Schrill underwägs 2016 Det äne am Bergli……….. 1. D‘ Abindi für d’Viehschau – uf em Pauseplatz staht Nimmt eim nume wunder – wie das denn ächt gaht De Chueschiss im Chiis – das chas doch nöd sii d Hygiene wär däänn – ganz ordli verbi Spöter da gsesch denn - für was das Grüscht staht Demit mer cha parke - vor Latte ganz grad. Jetz isch aber deftig – de Verkehr uf em Platz SFahrverbot chönnt mer - ufhebe ratzfatz! -------------------------------------------------------------------Holeduli…… 2a. Im Städtli händs gsteinlet – dRabatte sind voll Es bizli meh Blueme – farbiger wär toll Bi de Haltstell bim Kägi – e Traum-Bluemepracht Da weiss öper gnau – wie mer das macht De Park i de Platte – au de isch bereit E Treppe füehrt abe – sie isch echli zbreit S’Klegers Erbe vo Bängge – fählt jetzt es Stuck Die händ eifach gnoh – da isch doch veruckt. 2b. Grad näbed dem Park – für d‘Oeffentlichkeit Früehner en Spielplatz – für’s Aug jetzt e Weid Die Alag zeigt Biene – en Grill und no meh Es isch jetzt privaat – da cha jede gseh Zum Begegne da sueched – zwei Fraue en Ort Sie begehed das Grundstück – ohni Frag ohni Wort Zum sich träffe wär’s dänkt gsi – doch das isch no blöd I fremde Gärte höckle - das gaht würklich nöd -------------------------------------------------------------------Holeduli, duliduli… 3. Im Städtli isch Fääscht – für d’Halle de Erlös Im Vorfeld laufts harzig – doch glingts denn famös De Lang Tisch isch bueched – sDatum uf em Plan Nu 14 Tag spöter – die Wildi Wiiber händ Elan Gerüchtechuchi hät koched - me hät einiges ghört Die Böse die meined – das isch ja wohl gstört DLüt werded fähle – die werdeds scho gseh So cha mer sich tüsche – s het Lüüt gha viel meh 4. Für de Chriegsfall isch gsorged – wos Parkplätz hät gha Det gseht mer en Bunker – trotzig jetzt stah Umrahmt vo zwei Hüser – mit Farb und mit Charme De Chlotz macht das Ortsbild – kaputt und au arm Was hät ächt de Bauherr – bim Plane studiert De Chlotz dänked alli – isch voll deplatziert --------------------------------------------------------------------------------Holeduli duliduli….. 5. Drü Linde isch planet- vom Heinz Architekt Es isch super glaufe – doch nöd ganz perfekt I d‘Garage ie fahre – da chan er ganz guet Doch use isch heikel – da bruchsch scho chli Muet De Porsche isch heilig – drum laht ers lah sii Und nimmt dHilf vom Ruedi – wo grad chunnt vebii Jetzt staht halt das Auto – wieder veruss So cha de Heinz fahre – ohni Verdruss 6. Tag der offenen Tür – hät de Willi vom Chäs DLüt chönd go luege – sie sind au rächt gfräss Füf Franke choscht sWürschtli – s’isch 5 Santi lang 6 Maa spieled Musig – mit rassigem Gsang Dä Kaffi isch gratis – da het jede dänkt 4.50 muess me zahle – das isch gar nöd gschänkt Es Gschänkli für Bsuecher – würkt meischtens famos Sie würded denn Chunde – was dänkt er ächt blos ----------------------------------------------------------------------------holeduli…….. 7. 60+ isch doch super – s‘wird gred mitenand Bänkli händs welle – ganz nöch binenand Bi de Chile häts Bänkli – schöner nützti nüt Laufe müends au nöd – s‘het en Lift ue für d Lüt En Stuhl usem Ochse – hilft de Lüt scho Im Fall wänn dä Lift – plötzli blibt stoh Dä Lampi weiss Gnäuers – was als isch passiert Dä Lift isch jetzt gflikt – entiset und gschmiert. 30+ hetted Vorschläg – sie vertretet üsi Chind Au die händ na Wüünsch - wo dringender sind 8. Zum Gschichtli verzelle - am Märt üsne Chind Suecht sOK e Tante – wo das übernimmt Es mäldet sich gli scho – die kreativ Frau Sie weiss bald is Detail – dä Ablauf genau DFrau Elmer macht Vorschläg – sie mieched das z‘dritt Irichte, Abrume – das choscht denn viel Ziit 6 Stund muess mer rächne - Präsenzzit dezue 600 wär richtig – 5 pro Chind no drufue D Stunde fürs Uebe – sind na nöd debii sOK isch gschlage – das chas doch nöd sii Erwünscht sind denn au no - einheitlichi Stüehl Jetzt glaubed mir aber – im Chopf isch es Gwüehl ----------------------------------------------------------------holeduli duliduli…. Jetzt danked mir höfllich – mir sind jetzt am Schluss Mir hoffed dass niemerem – wäg üs blibt Verdruss
© Copyright 2024 ExpyDoc
