10. Das esch dis Läbe

1
10. Das esch dis Läbe (feat. Jozzy)
1. Strophe
Du hesch s Läbe vor der, d Landcharte esch leer
Du hesch de Stift e de Hand, ond zeichnisch ii wohe
Wele Wäg wählsch, liecht oder schwer?
Aber was, wenn s heisst, es get richtig ond verchert?
Dis Läbe, das läbt kene för de
Niemer stoht e dine Schue ond gseht d Wält wie sie du gsehsch
Kei Mönsch kennt de tüüfi Schmärz wo du träisch
Kene verstoht di, wenn d for Freud öberegheisch
Of einsch stohsch am Ponkt wo sech de Wäg vergablet ond teilt
Es Ereignis, wo sech e dis Läbe igrabt ond s heilt
Wie emene tüüfe Gwetter es rettends Seil
Du chasch s neh oder loh hänge: Wie entscheidsch?
En Kampf eskaliert, s Ego tritt en Ring
Nemm d Helf aa, oder sösch versenksch
Du besch de wo wählt, öberlegg der s rächt
Es goht om de, du besch ned fake, aber ächt
Hook (Jozzy)
I show you the golden way
Just follow me through the golden gate
2. Strophe
Esch das dis Läbe, läbsch dis Läbe vergäbe?
Wer bestemmt di, wer länkt di, wer formt di, wer prägt di
So veli läbe eres Läbe vergäbe
Dänksch, versout esch versout, brengsch dis Läbe nöm äne
Besch di halbi Ziit däne ond druff?
Oder suechsch der dini Liebi emene dänige Puff?
Versänksch dini Sorge emene mächtige Suff?
Oder schlüssisch die Töre ond gesch ändgültig uuf?
Aber Stopp, es stoht Helf vor de Tör
Ond sie chlopfet beharrlich, sie verschafft sech Ghör
Chonnt sie ine, de werds hell e dem Loch
Sie vertschuttet die Sache ond verbrecht alli Joch
Aber de Greff vo de Töre esch e dinere Hand
Du weisch, was di erwartet esch es schöners Land
2
E de Loft liit Hoffnig, alli Sorge hebe ned Stand
Was machsch? Stecksch dis Ego en Brand?
Hook (Jozzy)
I show you the golden way
Just follow me through the golden gate
3. Strophe
Das esch dis Läbe, recht di uuf ond entscheid!
Entweder das oder deses, beides zäme? Vergeses
Öffnisch d Töre en Spalt, öffne doch d Töre grad ganz
Du wersch nome bländet vo dem onglaubleche Glanz
En neui Secht, wie dor nes klarers Glas
Du gsehsch wer du wörklech besch, ond was du chasch
Problem ond Versäge, die send e kei Sackgass
Guets öberschwemmt di emene riiche Mass
De Wäg wo du gosch, wärtvoller als Gold
Verchauf ne nie, au ned wäge betzeli Stolz
De Wäg, er esch au ame schwerig ond hert
Aber du besch ned elei, kennsch de, wo di hebt
Chomm met mer of de Wäg, verschwänd ned mehreri Täg
Wart ned ewig, velecht landisch morn e dim Sarg
Heb de Muet, wog de Schrett, met secherem Trett
S wohre Läbe wartet, chom mit
Hook (Jozzy)
I show you the golden way
Just follow me through the golden gate

Download Report