir quella occasiun da
temps a temps tenor giavischs cun dar giugs, referats, discussiun ni semegliontas occurrenzas.
Tgi sa far part dalla meisa da miezdi?
Envidai ein tuttas persunas dalla vischnaunca da Breil ch’ein
ella vegliadetgna dalla pensiun ni stattan sin la sava da quella.
Tgei vegn purschiu?
Purschiu vegn in gentar incl. dessert, cun ina bubronda (aua
minerala) ed in cafè. Autras ni ulteriuras bubrondas sto mintga
persuna pagar sezza.
Tgei cuosta il gentar ?
Il gentar cuosta 18.– francs per persuna, cumpriu spisa e bubronda sco sura numnau.
Nua ha la meisa da miezdi liug?
Il gentar vegn mintgamai survius allas 12.00 uras el
Hotel Crestas a Breil, telefon 081 929 66 66
Nua ston ins s’annunziar?
La cuschina sto saver contas persunas che prendan part dalla
meisa da miezdi e perquei ei ina annunzia indispensabla e
quei mintgamai igl gliendisdis da quell‘ jamna che la meisa da
miezdi ha liug denter las 09.00 – 14.00 uras tier
Hotel Crestas, Breil
Christian Frautschi, 081 929 66 66
mardis, ils 16 da december 2014allas 12.00
mardis, ils 6 da schaner 2015 allas 12.00
mardis, ils 3 da fevrer 2015 allas 12.00
mardis, ils 3 da mars 2015 allas 12.00
mardis, ils 31 da mars 2015 allas 12.00
Quella occasiun cumpara mintgamai el Fegl ufficial dalla
Surselva sut la vischnaunca da Breil.
Cordial beinvegni
fa il team dil Hotel Crestas
La Pro Senectute Grischun – per cletg dat ei ella
Nus havein plascher, sche Vus entreis en contact cun nus.
Pro Senectute Grischun
Post da cussegliaziun Surselva
Silvio Albin
Via dil spital 4 (casa dil persunal), 7130 Ilanz
081 925 43 26
[email protected]
[email protected]
www.gr.pro-senectute.ch
Nos conto postal: 70-850-8
IBAN: CH59 0900 0000 7000 0850 8
06/2014; funtauna da l‘ illustraziun: fotolia
• Cun nossas cussegliaziuns socialas dein nus novas perspec-
tivas. Nus purschein cussegliaziuns ed informaziuns davart
damondas da vegliadetgna, en special arisguard ils temas
finanzas, sanadad, habitar, dretg ed organisaziun dalla
veta.
• Cun nies engaschi el sectur dalla lavur per la cuminonza
gidein nus vischnauncas a rispunder a damondas en connex
cun la vegliadetgna e sustenin las activitads da senioras,
seniors e da gruppas d‘agid a sesez.
• Cun nossas purschidas da descarga sestentein nus per che
las senioras ed ils seniors sappien star ditg ed en buna sanadad a casa.
• Cun projects che cumpeglian tut las generaziuns colligein
nus giuven e vegl.
• Cun cuors ed occurrenzas intermediein nus savida e creein
contacts socials.
• Cun nossas gruppas da sport e da viandar ein senioras e
seniors activs egl entir Cantun.

Download Report