ANG
Pahayagan ng Partido Komunista ng Pilipinas
Pinapatnubayan ng Marxismo-Leninismo-Maoismo
Taon XLV Blg. 20
Oktubre 21, 2014
www.philippinerevolution.net
Editoryal
Wakasan ang presensya
at panghihimasok-militar ng US
sa Pilipinas
K
re 12.
aisa ang Partido Komunista ng Pilipinas sa mamamayang Pilipino sa mariing pagtuligsa sa brutal na pagpatay ng isang sundalong Amerikano sa isang Pilipina sa Olongapo City noong Oktub-
Sinusuportahan ng PKP at
lahat ng rebolusyonaryong
pwersa ang pamilya at mga kaibigan ng biktimang si Jennifer
Laude sa kanilang mga hakbangin upang matamo ang katarungan. Puspusan ang hangarin
ng sambayanang Pilipino na makamit ang
hustisya para kay
Jennifer, para sa lahat ng tulad niyang
biktima ng krimen ng
mga sundalong Amerikano at para sa
buong bayan sa nagpapatuloy na
paglapastangan sa kanyang kalayaan.
Sinusuportahan ng PKP ang
kahilingan ng sambayanang Pilipino na isailalim sa kustodiya ng Pilipinas ang isinasakdal na sundalong Amerikano.
Dapat nilang puspusang igiit ang
pagbabasura sa
Visiting
Forces
Agreement (VFA).
Ang VFA ay isang
tagibang na ka-
sunduan na nagsasaad na mananatili sa militar ng US ang
kustodiya sa mga Amerikanong sundalong isinakdal sa
mga kasong kriminal sa Pilipinas.
Inaalis ng VFA ang soberanong karapatan ng isang estado na ipailalim sa kapangyarihan nito ang sinumang dapat iharap sa paglilitis. Isang
malaking insulto sa mamamayang Pilipino na ipagkait sa
kanila ng gubyernong US ang
kapangyarihang ito. Pwede
man hingin ng gubyerno ng Pilipinas ang kustodiya, nasa kapasyahan pa rin ng gubyernong US kung ibibigay ito o
hindi!
Si Jennifer ang pinakahuli
lamang sa napakahaba nang
listahan ng mga Pilipinong biktima ng iba't ibang krimen ng
mga sundalong Amerikano at
militar ng US sa Pilipinas. Sa
mahigit isandaang taon nang
kolonisasyon, neokolonyal na
paghahari at panghihimasokmilitar ng US sa Pilipinas, patung-patong na ang mga kaso
ng pagpatay, panggagahasa,
pagmasaker, pagnanakaw at
pandarambong.
Ang pagpatay kay Jennifer
ay nagpapaalala sa sambayanang Pilipino kung papaano pi-
nuksa ng imperyalismong US ang
buhay ng 700,000 Pilipino sa gerang agresyon noong 18991902. Aabot pa sa 800,000 Pilipino ang pinatay ng mga sundalong
Amerikano sa gera ng panunupil
upang gapiin ang armadong rebolusyon para sa pambansang paglaya hanggang noong 1916. Walang kahit isang sundalo o upisyal
ng US ang napanagot sa mga krimeng ito. Wala ring sundalo o upisyal ng US ang napanagot sa Subic rape case noong 2005 at iba't
ibang mga kaso ng pagpatay, paglapastangan, pamamaril, pambubugbog, pananakot at iba pa.
Asahan nang lalo pang darami ang mga krimen ng mga sundalong Amerikano na katulad ng
pagpatay kay Jennifer dahil sa
pinirmahan ng rehimeng Aquino
at gubyernong US na Enhanced
Defense Cooperation Agreement
(EDCA). Sa ilalim ng EDCA, lalo
pang darami ang mga sundalong
Amerikano na papasok sa bansa
at mag-iistasyon sa itatayo nilang mga base at pasilidad sa tinaguriang mga "Agreed Locations"—mga lugar sa saklaw ng
mga base militar ng AFP.
Ang pagpirma ni Aquino sa
EDCA ang pinakahuli lamang
niyang akto ng pangangayupapa
sa kapangyarihan ng militar ng
US. Sa ilalim ng rehimeng Aquino, dumami taun-taon ang mga
barko at eroplanong pandigma
ng US na pinahintulutang pumasok, maglayag, dumaong at
maglunsad ng iba't ibang operasyon sa loob ng teritoryo ng
Pilipinas sa ngalan ng "magkasanib na ehersisyong militar" o
kaya'y "rest and recreation" at
"pagkuha ng suplay" ng mga
pwersang Amerikano. Libu-libong tropang Amerikano ang
taun-tao'y pumapasok sa bansa.
Kung tutuusin, ang papet na
rehimeng Aquino ang lumikha ng
sitwasyong humantong sa krimen ng pagpatay kay Jennifer.
Saan man naroroon ang mga
sundalong Amerikano, laganap
ang prostitusyon at dekadenteng pamumuhay.
Pinatay si Jennifer sa panahong ginugunita ang ika-70 taon
ng panunumbalik ng militar ng
imperyalismong US upang muling saklutin ang Pilipinas. Sa tinaguriang Leyte Landing, sina-
Nilalaman
ANG
Taon XLV Blg. 20 Oktubre 21, 2014
Ang Ang Bayan ay inilalabas sa
wikang Pilipino, Bisaya, Iloko, Hiligaynon, Waray at Ingles.
Maaari itong i-download mula sa
Philippine Revolution Web Central na
matatagpuan sa:
www.philippinerevolution.net
Tumatanggap ang Ang Bayan ng
mga kontribusyon sa anyo ng mga
artikulo at balita. Hinihikayat din ang
mga mambabasa na magpaabot ng
mga puna at rekomendasyon sa ikauunlad ng ating pahayagan. Maaabot
kami sa pamamagitan ng email sa:
[email protected]
Editoryal: Wakasan ang presensya
at panghihimasok-militar ng US sa Pilipinas
1
18 sundalo, patay sa aksyong militar ng BHB
4
Pilipina, pinaslang ng sundalong Amerikano
Itochu-DOLE, pinarusahan ng BHB
Operasyong harasment sa Bukidnon
Mag-ama, pinaslang sa Comval
Masaker sa Lacub, kinundena ng PKP
5
6
6
7
Barangay captain sa HLI, nakinabang sa DAP 8
Mga Cojuangco-Aquino, sinampahan
ng mga kriminal na kaso
Protesta ng mga maralitang-lunsod
Danding Cojuangco, makikinabang
8
9
sa proyektong Laiban Dam
10
Paglaban ng mga Kurd sa ISIS
11
mamamahayag, inilunsad
12
Ipagtanggol ang mga paaralan at komunidad 11
Kumperensya ng mga progresibong
Ang Ang Bayan ay inilalathala dalawang beses bawat buwan
ng Komite Sentral ng Partido Komunista ng Pilipinas
2
3
lakay ng US ang Pilipinas upang
muli itong sakupin, matapos lumisan ang mga pwersa nitong
ginapi noong 1942 ng sumalakay
na pwersang militar ng imperyalismong Japan. Ang Leyte Landing (o ang tinaguriang pagbabalik ni Gen. Douglas MacArthur)
ang ikalawang pagkakataon na
inagaw ng US ang kalayaan ng
Pilipinas mula sa mga Pilipino.
Sa tuwing pumapasok ito sa
teritoryo ng Pilipinas, inaangkin ng militar ng US ang pribilehiyo ng pinakamakapangyarihang armadong pwersa sa buong mundo. Ang militar ng US
ang nagtatakda kung kailan at
saan sila papasok, saan at
hanggang kailan sila dadaong,
kung ano ang mga sandata na
kanilang dadalhin, kung ilang
sundalo ang kanilang ipapakat
at kung anong mga operasyon
ang kanilang ilulunsad.
