Uburyo bwo konsa Uburyo bwo kuboneza urubyaro ku mugore wonsa utarakurira umwana Igikoresho cy’ubujyanama mu kwigisha ababyeyi uburyo bwo konsa UBURYO BWO KONSA, uburyo bubereye abagore bonsa Ninde ushobora gukoresha uburyo bwo konsa? Ushobora gukoresha uburyo bwo konsa iyo wujuje ibisabwa byose uko ari bitatu: 1 Wonsa umwana ku manywa na nijoro, kandi ntugire ikindi kintu cyo kurya cyangwa cyo kunywa umuha ari amazi cg ibindi binyobwa. Kubera iki? Igihe umwana afatanya konka n’ ibindi biribwa cyangwa ibinyobwa, bituma umwana atonka kenshi. Ibyo bigatuma wongera kugira uburumbuke. Ugashobora kuba wasama. 2 Kuba utarakurira umwana. Kubera iki? Iyo wakuriye umwana,uba wagize uburumbuke, ushobora kongera gusama. Iyo ubonye amaraso nyuma y’amezi abiri umaze kubyara aba ari imihango. 3 Kuba umwana ataruzuza amezi atandatu. Kubera iki? Iyo umwana yujuje mezi atandatu, uba wonjyeye kugira uburumbuke, ushobora gusama niyo waba ucyonsa,kabone niyo waba utarakurira umwana. Sobanura uko ushobora gukoresha uburyo bwo konsa Onsa ku buryo buhoraho • Onsa umwana kenshi gashoboka uko umwana abikeneye ku manywa na nijoro. • Komeza konsa niyo wowe cg umwana yaba arwaye. Onsa gusa • Ntukagire icyo uha umwana byaba ibiryo, amazise cyangwa ikindi kintu cyo kunywa mbere y’amezi atandatu. • Imiti, amavitamine n’inkingo nibyo byemewe. • Konsa biha umwana wawe ibyo akeneye byose ngo agire ubuzima bwiza mu mezi atandatu yambere. • Wikoresha amacupa, inkongoro n’utundi dupira.Ibyo bibuza umwana konka kenshi. Tangira gutekereza ku bundi buryo ubungubu. • Igihe wongeye kujya mu mihango,tangira gukoresha ubundi buryo bwo kuboneza urubyaro • Igihe umwana afata ibindi bintu byo kurya cyangwa byo kunywa bitari amashereka,tangira gukoresha ubundi buryo, • Igihe umwana yujuje amezi atandatu, tangira gukoresha ubundi buryo Konsa byonyine ntibihagije ngo bibe byabuza gusama. Ibyangomwa byavuzwe hejuru uko ari bitatu bigomba kuba byuzujwe byose icyarimwe. Shishikariza umubyeyi gutangira hakiri kare gutekereza ku bundi buryo bwo kuboneza urubyaro , mu gihe uburyo bwo konsa butakimubereye.
© Copyright 2024 ExpyDoc
