Inlaodung

Nu is dat so wiet, hier is jau
Inlaodung
dormit sick Vettern un Cousinen van dei Neumeisterei maol draopen käönt.
Wat all lange eis maol plant is, schall nu eis taugange kaomen.
Dei 2. Sippenfier van dei Neumeisterei
Use Verwandtskup is so wietlöfftig worn, dat dei jungen Lüe de Ölleren gor nich mehr kennen daut.
Man sütt sick höchstens eis maol kott, wenn einer ut use Verwandtskup naon “Kösterskamp“ bröcht
wüdd. Daor käönt wi us dann meistied nich väl ünnerhaolen. Dat willt wi nu maol ännern un us
wedder draopen un us nen mojen, pläseierlick Aobend maoken.- Jao, un dann kaomt uk all dei
Fraogen up: Wo, un wann schall dat nu wän? Wecke ein kump, wecke nich? Wat möt wi us
antrecken? Un wat kost` dat Ganze äöverhaupt?
Ruhig blieben – steiht alles in disse Inlaodung – läst nu man sachte wieter – dor käönt ji alles genau
gewohr wern!
Nao dei Schaulferien – un naon Stoppelmarkt häbbt wi am besten Tied!
Am 17 Oktober 2015
-
draopt wi us bi Borgerdings Mäöhlen un trudelt dor tau Punkt Säben Uhr in. Den schwatten Anzug un
dei langen Kleeder laot wi tau Hus – wi treckt eenfach use Karksönndaogstüg an. Um acht Uhr giv dat
Aobendäten.
Dat Menü:
Salaot – frisk ut’n Gaorn, Braottüwweken mit Schwieneschnitzel oder Häuhnerfleischk, Plaoten mit
warmet Greuntüg.
Getränke – Afsackers – giv dat genaug – aower, dat mot jeder sülms betaohlen.
För dat Aobendäten, förn lüttken Empfangsschluck möt wi so mit 17 Euro
pro Kopp räken.
Un nu noch eens! Ditmaol sind dei Kinder aff 18 Joahr inlaoden, uk mit Brut un Brögam, sowie all
die mit een tauhoope sind. Dormit wi plaonen könt, wo väele Tübbeken wi schillen mäöt, wull’n wie
dat gerne veier Wäken in vörn wäten, wecke wücklich kummp, dat is dei 17. September. .Dat Geld
mott up dat Konto IBAN DE48 2805 0100 0091 5271 27, BIC BRLADE21LZO (K.-H. Neumeister).
Ünner Verwendungszweck schrieft die Naomen up, för wecke gi betaohlt, dat is för us ganz wichtig.
Dei nächste Sippenfier mott ja nich weller 30tig Jaohr dürn. Wi häbbt dacht, bi dat nächste Maol
nähmt wi dann dei nächste Generation dor tau.
Wenn noch einiges nich ganz klaor is – käönt gi uck bi us (ORGA-Team) anroopen.
Wi freit us bannig, wenn alle mitmaokt un Tied hebbt
un greut van Harten
dei Sesse von Dat ORGA-TEAM.

Download Report