Fegl ufficial dils 25-07-2014

Fegl ufficial dils 25-07-2014
Elecziun dalla suprastonza communala
Perioda d’uffeci 2015–2017
L’elecziun ha liug, dumengia ils 28 da settember 2014
Abdicau han:
Donat Nay, president communal
Dumeni Tomaschett, vicepresident communal
Tarcisi Guldimann, gerau
Sebasond sin artechel 17 da nossa lescha davart votaziuns
ed elecziuns valan tuts ufficials che han buca
abdicau sco proponi, numnadamein:
Toni Pfister, gerau
Renata Decurtins-Deplazes, geraua
Propostas per la suprastonza communala ein d’inoltrar
ntochen ils 28 d’uost 2014. (Art. 19 lescha davart votaziuns
ed elecziuns).
Tenor art. 19 dalla lescha davart votaziuns ed elecziuns
san gruppas da silmeins 5 votants proponer candidats(as)
per la suprastonza. Talas propostas ein da far en scret e
d’inoltrar alla canzlia communala.
Ina proposta astga buca cuntener dapli candidats(as)
ch’il diember da posts libers.
Las candidatas ed ils candidats ston mintgamai vegnir
indicai cun num e prenum, onn da naschientscha, liug
e professiun. (Ils formulars per far propostas san vegnir
retratgs tier la canzlia communala.)
Canzlia communala Trun
Sera culturala
Il Chor cecilian Trun organisescha gliendisdis, ils 29-122014 ina sera culturala en halla plurivalenta a Trun.
Duront quella sera cun tscheina sepresentan exclusivamein
formaziuns pintgas musicalas da Trun ni cun origin
a Trun. Tuttas gruppas a nus enconuschentas ein
vegnidas envidadas persunalmein. Sch’ei dess aunc
ulteriuras gruppas a nus buca enconuschentas che fussen
bugen dalla partida quella sera ein quels tals supplicai
da s’annunziar tier Sandra Decurtins-Darms, presidenta
dil Chor cecilian Trun per telefon 081 936 30 54
ni per mail sut [email protected]. Bugen dundel
sclariment e selegrel sin Vies resun.

Download Report