02) La ficudinia - luccasicula.name

A La ficudinia
Crisci ‘nta la Sicilia, amata e cara,
un fruttu ch’havi ‘na ducizza assai rara,
ma l’ha tuccari cu tanta cura
picchì spini nn’havi a miliuna.
N’addevu m’addumanna: ma picchì
la natura e fatta d’accussì?
Un fruttu tantu bonu di manciari
E’ chinu di spini ca nun si po’ tuccari!
La ficudinia, ci rispunnu ju,
la fici d’accussì Domini Diu,
pì ‘nsignari a tutti li so genti
ca li cosi belli nun su fatica di nenti.
Lu fattu, poi, ca scigliu la Sicilia,
lu fici di propositu pì nui,
picchì stu fruttu è l’unicu, fra tanti,
ca po’ rapprisintari st'abitanti.
E’ fattu comu la genti siciliana,
ca, all’apparenza, pari assai strana,
ma s’arrinesci a junciri a lu so cori,
lu vidi quantu amuri sapi dari.
Vito Giarratano

Download Report