www.schliimschiisser.ch 1 Guete Obe, mir si vom Fasnachtskomitee mit üsem Gitarrischt dr Fredy, dä chasch nid überseh Mir hei öpis z’verkünde, und wei drum nid lang liire D’Schliimschiisser düe ihres 20igschte, Jubiläum fiire Mir finges toll, sit dir bi üsem Jubiläum alli derbi mit üs Fasnacht mache und gmüetlich zäme si Mir singe für euch Schnitzubänk, so wie jedes Johr dr eint oder anger vo euch, chund sicher drinne vor Himmlisch – Höllisch – Duredräiht, hei mir us Motto erkore Doch muesch ke Angst ha, mir hei dr Verstang no nid ganz verlore Es isch s‘Läbe, wos halt himmlisch und höllisch här zue geit und wär halt Päch het gha, hei si ine Gummizälle gheit Bisch es himmlischs Wäse, duesch gäng es Ängeli si Oder bisch dr Tüüfu, chunsch grad us der Höll verbi Oder wei sie di nöchstens ine Irreastalt due Es spielt ke Rolle, schön bisch do chum los üs zue Amme I üsem Dorf duet e neue Amme regiere Mir hoffe er duet i sim Amt brilliere Vo sire Wahl hani denn grad sofort Kenntnis gnoh Wil bir Gmeind isch wisse Rauch zum Chemi use cho Hug Flöru Dr Hug Flöru isch mit Kollege am Bierli stemme Do chotzt ihm eine uf e Rügge, er cha sichs nüm verchlemme Was söll das!! fluecht dr Flöru, so öpis duet mi quäle Sorry, aber die breit Rügge, dä cha me nid verfähle Novartis Nach em Vasella Gschtürm lüt ig dr Novartis a Ob ig ächt chönnt dieä 70 Millione ha Wil bi mir duet e finanzielli Lücke klaffe und ig verspriche, ig go au nüm schaffe Papstwahl Dr Benedikt dr 16. het us Papst quittiert Nachdem er lang mit em Gott het diskutiert Dr Gott het gfrogt wieso er macht so Sache Es wärdi Zit, Platz für ne Junge z‘mache 2 Abzocker-Initiative Ig ha im Casino, zwöi Millione gwunne Vo däm gsehsch ke Rappe, het dr Chef vom Casino gfunge Es düe ihm Leid, ha ig de müesse erfahre Aber si dörfe d’Abzocker, leider nüm uszahle Bäre Nach em letschte Abschuss, düe d’Bäre d’Schwiz jetz mide Sie düe lieber ähnet dr Gränze blibe Und düe üsem Land ke Beachtig me schänke Wenn nume all die Schwoobe, genau so würde dänke Meister Michi Dr Meister Michi isch Schi-gfahre wie e ne more Doch er het uf dr Pischte dr Autoschlüssu verlore Er wird dieä dumme Blicke vo de Lüt nie meh vergässe Wo er de mit de Schi-Schueh im Zug für hei isch gsässe Uf em nöchschte Zug (Polo Hofer, Letschte Tram) Im nöchschte Zug, so spät am abe Er chund grad vor Talstation Er het sini Hoffnig begrabe Und er dänkt, ig bi doch de Clon E Tag Schi-gfahre in Adelbode Es isch schön gsi im Oberland Wo er zum Auto chund, am Fürobe Fingt er ke Schlüssu me i sire Hand Er wird nervös Foht afo flueche Dr Chlapf blibt bschlosse, blöde Mischt Wo söll ig de no go sueche? Ig ha ke Ahnig wo dä Schlüssu isch Er resigniert, und steit im Schee Überleit wie chum i wieder zrugg? Schlüssu weg! isch niene meh! Do isch er halt uf e nöchschti Zug Er het gfluechet gha uf em nöchschte Zug es schisst ne a uf em nöchschte Zug Isabell isch au derbi Uf em nöchste Zug Läck isch dieä hässig gsi Jo wenn ne glich no wotsch gseh De weisch jo wo er isch Er isch uf em Zug Chasch jo zuestige Zum Bispiel