Vene secche Petra accatastata Chilometri à chilometri, Fatica fatta vita, Mondi di frizzure, Sudore à grombuli Di vigne di sangue Anu arritatu i monti di nostru. À ruma ruma i grugni. À corri corri i soldi. À neca neca di disprezzu. E vele di a scurdanza, I mari di a gnurantitai Spiantanu e visitche di nostru. Mazzuli d’albitri è scope. Penne di lecce è pulloni. Manti di murze è filette. E bracce di a tarra, I basgi di u sole Caotanu i muri di nostru, Tistimoni à vene secche Di quand’ì quella vita ci era. Ricacciatu da GERONIMI Dumanicantone, A ghjanna, Aiacciu, Edizione Alain Piazzola, 2008, p45.
© Copyright 2024 ExpyDoc