Dala ng bawat sundalong
Amerikano ang imperyalistang
kahambugan ng kanilang hepeng
si Barack Obama na nagdeklara
kamakailan na "we are the indispensable nation." (Tayo ang
bansang lubos na kinakailangan)
Saan man sila mapadpad, nagaasal-amo ang mga armadong
tropang Amerikano na dapat
silang pagsilbihan ng kanilang
mga "kaibigan." Sa Afghanistan
man o sa Iraq, sa Pakistan o Pilipinas, kaliwa't kanan ang mga
krimen ng mga sundalong Amerikano at pagyurak sa soberanya
at integridad ng mga bansang
kanilang pinapasok.
Tiyak na mas marami pang
Jennifer ang magiging biktima
ng iba't ibang krimen at pandarahas ng mga sundalong Amerikano sa bansa. Dapat puspusang
kumilos ang mamamayang Pilipino upang ipaglaban ang katarungan para kay Jennifer, igiit ang
pagwakas sa presensya at panghihimasok-militar ng US at patalsikin ang sunud-sunurang
~
gubyerno ni Aquino.
ANG BAYAN Oktubre 21, 2014
Pilipina, pinaslang ng sundalong Amerikano
sa Olongapo
S
unud-sunod na mga kilos-protesta ang inilunsad ng iba't ibang
progresibong organisasyon para igiit ang pagbabasura sa Visiting Forces Agreement (VFA) at Enhanced Defense Cooperation Agreement (EDCA) matapos ang brutal na pagpaslang ng isang
sundalong Amerikano sa isang Pilipina noong gabi ng Oktubre 12 sa
Olongapo City.
Si Jennifer Laude, 26 anyos,
ay pinatay ni Pvt. 1st Class Joseph Scott Pemberton, isang
elemento ng US Marine Corps na
kabilang sa 3,000 sundalo ng US
Marines at US Navy na lumahok
sa katatapos lamang na Balikatan Exercises na ginanap sa
Palawan at Zambales. Nasa
Olongapo noon ang mga tropang
Amerikano para magliwaliw.
Si Jennifer ay isang transgender , o lalaking mayroong
identidad at kinikilalang babae.
Nagkakilala sila ni Pemberton sa
isang disco house at kalaunan ay
sabay silang pumunta sa isang
malapit na motel. Di nagtagal ay
natagpuang patay si Laude sa
loob ng motel ilang minuto matapos makitang umalis si Pemberton.
Sinampahan na ng pulisya ng
Olongapo City ng kasong murder
si Pemberton noong Oktubre 16,
subalit nananatili pa rin siya sa
loob ng barkong USS Peleliu sa
halip na madetine sa isang kulungan sa Pilipinas. Ito ay dahil
nakasaad sa VFA na mananatili
sa kustodiya ng US ang isang
sundalong Amerikanong akusado ng krimen sa Pilipinas.
Matingkad sa kasaysayan
ang pagbabalewala ng US sa soberanya ng Pilipinas, laluna pagdating sa mga nagkakasalang
sundalong Amerikano. Sa bawat
pagkakataon ay pinagtatakpan
din ng reaksyunaryong gubyerno
ang mga kriminal na tropa ng
amo nitong imperyalista.
ANG BAYAN Oktubre 21, 2014
Noong Nobyembre 2005, ginahasa ni Lance Corporal Daniel
Smith ang Pilipinang si "Nicole."
Tulad ng ginagawa ngayon kay
Pemberton, hinawakan ng mga
awtoridad ng US si Smith habang nililitis at inaapela ang kaso. Samantala ay hindi tinantanan ng US ang pamilya ni "Nicole" hangga't hindi nito binabago ang kanyang testimonya.
Mabilis na inilabas ng US sa bansa si Smith matapos bawiin ni
"Nicole" ang kanyang salaysay
at baliktarin ng korte ang naunang hatol na maysala si Smith.
Isa pang Pilipinang nagngangalang "Vanessa" ang ginahasa rin noong Abril 2009 ng isang
US Marine na nakatalaga sa
Joint US Military Assistance
Group. Ang panggagahasa, na
isinagawa sa isang hotel sa
Makati ay napatunayan ng
mga medico-legal na ulat.
Gayunpaman, hindi na nagsampa ng kaso si "Vanessa"
dahil nangamba siyang
magagaya lamang kay "Nicole," na hindi rin nakakuha
ng katarungan. Kaaabswelto
lamang ni Lance Corporal
Smith isang buwan bago gahasain si "Vanessa."
Bago ito, noong Pebrero
2008 ay pitong sibilyan,
kabilang ang apat na
menor de edad ang napatay
nang salakayin ng pinagsanib na
mga pwersa ng US Navy at AFP
ang Barangay Ipil, Maimbung,
Sulu. Pinalabas ng AFP na namatay ang mga biktima sa isang
operasyong militar laban sa Abu
Sayyaf na hindi raw nilahukan
ng mga sundalong Amerikano.
Noon namang 2004, si Arsud
Baharun, isang mangingisda ang
nasugatan ng mga sundalong
Amerikanong
nagta-target
practice sa Zamboanga City.
Walang nanagot sa mga salarin,
at papatak-patak pa ang ibinigay na tulong sa pagpapagamot
ng biktima.
Isa pang sibilyang nangngangalang Buyong-Buyong Isnijal
ang binaril ng sundalong Amerikanong si Sgt. Reggie Lane noong Hulyo 2002 sa Basilan. Hindi man lamang humarap sa anumang asunto si Lane dahil inilabas na siya ng US sa Pilipinas kinabukasan. Ang
3
doktor namang gumamot kay
Isnijal at nagsalaysay na kabilang ang tatlong sundalong
Amerikano sa mga nagdala sa
biktima sa ospital ay kahina-hinalang pinaslang matapos ang
dalawang taon.
Noon namang Marso 2000,
binugbog ng tatlong sundalong
Amerikanong lumahok sa Balikatan Exercises si Marcelo Batistil, isang drayber ng taksi sa
Cebu City. Agad ding pinauwi
sa US ang mga sangkot na tropa.
Ang pinakahuling biktima
bago si Laude ay si Gregan Cardeño, isang sibilyang kinontrata
bilang tagasalin ng mga sundalong Amerikanong nakaistasyon
sa loob ng isang base militar ng
AFP sa Marawi City. Tatatlong
araw pa lamang sa trabaho noong Pebrero 2, 2010 ay natagpuang patay si Cardeño sa baraks ng Philippine Army 103rd
IBde sa Camp Ranao. Ang kaibigang nagrekomenda sa kanya sa
trabaho at tumutulong noong
imbestigahan ang kaso ay inambus at napatay matapos ang dalawang buwan. Papunta sana siya noon sa pamilya ni Cardeño
para isiwalat ang kanyang mga
natuklasan.
Marami ring kinasangkutang
kaso ng panggugulo at pambabastos sa kababaihan ang mga
tauhang militar ng US sa Zamboanga City mula nang itayo rito ang himpilan ng Joint Special
Operations Task Force-Philippines (JSOTF-P) noong 2002.
Lumaganap din ang prostitusyon sa Zamboanga at Olongapo
mula nang dumalas ang pagdaong ng mga barko de gera ng US
sa Pilipinas. Asahang dadalas
ang mga krimeng kinasasangkutan ng mga sundalong Amerikano kapag bumwelo na ang implementasyon ng EDCA, dahil
papayagan nitong magtayo ng
mga base militar ang US sa Pili~
pinas.
4
18 sundalo, napatay
sa serye ng mga aksyong
militar ng BHB
L
abing-walong sundalo ang napatay at dalawa ang nasugatan sa serye ng mga taktikal na opensiba at iba pang aksyong militar ng Bagong Hukbong Bayan (BHB) sa Compostela Valley, Davao Oriental at Agusan del Sur mula Setyembre 22
hanggang Oktubre 12. Dalawang M16 din ang nakumpiska sa mga
labanang ito. Ang mga nasaklaw na lugar ay bahagi ng ComvalDavao Eastcoast Subregional Command ng BHB sa Southern Mindanao Region.
