Ausschreibung Skiweekend 2017

Skiweekend Aletsch-Arena vom 01.-02. April 2017
D’Aletsch Arena isch es Skigebiet, kei chlis,
es liit am Aletsch Gletscher im wunderschöne Wallis.
D’Ussicht vo det obe uf di herrlich Bergwält isch zauberhaft,
das git üs zum d’Saison usfahre nomal de nötig Saft.
Huuse tüend mir uf 2222 m.ü.M. im Hotel Eggishorn,
di säb Nacht rühret mir d’Flinte nöd grad is Korn.
Das schicke Hotel liit uf de Fiescheralp, ganz zentral,
inklusive Aprés-Ski in Steffi‘s Kuhstall.
Mir händ det DZ, Familie- und Lagerzimmer buechet,
im Fall mir i de Nacht no d‘schlofe versuechet.
Fahre tüend mir das Mol mit de private Mobil,
mit em Zug dur de Furka im Konvoi, das hät Stil.
Inbegriffe i euisem Paket:
- Kafihalt im Bahnhofbuffet Realp
- Gebühr für alle offizielle Fahrer für de Autoverlad Furka
- Parkgebühr für 2 Tag Parkplatz Bergbahn Fiesch-Fiescheralp
- 2-Tages Skipass Aletsch-Arena (Fiescher-, Bettmer-, Riederalp)
- Übernachtig im Hotel Eggishorn Fiescheralp, Zimmer je nach Buechig
- 4-Gang Menu am Abig; öppis Traditionells us em Wallis
- Richhaltigs Frühstücks-Buffet
D’Chöschte belaufet sich uf: CHF 250.- im DZ (9), CHF 230.- i de 4-er Suite (2),
CHF 210.- im 6-er und 13-er Lagerzimmer (je 1). Alli Zimmer händ DU / WC
Aamälde und zwar schriftlich, grad jetzt oder bis spötischtens Endi Februar,
und dänn de ganzi Betrag grad iizahle, wär wunderbar!
(RB-Goldingen-Wald IBAN: CH 40 8129 8000 0060 6590 2 Reto Blöchlinger)
Erto: 079/ 500 79 09
[email protected]
Otti: 079/ 465 49 91
bingisserotti66@ gmail.com

Download Report