8442 Hettlingen Und so war es. En Usflog macht der Singkreis, D

Leuppi Werner
Seuzacherstrasse 3
8442 Hettlingen
Hettlingen, 10. Sept.2015
Und so war es.
En Usflog macht der Singkreis,
D' SBB fühert eus of ihrem Gleis,
nach Twann zu de schöne Räbberge.
Go Wy drinke, mer wänds nid verberge.
In der Chile hämmer gsunge,
der Pfarrer seid, das isch eu guet glunge.
Drum git's nid nur Gottesloo,
als Dank spändits no en Aperoo
D' Sonja will öppis schribe,
meint ech söll e paar Witz vöretriebe,
aber bravi sosch bin i e dä,
Jo keini under de Gürtellinià.
Und so hämmer vieles gmacht,
vo mine Spröch händs natürli glacht.
De Samstigplan mit viel Sport,
Erlach isch derzue de richtig Ort,
nüd esch gsy mit umesuufe,
Träppeläufe bis d' nümm magsch gschnuufe.
Zobe ganz müed tüe mer lalle,
Alli sind zfriede,Allne häts gfalle.
G'schlofe und gässe im Hotel Bäre,
vo dem erzäl ech überal gäre.
So en guete Schmaus und s' Personal soo nett,
meer händ lang nid welle is Bett.
Am Sunntigsplausch, mit em Bähnli of Preles,
en super Rosee bringt d'Madame schnell,
dää z'Mittag passt genäu för my,
en Zanderfisch mit eme Gläsli Wy.
Nur singe und ässe, das chas jo nid sy,
chom meer nämid noemol e Fläsche Wy.
Wohlgelaunt simmer denn uf d'Wanderig,
händ welle wüsse wie Twannbachschlucht sig.
Normal flüsst en wilde Bach ins Tal,
es isch z'troche, es langet nur für en Rinnsal.
Trotzdem isch Alles sehr imposannt.
Es wird gfötelet, dä Bach isch wältbekannt.
Und wenni emol dures dunkels Tobel muess,
so fürchte mi nid, denn de ganzi Sinkreis isch by meer.
Dä Usflog hät eus enand nächer bracht,
hät Sympathie gweckt, schneller als gedacht.
Wovon das Herz zu voll, überläuft der Mund,
drum sei meinLob euch kund,
für d'Ruth und de Werner, s'beschti Reisebüroo,
en herzliche Dank, und es chräftigs Bravoo.
.

Download Report