z‘Adelbode Oder z‘Frutige Oder z‘ Thun Oder z’Bärn Z’Langethal Vo mir us au bir Thalbrugg Und überhoupt…. …wieso si Schi-Schueh so unbequem wie ne more? Uf em nöchschte Zug Uf em nöchschte Zug Es het ke Platz meh gha Uf em nöchschte Zug Er het halt müsse stah Ufe em nöchschte Zug D’Ching stöh au no derbi Uf em nöchschte Zug Und dieä si grantig gsi Uf em nöchschte Zug Mueschs näh wies chund Uf em nöchschte Zug I sore schwäre Stund Uf em nöchschte Zug D’Schi-Schueh gäng no a Uf em nöchschte Zug und het nüt z’Frässe gha Uf em nöchschte Zug Das isch e arme Maa Uf em nöchschte Zug 3 Wenn s’Sunne hinger Adelbode ungergeit Und dr Kasi dört am Bahnhofsperron steit De dänkt er das het nid au no müesse si Wil sis Halbtax, das isch im Auto gsi (Lied: George, hie bini deheim) Fisch im Dorfbach Ig muess euch säge, ig finges phänomenal Die Tierwält wo mir hei, im Naturpark Thal Steiadler, Luchse, so Tier gsehsch süsch nümme s‘ het sogar Fische im Dorfbach, wo uf em Rügge schwümme Zirkus Knie Dr Tierschutz duet dr Zirkus Knie kritisiere Dieä arme Elefante müesse Artischte i d’Luft katapultiere Finges nid tragisch, es gub sogar no besseri Sache D‘ Elefante sötte das, mit em Christoph Mörgeli mache Foti-Falle z’Laupersdorf wei d’Jäger Wildtier registriere und düe für das e Foti-Falle installiere Doch uf dene Foti, vo Wildtier keini Zeiche Derfür e Frau wo grad i Wald duet seiche Gmeinrot Dr Kasi duet jetz im Gmeinrot si Sis oberschte Thema wird sicher si derbi Dass me bim öffentliche Verkehr nid duet spare und mit em Zug direkt vo Adelbode, is Längemoos cha fahre Rossfleisch-Skandal I go zum Stübi Rossfleisch go chaufe Er söll mirs, dure Fleischwolf lo laufe Dr Stübi frogt, säg bisch du nid ganz Bache Ig säg weisch, i wott Lasagne mache Hü ja ho alter Schimmel hü ja ho….. machsch ke wank, duesch i d’Lasagne cho.. Streit Familie Hingis Vor Johre, het d’Martina Hingis absolut brilliert Mit professionellem Tennis, ihri Gägner deklassiert Au hüt, duet sie gärn no dominiere und ihrem Ma, es paar zum Gring paniere 4 NSA-Skandal Dr Ueli Muurer duet mit dr Merkel telefoniere Und wott alli Bundesröt über‘s Gspräch orientiere Chasch höre Ueli, mir si üs bereits im Klare Mir hei grad vori alles, vor dr NSA erfahre Ig wott bir Swisscom es neus Natel go poschte Und ig froge, wie viel de das duet choschte 500 Franke, das Grät cha ganz viel Sache Und d‘NSA duet gratis es suubers Backup mache s‘Angi het es Telefon (Spider Murphy Gang, Skandal im Sperrbezirk) Jo s’Angi Merkel het es Telefon Und d‘Amis hei ihre Nummere scho Unter 32-16-19-8 herrscht Politik dieä ganzi Nacht Wenn‘s bir Kanzlerin duet wichtig si Si d’Amis immer live derbi Zur Euro-Krise sowieso Hei si gäng alles z’erscht vernoh Und wenn sie es Gspräch het mit em Muurer gfüehrt Hei sie Pause gmacht und dr Kaffi grüehrt Skandal, wäg dr NSA Skandal, sie lose was sie wei Skandal, dr Kanal duet « ON » si Nussi Beat Es isch wichtig dass me Strom duet spare Süsch muess me d’AKW’s ir Leischtig ufefahre Genau dieä Sorge düe am Nussi Beat nage Drum het er auti Lampe im Pintli