Cuntgnü Contact

Cuntgnü
Cumpagnia Stradini
p. 2
Il toc „Lillith“
p. 3
Plan da turnea
p. 4
Giorgina
p. 5
Contact
Adressa postala:
Bewegungstheater-Verein Stradini
Stefanie Inhelder
Dorfstrasse 22
3232 Ins
Tel:
077 436 5883 Stefanie Inhelder, producziun
076 445 9384 Anna Mengiardi, administraziun
Email:
[email protected]
Web:
www.stradini.ch
IBAN:
CH89 0900 0000 8922 6487 8
Cumpagnia Stradini
No ses Stradinis derivain da differentas parts da la Svizra ed ans unin cul nomnader
cumünaivel teater da movimaint. No fain teater sün ün palc mobil, construi sün ed aint in nos
bussin oldtimer, nomnà Giorgina.
Nos böt es da crear teater stimulant per uffants da tschinch fin tschient ons e da til preschantar
in regiuns ingio cha’l teater nun es bler preschaint. In nossas tarablas sun integrats fats istoricculturals chi collian la Svizra cul rest dal muond. Nossa lingua principala es quella dal corp,
accumpagnada da tuottas quatter linguas naziunalas, voul dir cha in mincha regiun vain
discurrida la lingua indigena.
Nossas scolaziuns varieschan da la scoula per teater da movimaint Comart (Turich), Dimitiri
(Versicio), Lassaâd (Bruxelles) e training autodidactic. No fain musica, dain scoula, cuors da
circus per uffants e quintain fich jent istorgias. Tuot quai cha no creain as svilluppa our dal gö.
Insomma, no giovain insembel. No, quai sun Stefanie Inhelder, Annina Sedlacek, Anna
Mengiardi, Beat Ryser, Sérafin La Roche e Matthias Hoby. Brita Kleindienst ans sustegna sco
redschissura.
2
Il toc „Lillith“
L’ istorgia
Anno 1813. Lillith es l’unica figlia dad ün pover paur da muntogna. Seis bap as giavüschess ün
figl chi pudess dar man inandret sül fuond e füss eir ün salvaschlatta. Uschea rampigna’la plü
jent sülla bos-cha co da giovar cullas poppas. Ella as nomna Lilo. Per cha Lilo s’indurmainza
quinta il bap istorigas da sia giuventüna sco mariner. E cur ch’ella dorma chanta’l üna chanzun
dal mar e dad üna vegli’amur.
Ün bel di batta ün uffizial vi da lur porta tscherchond giuvens per la guerra marina cunter ils
frances. Inaquella ch'el tendscha incunter ün buorsaröl cun tants raps sco ch'els mai nu vaivan
vis in d'üna, vezza Lillith l'occasiun per salvar a seis bap da la povertà. Ella as decida per
ün’identià sco giuven ed es be subit pronta dad ir in guerra. Ma, in guerra mai nu rivarà'la. Sül
bastimaint ingio cha Lilo vain manà dal uffizial mascrà nu sun sudats, dimpersè - pirats.
Ün'aventüra plain secrets cumainza. Cun ün chapitani fidel, sia mamma ed üna squadra da
malsvouts e schmütschafadias imprenda Lilo as dostar. Ma bainbod imnatscha il privel da vita.
Sainza lair e savair es Lilo la figüra principala dad ün plan crudel da la raïna dal mar. Ma be sco
Lillith po'la salvar sia vita, sia famiglia e tuot il gir da l'istorgia. Ed a la fin scuvrir sia vaira
derivanza.
Stil
Il toc vain dominà da scenas comicas intessüdas da schonglascha, trics da striögn, acrobatica
aint il ajer e per terra. Nos bus as transmüda in üna barcha e la plazza sco tala es mincha jada
üna nouva culissa. La musica dad accordeon, gïa ed oters instrumaints accustics ans maina in
sferas da chanzuns anticas da mariners, o da quellas svizras tradiziunalas. Üna figüra ans maina
sco raquintadra tras la tarabla.
Text da pressa
Our dad ün bussin dvainta ün bastimaint. Our dad üna matta dvainta ün mat. L'ester dvainta
dachasa. Pirats sulvadis dvaintan amis.
Our da rum dvainta lat cun meil. E no, che dvainta cun no?
No accumpagnain a Lillith davent da seis gnieu d'infanzia a la riva d'üna giuventüna cunfusa
infin sülla barcha dals sömis. Là ingio cha vent e strasora decidan in che direcziun chi va. Là
ingio cha las ritschas chantan lur chanzuns our da las profuonditats dal mar. Ün’istorgia bizarra
a la funtana da la vita ingio cha la deessa dal mar dumonda ün sacrifizi.
Giovà vain suot tschêl avert in, sün e davant ün palc mobil cun albers e velas. La cumpagnia
Stradini quinta cun sot, acrobatica e musica ün'istorgia chi co-mova a tuot la famiglia.
Dürada ca. 60'
3
Plan da turnea
Üna grafica da la turnea planisada pella stà 2015. Dals 20. gün fin als 22. avuost giovaina in var
30 cumüns in nouv differents chantuns e Giorgina farà 1'522.6 kilometers!
4
Giorgina
Ün bussin Peugeot J-9, cha no nomnain Giorgina, es al listess mumaint mez da transport,
rulotta e palc.
5

Download Report