, GEMBNDE AAÖHLNP Fasnachtseröffnung 21. Januar 2016 Motto: „Kunst-Stück, Meli Ryburg spinnt" Gschätzti Fasnächtlerinnen und Fasnächtler Liebe Gescht Narri Narro. Narri Narro, Narri Narro schön sitt dir hüt ufe Gmeihuusplatz cho chuum sind die heilige Dag verbii scho zieht d Fasnacht z' Meli und Ryberg i! Aber zerscht möchte ich euch härzlich begrüesse und euch mit der Fasnachtseröffnig de Dag e chli versüesse, denn ab hüt bis zum Aschemittwoch, liebi Närrinnen und Narre wärde d Galgevögel und Ryburger eusi Huusschlüssel ufbewahre! Bim Gmeihuus-lgang luege lueg erneut zwoi bsuunderi Narre zum rächte d' Bürger, d' Verwaltig und dr Gmeiroot sind jetz euchi chnächte, mir respektiere die langjährige Tradition und ziehnd eus langsam zrugg und überlönd Euch s' Dorf, vom Narrebrunne bis zur Löebrugg! Uf jede Fall gniesse au Gmeiröt die füefti Jooreszyt denn au mir händ i dem Joor zue de Narrefäschter nit wyt, l dere heilige Zyt lauf politisch sowieso nit vill mir hoffe, dass eus niemmer vom Gegeteil Überzüge will! D'vorbereitige im Wagebou sind scho länger in vollem Gang bis zu de zwee grosse Umzug got's nämlich nüm lang, au d Gugger und Tamboure üebe täglich a ihrem Klang und die verschiedene Schnitzelbankgruppe feile a ihrem Gsang! Dr Name vom Fasnachtsmotto „Kunststück, Meli Ryburg spinnt" isch gfalle er spielt a, uf die neue Kunstwärk im Batakreisel und bi dr Steinlihalle, am „Spring ins Feld" und am „Kiosk" gseht me d' Narre umeturne das gfallt dr Bevölkerig, aber die beede Künschtler tuets mächtig wurme! Au dr Gschtank im Dorf isch a dere Fasnacht e grosses Thema denn z' Ryberg stinkts laufend nach em gliiche Schema, drum chuntjetz au dr Ditzler nüm ungschoore derfoh aber är meint er heigs im Griff, mir hoffes sehr und sind alli froh! Dr Remy hett sich mit dr Ochseschüür Wösch widder sälber überdroffe er hett i dr leere Beiz dr wortloosi Gmeiroot Fäs am Stammtisch a droffe, dr witteri Mitgliederschwund mit em Wächsel vom GR Sinhg isch gsässe die wenige SP Lüt hei aber eistimmig gseit, da isch halt jetz gässe! Liebi Närrinnen und Narre l dem Joor chöne d'Märtwyber jubiliere d' Fasnachtsgruppe cha hüt ihres 40 jährige fiere, allne Märtwyber warn mir hüt härzlich gratuliere und freue eus sehr, wenn sie witterhin mit vill Gmües dur s' Dorf spaziere! No zwee witteri Fasnachtsgruppe chöne i dem Joor Jubiliere mir chöne hüt de beede Gruppe zum 30. und 20. Geburtsdag gratuliere, 30 Joor sind Wyber mit Goofe und 20 Joor 61/2 Wuche, scho uf dr Gass drum wünsche mir euch allne witterhin vill Freud und Spass! Jetz isch aber Schluss mit Spruch und mit em lamentierte susch isch bi euch Jo Fasnachtsstimmig ganz am gfriere, mir freue eus gschieder uf die schöne Fasnachtsdäg denn got's eus vill besser und plötzlich bisch Widder zwäg! Jetz isch es so witt und dir müend mir nüm länger zuloose denn jetz sind dir gfrogt und müend alli id Moose, ich bii mit mim Lantin am änd und d Värs sind jetz denn verbii denn gömmer ändlich übere zu Zopf und emene guete Glas Wy! Bevor ich aber gang, han ich no die bsunderi Ehr au i dem Joor fallt mir das sicher nit schwer, ich mach das wie immer sehr churz und knapp und gibjetz d' Gmeihuusschlüssel ad Galgevögel und d' Ryburger ab. Mit dem symbolische Akt, eröffne ich d' Fasnacht 16 ganz offiziell und das mit em traditionelle, fasnächtliche Apell, jetz wünsch ich euch allne es schöni Fasnacht und machet witter eso mit emen drüfache Narri Narro Narri Narro Narri Narro
© Copyright 2025 ExpyDoc