abegschlage Vignette-Abstimmig Unger dr Doris Leuthard düe mir alli liide Sie droht d’Bänzinprise wärde wieder stige Dir wärdet no alli euches blaue Wunder erläbe S‘wär Zit dass me dere s‘Mu, mit Vignette zue würd chläbe Wäg dere 100 Franke Vignette, hani mir keni Sorge gmacht Wär das durecho, de hätt ig nume glacht Ig ha für i Zuekunft gsorget, egal was dieä choschtet Ha vor dr Abstimmig, grad no 30 Vignette poschtet 5 Rund ums Schwingfescht Weisch du no was dr Siegermuni für ne Name het gha? Fors vo dr Lueg! Ig erinnere mi no dra! Das isch mir jetz piendlech, chönnt mi uf e Rügge schmeisse Ig ha gäng gmeint dä Muni, heig Stucki Chrigu gheisse Am Schwingfescht hets gäh viel Attraktione Dieä Umsätz dieä si gange i d‘Millione Sogar es Bordell mit Sagmählring hets gha dernäbe Dört isch mänge Schwinger freiwillig uf em Rügge gläge Hmmmm….? Gebrüder Grimm hei e huufe Gschichte gschriebe Au diä vor Lindgren si üs in Erinnerig blibe Das brucht e Fantasie, me cha sich’s chum vorstöue Aber dieä beschte Märli, cha dr Bruno Gisler verzöue Schiss Gränche…. Blaui Berta A vielne Orte, isch dieä Blaui Berta gstange Solothurn, Bauschthu, zum Schluss isch Gränche dranne Jetzt isch sie morsch, renoviere duet nüm lohne Ig würd au verfuhle, wenn ig müesst z’Gränche wohne Dieä Blaui Berta chönnt me z’Herbetswil stationiere Dört cha sie mit dä Iwohner vor sich häre vegitiere Studer Schorsch Dr Studer Schorsch duet mit Erschrecke checke Mi Hung wott bim Kappelleli e riesige Huufe legge Das söll er nid, duet ne über d‘Stross übere schrisse Und dr Hung duet derbi, munterfröhlich witer schisse Coop Bank Säg wenn duesch du mir ändlich dini Schulde überwiese? Ig cha grad nid, ha e finanzielli Krise! Verzapf ke Seich! Ig weiss s’isch nid eso Ha per Post vor Coop-Bank dini Uszüg übercho 6 Neues Coop Läck, isch das e Ewigkeit lang gange Bis dieä Sunne nüme dört isch gstange Aber es git e huufe Sache, dieä düe no viel länger go Zum Bispiel bis ändlich, das neue Coop duet stoh Asbescht a de Fliese (Die Toten Hosen, Tage wie diese) I warte sit Johre, uf dieä Zit Wos wie versproche, s’neue Coop de git Cha mir nid erkläre, was do los duet si Sie chnorze scho lang, und chöme nienä hi So e komischi Planig, und ig ha ke Ahnig, ob das Coop no chund Au dä Abriss vor Sunne, hani sehr lang gfunge, was isch dr Grund? S’het Asbescht a de Fliese Es het duuret e Ewigkeit Asbescht a de Fliese Das isch öpis wos nid vertreit Das muesch gründlich entsorge, wies dr Vorschrift entspricht Und mir warte und warte, und kes Coop isch in Sicht Kes Endi in Sicht Kes Endi in Sicht Kes Coop isch in Sicht Asbescht a de Fliese D’Baufüehrig isch fasch duredrähit Asbescht a de Fliese E Verzögerig wos nid vertreit Das muess me tüür entsorge, das ha ig vernoh Und ig warte und warte, muess halt is Migros go Muess is Migros go Muess is Migros go Asbescht a de Fliese Es isch e Unendlichkeit Asbescht a de Fliese Bis das Coop denn würkli steit Es klafft e Lücke im Dorf, mi Geduldsfade bricht Und mir warte und warte, und kes Endi in Sicht bisher neu neu neu Tüpfi