Introducziun dil niev tom biblic Ils cudischs poetics ve 30-01-2015 ve 27-02-2015 Citats ord ils cudischs poetics Prov 6,6 Ina risposta migeivla calma la ravgia, mo in plaid ch’offenda fa siglir la chicra. Prov 15,1 Prov 27,15 Il smarschun selai cumparegliar cun in buatsch grascha, scadin che tucca en el, scrola giu ils mauns. (Sir 22,2) Canzun 5,4s Job 1,21 Il cussegl pastoral dallas pleivs dalla vischnaunca Breil envida a duas seras biblicas cun la presentaziun ed introducziun dil niev tom bibilc: ils cudischs poetics Nies anteriur plevon, sur Giusep Venzin, ei in dils translaturs dil niev tom. Igl ei per nus in cletg ed ina honur, ch’el ei promts da introducir nus en quei ulteriur tom dalla Bibla romontscha ecumena. Il niev tom cumpeglia ils cudischs poetics dil Veder testament:  Job  Psalms  Proverbis  Predicatur /Cohelet  Cudisch dalla canzun  Sabientscha  Sirah Tgei che la Bibla ei per nus cristians selai buca formular en ina construcziun. Ella vul esser orientaziun, sentupada cun Diu, inspiraziun persunala e.a.v. La Bibla selai buca prender enta maun e leger sco in roman ed oravontut il Veder testament pretenda enqual enconuschientscha ed accumpignament per la lectura. Quei agid lein nus porscher cun il cuors che duei animar vus da prender enta maun la Bibla, leger ella e schar inspirar vossa veta dil Plaid da Diu. Venderdis, ils 30 da schaner, allas 19.00 -20.30 en Casa pervenda a Breil Muntada dil Veder testament. Introducziun generala el niev tom. Investa el cudisch Job. Venderdis, ils 27 da fevrer, allas 19.00 -20.30 en Casa pervenda a Dardin Presentaziun dils cudischs dils proverbis e dil Predicatur. Duas scartiras biblicas che cuntegnan in grond scazi da proverbis, plaids e sentenzias che pertuccan la veta da mintgadi cun siu dafar fetg variont. Bugen prendein nus encunter vossas annunzias entochen ils 27 da schaner 2015: Uffeci parochial, Cadruvi 33, 7165 Breil ni: [email protected] ni: 081 941 17 18 Fagei schi bien ed indichei cun Vossa annunzia, schebein vus duvreis in exemplar dil niev tom biblic. El sa era vegnir retratgs gia ordavon tier igl Uffeci parochial (20.- frs.). Cordialmein envidan Cussegl pastoral – sectur annunziaziun