La Regiun Surselva enquera sill`entschatta fevrer 2017 ni tenor

La Regiun Surselva enquera sill'entschatta fevrer 2017 ni tenor cunvegnientscha
ina/in meinafatschenta per il Center da formaziun Surselva (CFS) ch'exequescha il medem mument la funcziun
sco substituta/substitut dil meinafatschenta dalla Regiun Surselva (en tut 100%)
La Regiun Surselva ei ina corporaziun dil dretg public cantunal cun atgna persunalitad giuridica e purtadra dil
CFS. Il CFS cumpeglia cun ses rodund 110 conluvrerAs la Scola da musica Surselva, il Survetsch logopedic
Surselva, la Scola professiunala commerciala Surselva, la Scola professiunala industriala Surselva, la Scola media
Surselva, la Scola mercantila dil di Surselva e la Scola preprofessiunala Vinavon.
Vus spetga…
… ina lavur interessanta e varionta cun gronda autoresponsabladad en in team motivau. Vus meneis in center
da formaziun activ ed integrativ cun senn per qualitad, cunconluvrerAs motivadas/motivai e cun ina
infrastructura moderna. Vus vegnis sustegni d'in organ directiv strategic. Nus purschin ina salarisaziun tenor
directivas cantunalas.
Vossa incumbesa
Sco meinafatschenta essas Vus igl organ operativ suprem dil CFS. Las incumbensas principalas ein la gestiun,
l'administraziun e la direcziun operativa dil CFS. Plinavon collaboreis Vus tiel svilup dalla direcziun strategica e
realiseis quella. Vus prepareis la basa per decisiuns dalla cumissiun regiunala ed informeis lezza davart fatgs
impurtonts. La representaziun dil CFS anoviars sco era la direcziun dils menaders da partiziun, dil persunal
d'administraziun sco era dallas conluvreras/dils conluvrers per il survetsch da casa s'audan medemamein tier
Vossas incumbensas. Plinavon prepareis Vus il preventiv, il quen annual ed il rapport annual. En Vossa funcziun
essas Vus responsabels pil management da qualitad e per il controlling operativ.
Ella funcziun sco substituta/substitut dil meinafatschenta dalla Regiun Surselva essas Vus responsabels per la
Curatella professiunala.
Vies profil
Per quellas incumbensas pretensiusas spetga la Regiun Surselva in'emperneivla persunalitad cun in patertgar
cumplessiv ed independent, cun ina tenuta prospectiva e communicativa e cun fermas qualitads da menar cun
metter claras finamiras e che sa luvrar bein en in team. Plinavon vegn giavischau in'affinitad cul sectur da
formaziun. Vus disponis d'in studi d'economia da menaschi ni d'ina scolaziun equivalenta.
Sche nus havein svegliau Vies interess, spitgein bugen Vossa annunzia.
Pensum da lavur: 100%
Entschatta da lavur: 1. da fevrer 2017 ni tenor cunvegnientscha
Liug da lavur: Glion
Termin d'annunzia: 8 da fenadur 2016
Persuna da contact per damondas davart las incumbensas: Meinafatschenta Center da formaziun Surselva e
substitut dil meinafatschenta Regiun Surselva, Curdin Tuor, Tel. 081 926 25 11, [email protected]
Annunzias ed ulteriuras damondas: Meinafatschenta Regiun Surselva, Duri Blumenthal, Glennerstrasse 22a,
7130 Glion, Tel. 081 926 25 00, [email protected]

Download Report