bisher Chani statt Spese Subentione ha..? Regierigsrot Ir Kantonsregierig, hets drü neui Regierigsröt Heim, Fürst und Ankli, hocke jetze dört Doch eigentlich änderet nüt derbi D’ Gassler duet gäng no s’einzige Tüpfi si Dr Wanner het vor Alpiq e huufe Spese becho D’Press hets usegfunge, er hets müesse ungerloh Doch dr Wanner dä Buur het doch, wie me se kennt Eifach Spese i Subventione umbenennt… 7 Nachdäm dr Wanner us Regierigsrot het demissioniert Het ne d’Obach Klinik us Verwaltigsrot engagiert Uf Spese duet er verzichte, wott ke Diskussion entfache Er cha sich derfür gratis e Kaiserschnitt loh mache Skandal Stadtpolizei Zürich In Züri, dört herrscht gli emal Anarchie Gli fertig duets mit Gsetzesregle si D’Verbrächer dieä si alli am Frohlocke Wil dieä halbi Stadtpolizei, duet dört ir Chischte hocke Lange Wartezeiten wegen Personalmangel Ig fahre dur Züri, und due bim Rotliecht halte Do chöme par Type, ganz sonderbari Gstalte Spräche mi a, und ig ha vo dene erfahre Si sige vor Stadtpolizei, öb ig wöll chli Schmiergäld zahle? Australien Open Dä Wawrinka, das isch jo gspunne Het z’Melbourne d’Autralien Open gwunne Mit däm Sieg setzt er ganz überraschendi Zeiche Au us Rudolf-Steiner-Schüeler cha me öpis erreiche Ehemaliger Rössli-Wirt Im Thal si mir umringt vo schöne Bärge Dergäge würke mir Mönsche wie chlini Zwärge Au dr alt Rössli-Wirt het das sich z’Härze gnoh Und e riesige Bärg vo Schulde hingerloh Kindervers Amerkig Redaktion: Statt „Schulde“ gieng au „Abfall“ (Joggeli chasch au riite) Erol chasch ou wirte? Jo jo jo! Serviersch au dä Reformierte? Jo jo jo! Hesch im Rössli Pizza gmacht? Jo jo jo! Hesch immer pünklich zahlt di Pacht? Nei nei nei! Jäh hock doch nid fuuh ume und due das Rössli rume ke Umsatz gmacht ojeh mine dr Erol dä isch nienä meh 8 Luftschacht Dermit er z’Nacht bim hei cho si Frau nid duet wecke Chrücht dr Meister Chrigu dure Luftschacht, doch er isch drin blibe stecke Si Kolleg muess ihm hälfe, zum usezieh s’Händli gäh Das het me dervo, wenn me wott Rücksicht uf d’Fraue näh Verdammt chum schieb mi (Matthias Reim, Verdammt ich lieb dich) Ig chrüche dur mi Schacht um Mitternacht Ig ha das drum scho mängisch gmacht E Schlüssu, bruch ig nid Doch was isch jetzt do uf einisch los das fing ig jetz doch kurios das goht hüt, irgendwie nid I stecke fescht und bi gfang hie Ich bruche öper zum Usezieh Alleini schaff igs nid Zum Glück chund mi Kolleg verbi Ig bi froh das duet mit Rettig si Und dä lacht nur, hesch du e Stich Und ig flehe chum „bitte rette mich“ Verdammt chum schieb mi Nei schieb mi nid Probier und zieh mi Das goht au nid Verdammt chum loh mi Bitte, loh mi nid Loh mi nid do drinn loh si Dermit sich bir Sanierig dr Verkehr nid duet stoue Wei si am Gotthard e zwöiti Röhre boue Gnue gross muess dieä wärde, dörfe keni Chöschte schüche So dass au dr Meister Chrigu, guet cha durechrüche Verdammt chum schieb mi Nei schieb mi nid Probier und zieh mi Das goht au nid Verdammt chum loh mi Bitte, loh mi nid Loh mi nid do drinn loh si Spitäler D‘Angela Merkel het sich im Engadin s’Becki