Pinasusubalian ng mga
taktikal na opensibang ito ang
ipinagmamayabang ng AFP na
napuksa na raw ang BHB sa
Davao Oriental at ilang bahagi
ng Compostela Valley. Bagkus,
nitong nakaraang mga buwan,
ang 67th IB ang siyang nalagasan na ng katumbas ng dalawang platun (patay at sugatan) sa anim na taktikal na
opensiba at sa mga operasyong isnayp at harasment ng
BHB laban sa naturang batalyon. Sa desperasyon ng AFP
Eastern Command, imbes na
ipasa na sa pulisya ang mga lugar na "nalinisan" na raw ng
mga Pulang mandirigma ay
nagdagdag pa ito ng 100 sundalo mula sa 11th Coy ng 4th
Scout Rangers Battalion.
Sa pinakahuling mga taktikal na opensiba, pinasabugan
ng mga Pulang mandirigma
ang himpilan ng 66th IB sa
New Bataan, Compostela Valley noong Oktubre 12, bandang
alas-10:45 ng gabi at inambus
ng isa pang yunit ng BHB ang
mga nag-ooperasyong sundalo
ng 67th IB sa Barangay Mahan-ub, Baganga, Davao Oriental. Limang sundalo ang napatay at dalawang M16 ang nasamsam sa dalawang taktikal
na opensibang ito.
Bago ito, dalawa pang sundalo ang napatay nang harasin
ng BHB ang patrol base ng
67th IB sa Salvacion, Trento,
Agusan del Sur ganap na alas10:35 ng gabi ng Oktubre 11.
Napapanahong parusa ang
pagsalakay sa hedkwarters ng
66th IB dahil isinagawa ito iilang oras pa lamang ang nakakalipas mula nang brutal na
ANG BAYAN Oktubre 21, 2014
paslangin ng mga sundalo ng
naturang batalyon ang magamang Dagansan na nakasalubong lang nila sa daan sa
Manurigao, New Bataan. (Tingnan ang kaugnay na artikulo)
Parusa rin ito sa 66th IB sa pagsalbeyds nito sa aktibistang
magsasakang si Gregorio Galacio sa kanyang bahay sa Kahayag, New Bataan noong Hulyo
19.
Apat na beses pang inatake
ng BHB sa subrehiyon ang iba't
ibang yunit-militar sa saklaw nito noong huling bahagi ng Setyembre:
Noong Setyembre 27, bandang alas-2 ng hapon, sinunog
ng BHB ang detatsment ng 67th
IB sa Km. 28, Barangay Panansalan, sa bayan ng Compostela
sa Compostela Valley.
Noong Setyembre 26, bandang alas-9 ng umaga, apat na
pasistang tropa ang napatay at
dalawa ang nasugatan nang
maengkwentro ng BHB ang mga
sundalo ng 67th IB sa Barangay
Kampawan, Baganga.
Noong Setyembre 24, bandang alas-10 at alas-11 ng gabi,
dalawang sundalo mula sa 72nd
IB ang napatay sa dalawang
magkahiwalay na operasyong
isnayp sa mga detatsment ng
kaaway sa Barangay Tapia,
Monkayo, Compostela Valley at
Barangay Marapat, Compostela.
At noong Setyembre 22,
bandang alas-3 ng umaga,
apat na sundalo ang napatay
nang pasabugan ng BHB ang
nagpapatrulyang platun ng
25th IB sa Upper Ambawan,
Barangay Ngan, Compostela.
Nawasak din ang sinasakyan
nilang trak na KM 450. Sa hiwalay na operasyon, napatay
ang isang sundalong gumugwardya sa Petroleum Mining
Corp. nang isnaypin siya ng
BHB sa Sityo Mambusao, Ba~
rangay Ngan.
ANG BAYAN Oktubre 21, 2014
Itochu-Dole Corp.,
pinarusahan ng BHB
sa South Cotabato
S
inunog ng Bagong Hukbong Bayan (BHB) sa Far South Mindanao ang isang boom sprayer noong Oktubre 6 sa Sityo El
Bantong, Barangay Rang-ay, Banga, South Cotabato
upang di na ito magamit sa pamiminsala sa kapaligiran at kalusugan.
Ang naturang kagamitan ay pag-aari ng Itochu-Dole (dating
Dole Philippines), isang kumpanyang Hapon na may malalawak na
plantasyon sa Pilipinas, Australia, New Zealand at iba't iba pang
bansa sa Asia.
Isinagawa ng Julito Banda Front ng BHB ang hakbangin sa harap ng malawak at seryosong pinsalang idinudulot ng plantasyon.
Mula nang itayo ang mga plantasyon sa Allah Valley mahigit sampung taon na ang nakararaan ay libu-libong magsasaka na ang
naagawan ng lupa dahil sa agresibong pagpapalawak ng kanilang
plantasyon ng pinya at saging.
Ang malawakang pagpapalit-gamit ng lupa mula palay tungong mga plantasyong isahang klaseng tanim ay nagdudulot ng
malaking banta sa seguridad sa pagkain. Ang paggamit naman ng
mga agrokemikal ay lumalason sa hangin, mga sistemang patubig
at pinagkukunan ng pagkain na nagdudulot ng problemang pangkalusugan sa dumaraming mamamayan. Ang matitinding baha na
laganap din ngayon sa Allah Valley ay bunga ng pagbabaw ng mga
ilog dahil sa pagtatambak ng kumpanya ng kanilang basura rito.
Dahil sa lakas ng pagtutol ng masa, napilitan kamakailan ang
kumpanya na itigil ang paggamit ng boom sprayer sa ere upang
magbomba ng pestisidyo. Sa halip, inoopereyt na lamang ito sa
lupa. Pero tuwing dumadaan ito, binabato ito ng mga residente
para maipakita ang kanilang galit at pagtutol sa pagpapanatili ng
plantasyon.
Para supilin ang paglaban ng mamamayan at kilusan ng mga
manggagawang bukid laban sa kumpanya, ginagamit ng ItochuDole ang mga mersenaryong tropa ng 27th IB.
Samantala, sa Northern Samar, umabot sa 11 sundalo ang napatay sa dalawang magkahiwalay na operasyong harasment sa
Barangay Gebonawan, Lope de Vega noong Setyembre 29 at 30.
Ang mga binirang kaaway ay kabilang sa mahigit 50 elemento
ng 63rd IB na nag-operasyon sa lugar mula Setyembre 26 hanggang Oktubre 7.
Matapos ang harasment ay may nagreimpors pang mahigit
130 sundalong gumalugad sa anim na kilometrong radius pero
wala silang nahagip na mga Pulang mandirigma.
Dahil sa galit ng kaaway, dalawang beses silang nag-aerial
strafing sa mga komunidad ng Gebonawan at sa Barangay Paguite, pero wala ring naging kaswalti sa BHB maliban sa isang gerilyang bahagya lamang na nasugatan.
Agad na inireklamo ng mga upisyal ng Barangay Paguite sa
lokal na gubyerno ang walang pakundangang aerial strafing ng
AFP.
~
5
Operasyong
harasment
sa Bukidnon
I
sang elemento ng Special
CAFGU Active Auxiliary
ang napatay nang paputukan ng isang tim ng Bagong
Hukbong Bayan (BHB) ang
nag-ooperasyong mga sundalo at paramilitar sa Kagahuman, San Luis, Malitbog,
Bukidnon noong Oktubre 9,
bandang alas-12 ng tanghali.
Noon namang Oktubre
11, bandang alas-5:30 ng
hapon, pinaputukan ng isa
pang tim ng BHB ang mga
tropa ng 8th IB sa Sityo Calampigan, Kalabugao, Impasug-ong, Bukidnon kung saan napatay ang isang sundalo at nasugatan ang dalawang elemento ng CAFGU.
