SURSELVA GIEVGIA, ILS 28 D’AVUST 2014 7 Paula Nay ed Ursin Lechmann gudognan il turnier dil club ■ Sco gia igl onn vargau gudognan Paula Nay ed Ursin Lechmann il turnier intern dil Club da tennis Trun. Aschia ein ils favorits era i quella gada cun la plema. La participaziun ei stada fetg buna davart dallas damas. Tier ils umens ei la participaziun gia daditg buca stada aschi magra sco uonn. Deplorablamein separticipeschan giugaduras e giugadurs che dattan buc interclub buc al turnier dil club. Damas Ella categoria damas fuvan buca meins che 14 giugaduras dalla partida, quei che munta ina fetg buna participaziun. Legreivlamein ha ei en quella categoria era entginas buobas che ein sin buna via da daventar giugaduras en uorden. Ella emprema runda ha ei buca dau pli grondas surpresas.Las favoritas han battiu lur adversarias en dus sets e quei pil pli cun clars resultats. Els quartfinals fuvan tuttas quater giugaduras tschentadas dalla partida. Paula Nay, la numera in dil turnier, semesira cun Manuela Decurtins. Schegie che la Manuela ha fatg grond progress spiarda ella la partida en dus sets 6:4 / 6:3. Era la numera dus dil turnier, Carmen Albin, batta Erna Nay en dus sets cul resultat 6:1 / 6:1. Cul medem resultat gudognan Sereina Decurtins, la numera treis dil turnier, encunter Cristina Derungs. Era Martina Nay, la numera quater dil turnier, batta la juniora Tamara Derungs en dus sets 6:0 / 6:1. Aschia semesiran las quater giugaduras tschentadas, tuttas quater giugaduras dall’emprema equipa, denter ellas els mezfinals. En il miezfinal vegn ei tier il duel denter las duas soras Paula e Martina Nay. Egl emprem set fa la Paula cuort process cun sia sora e batta ella cul resultat che negin ha propi bugen, numnadamein cun 6:0. Quei ha la Martina denton buca la- Ils finalists dil turnier dil club: Simon Lechmann, Paula Nay, Sereina Decurtins ed Ursin Lechmann. MAD guttiu mo aschia. El secund set vegn ella meglier el giug e gudogna quel 3:6. Aschia sto il tierz set purtar la decisiun. Quei set ei fetg ulivs. La finala decida la Paula denton il giug cun gudignar il tierz set cul resultat da 6:4. Era l’auter miezfinal denter la Sereina e la Carmen va sur treis sets. La finala decida Sereina Decurtins quei giug en sia favur cul resultat da 6:2 / 3:6 / 6:2. El final vegn ei tier il duel denter la Paula, la pli veglia giugadura dall’equipa e la Sereina, la pli giuvna giugadura dalla squadra d’emprema ligia. Igl emprem set ei fetg ulivs. La Sereina, sco ei ha pariu a mi presenta sco aunc mai silla plazza da tennis, para dad esser en buna fuorma e quei malgrad ch’ella ei stada duront pli liung temps en tiaras lontanas vi sur mar. Ella passa en avantatg cul resultat da 2:5. Igl ei denton reussiu alla Paula d’egalisar e schizun da passar 6:5 en avantatg. La Sereina contonscha denton il 6:6, aschia ch’in tiebreak sto purtar la decisiun. Quel decida la Sereina en sia favur. Era il secund set ei fetg ulivs. Puspei sto in tie-break purtar la decisiun. Quella gada reussescha ei denton alla Paula da decider il set en sia favur. Las adversarias schenghegian nuot ina a l’autra. Era il tierz set ei fetg ulivs. Il giug ha in fetg bien niveau e la tensiun crescha da punct tier punct. Duront rodund treis uras battan omisduas giugaduras per mintga bal, per mintga punct. La finala reussescha ei alla Paula da batter sia adver- saria cul resultat da 7:6 / 6:7 / 6:4 . Giachen Michel Nay