Flyer neu Baseldytsch - Fasnachtsgesellschaft Alti Glaibasler

ALTI GLAIBASLER SETZLIG
ALTI GLAIBASLER STAMM
Mir, die Alte Glaibasler (AGB), 1923 grindet, sin aini vo de grosse
Männerglygge in Basel. Au mir sin nadyrlig immer uff der Suechi
nach neije Glyggekolleege. Doderby sueche mir ganz speziell Dii!
Wenn de Luscht und Fraid hättisch im e dradizionelle Stammverain, zämme mit uffgstellte
Kolleege Faasnacht z mache, bisch als Vordräbler, Pfyffer oder Dambuur bi uns in der
AGB ganz härzlig willkomme!
Unsere Uffruef richtet sich speziell an Buebe ab 7-8 Joor wo in unserer junge Garde, de
Setzlig, under kundiger Laitig in d Faasnachtswält ygfiehrt wärde und die scheeni
Dradizion vo Grund uff mit bikemme.
Sälbverstäntlig ka sich au der Babbe zämme mit sym Bueb aamälde. Villicht kennt au
ebber in Eyrer Familie e erwaggses männligs Wääse wo gärn aggtiv Faasnacht mache
wett. Syg’s im Stamm oder in der Alte Garde.
Gniess mit uns die drey scheenste Dääg, es isch jedes Joor wiider en Erläbnis!
Nadyrlig pflääge mir au näbscht der Faasnacht unseri Kameradschaft. Verschiideni Aaläss
und Freyzytaggdivideete under em Joor sorge fir vyyl Spass und leen Fryndschafte entstoo.
Lueg doch emool im Internet, dert erfaarsch no ainiges mee.
www.alti-glaibasler.ch
D Yebigsstunde vo de Setzlig finde immer am Mittwuchzoobe im Claraschuelhuus statt.
Fir d Aafänger vom säggsi bis am siibeni und fir die Fortgschrittene und s Spiil vom siibeni
bis am achti. Der Stamm iebt jewyyle am Frytig vom achti zoobe bis am zähni im
Glyggekäller und im Wettstaischuelhuus
Bisch derby – denn mäld Di spontan aa oder kumm ganz aifach verbii.
Mir fraie is uf Di Nochricht.
Obmaa Caesar Banzhaf
Paracelsusstr. 2, 4058 Basel
Tel. 061 683 20 50
[email protected]
.................................................................... .........................................................................
Y mecht zue de Alte Glaibasler als:
Pfyffer
Dambuur
Name, Adrässe, Delifon: ____________________________________________
______________________________________________________Alter:______

Download Report