Ang mga tropa ng AFP
ay nagpipilit maglunsad ng
mga operasyong militar para iligtas ang dalawang sundalong dinakip ng BHB sa
Impasug-ong noong Agosto
22 na sina Pfc. Marnel
Cinches at Pfc. Jerrel Yorong. Nagpwesto pa ng dalawang 105-mm howitzer
ang 8th IB sa Barangay
Hagpa, Impasug-ong. Sa
Palo, Hindangon, Gingoog
City, patuloy din ang
operasyong kombat ng 58th
IB na nagpwesto rin ng dalawang howitzer sa lugar.
Mariing binatikos ng
BHB ang nagpapatuloy na
rescue operations. Sa halip,
ang dapat ipatupad ng AFP
ay Suspension of Offensive
Military Operations o SOMO
na siyang magbibigay-daan
sa maayos at ligtas na pagpapalaya sa dalawang bi~
hag.
6
Mag-ama, pinaslang
sa ComVal
I
sang mag-amang Mandaya ang walang awang pinatay ng mga
sundalo sa Compostela Valley. Samantala, biktima ng iligal na
pang-aaresto ang isang lider-magsasaka sa Davao del Norte,
isang development worker sa Tagum City at magpinsang sibilyan sa
Pampanga.
Compostela Valley. Dalawang myembro ng tribong Mandaya ang napatay nang pagbabarilin sila ng mga elemento ng
Alpha Coy ng 66th IB sa Barangay Manurigao, New Bataan,
Compostela Valley noong Oktubre 12 ng madaling araw.
Sina Rolando L. Dagansan,
45 taong gulang at binatilyo niyang anak na si Juda, 15 anyos,
ay pauwi na mula sa kanilang
maisan nang masalubong nila
ang nag-ooperasyong mga sundalo. Walang pakundangan silang pinaulanan ng bala ng mga
sundalo. Nagkalasug-lasog ang
mga katawan ng mga biktima at
di na makilala ang kanilang
mga mukha. Ang braso ni Rolando ay nahiwalay pa sa kanyang katawan sa lakas at dami
ng tama ng mga bala. Ang labis-labis na pagkakatadtad ng
bala ng mga biktima ay nagpapasinungaling sa pinalalabas
ng militar na “nagulat” lamang
ang mga sundalo at “napagkamalang NPA” ang mag-amang
Dagansan.
Tagum City. Walang ipinrisintang mandamyento-de-aresto ang mga pulis at sundalong
dumakip kay Dominiciano Muya
sa isang tsekpoynt noong Oktubre 16. Si Muya, isang agriculturist at development worker ay
pinaratangang mataas na upisyal ng PKP at BHB na may `4.8milyong patong sa ulo at may hinaharap umanong mga kasong
pagpatay at pagnanakaw sa Bukidnon, Agusan del Sur at Davao
Oriental. Sa aktwal, siya ay kon-
sultant sa "soil science" sa Salugpungan Learning Center sa
Talaingod, Davao del Norte at
istap ng Rural Missionaries of
the Philippines.
Pampanga. Iligal na inaresto
ng mga pulis at ahenteng paniktik ng AFP ang magpinsan na sina Lourdes David Quioc, 64
anyos at Reynaldo Canlas Ingal,
63 anyos sa Barangay San Antonio, Mexico noong Oktubre 2.
Ipinagpipilitan ng PNP Region 3 na sina Quioc at Ingal ay
sina "Eugenia Magpantay" at
"Agaton Topacio," sinasabing
mga upisyal ng PKP at BHB na
may patong na `10.6 milyon para sa kanilang ikadarakip. Mariing itinanggi ng mga kamaganak ng dalawa na sila ang tinutukoy na mga lider. Si Quioc ay
kilalang manghihilot sa kanilang
lugar at volunteer sa isang simbahan habang si Ingal naman ay
retiradong drayber ng National
Power Corporation sa Morong,
Bataan.
Kasalukuyan silang nakakulong sa Bulacan Provincial Jail.
Davao del Norte. Inaresto si
Lito Lao, isang lider-magsasaka,
noong Oktubre 7 sa ABC Hall sa
Kapalong habang isinasaayos niya ang isang dayalogo sa pagitan ng mga magsasaka at mangangamkam ng lupa sa lugar.
Hinuli siya sa bisa ng isang mandamyento-de-aresto hinggil sa
gawa-gawang kasong pagnanakaw laban sa kanya at 12 iba
pang lider-aktibista na isinampa
ng panginoong maylupang si
Vivien Jubac noong 2012.
~
ANG BAYAN Oktubre 21, 2014
Masaker sa Lacub, Abra,
mariing kinundena ng PKP
M
ariing kinundena ng Partido Komunista ng Pilipinas (PKP) at
ng Bagong Hukbong Bayan (BHB) sa Ilocos-Cordillera Region ang karumal-dumal na pagmasaker ng mga sundalo ng
41st IB sa pitong myembro ng BHB sa Lacub, Abra noong Setyembre
4. Ang mga biktima ay pawang mga hors de combat o wala nang kakayahang lumaban. Kinundena rin ng PKP ang ekstrahudisyal na pamamaslang ng militar sa dalawang sibilyan at iba pang paglabag sa
karapatang-tao at mga internasyunal na makataong batas.
Sumaludo at iginawad ng
PKP at BHB ang pinakamataas
na parangal sa mga kadre ng
Partido at mga Pulang mandirigmang sina Arnold “Ka Mando” Jaramillo, Recca Noelle “Ka
Tet” Monte, Brandon “Ka Sly”
Madranga, Robert “Ka Dawyan”
Beyao, Ricardo “Ka Tubong”
Reyes, Pedring “Ka Jess” Banggao at Robert “Ka Limbo” Perez.
Ayon sa panimulang imbestigasyon, napatunayang ang
mga napatay na Pulang mandirigma ay nadakip nang sugatan
matapos magapi ng nag-ooperasyong mga tropa ng Armed
Forces of the Philippines (AFP).
Sa halip na gamutin at tratuhin
bilang mga bihag-ng-digma
alinsunod sa pandaigdigang batas ng digma, walang awa silang
tinortyur at pinatay ng mga pasista. Pinapatunayan ito kahit
ng mga report ng awtopsiya na
isinagawa ng mga ahensya ng
gubyerno. Ang bangkay ni Ka
Mando, sa partikular, ay tadtad
ng tama ng bala. Ang mga tama
ay may malinaw na paso sa paligid ng pinasukan ng bala, na
nagpapatunay na binaril siya
nang malapitan.
Kinundena rin ng PKP ang
pagpaslang kay Engr. Fidela
Salvador, 50 anyos, isang upisyal ng Cordillera Response and
Development Services na nagmomonitor sa implementasyon
ng Philippine Tropical Cyclone
Emergency Response Project sa
ANG BAYAN Oktubre 21, 2014
lugar nang siya ay paslangin.
Tinortyur din at pinatay ng
41st IB si Noel Viste, residente
ng Barangay Poblacion, Lacub,
na kabilang sa 24 na sibilyan na
ginawang giya at human shield
ng 41st IB noong Setyembre 5.
Karamihan sa mga sibilyan ay
pinakawalan, maliban kina Viste
at Nicasio Asbucan. Kinabukasan, natagpuang patay si Viste.
Ayon kay Asbucan, inatasan siya ng mga sundalo na sabihing
si Viste ay pinatay ng mga
myembro ng BHB.
Mahigpit na sinusuportahan
ng PKP ang malawakang panawagan ng mamamayan ng Abra
sa agarang pagpapalayas sa mga
tropa ng 41st IB. Nananawagan
ang PKP sa mamamayan ng Abra
at sa mamamayang Pilipino na
palakasin ang kanilang protesta
at paalingawngawin ang kanilang sigaw para sa agarang pagpapalayas sa mga kriminal na
tropa ng AFP sa lugar.
Inatasan din ng PKP ang
BHB sa Abra at sa buong IlocosCordillera na parusahan ang
mga salarin sa mga krimeng ito
at sa matitinding abuso sa karapatang-tao at bigyan ng hustisya ang lahat ng mga biktima ng
pasismo.
