Verse über Gründungsmitglieder Heinz Amweg, Unterhaltungselektronik Gasche Bernhard, Sachversicherungen Gar mänge luegt chly z’viel i’d Röhre doch das tuet euse Heinz nid störe Är bout Verstärker und Antenne Dass vor em TV nümm muesch penne Gschtoche scharf isch’s Bild im Chaschte Wenn si Antenne hangt am Maschte. S’ fählt mängem hüt a Gottvertroue Hett Angscht, me chönt em öppis chlaue Er tröimt, sys Huus tüeg abebrönne Wenn eine so dänkt, muess är rönne Zum Bernhard, by dr Mobiliar Är het no lääri Formular Bono Willy, Küchenbau Hans A. Gassler, Malergewerbe Rüschte, chnäte, mariniere, Neui Sache usprobiere Schnätzle, raschple, bache, broote Das alles tuet de Husfrou groote Denn Bono-Chuchi isch die bescht Für d’Frou wird jede Tag zum Fescht. Wenn’s blätteret von Huus und Wänd Und d’Muure fascht kei Farb me händ Wenn d’Kandalaber roschte tüend Und si i d’Farbkosmetik müend S’git eine nur, wo nid tuet schmiere Der Gassler Hans cha das kuriere. Businger Peter, Backprodukte Christoph Häfeli, Heizung Vo Meile isch de Präsidänt Entsprächend isch sis Temperamänt Sy Arbeitswäg, das isch dr Wahn Glych nimmt er’s Outo und nid d’Bahn Bym Oetker z’Gösge isch är Boss Sys Pulver, das macht d’Chüeche gross Wennd frürsch und schlotterisch gotterbarm Well d’Heizig streikt – s’wird nümme warm Nemm Zytig – de gsesch s’Inserat I settig Fälle – de chöm er grad Met prompt und gönschtig – Christoph glänzt Defür im Club er öppe schwänzt. Von Däniken Josef, Bekleidung Haefeli Rudolf, Bank Der Sepp chunnt us dr Modebranche Und holt sech dört e rächti Tranche Er het es Flair für Dame-Chleidli Studier ned lang und gang doch weidli Zum Schnyder-Sepp of Erlinsbach Är isch der ifrigscht Maa vom Fach Tröimsch jedi Nacht vom neuschte Chaare Das nützt der nüt, z’ersch söttsch chli spare Tues Gäld nid ine Strumpf versorge Süsch findsches nümm am andere Morge Bringsch’s gschyder grad uf Ruedi’s Bank Er hett e schöne Kasseschrank. Frey Kurt, Dr. med. Allgemeine Medizin Hürzeler Paul, Atomenergie Sy Stand verlangt’s – sich nid zum Lache Als Arzt darfsch halt kein Wärbig mache Us däm Grund wird im Niederamt Dy Praxis langsam nur bekannt Los Kurt – Geduld – mach’s ned eso Patiente uf dr Stross go foo. Der gröschti Turm vom Niederamt Isch fascht im ganze Land bekannt Dä Turm dä dampft und dampft und dampft De Hürzeler Paul dä chrampft und chrampft Als Chef vom Gösger KKG Hett är scho vieli Gägner gseh. Paul Karbacher, Brauerei Markus Schwenter, Papierfarikation Pro Woche tuet är einisch braue Die andre Täg macht är nid blaue Verchouft denn Wasser, Schnaps und Wy Zum Ässe darfs es Bierli sy De Päuli hett en Appetit Zwöi Dessert länge meischtes nid. Es rollet – rollet – Blatt für Blatt Es bruchts halt eifach und nid knapp Die meischte nänd’s zum Füdli pützle S’get settig wo ou dermit tüend schnützle Us Abfall chann är Chlütter mache Dr Markus het scho Grund zum Lache. Theo Maron, Hochbau Jules Steiner, Blumenfachgeschäft Hütt wird viel baut, me gwöhnt sich dra S’gäb Brugge, wo nümm Anscht muesch ha Und wottsch es Huus wo wirklech hebt Wenn d’Ärde ou es bitzeli bebt Denn chasch i eusem Theo troue Är tuet nur gueti Sache boue. Wenn viel verliebt bisch, wär’s doch guet Hätt’sch es Röösli eifach ufem Huet Doch mir müend halt zum Gärtner loufe Und eusi Rose dört go choufe Die schönschte hett de Jules dehei I syner pflegte Gärtnerei. Arno Meyer, lic jur Treuhand Linus Studer, Kabelwerk Problem mit Gäld, met Staat ond Stüür Und Gsetzli send der nümm rächt ghüür De bruchsch en Typ wos het erblickt Bi Paragraphe düreblickt I settig Fäll nemm en Jurischt Wo euse Arno eine ischt. Vo wytem gsesch nur Kräne schtoh Si chönne s’Baue gar nümm loh Chuum besch am Houptgebäud verbi Chunnt s’nöchschte Wärk bim Studer gli Kabel – lang – mal gschtreckt – mal chrumm Si s’Studers Evangelium. Klaus Werner Neugeboren, Theologe Heini Tännler, Landwirtschaft Zur Hochzyt git är gärn si Säge Es ärnschts Wort – är isch nie verläge Problem-Lüt chöne zuenem cho Berote tuet är sie denn scho Em Klaus si Predigt goht i d’Ohre Bisch nachhär wie neu gebore. E Subvention brucht jede Buur Süsch wird är eifach schampar suur E ganze schlaue Agronom Dä hilft sich selbst – isch autonom Us tote Tier – Dank Druck und Dampf Macht Heini – früsche Söulimampf. Jean-Pierre Racine, Parfümeriebranche Peter Vogt, Metallwaren Wenn einisch dänksch, du schmöcksch nid guet Verlüür derwäge nid dr Muet S’git eine wo dir hälfe cha Är macht es Bitzeli Parfüm dra Dr Jean-Pierre – e Ma mit Pfiff Hett d’Düftli souverän im Griff! Stecker, Nietli, Röhrli, Ösli, s’hett alles Platz im chlinschte Dösli Stanze, spritze, Röhrli forme Nach US, DIN und Schyzernorme De Vogt isch do de Schpezialischt Und het die chürzischt Lieferfrischt. Rolf Moor, Zweirad D’Politik isch hert für d’Närve Du zehrsch scho gly vo de Reserve Wenn trotzdem fit und gsund wot’sch bliebe De sött me halt viel Sport betriebe Du chasch es z’Fuess tue oder fahre Am beschte nemmsch en Moor-Rolf Chare
© Copyright 2024 ExpyDoc
