Rassegna stampa - Science South Tyrol

Data: 18/03/2015 | Fonte: La Usc di Ladins | Pagina: 8 | Categoria: unibz
Da Südtirol a Cap Vert
L’espertisa de Scienzes y Tecnologies al servisc dla cooperazion internazionala
homas Bringhenti da Bulsan é
student dla Facolté de Scienzes y
Tecnologies dla unibz. Per scrive
sia tesa de laurea te Scienzes Agrares
y Agroambientales, àl volù abiné
material de n projet de cooperazion
al svilup a Cap Vert. Enscì àl passé
trei meisc sun la ijola de Santiago.
”Mi obietif fova chel de giaté n
ch e d e r m o m e nt a n d l e s
carateristiches dl terac y fé na
simulazion dles nezescités idriches
per la coltivazion dl legn da bananes.
Chesta planta adora truepa ega y
comporta perchel cosć bendebot
auc”, spliga l student. L in dla
enrescida é chel de laoré fora
strategies per mioré l bilanz dl’ega
dles coltivazions de bananes y daidé
enscì i paurs dl post. Sun l’ijola él
defat na altenanza anter temporai
scialdi stersc y temps de secia che
met al prigo la racoiuda de bananes.
”L ann passé él tomé trei iadi tant
de plueia che l’ann dant, ma an ne
pò mai dì sce chest ann saràl l
medemo, souraldut per via di
cambiamenc dl clima”, dij homas,
che à ence abiné adum dac sun la
cuantité de saulon y arjila tl terac.
”Chestes enformazions é
emportantes per valuté tan d’ega
che romagn tl terac y tanta che rogor
demez”. L projet de cooperazion al
svilup a Cap Vert vegn inanzié da
la Provinzia de Bulsan y nasc tres
la volonté de Franz Egger, dozent
tl Istitut agrar de Auer. Dlongia
chest projet, i stà do la Facolté a n
auter projet tl Ghana y un tl’India.
L projet olache homas à tout
pert à ence contribuì a daurì n canal
de dialogh con la université locala
a Santiago. Al é bele vegnù enjigné
na acordanza per l barat de studenc.
”L valour emplù de chestes
colaborazions é garantì dal fat che
i studenc pò se mete a la proa te n
setour desferent respet a chel che
ai podessa fé ti practicums te
Südtirol”, dij l prof. Massimo
Tagliavini, reladour dla tesa de
Bringhenti y referent de Facolté per
i projec de cooperazion al svilup.
”Avei podù abiné su chesta
esperienza preziosa sul post, m’à
tlarì les idees sun cie che ie voe
Documento generato da Marta Colasanti il 18/03/2015 alle 08:32:26
Powered by TCPDF (www.tcpdf.org)
studié tl davegnì”, dij homas, che
porvarà da vegnì tout su te n master
de agronomia tropicala tla
Germania. ”Al me plajessa da me
spezialisé y da laoré tl davegnì tl
mond dla cooperazion, o ence
tl’economia privata, ti paisc tl sud
dl mond”.
L student Thomas Bringhenti (3. dmc) con l grup de laour.
Pagina 1/1

Download Report