Musica da tscheiver, Via Pintga 12, 7180 Disentis/Mustér Communicaziun da media: „30 onns Las Bagordas“ 30 onns Las Bagordas: 8 musicas da tscheiver dalla bassa sepresentan all’emprema LBM GuggaNight 2015 - Las Bagordas da Mustér festiveschan uonn lur giubileum da 30 onns ed envidan ad in bal da guggas - ina sera cun concerts da musicas da tscheiver. Suenter las preparativas dalla stad astgan ils organisaturs beneventar 8 musicas da tscheiver dalla bassa la sera dils 17 da schaner 2015 el Center da sport e cultura a Mustér. A caschun dil til da tscheiver semuossan Las Bagordas plinavon als aspectaturs en ina nova mondura e per la sera da tscheiver a Mustér spetga igl auditori in concert da giubileum. Mustér, ils 8 da schaner 2015 A caschun dil tscheiver vegnent astgan Las Bagordas festivar lur 30avel giubileum. Gia dapi la fundaziun empruvein nus da promover il bi usit da tscheiver ella regiun. Per nies giubileum ei nossa finamira da carmalar musicas da tscheiver dalla bassa en nossa regiun, tgei che dat puspei in slontsch al tscheiver indigen. Quei lein nus far en fuorma d’ina sera da concerts da musicas da tscheiver – in aschinumnau “bal da guggas”. Cun il bal da guggas lein nus denton buca cumbinar ni remplazzar la sera da tscheiver a Mustér, la quala duess restar ina sera tradiziunala cun musica da sault e premiaziun da mascras. Plinavon havein nus mess peisa sin evitar conflicts da termins cun autras occurenzas da tscheiver ed havein aschia anflau il datum dalla sonda, ils 17 da schaner 2015. Suenter in intensiv temps da preparaziun spitgein nus vess sin sonda, ils 17 da schaner 2015, nua che nus astgein beneventar otg musicas da tscheiver dalla bassa. Denter auter eis ei stau pusseivel da carmalar musicas sco „Schlossbärghüüler da Laufenburg“ ni „Steibruchschränzer da Würenlingen“ a Mustér. Igl entir program ei publicaus sin l’ufficiala pagina d’internet digl eveniment: gugganight.lasbagordas.ch. Duront ils dis da tscheiver sepresentan Las Bagordas en ina nova mondura en colur blaua e nera cun accents grischs. Quella ei vegnida concepida e cusida d’ina gruppa da commembers. Il secund punct culminont dil giubileum ei la sonda tscheiver, ils 14 da fevrer 2015. Sper igl usitau til da tscheiver astgan ils visitaders dalla sera da divertiment selegrar sin in concert da giubileum dalla musica da tscheiver Las Bagordas da mesanotg. Nus havessen grond plascher d’astgar beneventar Vus ad ina ni l’autra occasiun da nies program. E viva il tscheiver – E viva las Bagordas Tel 078 837 84 86 [email protected] www.lasbagordas.ch Musica da tscheiver, Via Pintga 12, 7180 Disentis/Mustér Flyer GuggaNight: Musica da tscheiver, Via Pintga 12, 7180 Disentis/Mustér Flyer sera da tscheiver: Musica da tscheiver, Via Pintga 12, 7180 Disentis/Mustér Organisaziun dall’uniun Las Bagordas Disentis/Mustér Vorstand Revisoren Musikkomission Kostüme/ Schminke Lokal/Material Fanshop Tour Präsident Roman Beer Rechnungsrevisorin Vanessa Venzin Dirigent Serafin Beer Nadia Deflorin Material-Chef Fabio Flepp Corina Lechmann Tourmanagerin Saskia Martin Aktuar Flavio Gadola Rechnungsrevisorin Natalia Manetsch Vize-Dirigent Ursin Deflorin Saskia Martin Stv. Material-Chef Urban Schmed Martina Cathomas Kassiererin Viviane Manetsch Dirigent Rhythmus Fabio Flepp Carmen Flepp Dirigent Serafin Beer