Zrugg Id Steiziit

Der Song zum Tag der Bildung
Zrugg id Steiziit
Text: Beat Müller
Musik: Marcel Vosswinkel
Verse 1 (Rap)
D Schteiziit isch überwunde gsii erscht, wo di Wilde
Us irne Hööle kroche sind und sich händ aafa bilde.
Was wèèr, wän d Politik gseit het: So, d Küüle sind erfunde,
Mir höred uuf tänke, mir chömed über d Runde.
Us Erde, Wasser, Füür und Luft isch all Materie gmacht,
Das das tschèggsch, muesch doch nid zwölf Jaar i d Schuel, das wèèr ja glacht.
Hör uuf mit Quantephysik, Relativitätstheorie,
Zum das begriife, langets, so blöd wie de Einstein z sii.
.
Chorus 1 (Gesang):
Hua hua – hey, chumm mit
Hua hua – zrugg id Schteiziit
Let’s go – de Bildig an Chrage
Let’s go – go Mammut jage
Verse 2 (Rap)
Tyrannosaurus und sini Bro's gits no als Fossil:
E riise Klappe, es mickrigs Hirn, zum Überläbe z debil.
Atlantis isch im Meer versoffe und de Grund isch klar:
(Shout:) Jedi Schuel mues ei Million schpare im Jaar.
Chuum intressiered d Römer nu no Orgie und Gladiatore,
Heissts: Liechterlösche, Mittelalter, (Shout:) zeerscht no paar a d Oore.
Ir bliibed tumm, ir bliibed arm, wil ich de Schtaat halt bin,
Hät de Louis gseit und s Volk hät gmeint: (Shout:) Jez ab uf d Guillotine.
Chorus 2 (Gesang):
Hua hua – hey, chumm mit
Hua hua – zrugg id Schteiziit
Let’s go – de Bildig an Chrage
Let’s go – go Mammut jage
Hua hua – hey, chumm mit
Hua hua – zrugg id Schteiziit
Las ois de Ascht, wo mir druf sitzed, absage
Gömmer de Bildig an Chrage
© B. Müller / M. Vosswinkel Der Song zum Tag der Bildung
Verse 3 (Rap):
Bildig isch ja würklich Luxus, huere tüür.
Wem tèèt das dänn wee, wämmer da abboue wüür?
Im Schpital schtönd High-Tech-Grèèt, nu wie tüends funktioniere?
Und de Arzt nimmt sis Skalpell und fröögt: Äh, wo sind d Niere?
Uf de Bank, da liit scheiss vil Gäld, nu keine chas me zele,
Da isch mit Wächselkürs und Zinsberächnig gar nüüt me z wele.
Jurischte, Architäkte, Lehrer tuet’s leid:
Si chömed nüm so druus, ah, Guugel weiss Bscheid.
Chorus 3 (Gesang):
Hua hua – hey, chumm mit
Hua hua – zrugg id Schteiziit
Las ois de Ascht, wo mir druf sitzed, absage
Gömmer de Bildig an Chrage
Hua hua – hey, chumm mit
Hua hua – zrugg id Schteiziit
Let’s go – de Bildig an Chrage
Let’s go – go Mammut jage
Hua hua – hey, chumm mit
Hua hua – zrugg id Schteiziit
Las ois de Ascht, wo mir druf sitzed, absage
Gömmer de Bildig an Chrage
Chorus 4 (Gesang):
(Pause) – hey, chumm mit
(Pause) – zrugg id Schteiziit
(Pause) – (Pause)
(Pause) – go Mammut jage
Nei, schtopp – mir chömed nid mit
Mir wänd nid zrugg i d Schteiziit
Das mir am Ascht, wo mir druf sitzed, söled sage,
Das liit ois würkli huere uf em Mage
© B. Müller / M. Vosswinkel

Download Report