~
Pag-aarmas ng AFP sa mga Lumad
kontra-Lumad, binatikos
M
ariing binatikos ng Kalipunan ng mga Katutubong Mamamayan ng Pilipinas (KAMP) ang pagbubuo ng mga
grupong paramilitar sa mga Lumad at pag-aarmas ng
AFP sa kanila laban sa kanilang mga kamag-anak at katribo.
Layunin ng AFP na wasakin ang pagkakaisa ng mga Lumad,
gamitin silang tau-tauhan sa inilulunsad na gerang Oplan Bayanihan at sa gayo'y bigyang-daan ang pagpasok ng mga dayuhang
kumpanyang may interes sa mga yamang mineral at iba pang likas na yaman sa mga lupaing ninuno ng mga Lumad.
Mayroon nang 13 grupong paramilitar na Lumad sa buong
Mindanao na patuloy na naghahasik ng terorismo sa mga komunidad ng mga Lumad at magsasaka. Sa Bukidnon, kabilang dito
ang San Fernando Matigsalug, Tribal Datus (Sanmatidra); Bungkatol Liberation Front (Bulif); at ang New Indigenous People’s
Army for Reform (Nipar) sa ilalim ng 8th IB. Kabilang din dito
ang Salakawan o Wild Dogs (na binuo ng 402nd Infantry Brigade), ang Alamara sa Northern Mindanao at ang Task Force
Gantangan-Bagani Force sa rehiyong Caraga.
Ang mga grupong ito ang nasa likod ng hindi bababa sa 11
kaso ng pagpatay sa mga Lumad at kanilang mga tagapagtaguyod.
~
7
Barangay captain sa Hacienda Luisita,
nakinabang sa DAP
M
alaon nang matapat na tauhan ng pamilyang CojuangcoAquino si Brgy. Capt. Edgardo Aguas ng Barangay Central,
ang pinakamalaking barangay sa loob ng Hacienda Luisita.
Si Aguas ay kabilang sa mga upisyal ng gubyerno na nakinabang sa
maanomalyang programang Disbursement Acceleration Program
(DAP) ni Benigno Aquino III.
Personal na nagbigay si
Aquino kay Aguas ng `3.5 milyon noong Agosto 2012 para
umano sa pagpapatayo ng gusaling multi-purpose ng Barangay Central. Isa si Aguas sa
dadalawang kapitan ng barangay na nakatanggap ng pondo
mula sa DAP. Bukod sa kanila,
tumanggap din ng pondong
DAP ang 22 senador, 173 kongresista, 51 gubernador, dalawang bise-gubernador, dalawang bokal, 32 alkalde at dala-
wang bise-alkalde.
Ang pagkakabilang ni Aguas
sa mga nakinabang sa DAP ay
nagpapatampok sa bulok na sistemang padrino na ginagamit at
pinalalakas ni Aquino. Ginagamit ni Aquino ang pondo ng bayan upang suhulan at gantimpalaan ang mga upisyal ng gubyerno at makuha ang kanilang
suporta. Ang pagbigay ni Aquino ng pabor sa Tarlac at mga
upisyal nito ay katulad ng pagpabor noon ni Marcos sa Ilocos
Norte.
Ang pagbigay ng DAP kay
Aguas ay kapalit din ng mahabang serbisyo niya sa mga Aquino at Cojuangco, laluna sa pagpapanatili ng kontrol ng angkan
sa malawak na lupain ng Hacienda Luisita. Nasa Barangay
Central ang Central Azucarera
de Tarlac (CAT), ang kanilang
simbahan at ang “Sitio Alto”
kung saan nakatayo ang magagarang mansyon ng mga Cojuangco. Dito rin rehistrado at
bumoboto sina Aquino at ang
kanyang mga kapatid.
Ano pa nga ba't “kapamilya”
ng makapangyarihang angkan
ng mga asendero si Aguas, higit
pa sa pagiging kapitan ng barangay. Isa siyang stockholder
Mga kasong kriminal, isinampa
laban sa mga Aquino at Cojuangco
M
ahigit 100 magsasaka ng Hacienda Luisita
ang tumungo sa Department of Justice
(DOJ) noong Oktubre 12 para magsampa ng
mahigit 100 kasong kriminal laban sa pamilyang
Cojuangco-Aquino at kanilang mga kasapakat sa
pulisya at Department of Agrarian Reform
(DAR). Kaugnay ito sa serye ng pandarahas sa
mga benepisyaryo mula nang ipatupad ang huwad na distribusyon ng lupa noong Hulyo 2013.
Pawang mga kapamilya at kaibigan ni Benigno Aquino III ang mga inakusahan, kabilang ang
tiyuhin niyang si Jose “Peping” Cojuangco Jr.,
ang kapatid niyang si Maria Elena “Ballsy” Aquino-Cruz at ang kilalang “kabarilan” niyang si
Virginia Torres. Kinasuhan din sina Tarlac PNP
Provincial Director Alex Sintin at dating hepe ng
Tarlac City PNP na si Bayani Razalan.
Kabilang sa mga isinampang reklamo ang
tangkang pagpatay, panununog, pambubugbog,
iligal na pang-aaresto at arbitraryong detensyon, pagnanakaw, child abuse at paninira ng
8
mga ari-arian at pananim. Nagmula ang mga
reklamo sa serye ng pandarahas ng mga tauhan
ng Tarlac Development Corp. (Tadeco) sa tangkang palayasin ang mga manggagawang bukid
mula sa binubungkal nilang lupa na saklaw ng
Hacienda Luisita. Ilang ulit na binuldoser ang
kanilang mga pananim at sinunog ang kanilang
mga kubo.
Sa kabila ng pandarahas sa mga manggagawang bukid, sila pa ang sinampahan ng patungpatong na mga kaso sa korte sa Tarlac sa layuning sila'y gipitin at takutin.
Bago ito, binatikos ng mga manggagawang
bukid ang diskwalipikasyon sa 125 manggagawang bukid ng Hacienda Luisita, kabilang ang
mga kasapi at upisyal ng AMBALA (Alyansa ng
Manggagawang Bukid sa Asyenda Luisita).
Tinanggal sila ng DAR dahil hindi sila pumayag
na pumirma sa kontratang mag-oobliga sa kanila
na regular na magbayad ng amortisasyon para sa
lupang kanilang ipinaglalaban.
~
ANG BAYAN Oktubre 21, 2014
ng CAT, kasama ng mga kapatid ni Aquino at isang Wellerita Aguas, na isa rin sa mga
executive ng CAT at ng Luisita Realty Corporation na pagaari rin ng mga Cojuangco.
Nang ipatupad ang iskemang
stock distribution option
(SDO), inhinyero ng HLI si Edgardo Aguas at isa sa mga kawaning may pinakamatataas
na sahod. Ginagamit siya ng
pamilyang Cojuangco-Aquino
para sirain ang pagkakaisa ng
mga magbubukid sa kanilang
pakikibaka para bawiin ang
lupa ng Hacienda Luisita.
Noong Pebrero 2013, isiningit ang pangalan ni Aguas
at iba pang matatapat na tauhan ng pamilyang Cojuangco
sa pinal na listahan ng mga
makatatanggap ng Certificate
of Land Ownership Award. Sa
kabilang banda, ang mga tunay na benepisyaryo tulad ng
mga kasapi at upisyal ng AMBALA ay arbitraryong diniskwalipika at inalis sa listahan.
(Tingnan ang kaugnay na artikulo)
Nakatatanggap din si Aguas at lahat ng kapitan sa 11
barangay sa Hacienda Luisita
ng malaking porsyento sa
pagsisilbing mga ahente sa iskemang “aryendo.” Sa iskemang ito, hinihikayat na
mangutang ang mga benepisyaryo at ginagawang kolateral sa utang ang lupang naipamahagi sa kanila, hanggang
sa mailit na ang mga ito.