Fabian Manetsch Christian Manetsch Material-Chef Fabio Flepp Corina Lechmann Marco Flepp Beisitzer Clau Dermon Beisitzerin Nadia Deflorin Ramona Lechmann Vanessa Venzin Barkeeper Fabienne Columberg Barkeeper Bianca Lombris Musica da tscheiver, Via Pintga 12, 7180 Disentis/Mustér Cronologia da Las Bagordas: Igl onn 1985 ei la musica da tscheiver Las Bagordas vegnida fundada. Gia igl emprem onn han ils habitonts da Mustér schau plascher quei niev usit da tscheiver, il qual ha era purtau al tscheiver indigen niev slontsch ed ei uss in’impurtonta part dil tscheiver en nossa regiun. Il pli emprem repertori dallas Bagordas dumbrava sulettamein dus tocs, numnadamein il marsch da tscheiver ed “Im spanisch-Broetli-Baehnli”. Ils proxims onns ein stai fetg varionts e l’uniun ha fatg in grond svilup. Quei ei semussau d’ina vart entras l’augmentaziun dils commembers, mo sin vart musicala, nua ch’ins ha fatg grond progress. Vegneva ei all’entschatta sunau canzuns mo en ina vusch, era quei entgins onns pli tard gia tut auter e las posaunas sunavan lur atgna melodia. A biars ein forsa las canzuns da quei temps sco “Babylon” ni “Auf dem Mond” aunc en memoria. Gia ils 11 d’uost 1985 ha igl emprem picnic dall’uniun giu liug a Stagias. Ina da pliras tradiziuns che Las Bagordas han teniu entochen oz. Era il “fanshop” ei staus in’idea da quei temps. Da lezzas uras vegneva ei vendiu medaglias; pli tard han els engrondiu la purschida cun zuchers, t-shirts, bubrondas e differentas autras caussas, che purtavan mintgamai il logo dallas Bagordas. Il Carli, igl emprem president da Las Bagordas, ha meinsvart duvrau in fin maun da tgamunar noss’uniun en quels emprems onns. Era el sectur d’instruments ha ei adina puspei dau midadas. Ins po forsa aunc seregurdar vid il schumber da quater toms “vierling”, cun il qual il Placi ha menau la ritmica ina partida d’onns. Il terment bass ch’igl Ivo sunava era aschi grevs, ch’el astgava seser duront las producziuns d’ustrias. Secapescha che quei bass duvrava era in tschuac forza da suflar, aschia ch’el sedurmentava magari duront sunar . Sin il tscheiver 1992 han Las Bagordas cumprau in instrument ch’era da gliez temps aunc meins enconuschents en Surselva. Cun ils aschinumnai “Kloepfers” (Granitblocks) savevan ins producir ritmica tut speciala. In ulteriur punct culminont ei segir la registraziun da 17 canzuns sin la cassetta da musica igl onn 1993 stada. Igl onn 1995 han Las Bagordas astgau festivar il 10avel onn d’existenza. Suenter quei onn da giubileum ha il Hugo surdau la bitgetta da dirigent al Rico ed egl onn 1996 han ins remplazzau ils schumbers da treis e quater toms tras battarias sin cars, aschinumnadas cuschinas. En quei temps ei il diember da commembers carschius cuntinuadamein da 35 sin 50 commembers activs. Pli e pli stedi han Las Bagordas priu part a tscheivers ella bassa ni schizun egl exteriur. Ins seregorda forsa dil til da tscheiver a Feldkirch ell’Austria ni da Mulhausen en Frontscha. In special e grond eveniment ei la participaziun al tscheiver ed al di dil gliendisdis tscheiver a Cologna igl onn 2003 staus. Il team dalla Televisiun Rumantscha ha accumpignau Las Bagordas duront quels dis da barlot. Musicalmein han Las Bagordas giu entgins hits sco “El Condor Pasa”, “I’ll Be Missing You”, “ The Lion Sleeps Tonight”, ch’ein