broche E Sturz bim Langlauf, abnang isch gsi dä Chnoche Sie isch zur Behandlig uf Berlin, das due ig nid raffe Schliesslich düe i üsne Spitäler, praktisch nume Dütschi schaffe Füürwehr Mittuthal Es isch bildet worde, d’Füürwehr Mittuthal Für gmeinsami Isätz, das isch doch optimal Vor allem z’Herbetswil, luegt me däm positiv entgäge Ändlich hei au sie, im Thal chli öpis z’säge 9 Benzinsüüle Dr Nussbaumer Kusi isch i d’Ferie ines angers Land Mit em Auto uf Spanie, das isch doch allerhand Er weiss, do zahlt me mit EURO und duet wäschsle sini Franke Und statt Benzin duet er de Diesel tanke Benzinsüüle dieä isch ständig bsetzt (Hazzy Osterwald, Der Fahrstuhl nach oben ist besetzt) D’Benzinsüüle dieä isch ständig bsetzt, due Diesel tanke Motor springt jetzt leider nüme a, mache mir Gedanke Dr richtig Triebstoff für dri, z’finge cha ganz schwierig si D’Benzinsüüle dieä isch ständig bsetzt, due Diesel tanke Ig bi ke grosse Ma, Ig bi ke chline Ma, ig bi ir Mitti Läär duet mi Tank gli si, jetz muess Bänzin dört dri, das wär mi Bitti Und bir Tankstell duet e riesige Rummel si Und im Giufel loh ig halt chli Diesel dri D’Benzinsüüle dieä isch ständig bsetzt, due Diesel tanke S’Auto uspumpe muess ig jetzt, das choscht paar Franke Dr richtig Triebstoff für dri, z’finge cha ganz schwierig si D’Benzinsüüle dieä isch ständig bestzt, due Diesel tanke Das chund am Kusi Spanisch vor (Maja Brunner, Das chund eus spanisch vor) Dä Richter hät au mal Das chund ihm spanisch vor, das chund am Nussi Kusi spanisch vor Das isch ihm gopfriedstutz, uf einisch öpis neus S‘Benzin schmöckt hie ganz anders, nid wie bi eus chönne es Aug zue drücke… Implenia Wenn wottsch „sieben dunkle Jahre überstehen“ Muesch neuerdings „über sechs Brücken gehen“ Ig weiss, es wäre siebe, do bi ig mir im Klare Aber i eini isch e Bagger, vor Implenia inegfahre Karl Dall Dr Karl Dall dä duet mir schüüli leid Hei ne wäg dere Stalkerin, grad i d’Chischte gheit Er isch ir Zälle ghockt, alleini und ganz duuch Und het sich dänkt na ja …. Auge zu und durch… 10 Kissling-Gspängschtli Ändlich chani spuke, het s’Gspängscht vom Stärne dänkt Niemer meh ume, wo hani mis wisse Lintuech häre ghänkt? Ah, dört ligts am Bode… doch was isch? E Katastrophe!!! Das isch jo dr Kayne, tüf und fest am schlofe s’Kissling Gspängschtli (Peter Reber, Hippigspängschtli) S’isch z’mittzt ir Nacht, dr Wind weiht ume Stärne S’isch höchsti Zit und d’Lüt gö alli hei Doch dr Kissling Kayne, dä duet sich nid entfärne Er schloft im ne Ruum, und isch jetz ganz allei Gäge morge wacht er uf, duet umeschwanke Was isch passiert, wieso bi ig alleini do Er isch ibschlosse und er macht sich sini Gedanke Und er fingt ke wäg usem Stärne use z‘cho Wär kennt scho d’Not vom chlyne Kissling-Gschpängschtli E Kater im Gring und torkelt hin und här Er macht sich sine Sörgeli und Ängschtli Wenn er doch nume usem Stärne dusse wär So langsam cha er wieder afo dänke Nimmts Telefon, het gli dr Müller Marco dra Chum hol mi use due bitte nid ufhänke Dr Marco seit, gib mir doch ke Schissdräck a Wär kennt scho