Ginagamit ito ng mga Cojuangco upang muling ikonsentra sa kamay nila ang pag-aari ng lupa at isakatuparan ang
plano nilang gawing sentro ng
komersyo ang bahagi ng plantasyon. Ito ang iskema ng
mga Cojuangco upang tuluyang ikutan ang batas ng pamamahagi ng lupang agrikultural.
~
ANG BAYAN Oktubre 21, 2014
Mga protesta
ng mga maralitang lunsod
N
agrali noong Oktubre 7 ang iba't ibang grupo sa harap ng Department of Budget and Management (DBM) upang kundenahin ang walang awat na demolisyon sa mga komunidad at ang
korapsyon sa pondo sa pabahay ng rehimeng Aquino.
Ayon sa Kalipunan ng Damayang Mahihirap (KADAMAY)-Metro
Manila, walang natamong pakinabang ang mga maralitang lunsod sa
`11.05-bilyong pondo sa ilalim ng maanomalyang DAP na para diumano sa programa sa pabahay.
Sa halip na pakinabangan ito ng mga maralitang lunsod sa anyo ng
matinong pabahay at iba pang batayang serbisyo, nagsilbi lamang
itong kapital para sa mga kumpanya sa konstruksyon tulad ng New San
Jose Builders. Nagsilbi lang din itong palabigasan ng matataas na upisyal ng National Housing Authority (NHA) at Malacañang, kabilang
ang dating kaklase ni Aquino na si NHA Gen. Manager Chito Cruz.
Ayon sa DBM, `10 bilyon mula sa DAP ang ibinigay sa NHA para
sa pabahay ng mga maralitang naninirahan sa mga estero sa Metro
Manila. Naglaan naman ng `450 milyon para sa mga residente ng
North Triangle, Quezon City, `100 milyon para sa mga naninirahan
bilang setler sa tabi ng Iloilo River at mga sapa nito, at `500 milyon
para sa pabahay ng mga tauhan ng Bureau of Fire Protection at Bureau of Jail Management and Penology.
Ang `10-bilyong pondo na napunta sa NHA ay bahagi ng `50 bilyong Informal Settler Fund (ISF) para sa 2012-2016. Mismong ang
ISF at iba pang pondo sa pabahay sa ilalim ng DAP ang ginamit sa
magastos at marahas na mga clearing operations sa mga komunidad
ng maralitang lunsod. Sa gayon, mapapabilis ang implementasyon ng
iba't ibang proyektong Public-Private Partnership (PPP), kabilang
ang Quezon City Central Business District.
Quezon City. Noon ding Oktubre 7, pinamunuan ng Alyansa Kontra Demolisyon-Quezon City (AKD-QC) ang isang kilos-protesta
upang batikusin ang patakarang “zero informal settlers” o pag-aalis
sa lahat ng mga komunidad ng mga maralitang lunsod.
Mahigpit na ipinanawagan din ng AKD na pawalambisa ang ipinasang bagong ordinansa ng syudad, ang SP 2247-2013 na nagbibigaykapangyarihan sa mga lokal na upisyal na ipag-utos ang demolisyon
kahit walang kinauukulang kautusan mula sa korte. Bibigyang-daan
ng kautusang ito ang walang pakundangang demolisyon ng mga bahay ng maralitang lunsod.
"Nasa kamay ngayon ng mga korap na upisyal ng Task Force Copriss (Control, Prevention and Removal of Illegal Structures and
Squatting) ang kahihinatnan ng mga tirahan ng 223,000 pamilya,”
anang AKD. Ang TF Copriss ay isang ahensyang nasa ilalim ng Office
of the City Mayor at mga kapitan ng barangay. Maaari nitong arbitraryong ideklarang iligal ang alinmang istruktura, at kung gayon,
maaari itong idemolis.
Napag-alaman ng AKD na 17 komunidad sa QC ang pinadalhan na
ng Certificate of Compliance ng Local Housing Board ng QC para ipatupad ang pagpapalikas ng mga maralitang lunsod.
Montalban, Rizal. Noon ding Oktubre 7 ay nakipagdayalogo ang
mga residente ng Kasiglahan Village sa mga upisyal ng NHA sa kon9
traktor sa pabahay na New San
Jose Builders. Ang Kasiglahan
Village ay proyektong pabahay
sa Montalban na pinaglipatan
ng libu-libong pamilyang pinalayas sa mga “mapanganib na
lugar” sa National Capital Region.
Ayon sa mga residente, mas
mapanganib pa ang kanilang kalagayan dito kaysa sa dati nilang
komunidad. Nitong Setyembre,
muling nalubog sa taas-bubong
na baha ang mga bahay sa relokasyon nang manalasa ang bagyong Mario.
Sa naturang dayalogo, kinwestyon ni Carlito Badion,
Pangkalahatang Kalihim ng KADAMAY at residente ng Kasig-
lahan, ang kinatawan ng NHA
kung saan napunta ang alokasyon mula sa DAP para sa kanilang komunidad. Ang sagot ng
NHA, hindi para sa Kasiglahan
Village ang pondong `10 bilyon
mula sa DBM. Idinagdag pa nito na ang amortisasyon ng mga
residente sa pabahay ang magsisilbing pondo para sa ibang
grupo ng mga ililikas sa hinaharap.
Oktubre 3, Western Bicutan,
Taguig. Naglunsad ng noise barrage ang mga residente ng Fort
Bonifacio Tenement Building para tutulan ang abiso ng pagpapalikas sa kanila. May 692 yunit
ang buong tenement na tinitirhan ng umaabot sa 1,000 pa-
milya na pinapalikas dahil hindi
na raw ligtas ang gusali.
Tinututulan din nila ang ibinibigay sa kanilang relokasyon
sa Aguada, Trece Martirez,
Cavite dahil bukod sa malayo ito
sa kanilang mga trabaho ay hindi rin angkop na tirahan dahil
mahina ang ginamit na materyales sa kontruksyon, delikado ang
lugar sa pagguho ng lupa at dati itong tambakan ng nakalalasong basura.
Ang lupang kinatatayuan ng
tenement ay pinag-iinteresan ng
Ayala Land Inc. dahil nasa pagitan ito ng Global City at ARCA
South Industrial Estate na kapwa may malalaking puhunan ang
mga Ayala.
~
Si Danding Cojuangco ang makikinabang
sa proyektong Laiban Dam
P
ursigido si Benigno Aquino III na itulak sa ilalim ng kanyang paghahari ang konstruksyon ng
Laiban Dam sa Tanay, Rizal dahil ang pangunahing
mamumuhunan dito ay walang iba kundi ang kanyang tiyuhing si Eduardo "Danding" Cojuangco Jr.
Ang proyektong Laiban Dam, na nagkakahalagang `65 bilyon ay sosyohan ng San Miguel Corp.
ni Cojuangco at ng Metropolitan Waterworks and
Sewerage System (MWSS) sa ilalim ng programang
Public-Private Partnership ng gubyernong Aquino.
Napipinto na namang gawing palabigasan ng pangkating Aquino ang proyektong ito, na tinaguriang
isa sa dalawang New Centennial Water Source
Projects na titiyak daw sa suplay ng tubig para sa
Metro Manila. (Ang isa pang proyekto sa ilalim nito ay ang `23-bilyong Kaliwa Dam sa General Nakar, Quezon).
Palulubugin ng mga proyektong ito ang 37,700
ektarya ng watershed areas, kabilang ang lupang
ninuno ng mga tribong Dumagat at Remontado sa
Rizal at Quezon. Aabot sa 8,000 pamilyang naninirahan dito, kabilang ang mahigit 4,000 pamilyang
Dumagat at Remontado ang mapipilitang lumikas.
Walang pahintulot ang dalawang tribo sa
konstruksyon ng Kaliwa at Laiban Dam.
Di hamak na mas malaki ang pinsalang idudulot
ng Laiban Dam. Ang 113-metrong concrete-face,
rock-filled dam (CFRD) na magkakaroon ng kapasi10
dad na 1,800 milyong litro bawat araw ay magpapalubog ng 28,000 ektarya at magpapalikas sa humigit-kumulang 7,000 pamilya.