aunc ell’ureglia ad enqualin fan. Igl onn 1997 han Las Fifferlottas e Las Bagordas presentau cun “Lemon Tree” igl emprem toc communabel. Quell’idea ha era ils proxims onns anflau cuntinuaziun cun dus ulteriurs tocs communabels. Tier nos registers da posaunas e trumbetttas han ins aunc inagada fatg in pass musical e fixau ina vusch da melodia ed ina d’accumpignament - e quei en pliras vuschs. Era duront ils davos onns ei curriu e passau dabia. A caschun da pliras exposiziuns da commerci han Las Bagordas surpriu il menaschi d’ustria ella Sala Fontauna. Ensemen cun Las Fifferlottas eis ei vegniu organisau la radunonza da delegai dil Hefari. La bitgetta dil dirigent ei vegnida surdada egl onn 2006 al Fabian ed aschia ei era il Diddl – il fest da direger e fideivel cumpogn dil Rico – vegnius remplazzaus tras ina figura dils Simpsons. Egl onn 2010, cura che Las Bagordas han festivau lur 25avel giubileum, ei in niev register vegnius integraus ella musica, numadamein ils eufonis. Per quei intent han Las Bagordas cusiu sez ina speciala mondura. Ensemen cun il pli special logo ei il motto lu sedaus: NAUSCH. Era ils proxims onns han ins cuntinuiu cun sepresentar sper las occasiuns dil tscheiver indigen en differents loghens ella bassa ni el maneivel exteriur. Musica da tscheiver, Via Pintga 12, 7180 Disentis/Mustér La cumissiun da musica, che arranschescha sez igl entir repertori dallas Bagordas, ha cuntinuau la via. Aschia savein nus vinavon emprender onn per onn rodund tschun novs tocs. La finamira ei da saver porscher canzuns che plaian als aspectaturs da tuttas generaziuns, sco era als commembers activs. Dapi entgins onns segidan Las Bagordas cun l’organisaziun dalla sera da tscheiver a Mustér. Ensemen cun l’Uniun da tscheiver e Las Fifferlottas ha la sonda sera da tscheiver a Mustér survegniu ina nova fuorma ed ins ha saviu profitar dall’experienza da tuttas treis uniuns. Cun la finiziun dil tscheiver 2014 ha il Fabian surdau vinavon la bitgetta dil dirigent al Serafin. Nies Fini seglia pia els calzers da siu bab Hugo ed ei aschia il secund dirigent da nossa secunda generaziun. Sa tgei figura da comic che vegn a remplazzar ils Simpsons? Igl onn 2015 stat avon porta e cunquei igl onn, nua Las Bagordas astgan festivar lur 30avel anniversari. 30 onns existenza - e negins segns dad ir en pensiun. Ils 50 commembers ein plein anim vid las preperativas, seigi quei cun in niev sut-register – numnadamein sepresentan las cuschinas per l’emprema gada en duas vuschs, ni seigi quei cun igl engaschi per l’EX 2014, cun lavurs vid la nova mondura..(eav) ei dat adina da far. Cunzun sin il niev project “LBM GuggaNight” astgein nus selegrar. A caschun da quei bal da guggas savein nus beneventar 8 musicas da tscheiver dalla bassa, quella plattafuorma ha igl intent da dar novs inputs al tscheiver indigen. Preziai amitgs, preziadas famiglias, aspectaturs ed auditori, commembers passivs e sponsurs: Vies sustegn, interess ed agid motivescha nus adina puspei danovamein. Engraziel fetg! E viva il tscheiver – E viva las Bagordas Musica da tscheiver, Via Pintga 12, 7180 Disentis/Mustér contact Musica da tscheiver "Las Bagordas", Via Pintga 12, 7180 Disentis/Mustér Fon 081 947 42 63 | Mobile 078 837 84 86 [email protected] www.lasbagordas.ch gugganight.lasbagordas.ch
© Copyright 2024 ExpyDoc