d’Not vom chlyne Kissling-Gschpängschtli E Kater im Gring und torkelt hin und här Er macht sich sine Sörgeli und Ängschtli Wenn er doch nume usem Stärne dusse wär Dr Marco dänkt, das cha ig fasch nid gloube Goht zum Stärne, macht Türe uf ganz gschwing Es duet ihm de fasch alli Sinne roube Tatsächlich do hockt es Kissling-Gschpängschtli drinn!!! Wär kennt scho d’Not vom chlyne Kissling-Gschpängschtli E Kater im Gring und torkelt hin und här Er macht sich sine Sörgeli und Ängschtli Wenn er doch nume usem Stärne dusse wär Dä Schlüssu hät ig sölle ha…. Stärne – Tag der offenen Tür Tag der offenen Tür, isch im Stärne gsi Hei präsentiert, wie schön dieä renovierte Rüm düe si Gang doch au mal go luege, so lehrsch es du au kenne Hesch Glück gsehsch im ne Egge, es Kissling-Gschpängschtli penne 11 Juso Ig due verunsicheret mis Bleistift umetrülle Sött so ne Zettel für d’Abstimmig no usfülle Mi dunkts bi däm 1:12, schlöh si gwaltig über d’Strippe Ig due mal 4:2, nach Verlängerig tippe 1:12 1272:5564,3 D’Juso seit, fertig söll si mit däm Lumpepack Dieä Grossverdiener göh ne gwaltig uf e Sack 1:12 hei si wölle optimistisch und unverfrore Und hei nach Ständ 23:0 verlore Protz-Bischof Dr Bischof vo Limburg hets gwaltig übertriebe S’Budget für si neu Amtssitz um Millione überstiege 15 Tuusig für e Doppelbadwanne, do duet dr Atem stocke… Mit wäm wott ächt dä Bischof, i dieä Wanne hocke? Orgasmus im Ständerot Im Bundeshuus dört lige d’Närve blank Dr Ständerot Luginbüehl het gseit, Orgasme mache chrank Vieli Parlamentarier hei jetzt Angst, sie chönnte chrank erwache Nume d’Widmer-Schlumpf, muess sich do ke Sorge mache ..und de hani statt Organisme halt Orgasme gseit, hihihihi Fuessball-Gott Dr Papst het dr Sepp Blatter zur Audiänz empfange Das Gspräch das sig schiins sehr guet gange Wäg däm Katar, söll sich’s dr Sepp nomal überlegge Ob er dieä WM wett i Vatikan verlegge 12 Asyl-Camp Z’Solothurn düe zäh Asylante bim Bahnhof campiere Sie wei sich nid in Kesteholz loh iquartiere Sympathisante bringe ne Tee und öpis warms zum Esse S’goht ne besser als im Dschungelcamp, wo sie Würm und Chäfer frässe Feuerwehreinsatz Wenn dr Simon Ammann Alauf duet näh Wird’s e wite Flug, über d’Schanze gäh Ganz ohni Alauf, aber im höche Boge Isch dr Nussi Beat us em Füürwehrauto gfloge Fliegerlied Und ich flieg flieg flieg Us em Büssli uf e Latz Latz Latz Und jetz lig ig uf däm Platz Platz Platz Weis nid wie um mi isch gscheh, eh eh eh Und alles lacht lacht lacht Was hani do wieder gmacht gmacht gmacht Ig bi uf e Bode kracht kracht kracht Jetz duet mir dieä Schultere weh, eh eh eh Hüt isch so ne miese Tag, weh oh weh oh weh Hüt isch so ne miese Tag, oh jeh mineh Hüt isch so ne miese Tag 13 Du… dr Willy zahlt….. Chume au….. Entlassung Wehrpflicht Wenn si z’Bauschtu Militär düe entloh Wott d’Esther Gassler när is Pintli goh Au dr Kreiskommandant wirsch dört sicher gseh Wil dört wartet dr Willy mit em dicke Portemonnaie Cha ig mitfahre? Olte S’Fundbüro cha dieä letschti Rettig si Duet dir öpis fähle, lueg doch dört verbi Dr Oltner