Sa State of the Nation Address ni Aquino noong Hulyo ay idineklara na niyang prayoridad ang
konstruksyon ng Kaliwa at Laiban Dam sa Sierra
Madre. Para sugpuin ang malawak na pagtutol ng
mamamayan sa mga proyektong ito, idineploy ng
AFP ang dalawang batalyon sa mga baryong palulubugin ng dam. Nakababad na ang mga pwersa
ng 16th IB sa mga bulubunduking barangay na
palulubugin ng Laiban Dam—ang Laiban, Cayabu,
Sta. Inez, Tinucan, Mamuyao, San Andres, Sto.
Niño at Daraitan sa Tanay at Lumutan sa General
Nakar. Ang 1st IB naman ay nakatutok sa mga
bulubunding barangay na palulubugin ng Kaliwa
Dam—ang Pagsangahan, Umiray, San Marcelino
at Canaway sa General Nakar Magsaysay, Infanta, Quezon.
Gayunpaman, suportado ng Rosemarie Lodronio
Rosal Command ng Bagong Hukbong Bayan (BHB)
ang pakikibaka ng mamamayan para pigilan ang
konstruksyon ng mga dambuhalang dam na ito. Ang
kumand, na kumikilos sa Mt. Sierra Madre-Southern
Tagalog Subregion ay nangakong maglunsad ng mga
taktikal na opensiba tulad ng sunud-sunod na mga
pag-atake nito sa tropa ng AFP sa General Nakar,
Tanay at Montalban, Rizal noong Hulyo.
~
ANG BAYAN Oktubre 21, 2014
SOS: Ipagtanggol
ang mga paaralan at komunidad
W
alang humpay ang mga atakeng militar ng estado sa
mga paaralan at komunidad, laluna sa mga alternatibong paaralan na itinayo para sa masang magsasaka at mga
Lumad sa iba't ibang bahagi ng Mindanao.
Ito ang nagtulak sa iba't ibang grupo na ilunsad ang kumperensya ng Save Our Schools (SOS) Network sa Davao City
noong Setyembre 25-27. Dinaluhan ito ng 142 guro, mga taong-simbahan at mga tagasuportang nagmula sa sampung
prubinsya ng Mindanao.
Ito na ang ikalawang kumperensya ng SOS Network. Naging pangunahing panawagan ng kumperensya ang “Ihinto
ang Atake sa Aming mga Paaralan at Komunidad! Edukasyon
hindi Militarisasyon!”
Binigyang-pansin sa kumperensya ang lansakang paglabag sa karapatang-tao at panggigipit sa mga nagtataguyod
ng mga alternatibong paaralan. Hindi bababa sa 100 paaralan sa komunidad ang naging biktima na ng AFP sa buong
Mindanao. Karamihan ng mga ito ay nakatayo sa mga liblib na
lugar sa mga prubinsya ng Agusan del Sur, Agusan del Norte,
Surigao del Sur, Surigao del Norte, Davao del Norte, North
Cotabato, Compostela Valley, Davao Oriental, Bukidnon at
Sarangani.
Ang mga paaralang ito ay itinayo sa inisyatiba ng mga organisasyong Lumad katuwang ang mga taong-simbahan upang
makapag-aral ang mga batang malaon nang pinagkakaitan ng
reaksyunaryong gubyerno ng serbisyong edukasyon.
Labis-labis ang ginagawang pagyurak ng rehimeng Aquino
sa mga paaralang pangkomunidad na ito. Sunud-sunod ang
inilabas na mga patakarang kontra sa paglago ng mga alternatibong paaralan tulad ng 2013 Guidelines on the Protection of Children during Armed Conflict (Memorandum 221 ng
Department of Education) at Letter Directive 25 na inilabas
ng hepe ng AFP na kapwa naggigiit na lehitimo ang paglulunsad ng mga aktibidad ng AFP sa loob ng mga paaralan at mga
pampublikong yutilidad.
Ang mga patakarang ito ang nagbigay sa AFP ng layang
maglunsad ng mga pang-aatake sa mga paaralang pangkomunidad. Palala nang palala ang mga kasong ito habang ipinatutupad ng AFP ang gerang Oplan Bayanihan laban sa mamamayan. Kaliwa't kanan ang mga kaso ng paggamit sa mga
paaralan bilang baraks o kaya'y pagtatayo ng mga detatsment sa tabi ng mga eskwelahan.
Nananawagan ang SOS Network na agarang paalisin ang
mga sundalo at paramilitar sa lahat ng paaralan at komunidad. Kinukundena rin nila ang paglulunsad ng operasyong
saywar sa mga eskwelahan at komunidad sa ilalim ng CivilMilitary Operations (CMO). Iginigiit din nila ang pagwakas sa
panghahamlet, blokeyo sa pagkain at pamumwersa sa mga
Lumad na maging paramilitar.
~
ANG BAYAN Oktubre 21, 2014
Paglaban
ng mga Kurd
sa ISIS
P
uspusan ang pakikipaglaban
ng mamamayang Kurd sa Syria laban sa mabangis at mapandambong na gerang mapanakop
ng Islamic State (ISIS). Sa kabila ng
mas mahihinang sandata, matagumpay na napaatras ng mga Kurd ang
mga pwersa ng ISIS na sumasalakay
sa bayan ng Kobane, ang pinakahilagang bayan ng Syria, na nasa katimugang hangganan ng Turkey.
Nitong nagdaang mga linggo, pinupuntirya ng ISIS ang Kobane na
susing lugar upang magkaroon ito
ng lubos na kontrol sa buong hangganan ng Syria at Turkey. Kaliwa't
kanan ang mga brutalidad ng ISIS,
kabilang ang maramihang pagpatay
sa mga sibilyan at panggagahasa sa
mga babae. Ilampung libo na ang
napipilitang lumisan patungo sa
Turkey.
Subalit sa halip na matinag, lalo
pang lumakas ang determinasyon ng
mamamayang Kurd na makibaka at
ipagtanggol ang kanilang mga tahanan at bayan. Sa pangunguna ng
YPG o Yunit Pandepensang Bayan,
tuluy-tuloy na nagdudulot ang mamamayang Kurd ng pinsala sa ISIS
at nahahadlangan ang plano nitong
saklutin ang Kobane.
Isa ang Kobane sa tatlong canton (pampulitikang yunit) sa rehiyong Rojava (o kanlurang Kurdistan
na nasa hilagang Syria) kung saan
nagtatag ang mamamayang Kurd ng
nagsasariling administratibong gubyerno. Malaon na silang nakikibaka
para sa pagpapasya-sa-sarili upang
makapagtatag ng isang independyenteng estado sa eryang sumasaklaw sa hilagang Syria, timog-silangang Turkey, hilagang-kanlurang
Iran at hilagang Iraq.
Mahigit isang taon na ang nakararaan mula nang atakehin ng ISIS
ang Kobane at magpataw ito ng mga
11
blokeyo upang pwersahin ang mamamayang sumuko sa brutalidad ng ISIS. Ilampung munisipalidad
na ang kinukubkob ng ISIS sa kampanya nitong
makapagpalaki ng teritoryo sa hangganang rehiyon sa pagitan ng Iraq at Syria sa pamamagitan ng
tahasang brutalidad at teror. Layon nitong kontrolin ang malalaking erya ng minahan ng langis.
Nitong nagdaang mga araw, hindi bababa sa 40
tauhan ng ISIS ang napatay sa maigting na pagtatangol ng YPG sa Kobane. Mula Setyembre, umaabot na sa mahigit 300 pwersa ng ISIS ang nasasawi sa pagsalakay sa Kobane, at mahigit 200 naman sa panig ng YPG. Nitong Oktubre 15, napaatras ang mga tauhan ng ISIS mula sa kalakhan ng
mga pusisyon nito sa Kobane. Gayunman, inaasahang maglulunsad pa itong muli ng panibagong
pagsalakay.
