KAFUSHANE NGEZOLIMO LOHLELO LWE CHABUTHI? 2 Indlela ekhethekile ekwenzeni ngcono ezolimo Umangabe ungumlimi ezwenikazi lase Afrika uzozithola ubhekene nezingqinamba ezikhungethe bonke abalimi abamnyama ezwenikazi. Lezi zingqinamba ukungabikhona komhlaba owenele, ubugqala bomhlabathi, isomiso, ukwenyuka kwezindlelko zezinsizakusebenza, njengembewu, omanyolo izibulala zinambuzane kanye nemijovo yemfuyo. Konke lokhu kuholela ezinkingeni zokukhiqiza ukudla okwanele kokondla imindeni nemiphakathi. Kulaphoke la kuvela khona isidingo sokuthi kutholakale ikhambi lokukhiqizwa isivuno esondlekile ngezinsizakusebenza ezingabizi imali nangendlela engazuhlukumeza indalo nendawo esakhele kuyo. Ukulima nge CHABUTHI noma kuyinto engathi umafikizolo, akunjalo ngoba iyona indlela okwakulinywa ngayo emandulo bengakalethi ubuthi abelumbi. Ngokuya kancane, kancane izizukulwane ziya zikhumbuzeka ngalendlela noma ke seyibukeka sengathi ifika namuhla Indlela ye CHABUTHI imalungana nokusebenza komlimi ebhekene nokondla umhlabathi, ukubukezela nokonga amanzi, nokunakekela izimila, nezilwane, nemfuyo. Ngalendlela injongo enkulu ukusebenzisa izinsizakusebenza zendalo nemvelo ngaphandle kokuhlukumeza nokwenza imvelo ingasakwazi ukunakekela izizukulwane ezilandelayo. Esikhathini esiphila kuso lapho kunokudideka ngesimo sezulu, kwenza umqondo ukuthi abalimi bathembele ezinsizeni zemvelo ezingaduli baze bazenzele bona izinsiza besebenzisa izinto ezitholakala ezindaweni abahlala kuzona, bebe baqaphe ngeso lokhozi ukuthi indalo ingahlukumezeki. Lelibhukwana lenziwe ngenhloso yokukusiza wena mlimi ukuthi uhlolisise izindlela ezingase zikusebenzele endaweni ohlala kuyo ukuthi ukhiqize ngaphandle kokuhlukumeza nokuhlukumezeka LUYINI UHLELO LWEZOLIMO LWE CHABUTHI Lena yindlela enconywayo yokukhiqiza noma ukutshala ukudla ngendlela engenazindleko futhi ngendlela ekhombisa ukukhathalela nokunakekela umhlabathi lo ongunozala wakho konke ukudla. Loluhlelo lusebenzisa ulwazi lwesayensi kanye nolwazi lwendabuko lokutshala nokukhiqiza ngendlela evuselela umhlabathi ingunaphakade > Insimu lapha ithathwa njengonozala odinga ukunakekelwa ukuze ukhiqize isivuno sekhethelo > Umhlabathi, amanzi kanye namahlathi kumele kunakekelwe ukuze kunakekeleke izizukulwane ezizayo > Kusetshenziswa izinsiza zemvelo njengomquba wemfuyo kanye nalowo okhandwe ngendle yezilokazane nezimila > Kusetshnziswa izibulala zemvelo ukubulala izinambuzane ezinezifo > Sebenzisa amabibi ukuvikela umhlabathi nokuvuselela imvundo emhlabathini 3 Abalimi bawondla kanjani umhlabathi Umhlaba ovundile uyisisekelo esihle ezitshalweni nasemfuyweni U- Organic Spaces uqokelele loluhlelo losomqulu wolwazi ngokucobelela ulwazi olutholakala kwi AFRICAN ORGANIC AGRICULTURE TRAINING MANUAL BOOKLET Nr. 1 Uyakwazi lomhlabathi ukumunca umumathe umsoco ukuze ukwazi ukuwudlulisela ezitshalweni maseziwudinga. 4 Emehlweni omlimi we CHABUTHI, umhlabathi onempilo yilowo ogcwele izinambuzane, iminyundu kanye nezilokazane ezincu. Lezizilokazane zisebenza ukubolisa izimila esezisiphuliwe zihlanganise nendle yemfuyo bese kuphuma umsoco olungele ukondla izitshalo ezintsha. Abalimi baqaphela ukuthi umhlabathi uvikelekile ekugugulweni yizimvula nemimoya emikhulu. Baphinde labalimi baqikelele lezozigigaba eziphazamisa ukukhula nokuphila kwezilokazane emhlabathini Abalimi basebenzisa umquba wemfuyo nezimila ezibolayo nezibolile ukondla umhlabathi. Ngendlela yobuchwepheshe bayakwazi ukuthi bahlanganise lengxube ibe wukudla kwekhethelo emhlabathini Hlwanyela lezo ezisamdumba ezikhipha isikhuthazakhaba semvelo ukuze kondleke izilokazane eziwusizo Tshala izihlahla ukuphephisa izitshalo elangeni nasemoyeni kanti futhi zidonsa nomsoco osekujuleni 5 Abalimi bazigcina kanjani izitshalo zinempilo Izitshalo ezinempilo siyakwazi ukukhula zivuthwe ngesikhathi U- Organic Spaces uqokelele loluhlelo losomqulu wolwazi ngokucobelela ulwazi olutholakala kwi AFRICAN ORGANIC AGRICULTURE TRAINING MANUAL BOOKLET Nr. 1 Lababalimi bayanakekela ukuthi batshala