Stadtpräsidänt duet dört täglich stoh Und frogt isch ächt jetz üses Budget führecho? Bo Katzman Chor D’Situaton dieä isch sehr verzwickt Dr Bo Katzman het si Choor i d’Wüeschti gschickt Cha nid begriffe, was är am Choor schlächt het gfunge Dieä hei jo fasch gratis sis Katzegjammer übersunge Luftwaffe Über dä Grippen, chöi mir gli abstimme Öb dä söll, dr Schwizer Himmu erklimme Hoffe der Bundesrot duet üs nid belüge Und dä cha au usserhalb, vo Bürozite flüge 14 Alice Schwarzer „Was zu beweisen war“ chönnt me do doziere D’Alice Schwarzer duet schwarzi Konti füehre Sit dr Affäre Hildebrand weiss me das doch scho Emanze sötte d’Finger vo Finanzgschäfter loh Was dr Uli Hoeness cha, das cha ig scho lang Vieli Emanze hei e Wuet im Ranze Wil z’viel Manne vor ihrne Nase tanze Drum het sich d‘Alice Schwarzer is Züg gleit wie no nieh Mir Fraue hei au es Rächt zum Stüüre hingerzieh Buswändeplatz Statt dass me ihn vo afang a hinger Schloss und Riegel het do Het dä Carlos uf Staatschöschte Thai-Box-Training übercho Z’Matzedorf wär das nieä passiert, es wär ihm gange bös a Chrage Mir düe do sogar Schüeler, uf em Pauseplatz ihage Guantanamo (Guantanamera, Kubanisches Volkslied) Sie düe e neue Wändeplatz gstalte Dass dr Bus ar Rehgass cha halte E grossi Flächi duet das raube Dr halb Schuelplatz muess dra glaube Und de alles neu asphaltiere Zum Schluss e Haag drum montiere Dr Barrack Obama het beschlosse Gli wird Guantanamo gschlosse Doch er het bis jetzt nid reagiert Het dört gäng no Terrorischte inhaftiert Er duet e Alternative erblicke Chönnt dieä uf Matzedorf schicke Guantanamo, s’gseht us wieä Guantanamo Guantanamo, nöchscht Halt in Guantanamo Guantanamo, mir hei es Guantanamo Terrorischte chöi cho, i üses Guantanomo Duet dis Ching is Alter cho Wos i dieä erschti Klass muess go D’Schuel duet de informiere Düe nüm ischuele sondern interniere wenn d’Ching am Morge duss gsehsch stoh denn hei sie Hofgang becho Guantanamo, statt Schuel heisst‘s Guantanamo Guantanamo, i’züünt wieä Guantanamo 15 Schlusslied (Guantanamera, Kubanisches Volkslied) Üses Programm isch jetz verbi Hoffe heit Freud gha derbi Hei üs Müeh gäh wie ne moore Löht üs nid ir Höll loh schmoore Blibet no do, göht nid hei Das wärs gsi mit dr SCHLIIMSCHIISEREI Saragossa, Madrid, Barcelona Guadalajara e Pamplona Havanna, Buenos Aires, Costa Brava Tijuana, Palma de Mallorca Mexico City, Guayaquil Alicante e Herbetswil !! Schliimschisserei, sit 20 Johr Schliimschisserei Schliimschisserei, 20 Johr Schliimschisserei Schissisch Schliim deheim, de hesch e schiss Sauerei Schissisch Schliim deheim, de hesch e Schliimschisserei Texte: © Thomas Kurt @ FAKO Schliimschiisser Matzendorf www.schliimschiisser.ch Melodie Verse: Schorsch vom Hafebeggi II Stroossewischer Lieder: Polo Hofer, Letschte Tram Spider Murphy Gang, Skandal im Sperrbezirk Die Toten Hosen, Tage wie diese Matthias Reim, Verdammt ich lieb dich Hazzy Osterwald, Der Fahrstuhl nach oben ist besetzt Peter Reber, Hippigspängschtli Fliegerlied Guantanamera, Kubanisches Volkslied 16
© Copyright 2024 ExpyDoc