Ang YPG ay armadong pwersang binuo ng PYD
(Partido Demokratikong Unyon) na pangunahing
nagbubuklod ng mga Kurd na nasa Rojava. Ang
PYD ay katuwang ng PKK (Partidong Manggagawa
ng Kurdistan) na nakabase naman sa hangganan
ng katimugang Turkey at hilagang Iraq. Malaon
nang pinamumunuan ng PKK at mga katuwang nitong partido ang armadong pakikibaka ng mga
Kurd para isulong ang hangarin para sa pagpapasya-sa-sarili.
Ang mga tagumpay laban sa ISIS ay natamo ng
mamamayang Kurd sa harap ng pagtanggi ng Turkey na kumilos at manindigan laban sa ISIS. Mas
minamabuti ng Turkey na atakehin, sa halip na tulungan, ang mga pwersang Kurd na lumalaban sa
ISIS. Sumiklab ang malalawak na demontrasyon sa
pangunahing mga syudad ng Turkey, pati na sa
Germany, na kumukundena sa ginagawang pagkakalinga ng Turkey sa ISIS.
Sa hangaring pangalagaan ang "alyansa" sa
bansang Turkey, nagpapatumpik-tumpik ang US sa
paglulunsad ng pambobomba sa pusisyon ng ISIS,
bagay na naglantad sa pagkaipokrito ng US nang
magdeklara ito ng gera laban sa ISIS para patatagin ang sarili nitong tayo sa loob ng Middle East.
Kumperensya ng mga progresibong mamamahayag,
inilunsad
M
atagumpay na nailunsad ng mga progresibong mamamahayag mula sa iba’t ibang panig ng bansa ang unang kumperensya hinggil sa
alternatibong midya o altermidya noong Oktubre
9 at 10 sa University of the Philippines-Diliman.
Itinuturing na kabilang sa alternatibong midya
yaong hindi pag-aari o kontrolado ng malalaking
korporasyon. Bahagi ng altermidya ang mga website, programa sa radyo, at mga publikasyon na
inilalabas ng mga progresibo o pambansa-demokratikong organisasyon.
Dumalo sa kumperensya ang mga mamamahayag ng altermidya mula sa Metro Manila, Baguio,
Southern Tagalog, Davao, Cebu, Cagayan de Oro,
Bicol, Central Luzon, Panay at Tacloban. Ang tema
ng kumperensya ay “Bagong Panahon, Bagong Hamon, Palakasin ang tinig ng mamamayan.”
Tinalakay sa kumperensya ang kahalagahan ng
alternatibong midya sa kasalukuyang panahon at
ang mga tungkulin nito bilang "people's media" o
midyang tumatangkilik sa mga batayang isyu ng
mamamayan.
Binaybay sa kumperensya ang rebolusyonaryong tradisyon ng gawaing propaganda, mula sa La
Solidaridad ng Unang Kilusang Propaganda at Ka-
12
layaan, ang pahayagan ng Katipunan noong Unang
Rebolusyong Pilipino, at ang malaking ambag ng
mga rebolusyonaryong pahayagan tulad ng Ang
Bayan, Taliba ng Bayan at Balita ng Malayang Pilipinas mula noong panahon ng batas militar hanggang sa kasalukuyan.
Sa talumpating binasa ni Rey Claro Casambre,
konsultant ng National Democratic Front of the
Philippines, isinalaysay ni Marco Valbuena, media
liaison officer ng Kawanihan sa Impormasyon ng
Partido Komunista ng Pilipinas kung papaano untiunting lumawak ang saklaw ng rebolusyonaryong
propaganda mula sa anyong nakasulat lamang
hanggang sa internet at bidyo.
Niresolba rin sa kumperensya na palawakin pa
ang lambat ng mga progresibong mamamahayag at
abutin ang iba pang aspeto ng gawain sa radyo, internet (social media), bidyo at dyaryo. Nanindigan
din ang mga delegado hinggil sa mga isyung may
kinalaman sa masmidya tulad ng Maguindanao
Massacre, Cybercrime Law, Freedom of Information Bill, Charter Change at iba pa. Patuloy din nilang palalakasin ang tinig ng mamamayan sa pamamagitan ng pagbibigay ng alternatibong impormasyon at analisis sa mga isyu.
~
ANG BAYAN Oktubre 21, 2014
ANG
Pahayagan ng Partido Komunista ng Pilipinas
Pinapatnubayan ng Marxismo-Leninismo-Maoismo
Taon XLV Blg. 20
Oktubre 21, 2014
www.philippinerevolution.net
Editoryal
Wakasan ang presensya
at panghihimasok-militar ng US
sa Pilipinas
K
re 12.
aisa ang Partido Komunista ng Pilipinas sa mamamayang Pilipino sa mariing pagtuligsa sa brutal na pagpatay ng isang sundalong Amerikano sa isang Pilipina sa Olongapo City noong Oktub-
Sinusuportahan ng PKP at
lahat ng rebolusyonaryong
pwersa ang pamilya at mga kaibigan ng biktimang si Jennifer
Laude sa kanilang mga hakbangin upang matamo ang katarungan. Puspusan ang hangarin
ng sambayanang Pilipino na makamit ang
hustisya para kay
Jennifer, para sa lahat ng tulad niyang
biktima ng krimen ng
mga sundalong Amerikano at para sa
buong bayan sa nagpapatuloy na
paglapastangan sa kanyang kalayaan.
Sinusuportahan ng PKP ang
kahilingan ng sambayanang Pilipino na isailalim sa kustodiya ng Pilipinas ang isinasakdal na sundalong Amerikano.
Dapat nilang puspusang igiit ang
pagbabasura sa
Visiting
Forces
Agreement (VFA).
Ang VFA ay isang
tagibang na ka-
sunduan na nagsasaad na mananatili sa militar ng US ang
kustodiya sa mga Amerikanong sundalong isinakdal sa
mga kasong kriminal sa Pilipinas.
Inaalis ng VFA ang soberanong karapatan ng isang estado na ipailalim sa kapangyarihan nito ang sinumang dapat iharap sa paglilitis. Isang
malaking insulto sa mamamayang Pilipino na ipagkait sa
kanila ng gubyernong US ang
kapangyarihang ito. Pwede
man hingin ng gubyerno ng Pilipinas ang kustodiya, nasa kapasyahan pa rin ng gubyernong US kung ibibigay ito o
hindi!
Si Jennifer ang pinakahuli
lamang sa napakahaba nang
listahan ng mga Pilipinong biktima ng iba't ibang krimen ng
mga sundalong Amerikano at
militar ng US sa Pilipinas. Sa
mahigit isandaang taon nang
kolonisasyon, neokolonyal na
paghahari at panghihimasokmilitar ng US sa Pilipinas, patung-patong na ang mga kaso
ng pagpatay, panggagahasa,
pagmasaker, pagnanakaw at
pandarambong.
Ang pagpatay kay Jennifer
ay nagpapaalala sa sambayanang Pilipino kung papaano pi-
Mga tuntunin sa paglilimbag
1. Ang sinundang pahina, na eksaktong kopya ng pahina 1 maliban sa mas
mapusyaw ang masthead o logo ay para sa mga gumagamit ng mimeo machine o
naglilimbag sa paraang v-type. Idinisenyo ito para hindi madaling makasira ng istensil.
2. Pag-print sa istensil:
a) Sa print dialog, i-check ang Print as image
b) Alisin ang check sa Shrink oversized pages to paper size
k) I-click ang Properties
d) I-click ang Advanced
e) Tiyaking naka-set sa 100% ang Scaling
d) Ituloy ang pag-print
3. Hinihikayat ang mga kasama na ipaabot sa patnugutan ng AB ang anumang
problema kaugnay ng paglilimbag sa pamamagitan ng v-type. Magpadala ng email sa
[email protected]

Waray

May dalawang pangyayari ng pagnanakaw ng bisikleta sa Higashi