ngendlela yotshalongxube ngotshalomtshelekwano onconywayo kweze CHABUTHI ukuze kufe izilokazane eziletha izifo futhi izilokazane lezi zincishwe ukondleka ngaleyondlela zibe buthaka zize zife. 6 Ngalendlela kubalula ukulawula izifo ensimini ngaphandle kokungena ezindlekweni futhi bahlole nesimo sezifo ezingosomathuba ensimini. Abalimi be CHABUTHI bayaqinisekisa ukuthi imbewu ezotshalwa iwulungele lowomhlabathi ezotshalwa kuwona, ekhuthaza imvundo futhi ekhulisa izitshalo ngesikhathi esiyiso sokulungiselela izitshalo, bahlakulele, baze bathene namagatsha ezihlahla kungakafiki isikhathi sokuqhakaza kwezimbali ezandulela izithelo. Bayanakekela ukuthi bondle umhlabathi, benze yonke imisebenzi ngendlela elindelekile kubalimi be CHABUTHI futhi bahlole nesimo sezifo ezingosomathuba ensimini. Kubalulekile ke nokuthi sikhumbule ukuthi zikhona nezilokazane eziwusizo ngokuba nomthelela omuhle ezitshalweni. Kuyadinga ukuthi siphinde siyenze insimu ikwazi ukuthi yondle loluhlobo lwezilokazane. Yondla umhlabathi ngomquba owenele kuze kongeke umswakama Vikela utshani emngceleni wensimu ukuze uhehe izitha ezilwa nezilokazane eziwuhlupho Cupha, uxoshe noma ubulale izilokazane nezifo ngezibulala zemvelo ezingenabuthi 7 Ukugcina imfuyo ephilile U- Organic Spaces uqokelele loluhlelo losomqulu wolwazi ngokucobelela ulwazi olutholakala kwi AFRICAN ORGANIC AGRICULTURE TRAINING MANUAL BOOKLET Nr. 1 Abalimi be CHABUTHI bafuyela ukuthola amaqanda, ubisi nenyama. Imfuyo ikhiqiza umquba owondla umhlabathi. Abalimi bayaqikelela ukuthi imfuyo ayinazifo, nezilokazane ezincela impilo. Lokhu kwenza ukuthi imfuyo izale, ikhiqize njengokulindelekile 8 Abalimi bemfuyo bayaqinisekisa ukuthi uhlobo lwemfuyo abanalo yilolo olukhula kahle luvame uma luthola uhlobo lwamadlelo nokudla okuyikho endaweni. Abalimi abalokothi nje bagunde uboya nezimpondo nemisila yezilwane ezifuyiwe. Benza konke okusemandleni ukuvikela imfuyo ezimweni zezulu ezingaba nobungozi empilweni yezilwane. Umangabe imfuyo ihlala ezakhweni kubalula ukuhlolela izifo, nokuqoqa amaqanda, nobisi kanye nomquba. Zama ngakokonke ukusebenzisa imithi yemvelo uma imfuyo ihlaselwe yizifo. Uma kuba nobhuhbane singabakhona isidingo sokucela usizo kodokotela bezilwane. Imfuyo nezilwane ziyayithanda imvelo, yenza ukuthi zibenenala yendalo nemvelo Hlola imfuyo nsukuzonke makwenzeka Vumela imfuyo emadlelweni uyiyeke ikhwelane futhi izidlalele ngokuthanda Yelapha imfuyo ngemithi yemvelo 9 Zinzuzo ziphi ezohlomulwa ngohlelo lwe CHABUTHI Ngenxa yotshalongxube nokufuya imfuyo exubile abalimi bayakwazi ukuhlomula ndlelathile noma ngaze kube isivuno sonyaka besicacamezela. U- Organic Spaces uqokelele loluhlelo losomqulu wolwazi ngokucobelela ulwazi olutholakala kwi AFRICAN ORGANIC AGRICULTURE TRAINING MANUAL BOOKLET Nr. 1 Imali iyongeka ngenxa yokuthi 10 bazenzele bona imbewu, izikhuthaza, nezibulala. Isivuno sensimu enesitifiketi se CHABUTHI siletha inzuzo ethe xaxa ngoba phela sithengiswa ngemali engaphezulu kwaleyo yesivuno esifanayo kodwa esingenasitifiketi seCHABUTHI Umndeni womlimi uhlomula ngempilo enhle nephephile ngoba phela badla izinhlobo zokudla ezehlukene ezifeza izidingo zomzimba ikakhulukazi ngoba kusetshenziswe izinsiza ezingenabuthi emasimini Abalimi balokhu befundisana ngezindlela ezintsha ezivela ocwaningweni olwehlukene olusophe isivuno sekhethelo jikelele. Ngalendlela uthola ukuthi izingqinamba eziningi ziyanqobeka emhlabathini, ezitshalweni nasemfuyweni. Abalimi be CHABUTHI bavama ukwenza izinguyazana zemiphilandawonye lapho bekwazi ukucobelelana ngolwazi baze bakwazi ngisho nokuthenga izinsizakusebenza ngokuhlanganyela izindleko, futhi baze baqale ngisho nemisebenzi emisha engase ibaklomelise ngezinzuzo eziphezulu ezenza kubelula ukuxhasa imisebenzi yasemasimini. Lezinzuzo zixhaswe wukuthi imigomo yokunakekela nokungachemi ilandelwa kahle kubo bonke labalimi nabaqashwa kanye nabathengi besivuno. Thengisela izimakethe ezinolwazi nge CHABUTHI Sebenzisanani nabanye abalimi 11
© Copyright 2024 ExpyDoc