schess che la pugniera veglia hagi aunc buca vuliu ceder a sia rivala. Umens Sco gia menziunau ei la participaziun tier ils umens stada plitost magra. Per cletg ein ils seniors aunc empau activs, schiglioc vess quei vesiu ora miserabel. Dils endisch participonts ein numnadamein otg ella vegliadetgna da senior giuven ni da senior. Deplorablamein ha ei quasi negins buobs ch’ein sils fastitgs d’in Roger Federer.Era en quella categoria ha ei buca dau pli grondas surpresas ella emprema runda. Sulettamein denter il senior Gion Petschen e Simon Decurtins ha ei dau ina dira lutga. Il giug ei fetg ulivs e vegn decidius pér el tierz set. La finala gudogna Simon Decurtins, che resca forsa empauet dapli che siu adversari, la partida cul resultat da 6:4 / 5:7 / 6:2. Ils quartfinals vegnan tuts quater gudignai dils favorits e dus sets e quei pil pli cun clars resultats. Ursin Lechmann, la numera in dil turnier, batta Luis Caduff 6:1 / 6:0. Era Simon Lechmann, la numera dus dil turnier, fa cuort process cun siu adversari e batta Simon Decurtins 6: 0 / 6:1. Arthur Cantieni gudogna encunter Silvio Albin 6:0 / 6:3 ed Urs Pfister batta Daniel Maissen 6:4 / 6:1. El miezfinal vegn ei tier la lutga denter Ursin Lechmann ed il senior Arthur Cantieni. Il senior cun sia schanuglia enfaschada sedosta sco in liun. Igl Ursin, che dat in giug fetg variont cun paucs sbagls, lai denton neginas schanzas a siu adversari e batta quel en dus sets 6:2 / 6:1. En l’auter miezfinal sto Urs Pfister dar forfait. Las enzennas da vegliadetgna semuossan plaun a plaun. Ei fa mal tscheu e dola leu, aschia che Simon Lechmann contonscha il final senza stuer duvrar sias forzas gia el miezfinal. El final vegn ei tier la lutga denter ils frars Ursin e Simon Lechmann. Malgrad che omisdus fuvan stai la sera avon alla fiasta da Campliun dattan els in bien giug. Egl emprem set fa igl Ursin cuortas cun siu frar e batta lez cul clar resultat da 6:0. Il secund set ei pli ulivs. Il Simon, che haveva saviu spargnar sias forzas sil final, vegn meglier e meglier el giug. Mo sin tut quei ch’el emprova anfla igl Ursin pil pli ina megliera risposta. Il giug vegn decidius en dus sets en favur digl Ursin 6:0 / 6:4. Ils finals dil tableau B gudognan Ricarda Tuor e Gion Petschen. Venanzi Nay, Zignau reclama www.bauhaus.ch Der Spezialist für Werkstatt, Haus und Garten! Pizolstrasse 6, 8887 Mels-SG Tel 081 725 55 55, Fax 081 725 55 05 [email protected] Mo–Do 7–19 Uhr, Fr 7–21 Uhr, Sa 8–17 Uhr SALE JE TZT auf diversen Soenm,mermöbel, Gartenmaschin Grills und Klimageräten. d x h i h hd ‘ EER ‘ ‘ ‘ ‘ a b c 209. 30 Mobiles Klimagerät mit Fernbedienung '7000 BTU' ‘ K K statt 299.– kW EER K ¥ U Q ‘ ! OU PN a KWh/60min * P Kühlleistung 7000 BTU/Std., 2000 W/Std., für Räume bis ca. 24 m², kühlen, entfeuchten, ventilieren, 3 Geschwindigkeiten, 24-Std.-Timer, Auto-Restart Funktion, Cool Shower System – kein Wassertank mehr nötig, Staubfilter, Kältemittel R410a, EEC A. OS 111336 - 66653248 Ab sofort und solange Vorrat. • 7000 BTU/Std. • Räume bis ca. 24 m2 • 2000 W/Std. Bar-Set 'Mila' Loft-Feeling mit Pfiff auf kleinstem Raum, L 120 x B 60 cm, FSC-zertifiziertes Akazienholz, grau lasiert, Set bestehend aus 4 Hocker und 1 Tisch. OS 115685 - 22502582 Set 149.– statt 298.–
© Copyright 2024 ExpyDoc
![Communicaziun_inserat_president_communal [PDF]](http://s3.expydoc.com/store/data/007019159_1-6703ca15a9910b9d102340615cda0a3b-250x500.png)
